鴻啤啤串燒 (已結業)

發現金巴利道有間唔太起眼嘅串燒店，喺著名嘅「三角公廁」附近😆 望一望入去店內嘅裝修氣氛都唔錯bor～ 就試一試吓佢啦！ 店內嘅裝修明顯用心設計過，幽暗嘅燈光配合一系列嘅霓虹燈裝飾，牆身嘅香港風景油畫，水吧位置悉心排列嘅酒品，幾好feel👍🏻飲品種類都好多，酒品有啤酒、生啤、紅白酒同埋Sake選擇👍🏻 啱曬同friend子嚟飲杯酒chill住食燒烤🤩============ヽ(○´∀`)ﾉ♪🐮燒特級牛舌芯 $69/份 ⭐️推薦🫶🏻🐟一夜干馬友（時價）$238/條 ⭐️推薦🫶🏻🍆秘製黄金香蒜茄子皇 $48/份 ⭐️推薦🫶🏻🥬燒蒜芯 $25/串 ⭐️推薦🫶🏻🐷秘製燒豬頸肉 $68/份🍝蟹柳麻醬手打烏冬 $32/碗🥓煙肉荔枝卷 $35/串🍺Suntory-The premium Malts $68/500ml============ヽ(○´∀`)ﾉ♪呢度嘅燒烤寫明係生燒燒法，燒烤嘅時間比較長，落完Order就同friend子飲住啤酒🍻慢慢等～杯生啤 500ml巨大杯😂 都只係$68，又係好抵飲🤩============ヽ(○´∀`)ﾉ♪特別介紹吓推薦嘅嘢食先🤩燒特級牛舌芯 - 必食！勁好食，厚切嘅牛舌芯，咬落去爽彈軟嫩，好Juicy～一夜干馬友 - 最近愛上食一夜干，呢度條魚好大條🤩 略嫌好多細骨要小心啲慢慢食，魚肉質地都軟嫩亦唔會好鹹，側邊魚骨位燒得脆可以食埋😋 餸酒一流👍🏻秘製黄金香蒜茄子皇 - 必食！巨大條茄子皇😂 $48好抵食！ 黃金香蒜非常之香，茄子亦燒到好淋好多汁，正👍🏻燒蒜芯 - 加咗子孜粉，蒜芯好嫩又甜～ 好好味😋另外如果必定要食主食嘅朋友不仿試吓🍝蟹柳麻醬手打烏冬，手打烏冬好滑，加咗蟹柳麻醬嘅呢個凍食法，唔錯👍🏻…查看更多

放工想同朋友傾下計啤啤佢，又食唔到太多野，最啱去食串燒chill下😛 金巴利道咁多餐廳，經過就試下呢間串燒小店，好有地道嘅感覺～枝裝啤酒都係$30起，超抵😱飲多幾枝都唔怕🤣 配埋枝豆，好似去左日本居酒屋咁😆秘製黃金香蒜茄子皇($48)燒茄子係串燒必點!! 呢到用左超多蔥蒜，香味溶入晒啲茄子肉到，超級惹味🤤 茄子燒到好淋，入口即溶嘅感覺! 👍🏻鹽燒盲曹(時價)條魚用錫紙包住燒，鎖住晒啲肉汁，唔會燒到乾晒，食到魚肉好新鮮，加埋檸檬汁就更加清新😛秘製燒豬頸肉($65)豬頸肉燒到外層微脆，入面仲keep到個肉質彈牙，加埋個秘製醬汁，超惹味，送酒一流😝 野食份量都好大，呢個價錢黎講真係好高性價比😳 小店要多多支持👍🏻…查看更多

呢期天氣開始凍，都想食啲熱辣辣嘅嘢，呢日又黎食串燒🌝串燒店都有個好靚嘅bar枱，有好多酒可以揀嚟配串燒食👌🏻可惜要揸車，所以冇叫酒飲😌🍆麻辣川香肉碎茄子皇 $58 🌟必試一上菜時我哋就比佢哋的份量嚇親，係平時份量嘅兩三倍，十分抵食👍🏻茄子表面鋪滿肉碎同用左麻辣花椒油調味，非常惹味😍👍🏻好邪惡呀，但好食👍🏻🍗燒豬頸肉 $65 🌟必試比想像中大份，燒得好惹味，表面有少少脆脆地，啖啖肉好正👍🏻🐟燒白鱔 $68肉質鮮嫩，咬落去有少少爆汁，好juicy!🍖燒牛舌芯 $68份量都幾多，味道香口，但有少少韌，有幾塊咬唔開。🐓雞心、雞軟骨、雞皮雞皮燒得脆脆地，好香口；內臟方面都正常發揮，唔會食到唔新鮮嘅味道👌🏻🥦蒜蓉焗西蘭花 $58蒜蓉都焗得好入味👍🏻合格整體來講，依間串燒單價來講都唔算平，但份量偏大，都算抵食。環境裝修就有少少港式風格的bar咁，都算坐得舒服。上菜速度偏慢，但如果係約朋友一路傾偈一路食應該都還好👍🏻…查看更多

喺香港有吾少串燒店，本身自己都幾中意食串燒，同朋友一路食一串串一路chill嘅氣氛真心好正，所以有時都會食吓。最近尖沙咀金巴利道原來都新開咗間串燒店，系前排去開戈頭食韓國野所以知道，新開嘅串燒店叫「鴻啤啤」，吾系熊啤啤😂🐻諗到老闆可能個名有個鴻字。雖然系串燒店，入面嘅環境都做到十分型格，吾知仲以為去咗間酒吧😆餐廳可以用手機同埋紙張落單，手機嘅話有圖片參考，用紙張都冇話吾得，如果真系order錯野要補救會容易啲。餐廳好慷慨咁送咗鮑魚比我地😍超開心。鮑魚口感向來偏向結實，但勝在就算系平時食蒸氣海鮮鍋定系燒嘅鮑魚多數都做到好新鮮，蒸氣海鮮鍋戈種水份會多啲，燒呢種就相對香口。平時喺居酒屋都會食到雞泡魚乾，喺串燒店好多時都有得食，一條條雞泡魚乾本身味道帶甜，但質感都硬身🙊點埋沙律醬都好食嘅。原本叫燒櫻花蝦芥末香腸，可惜店員話賣曬🙈轉咗飛魚卵子魚腸。味道都好正，食到勁多飛魚子，吱吱聲咁好爽口，平時喺日本餐廳/ 迴轉壽司店先多食到飛魚子，燒飛魚子魚腸真系另一種享受。茄子都系好多間串燒店都有嘅菜式，有香蒜、川香同埋芝士蟹柳味，同朋友叫咗香蒜味，茄子真系超級大條！蒜蓉味好香，配好多中式嘅菜式都match到。金菇肥牛卷又系一道經典菜式，肥牛嘅部分都好食，金菇就燒得窿咗啲，所以食落口苦苦哋。熊本一口和牛粒真心好食，睇吾到條紋都知脂肪分佈均勻，和牛粒系真系吾同啲，牛肉味勁香濃同埋真系有入口即溶嘅感覺，有啲部分甚至好軟稔，肉汁豐富。燒豬頸肉咁吸引吾可以吾試啦😁份量又幾多喎，口感好帶嚼勁，豬頸肉真系不論喺泰國餐廳定港式串燒店都系咁受歡迎呀。燒嘅味道十分明顯，有埋甜酸醬更加滋味。呢度竟然系有燒饅頭，我同朋友都不約而同話想叫，只系味道同想像中嘅吾太一樣🙈🙊比較期待嘅系好似喺酒樓食戈種炸饅頭會脆脆哋，串燒店食呢種系淋啲，都不失香甜。…查看更多

今日同fd 行街經過呢間鋪，突然串燒癮起，又肚餓，見佢名咁cute,就入左去試下啦首先未食都值得一讚既就是老闆同店員都好有禮貌好nice，而且又用QR Code 電子落單，好環保2個女仔總共叫左10樣野1️⃣ 熊本一口和牛粒 🐮🐮HKD 65平時已經係牛迷既我，對呢個和牛粒好期待，和牛粒色澤好靚，聞落好香，橫切面粉嫩，食落充滿油香肉汁，熟度對我黎講好完美，完全唔會韌，肉味濃郁，鹹度適中，好正！2️⃣ 錫紙花蛤HKD 58花蛤份量不少，黎到已經香噴噴，湯底係清湯底加小小蒜蓉，飲落好鮮味，好似濃縮既精華甘，花蛤大細適中，食落完全唔會有過熟而縮水既問題，肥肥白白又juicy3️⃣ 燒雞軟骨🐥🍖HKD 26 / 2 鍾意食脆口野既我當然唔會錯過雞軟骨，性價比好高，30蚊唔使就有兩串，食落脆卜卜又帶有油香，好快又食曬一串4️⃣燒流浮山生蠔 （兩只起）🦪🦪HKD 25 / 1生蠔幾大隻，好肥美，上面有小小蒜蓉調味，食落好新鮮5️⃣芝士黑松露巨菇🍄HKD 58 巨菇果然無改錯名，黎到啡菇已經好貼心甘分開左4份，上面有滿滿芝士同埋黑松露，食落唔會乾，好多汁，食落唔會太濃味，濃郁中又有點清新6️⃣秘製燒豬頸肉🐷🐖HKD 65豬頸肉黎到好大份，大大碟，性價比極高，咬落好爽滑彈牙，惹味得黎又有啲焦香，好軟滑好好食7️⃣蒜蓉焗金針菇HKD 38 金針菇份量好多，上面有大量蒜蓉同香蔥，成件事好滿足，感覺上食串燒都補番啲蔬菜量健康啲8️⃣燒火雞腎HKD 25 / 串火雞腎一串有三大件，黎到好香孜然味，好有咬口，不過整體會比較濃味，但配可樂就會啱啱好9️⃣秘製黃金香蒜茄子皇🍆🍆HKD 42 燒茄子係我一向係串燒店必食既菜式，上面既蒜蓉完全俾得一啲都唔吝嗇，食落軟綿綿既口感加超濃蒜味，真係一個字“正” ，食完一啖又一啖🔟燒鮑魚 HKD 48 / 1 燒鮑魚調味比較清淡，食落唔會韌，有咬口，都唔錯總結，雖然餐廳不大，但裝修清新舒服，播住音樂感覺好chill…查看更多