鮨福助 (已結業)

此店係openrice 既評價還不錯, 所以特登走黎試下眼看店內環境以木製裝潢為主, 簡單整潔午餐有好多選擇, 最後選左"福助精選壽司定食10件"定食($200)------午市定食包括小碗、茶碗蒸、沙律、麵豉湯同甜品食後感:小碗、茶碗蒸(蛋滑夠味)、沙律(沙律新鮮)、麵豉湯同甜品(甜品咖啡果凍, 味道偏苦) 味道全部正常, 無太大驚喜而10件壽司(吞拿魚腩,吞拿魚, 甜蝦, 海膽, 帶子, 蔥吞拿魚, 金目鯛....)都係屬正常味道，亦無特別正既感覺魚生尚算新鮮而唔會腥, 但魚片偏乾身......吞拿魚腩帶點筋--口感差左, 有點失望總結:不用特別試…查看更多

繼續壽司之旅，本站來到鮨福助！環境地點鮨福助在cwb澳門逸園中心11樓，地點非常便利！餐廳環境也十分整潔雅緻，非常適合讓人悠閒洽意的品味精美的日式料理！座位設有一般雅座及壽司吧台，我雖然選坐了壽司吧台，可惜點餐後也是一整盤10貫壽司一次上，跟每件即製即食，新鮮度很有差呢…食物品評午餐 - 福助精選壽司定食10件 ($200 + 10%)午市定食包括小碗、茶碗蒸、沙律、麵豉湯及甜品小碗、茶碗蒸及沙律三款前菜都不錯吃，沙律不用說是用上新鮮菜蔬，伴以柚子醋作dressing，清爽開胃；小碗是用柴魚湯煮過的時蔬，味道不過不失；而蒸蛋則非常軟滑可口，充滿香菇味！蒸蛋用料很多，但有銀杏(白果)則不是人人喜歡吧！福助精選壽司定食10件整體來說10件壽司都不錯吃，但新鮮度和質量只算可以；魚生片溫度適中，醬油有細分為壽司專用及刺身專用，感覺專業；壽司飯軟硬適中，不會夾散，很可口！繼續，上圖片！------------------------------麵豉湯這個湯不知是以什麼材料熬煮的，湯頭充滿浮油，味道也有點苦，較不喜歡…柚子啫喱口味特別，較甜，吃著感覺清爽！總括來說，鮨福助的地點、環境及服務都很不錯，午市定食價位合理、質量也不錯，蠻推介和朋友來一起吃個悠閒午餐的！…查看更多

1月1日, 2O12年首食評兼第8OO篇!喺新嘅一年, 當然想食個好d嘅開年飯慶祝一下啦! 首要就要搵d我地最喜愛嘅美食作題材~ 知道喺1月1日, 亦即係日本嘅新年, 有好多嘅日本餐廳都會提供新年嘅御節料理或者special menu供人客享用~ 不過我地太遲訂位, 好多都已經full咗… 結果搵到呢間雖然冇咩special menu不過都有我地想食嘅野, 一於就以呢度食我地嘅開年飯啦!::: 福助什錦魚生飯定食 ::: $280叫一個set就有包括前菜、 茶碗蒸、 沙律、麵豉湯同甜品, 有晒基本嘅野, 已經好豐富~ 前菜係海藻加埋一d瓜類嘅野, 凍凍地好清新, 海藻好爽口, 唔錯~ 沙律係薯仔茸加上沙律菜同粟米, 配埋沙律醬同車厘茄, 沙律菜幾新鮮, 嗰pat薯仔茸都幾係精髓! 不過沙律醬如果用日式嘅芝麻醬或者柚子汁應該會更好~ 茶碗蒸係一貫貨色, 有銀杏、 冬菇同魚蛋喺入面, 味道唔算突出, 不過食完成個人胃口都開晒~ 麵豉湯味道偏淡, 可能係自家製貨, 同出面味道唔同~嚟呢度應該就一定要叫呢個數量限定嘅魚生飯, 好多枱都有叫~ 話就話限定, 其實應該都幾充足嘅~ 呢個以點名命名嘅魚生飯賣相非常大堆頭~ 材料足足有十多款, 鋪滿晒係會飯度, 成朵顏色七彩鮮艷嘅花咁, 飯呢完全不見天日, 要就咁筆d飯嚟食真係有難度~ 真係賣相一流, 但要食飯就真係有d難度, 唯有先夾開晒d餸先… 侍應亦好細心地比多一隻碟我地將魚生夾出. 數一數魚生, 基本嘅吞拿魚、 三文魚、 甜蝦、 帶子、 海鰻、 甜蛋都有齊, 仲有d我地成日都有食但係都唔太分得出嘅, 應該係劍魚、 池魚同章紅魚, 而驚喜嘅係魚子同海膽, 份量竟然幾多下~經店員介紹, 原來點魚生同點壽司嘅豉油都有唔同~ 點魚生就用鹹d嗰隻. 其實如果魚生新鮮, 唔需要點任何野品嚐原味就最好啦~ 睇色澤就每款魚生都好似幾新鮮, 食落味道亦成正比~ 新鮮肥美、清甜可口已經可以形容晒~ 尤其以甜蝦、 帶子、 海膽最為突出! 要數比較差嘅唯有係個甜蛋, 太老亦都太乾… 飯嘅酸度剛好, 好唔鍾意食日本飯被d酷味蓋住晒, 得個酸字, 呢個唔會過酸之餘仲食到米飯嘅香甜味, 唔錯~整個定食嘅份量, 一個女仔應該食唔晒, 因為我見隔離枱2個女仔都各自叫咗一客, 而佢地都只係食得晒d魚生, 飯就剩低一半, 建議share嚟食會好d~::: 福助精選壽司定食10件 ::: $185呢個壽司定食份量就可以抵銷番個勁足料嘅魚生飯~ 壽司係師傅決定嘅, 冇得揀, 嚟乜食乜. 嚟到嘅壽司其實同個什錦魚生飯有d係一樣, 不過壽司魚生好似仲厚d~ 味道唔再多講, 因為同魚生飯嗰d一樣, 都係好鮮味嘅~ 想講較為唔同嘅係壽司飯比較實同硬, 而又冇咁酸~ 所以原來食魚生飯同食壽司都有分別~食晒個主食再上埋甜品, 係檸檬柚子雪芭, 好夠凍亦都好夠酸, 味蕾頓時清新番晒~不過雪芭好似西式咗d, 如果有紅豆湯或者湯丸就更有新年氣氛~2O12年有個唔錯嘅開始, 食物質素高~ 有十分美味嘅魚生加上又係我地都好喜愛嘅日本菜! 不過彈少少係侍應數量唔多, 好難先叫到人~ 坐位亦都比較似係港式日本居酒屋嗰d格局, 多番d日本風格會好d.…查看更多