鮨宏

#MC帶你去北角.應該係同區最高質嘅廚師發辦（Omakase），環境舒適且較清靜，慶祝生日週年紀念約會之選。➖➖➖➖➖➖➖➖➖➖➖➖➖➖➖✨ 鮨宏.「鮨宏」採用傳統和風簡約設計，柔和色調配以半開放式的座位設計，充滿日本風味。而且，座位只有10個，環境舒適且較清靜，可以欣賞師傅料理手法，又可與師傅互動暢聊，氛圍感極佳。➖➖➖➖➖➖➖➖➖➖➖➖➖➖➖🥢 宏‧廚師發辦｜$1,800/人.以時令食材炮製盛宴，當中晚市「宏」廚師發辦最為豐富，有23道菜色，包含前菜、刺身、壽司、熱食、玉子燒、湯和甜品！亦因為當月時令食材會有所不同，因此沒有指定食物。➖➖➖➖➖➖➖➖➖➖➖➖➖➖➖🥢 平政魚刺身.平政魚肉質鮮甜爽彈，口感清甜帶油香，但油份唔會過膩，鮮味、酸度和甜度都十分平均。➖➖➖➖➖➖➖➖➖➖➖➖➖➖➖🥢 華漣生蠔 ✨新鮮當造✨.蠔味清新，海水味偏淡，肉質結實而且肥美，食落爽口清甜。➖➖➖➖➖➖➖➖➖➖➖➖➖➖➖🥢 松葉蟹肉 ✨新鮮當造✨.蒸熟拆肉後，連同蟹殼一起完整送上。一絲絲蟹肉與蟹膏煮成嘅汁撈勻一齊食，啖啖蟹肉，味道清甜，好幸福！➖➖➖➖➖➖➖➖➖➖➖➖➖➖➖🥢 北海道象拔蚌刺身 ✨新鮮當造✨.象拔蚌厚度十足，口感滑溜爽脆，非常新鮮！➖➖➖➖➖➖➖➖➖➖➖➖➖➖➖🥢 櫻煮八爪魚 ✨招牌菜色✨.櫻煮八爪魚烹調耗時最長，需要以慢煮嘅方式烹製，最能食得出師傅嘅專業及功夫。八爪魚先經按摩一個鐘，再配以清酒、茶葉、蔬菜慢煮三個鐘。口感軟腍煙韌，又不失咬口，味道清香，絕對係誠意之作。➖➖➖➖➖➖➖➖➖➖➖➖➖➖➖🥢 即燒鰻魚.師傅用上多重工序處理鰻魚，食落無腥味、無泥味，口感十分酥脆，咬落柔嫩嘅去骨魚肉，不得之了！➖➖➖➖➖➖➖➖➖➖➖➖➖➖➖🥢 鯛魚白子.有別於坊間一般煮法，師傅特意以天婦羅形式烹調白子。意料之外，好特別嘅口味，外層酥脆香口，內裡白子口感綿密柔滑，非常creamy，撒上海苔粉，簡單調味已經好惹味。➖➖➖➖➖➖➖➖➖➖➖➖➖➖➖🥢 鮟鱇魚肝 ✨招牌菜色✨.以古法蒸製方式而成，口感軟腍豐腴，油脂柔嫩香醇，再配以用小麥而成嘅麵豉，非常契合。➖➖➖➖➖➖➖➖➖➖➖➖➖➖➖🥢 磯煮鮑魚.鮑魚經過慢火炆煮，肉質柔嫩口感鮮甜，配以鮑魚干醬撈勻醋飯，飯粒吸收鮑魚嘅精華，整體味道香味濃郁，滋味非常出眾。➖➖➖➖➖➖➖➖➖➖➖➖➖➖➖🥢 茶碗蒸.茶碗蒸口感細嫩滑溜，而且有多款海鮮配料，包括有海膽、三文魚籽和帶子，表面平平無奇，內裡用料十足。➖➖➖➖➖➖➖➖➖➖➖➖➖➖➖🥢 壽司.師傅即席準備八款精選時令壽司，包括有左口魚、活赤貝、深海池魚、牡丹蝦、活帶子、吞拿魚赤身、中拖羅以及大拖羅，全部都好新鮮肥美！.1️⃣ 左口魚︰魚肉結實肥美，鮮味甘香2️⃣ 活赤貝︰鮮甜爽脆，鮮味十足。3️⃣ 深海池魚︰清爽口感帶微微油脂香4️⃣ 活帶子︰𠝹花帶子，味道鮮甜5️⃣ 牡丹蝦︰配上濃味蝦膏，肥美鮮甜6️⃣ 赤身豉油漬︰肉質油潤軟滑，魚味濃郁甘香7️⃣ 中拖羅︰赤身同中拖羅之間嘅魚肉,油脂均衡8️⃣ 大拖羅︰魚油感好濃厚，肥而不膩.➖➖➖➖➖➖➖➖➖➖➖➖➖➖➖🥢 海膽熱狗.超級慷慨嘅海膽份量！馬糞海膽味道鮮甜，口感細膩軟滑，入口即溶好Creamy，超級滿足。➖➖➖➖➖➖➖➖➖➖➖➖➖➖➖🥢 玉子燒.玉子燒口感鬆軟柔嫩，蛋香濃厚，滋味滿分。 ➖➖➖➖➖➖➖➖➖➖➖➖➖➖➖🥢 海帶魚湯.海帶魚湯代替了熟悉嘅麵豉湯，而且魚湯內配有稻庭烏冬，非常有心。➖➖➖➖➖➖➖➖➖➖➖➖➖➖➖🥢 精緻甜品.最後，一次過送上三款甜品（蜜瓜、芝士蛋糕、香橙果凍）作為總結，甜而不膩，十分滿足。三款甜品中，香橙果凍最為特別，口感彈牙嘅橙肉果凍，香甜帶有淡淡果酸，清甜又開胃，去油解膩！➖➖➖➖➖➖➖➖➖➖➖➖➖➖➖🥢 水果酒.除咗一般燒酒、清酒外，師傅亦有自家釀製果酒，口味有八香果、菠蘿、士多啤梨及梅酒。➖➖➖➖➖➖➖➖➖➖➖➖➖➖➖🥢 餐前小菜.餐前會附上三款日式地道小菜，清新又開胃。➖➖➖➖➖➖➖➖➖➖➖➖➖➖➖…查看更多

最近工作忙,成日都想食好嘢慰勞下自己~今日去咗北角一間好有溫度嘅omakase🔪~除咗食咗好多師傅精選嘅靚海產,仲了解咗佢哋背後嘅巧思💭~頭盤係華漣生蠔🦪,係時令最靚嘅蠔~比較爽身,海水味唔重比較甜,配少少酸汁已經好好食😋😋~然後有kanpachi,雖然係白身魚,但食落口都係好肥美~不過食落又有少少柑橘味咁🍊,好清新~然後又食咗虎河豚白子🐡,真係我第一次食白子!樣子睇落好似燒棉花糖咁🍡,食落口亦非常軟綿綿~佢嘅皮帶有特別嘅香味,加埋少少鹽燒就已經好好食🧂~另外,仲有金鯛松立燒🔥,肉質嫩滑~但個皮燒到好脆,啲魚鱗仲一塊塊咁立起,所有咁特別嘅形態🤩~而另一樣好特別嘅食材就係鮟鱇魚肝🐟~嚟到季節尾嘅時候,因為比較多膏,就呈現帶橙色嘅形態🧡~佢嘅口感有如雪糕咁軟滑🍦,但又好香濃~因為食太多會滯,所以小小一片,享受佢嘅豐腴口感已經好足夠💯~壽司部份有深海大池魚,赤貝,梭子魚等🍣~佢嘅火炙金目鯛有火炙嘅焦香,肉質比較爽🐠~師傅亦安排咗赤身豉油漬,估唔到咁軟滑,入口即溶~而用豉油漬仲令佢可以保持鮮紅色澤,唔怕氧化👍~跟住係赤身同中拖羅之間嘅肉,唔係太重油份~但嫩滑程度實在係用舌尖一壓即化👅!最後係好靚嘅黃膽同埋更高級嘅食昆布大嘅海膽~向來覺得海膽腥嘅我,第一次感受到海膽原來係咁甜美😍😍😍!呢個omakase食到嘅品項實在太多~而師傅嘅介紹令我對日本海產有更多認知🥰~佢仲會自家製啲水果酒,尋晚就俾我哋試咗百香果同柑桔酒🥃~仲不藏私咁話我哋知點整~我就比較喜歡甜嘅百香果酒🍋‍,亦係師傅新研發嘅~同埋呢間店實在好有溫度🌡~因為一般omakase都係廚師決定食咩,最多避開你唔食嘅~但呢度嘅師傅係會因應你喜歡食咩,而推介俾你食😋~呢晚座上有位熟客,師傅就會為佢特別安排佢喜歡嘅❤️~但就算唔係熟客,只要訂位時話俾師傅知📲~你鍾意食肥美嘅定係瘦身嘅,師傅都會精心為你安排~咁好嘅嘢食,又學到咁多嘢,攪到我好想快啲再嚟食過😋~…查看更多

🇭🇰鮨宏·宏$1,800我地近排返工超忙 所以好耐冇出post啦🙈🙈呢間係前排同朋友仔食既 我自己覺得佢啲料理真係幾好味 魚生都新鮮🤤🤤·先付 l お造り l 一品料理 l 茶碗蒸し首先第一個小食係一個公魚甘露煮 佢係炸咗嘅小魚仔咁 好香 好惹味🐟之後個北海道鰤魚刺身都好肥美😎個香霜蟹都好多蟹肉蟹膏🦀之後佢個長崎生蠔都好新鮮 配埋個酸汁啫喱幾好味🦪之後個櫻煮八爪魚我自己好鍾意 佢係好淋 好軟熟 超正🐙😍之後個鮟鱇魚乾都超級好食 佢係用左清酒黎煮 肥美得黎唔會話太漏 配埋佢上面嗰個小麥嘅味噌超級好食🍶🤤🤤最後個磯煮鮑魚都唔錯 佢個鮑魚本身好腍滑 配埋個鮑魚干醬唔錯😌😌之後佢個茶碗蒸入邊係超多料 面頭嘅海膽都好好食😋·壽司之後佢所有壽司都幾新鮮1️⃣佢個間白魚好爽口2️⃣活赤貝質感都好好3️⃣之後既深海大池魚都肥美既4️⃣平政魚都幾甜5️⃣反而個活帶子無我想像中咁甜6️⃣不過之後個赤身幾好食7️⃣個大拖配埋啲淡雪鹽超級肥美8️⃣之後就係我最鍾意嘅北海道海膽 佢啲海膽比嘅份量超級慷慨 而且好甜 超級好食 如果有得食兩粒就好😈🤤🤤·吸い物 l デザート最後佢就有個魚湯俾你清清個口🐟之後有個好似雞蛋布甸嘅玉子燒 甜甜地咁 幾好食🍮最後仲有個佢地自家製嘅甜品拼盤 佢個蘋果芝士蛋糕入邊係真係有蘋果粒 幾得意🍎之後個橙啫喱都唔錯🍊最後個宇治抹茶mousse都幾好食 抹茶味好濃 而且下邊個奶凍質感好好 我地食到超級飽🍵·#rbyeat#rby日本菜 #rbyomakase #rbycelebrations#rby北角 #rby炮台山·📍北角渣華道8號威邦商業中心地下13號舖…查看更多

🥰 今日 “皇太后” 微服出巡, 嚟到北角嘅 “鮨宏”. 餐廳設一張 L型壽司吧枱, 午餐一款, $880, 包括四款刺身, 三款熟食, 九款壽司, 湯, 茶碗蒸, 甜品, “馮師傅” 主理.📖 聽講 “馮師傅” 以前喺元朗名店 “鮨美澄” 工作, 唔少舊客慕名而來.🥗 前菜: 蕃茄, 山形縣🐟 刺身池魚, 九州蠔, 仙鳳趾, 北海道 鰤魚毛蟹🦑 熟食櫻煮八爪魚磯煮鮑魚牛小排🥣 燉魚湯🍥 茶碗蒸🍣 壽司真鯛赤貝金目鯛帶子甜蝦吞拿魚背大拖羅海膽玉子燒🍧 甜品🦴 小食: 鰻魚骨. 脆!🥗 前菜: 蕃茄, 山形縣, 配梅酒啫喱. 蕃茄新鮮, 帶甜, 唔酸.🐟 池魚, 九州. 略嫌平凡.🦪 蠔, 仙鳳趾, 北海道. 相對厚肉, 半生熟, 麵豉醬調味, 不俗!🐟 鰤魚, 配芽蔥. 一般般.🦑 櫻煮八爪魚. 鎮店菜式, 用茶葉水果慢煮, 夠腍, 入味.🦀 毛蟹. 撈蟹羔, 鮮甜, 出色!🥣 燉魚湯. 燉湯好處係保持熱度, 但冇咁出味.🐚 磯煮鮑魚. 鎮店菜式, 用新鮮鮑魚, 夠腍, 入味. 鮑汁肝醬撈飯食, 一流!🍣 壽司環節…🐟 真鯛. 淡麗, 煙韌.🐚 赤貝. 新鮮, 爽口. 🐟 金目鯛. 炙燒表皮, 迫出油份.🍥 茶碗蒸. 熱辣辣, 味道啱啱好.🐚 北海道活帶子. 鮮甜, 口感澎湃.🦐 甜蝦. 膠口, 不俗.🐟 吞拿魚背, 醬油漬. 我鍾意醬油味.🐂 牛小排. 烤香, 牛味濃, 有咬口, 又唔靭喎. 驚喜之一.🐟 大拖羅. 超級肥美, 但肉質唔夠實淨.🥰 札幌赤海膽, 拼北海道黃海膽. 第一次食兩溝, 鮮甜, 忌廉口感, 十個讚!🍮 玉子燒. 食材包括芋頭, 魚肉, 冇麵粉, 有趣. 食落陣陣蛋香, 軟熟.🍨 甜品: 橙味啫喱, 芝士蛋糕, 蜜瓜. 師傅對甜品甚有研究, 誠意之作. 另外, 師傅切出圓形蜜瓜皮作裝飾, 皇太后對刀功讚口不絕.🤗 總結: 食物非常豐富, 刺身表現一般, 熟食出色, 櫻煮八爪魚同磯煮鮑魚屬鎮店菜色, 水準穩定, 初試牛小排, 充滿驚喜. 師傅主動交流, 用餐節奏舒適, 皇太后十分滿意.…查看更多

說來有趣，這棟商廈我每星期都來，但都沒有留意到這裡有一間omakase，直到朋友說這裡的廚師發辦很有特色，我才第一次來，主廚馮師傅認為除了食材的新鮮，料理的獨特性也很重要，所以這裡的套餐很多都令人印象深刻，要性價比的話，午餐最便宜喔。🔹三文魚籽凍第一道菜是賣相小巧精緻的的三文魚籽凍，上面有鮮味滿滿的蟹肉，一口吃下去完全能感受到海鮮的鮮味呢。🔹水雲這個沖繩水雲有醋調味，配合加了木魚水的鰹魚湯底，味道酸酸甜甜，很開胃又有爽口～刺身🔹鰆魚 🔹象拔蚌 刺身第一道讓大家味蕾慢慢調整，將鰆魚的面層燒到金黃逼出油份，瞬間聞到好香煙燻味，入口飽滿卻不肥；至於我最愛的象拔蚌是北海道產，把紫蘇花灑上去一起吃最後再加點鹽，完全感受到它的爽和實在，紫蘇花濃郁大加分，wasabi加鹽這個組合很能帶出象拔蚌的鮮，推薦！🔹鮟鱇魚肝來自鳥取縣的鮟鱇魚肝用慢煮的方法製作，慢煮的湯底用了昆布蔬菜，入口的時候口感像吃芝士蛋糕般，卻有魚的微鹹．很好吃～🔹蠔這裡的蠔食法特別，將新鮮飽滿的瀨戶蠔加上麵豉醬燒到五成熟，入口的時候醬料甜甜的很開胃，加上蠔海水味十足，入口爆汁！🔹八爪魚（招牌）席上很多人都是多次到訪，大家都很了解這是店的招牌菜是式，這道櫻煮八爪魚製作步驟繁複，之前需要為八爪魚進行多小時的按摩，之後再用蘋果和茶葉做湯底用來煮它，上桌的時候八爪魚已經非常鯰，飽滿的口感就像豬肉般，最後喝清澈甘甜湯，真的令人眼前一亮。🔹磯煮鮑魚這道鮑魚賣相可愛，原來上面的金蓮葉不只是裝飾，先吃甜甜的磯煮鮑魚，然後把鮑魚汁和壽司飯一起吃，最後吃有著wasabi功效的金蓮葉，反而有種清新的感覺，鮑魚汁的濃郁味道被拉平了。🔹櫻花蝦茶碗蒸櫻花蝦的強烈鮮味讓茶碗蒸味道更豐富，這個蛋蒸得很透徹到位，也剛好做到中場休息的功效，暖暖胃。壽司🔹真鯛　🔹赤貝真鯛魚肉剔透，沒有腥味，如口棉滑同時感受到柔和的豐腴感；爽口彈牙的赤貝向來都是我最愛，這個加了酸柑汁，很清新，口感都更鮮明！🔹紫菜牙帶魚天婦羅這是我另一道眼睛發亮的菜式，牙帶魚用天婦羅的製作方法，出面包著脆脆紫菜，入口完全是薯片般脆，牙帶魚好粉同時又脆，加上調味剛剛好，可以的話我還真的是想吃多一件！🔹鰤魚 🔹活帶子🔹甜蝦鰤魚呈粉紅色代表是當造時期，入口油脂慢慢滲透出來，加上wasabi吃很搭配,下面的壽司飯調味了，吃起來就更方便；至於活帶子師傅特別切割成花形讓味道更突出，吃之前他即席刮岩鹽去吊味，確實讓帶子變得更甜，最後加點青檸，爽口感都出來了。🔹拖羅 拖羅一般都是肥美油脂豐富，這都不例外，不過市府上面加了不會太鹹或太搶鏡的米紙鹽，讓你更能品嚐拖羅入口即溶的質感。🔹海膽為了讓入口的口感更有層次，師傅特別用了兩種海膽放在脆脆的紫菜中，一口吃下去完全感受到海膽的飽滿鮮甜，我喜歡下面有少少壽司飯輔助，味道更豐富。🔹玉子燒師傅即場製作玉子燒，讓你看到如何製作一層又一層的玉子燒，蛋漿加了鰹魚汁讓但甜中帶一點鮮味，它的甜味特別突出，口感鬆軟，好有層次！甜品:🔹日本蘋果蛋糕 🔹日本咖啡凍  🔹橙果凍這個omakase其中一個賣點就是有自家製的甜品set，是set！😍蘋果蛋糕選用王林蘋果，比較有口感，有點像滿佈蘋果的蘋果批，芝士酸酸的和微甜的蘋果肉很搭配，口感綿密；我自己最喜歡咖啡凍，上面白色的是模仿奶泡的煉奶，下面是用了培煎咖啡來弄的無糖咖啡凍，它很挺身有咬口，煉奶不會太甜，好喜歡❤️最後吃柔和彈牙的橙果凍，有清味蕾的作用，酸酸的容易入口。…查看更多

半年前初訪 “鮨宏”, 一戰難忘, 由於地理位置遠離主戰場, 又冇乜谷友推介, 算係 “隱世” 小店. 不尋常地, 見到 “開飯嘞” 唔少食評.🥢 餐廳設一張10人L型壽司吧枱, 中午只做一轉, 12-2pm, 提供廚師發板套餐, $880+10%, 包茶碗蒸, 麵豉湯, 三款刺身, 三款熟食, 八款壽司, 玉子燒, 三款甜品. 今日馮師傅一打七.📖 聽講馮師傅以前喺元朗名店 “鮨美澄” 工作, 唔少舊客慕名而來.🥰 老友 “傻肥” 非常喜歡熟食部分, 唔少隔夜功夫菜式, 包括鮑魚同埋八爪魚, 完勝其他鮨店嘅非壽司環節. 甜品又係加分位, 馮師傅自製多款甜品, 高質, 真係比起其他鮨店嘅 “蜜瓜” 有誠意.🍮 前菜: 三文魚子蟹肉凍. 老老實實, 冇乜特別.🌿 前菜: 水雲, 沖繩島. 即係海草, 以薑蓉調味, Ok啦.🐟 䲠魚. 進入戲肉… 燒脆魚皮, 口感脆似紫菜, 十分神奇, 肉質油潤, 係我食過最好食嘅䲠魚版本!🐚 象拔蚌. 非常爽口, 鮮甜. 驚喜之一.🐚 鮟鱇魚肝. 雪糕口感, 出色.🦪 蠔. 五成熟, 麵豉醬調味. 特別嘅, 就係有點 “中式”.🦑 櫻煮八爪魚. 用茶葉生果等嚟慢煮, 腍滑軟熟, 非常入味, 鎮店名菜之一.🐚 磯煮鮑魚. 鮑魚入唒味, 以鮑汁肝醬撈飯墊底, 好味嘅, 醋飯冇咁酸應該仲好食.🍥 茶碗蒸. 喺壽司同刺身之間出塲, 保證夠熱.🍣 真鯛. 正常.🐚 活赤貝. 爽甜.🍣 牙帶魚. 以天婦羅方式炸脆, 再加紫菜, 口感就係脆脆脆脆脆, 掂!🍣 鰤魚, 野生油甘魚. 當造, 我唔識欣賞.🐚 活帶子, 配岩鹽, 鮮甜.🦐 甜蝦. 膠口.🍣 大拖羅. 用 “米做嘅鹽” 嚟調味, 肥美, 亦品嚐到吞拿魚嘅甘香.🐚 海膽. 一啖食晒, 鮮甜, 澎湃.🍥 玉子燒. 蛋漿落咗鰹魚湯, 豉油同埋煮酒. 師傅即場表演, 精彩. 食落一般般.🥣 麵豉湯. 夠熱.🍎 甜品: 蘋果蛋糕. 保留到蘋果肉蘋果皮嘅口感, 正喎.☕️ 甜品: 日本咖啡凍. 一層日本齋啡, 一層煉奶. 味道非常平衡, 十分讚!🍊 甜品: 橙果凍. 橙味十足.🤗 總結: 馮師傅外型有趣, 介紹清晰, 有傾有講, 食物味道出色, 用餐體驗愉快.…查看更多

早前係 "惡人谷" 聽聞東區開咗間優質鮨店 “鮨宏”, 地理位置係北角同埋炮台山地鐵站中間, 遠離主戰場, 唔算 “預約困難店”, 睇埋個名就知係 “臥虎藏龍” 🥰.“鮨宏” 喺商業大廈地下, 對住馬路, 入口隱蔽, 室內隔音OK. 餐廳設一張L型10人吧枱, 午餐 $880+10%, 包茶碗蒸, 麵豉湯, 三款刺身, 四款熟食, 九款壽司, 玉子燒, 兩款甜品. 今日馮師傅一打六.📖 聽講馮師傅以前喺元朗名店 “鮨美澄” 工作, 唔少舊客慕名嚟 “鮨宏” 尋人.🥢 雜錦漬物, 包括薑, 蘿蔔, 牛蒡, 炸菜漬, 公魚甘露煮.🐟 平政魚, 北海道, 配紫蘇葉. 魚味略淡, 配辣蘿蔔蓉加醬油, 整體味道唔錯喎, 我最怕嘅紫蘇葉亦冇搶味.🐚 活北寄貝, 北海道. 爽口, 鮮甜. 近期食過最好食嘅貝類.🐟 野生鰤魚. 即係野生油甘魚, 十月當造, 配四季紅, 小辣, 代替芥末. 鰤魚入口肥美, 滑溜, 緊實.🦑 櫻煮白爪魚. 據聞師傅先幫八爪魚按摩一小時, 再用蘋果, 綠茶葉, 洋蔥等材料煮三小時, 非常腍滑入味, 一流!🐚 磯煮鮑魚. 用上新鮮鮑魚, 煮熟之後存放15日, 入味, 夠腍, 少煙韌. 另外, 配鮑魚肝汁, 撈飯食, 神級之作!📖 翻查資料: “磯煮” 係日本一種煮海鮮嘅方法, 用醬汁同埋昆布慢火去炆, 不用煮太長時間, 保持肉質鮮嫩彈牙. 🐟 禾稈草燒鯖魚. 師傅由廚房攞出嚟嘅時候一浸煙味, 我鍾意喎. 講番鯖魚, 用紫菜包住食, 外脆, 肉汁Ok.🍥 茶碗蒸, 夠熱夠滑, 搵到魷魚, 味道唔錯.🍣 池魚, 釣番嚟嘅. 肥美, 夠口感, 魚油Ok.🍣 北海道活帶子. 𠝹到爆花, 唔算爽身, 反而少少膠口, 鮮甜, 澎湃, 讚!🍣 金目鯛. 玩炭燒, 迫哂魚油出嚟, 油脂豐潤, 加上一陣炭香味, 出色!🍣 深海池魚, 一日熟成. 第一反應係 “好入味”, 魚味特出, 略膠口, 不俗!🐟  燒平政魚較. 魚皮香脆, 可惜肉質偏實, 我麻麻地. 🍣 黑鯥. 又玩炭燒, 香口, 油脂滿溢, 掂!🍣 牡丹蝦. 超重蝦味, 口感充實, 非常膠口.🍣 中拖羅, 五日熟成. 魚味濃郁, 鐵味不俗, 驚喜之一.🍣 大拖羅, 魚較位, 八日熟成. 大拖羅當然超級肥美, 食落出乎意料重魚味, 熟成嘅效果, 十個讚.🍣 白海膽, 北海道, 富美丸水產. 份量充足, 忌廉口感, 鮮甜. 近期食過最好食嘅海膽.📖 翻查資料: 常見嘅北海道海膽有紫海膽同埋馬糞海膽. 紫海膽外殻呈黑紫色, 相對清甜, 而白海膽其實係因受精而顏色變淺既紫海膽, 肉質嫩滑而水份重.🍮 布甸玉子燒. 聽講加咗魚肉, 煎嘅, 唔係焗嘅, 口感極似布甸, 有趣.🥣 麵豉湯. 夠熱, 偏甜, 搵到北寄貝裙邊.🍰 芝士蛋糕. 用北海道牛乳製成, 餅底材料係消化餅, 唔錯.🍸 梅酒果凍. 非常清新, 十分滿意.🤗 總結: 環境OK, 服務殷勤貼心, 師傅主動介紹魚料食材, 有傾有講, 節奏舒服, 用餐愉快. 論食物, 刺身一如預期冇乜驚喜, 熟食出色, 鮑魚肝汁超讚. 舍利偏濕微溫唔酸唔鹹, 比較黏身. 壽司魚料厚身, 份量慷慨. “鮨宏” 屬 “臥虎藏龍”, 用餐體驗超讚, 一定再戰.…查看更多

擁有超過10年日本廚藝經驗之馮師傅，剛進駐位置北角渣華道的『鮨宏』主理江戶前廚師發辦，花心思令食材發揮出鮮暖滋味，帶你走入江戶前讓味蕾遊走每段美食之旅。北角最近新開一間Omakase店『鮨宏』Hiroomakase，嚴選高級食材，由日本直送，高質價格中上，店內提供江戶前廚師發辦壽司料理，師傅擅長日本的熟成技術，海鮮經熟成及醃製處理後，風味佳而且味道更鮮甜。晚市價格為$1800，午市$680或$880兩個價格，包括沙律、時令前菜、茶碗蒸、3或5道刺身、湯、12件壽司、炸物及甜品。在訂位時已選擇好「福」$880之廚師發辦套裝當進入店內，還未坐好，直視已看到師傅準備好幾道菜式放在Bar枱上， 浩浩蕩蕩展示在眼前，食物就像排列好在迎接你的樣子，未食已感興奮！首先，師傅會送上漬物有日本長芋及青瓜，長芋清爽粉糯，青瓜酸酸味味，兩者醃製後別具風味，相當醒胃。送上漬物過後，正式開始江戶前之旅：先來一個「鮟鱇魚肝」味道鮮美，口感細嫩，醇厚甘甜，配上車厘茄漬物可作解膩，令口腔refesh。「水雲」水雲褐藻，清新爽口， 黏稠順滑，即跣入喉嚨，感覺勁爽。「日本芝麻小魚乾」脆香口感，惹味甜香，沒魚腥味，是一道很美味的小點心。「胡麻豆腐」這個外觀似豆腐， 卻並非用豆製。其實以純芝麻打成，經過濾去渣及油脂，再由師傅花費功夫製成豆腐狀，後輕炸而成。入口芝麻清香，外脆內軟，營養價值豐富。「平靜魚刺身」味帶清新，魚質結實爽口，配以小花點綴，很精緻。「白松貝」是北海道象拔蚌，肥厚有嚼勁，超鮮甜味美。「華漣生蠔 」外型細少，但肉質肥美結實，口感充滿彈性嚼勁，層次細膩，海洋鮮味及生蠔的鮮甜香濃。「磯煮鮑魚」 經炆後浸製15天，讓醬汁精華緊緊鎖在鮑魚內，味甜帶海鮮香。入口時質感柔軟有韌度，像軟心糖口感，每口咬下帶有少許粘著牙齒的感覺，如同年糕一般。以及配上一片將荷葉作裝飾，賣相可愛之極。「牙帶魚」剛炸好的牙帶魚熱辣辣，再包上紫菜，而且炸後牙帶魚外層形成酥脆似外殼，吃起來薄脆酥香，既保留了魚肉的細嫩鮮美。「蟹蒸蛋」原隻蟹鉗茶壺蒸蛋，蟹肉鮮甜，雞蛋滑溜，吃完後清一清味蕾再來下一道壽司之旅。「深海池魚」肉質細緻爽口，魚肉纖維幼細味道香甜。「北海道活帶子配魚子醬」肥美圓潤、鮮甜有肉汁細緻而濃郁，爽滑感和鮮味在口中綻放，加上魚子醬再提鮮，可說是鮮上加鮮，留香不退，讓人回味無窮。「金目鯛」油脂含量適中，肉質細膩，味道鮮美。「牡丹花蝦醬」蝦身顏色粉紅及通透，一看已知很高質。肉質較爽和漿口，師傅將蝦膏用火槍輕燒香，令味道更上一層樓， 甘香而且蝦味極濃，令人一試難忘。「墨烏賊」柔軟肉質令口感溫和之餘黏稠鮮甜 ，而且爽脆夠煙韌，及配以醋飯是江戶前壽司不可或缺的食材。「活北寄貝」超大件，味道甘甜，肉質肥厚，鮮度與口感覺絕對是一流。「牡丹花蝦醬」蝦身顏色粉紅及通透，一看已知很高質。肉質較爽和漿口，師傅將蝦膏用火槍輕燒香，令味道更上一層樓， 甘香而且蝦味極濃，令人一試難忘。「中拖羅」柔軟彈牙的口感及香濃的魚味。「北海道海膽」師傅遞上滿滿的海膽在我面前，非常澎湃，並以香脆可口的紫菜盛上，海苔香味和爽脆口感帶出海膽具層次且複雜的味道。味道鮮甜濃郁，甘味偏低。這高優質A grade 日本海膽，是當日omakase的重頭戲。澎湃過後來一個日本傳統家庭料理，「佃煮鮫魚」馬鮫魚夠魚油，油潤鮮嫩，魚肉結實但不鞋口，以江戶前烹調方法味道較為香甜。最後以「日式豆乳芝士蛋糕」作結，竟可在Omakase店吃到酒店級的芝士蛋糕，而且這甜品由馮師傅自己親自操刀，有驚喜。先講擺盤很有心思， 像藝術品般美，甜品主角是以日本豆乳與忌廉芝士組合，入口啖啖幼滑，味道清甜輕盈，一點罪惡感也沒有。整個江戶前之旅程都很滿意及完美結束，期待再訪的另一次體驗。…查看更多