麵屋武蔵 武骨相傳 (朗豪坊)

有日經過旺角想食啲嘢因為見到呢間餐廳比較少人而且唔洗等位所以決定入嚟醫肚本身唔好拉麵嘅我所有菜式對我嚟講冇咩太大要求- - - - - - - - - - - - - - - - - - - - - - - -1. 相傳叉燒拉麵(香濃豚骨湯)老實講我見到呢碗拉麵有種覺得點解同菜單張圖咁唔同望落啲餸少得可憐味道還好 唔會太咸2. 相傳煎餃呢碟煎餃反而比我預期好食因為佢煎得好靚仔金黃脆面 食落有聲3. 黑鳥黑鳥即係日式炸雞上面有啲黑蒜醬汁蒜味唔會好重唔驚食到口臭 哈哈～…查看更多

今日去旺角睇水晶原石, 之後就喺附近嘅朗豪坊行吓, 見到 ❥⧽麵屋武藏武骨相傳 ❥⧽ 有沾麵食, 幾吸引就入去食飯喇。餐廳幾型格, 中間吧枱位可以睇住師傅整拉麵, 環境幾舒服。𓊈二刀流沾汁麵 ✧ 香濃豚骨魚介湯 $𝟠𝟠𓊉豚骨湯混合魚湯, 所以味道好濃好香, 本身鐘意食沾麵就係因為夠濃味, 而呢度個沾麵汁做得幾出色。坑麵紋比較粗身, 好彈牙。叉燒係梅花豚肉嚟, 係店舖自家醃製, 肉質幾軟腍。豚角半肥半瘦, 入口即溶, 雖然感覺好似好肥膩, 但真係好好食!𓊈二刀流沾汁麵 ✧ 辛味豚骨魚介湯 $𝟠𝟠𓊉都係豚骨湯混合魚湯, 不過加咗秘製辣油, 味道層次再豐富咗, 辣味出到但唔會嗆喉, 亦唔會遮咗本身個豚骨魚介湯。𓊈相傳煎餃 $𝟛𝟠𓊉餃子煎得剛好, 外皮好薄, 裡面d 肉好嫩滑充滿肉汁, 好食!𓊈五輪燒餅 $𝟝𝟠𓊉面層d 醬料唧得好靚, 呢個燒餅同大板燒好似, 裡面有廣島蠔, 仲有椰菜絲同蘿蔔絲。𓊈巨峰梳打 $𝟚𝟠𓊉係原支樽裝梳打呀! 好香巨峰提子味, 但唔會覺得太甜, 好飲!𓊈蜜桃焙茶 $𝟚𝟠𓊉呢個焙茶幾得意, 好香嘅茶味, 但同時keep 到蜜桃嘅甜味。✧✧ 整體嘅嘢食都好味呀, 喺卡座位都坐得好舒適, 值得推介。…查看更多

之前行過朗豪坊見到已經想試 呢晚終於同朋友過嚟食🤭夜晚嚟都預咗多人 但好彩都好快入得👍🏻 🍜牛肝菌雞白湯沾麵 💰98拉麵食得多 但牛肝菌嘅比較少見 而且仲係本店限定 當然要試下😂牛肝菌味好香 經過慢煮8小時嘅湯呈乳白色 有啲黏黏嘅口感(係雞嘅膠原呀🤣) 味道清清哋好有雞味又唔會好咸 雞肉都十分之滑🥰 🍜白相傳二刀流沾麵 💰88二刀流喺豚角&叉燒嘅組合 湯底可以三選一 分別有: 白湯(香濃豚骨)、赤湯(辛味豚骨)、黑湯(黑蒜豚骨)我就揀咗白湯 湯底超濃郁 鍾意食濃味嘅話會比較推薦呢款 厚切件嘅豚肉肥瘦均稱 煮得軟腍好入味 切片叉燒肉質都唔鞋 麵身好彈牙😋 🥟五輪燒餅 💰58個造型幾靚 好似個蜘蛛網咁😂講返個味道 其實類似大阪燒 有椰菜&蛋等配料 但入面加咗廣島蠔 所以食落有啲蠔仔嘅鮮味 🥟相傳煎餃 💰38餃子幾乎係我每次食日本野必叫嘅小食😆煎餃有五隻 餃皮煎得香脆 好香豚肉味 唔錯🤤 🍹梅子青檸梳打 💰28呢幾日天氣咁熱 當然要飲返啲凍野涼下 呢杯就啱晒 青檸再加上慢慢浸泡出嚟嘅梅味 酸酸哋好解渴 唔會好甜👍🏻 🍹巨峰梳打 💰28店員拎咗原枝日本山梨縣產嘅grape soda 嚟到枱面先幫我哋成枝倒出嚟 冇溝任何野 真材實料😂甜度會比梅子青檸梳打高🤭 🔔另設加一 🔎Instagram: tracy_fooddiary …查看更多

旺角朗豪坊日本過江龍拉麵，環境舒適，坐得夠舒服。食物質素都唔錯！🌸牛肝菌雞白湯拉麵 湯底經過八小時慢煮烹調好出色、好清甜，再加入牛肝菌好香好濃郁👍🏻雖然表面睇落有d油，但食落絕對唔油膩，忍唔住飲左好多啖。拉麵好煙韌彈牙，掛湯一流。雞肉滑嫩，食落絕對唔會老。🌸二刀流沾麵配香濃豚骨湯 $88豚骨湯底同樣出色經過多個小時炮製，好濃郁。上面有大大塊既叉燒、豚角、流心蛋同筍，望上去啖啖肉好吸引。叉燒同豚角肉質好軟易入口。流心蛋嫩滑。麵質比拉麵粗同樣爽口彈牙，因為湯底濃郁，所以好容易掛湯。🌸相傳煎餃表面好特別有好多蔥花，望落顏色豐富。餃子皮薄，入邊好juice。煎得岩岩好，金黃色令人食慾大開👍🏻…查看更多

疫情下冇得去日本🇯🇵 唯有食個拉麵止下日本癮 其實香港有好多拉麵店 今日去開朗豪坊見到新開嘅拉麵店都幾多人就入咗去試 都幾驚喜 可以再去😚|二刀流拉麵 香濃豚骨湯(白湯)|💰85 | ✏️ 9/10 |二刀流係一個豚角同一個叉燒 豚角好似食東坡肉咁 非常入味 叉燒都好嫩 湯底鮮甜 啲拉麵口感都啱啱好 用左蛋黃曲面掛湯力唔錯🥰|相傳叉燒拉麵 黑蒜豚骨湯(黑湯)|💰82 | ✏️ 9/10 |其實佢一上菜嘅時候 🐝👻真係俾佢陣黑色嘅蒜油嚇親 但好彩佢食入口又唔覺好油 都幾香黑蒜味 塊叉燒肥瘦剛好 好食😌|相傳煎餃|💰38 | ✏️ 8/10 |好足料 菜肉均勻 係嫌個皮厚左少少 但都好好食 食拉麵點都要配返個煎餃先夠喉嘅😋🥟|蜜桃焙茶|💰28 | ✏️ 9/10 |桃味又濃 茶味又香 超好飲 一定要嗌！！！🤤回頭率🗿🗿🗿🗿🗿(5分滿分)📍 旺角亞皆老街8號朗豪坊4A樓5號舖…查看更多

呢間餐廳係2005年曾被日本TBS電視台票選為拉麵四天王之一，更係日本朝日電視台拉麵總選舉中榮獲沾汁麵系列第一位佳績🏵💗白相傳二刀沾汁麵 ($88)湯頭選用大量豚骨、豚肉、日本魚介同秘製醬油調味，以慢火熬製超過12個鐘，再加入香濃豚骨，份外鮮甜濃厚🦴；叉燒使用歐洲梅花豚肉，用自家醬汁醃製72個鐘，再以高温燒烤3個鐘，淋上自家袐製醬汁，肉質鮮嫩爽彈🥩；豚角同樣使用歐洲梅花肉，先放入秘製醬汁浸泡，塗上醬汁後再以高溫烤炙至表面焦香，肉質肥瘦相間，鬆軟細膩🐖；自家特製坑紋麵，口感煙韌彈牙，掛湯力十足🍜；配料包括糖心蛋、竹荀同蔥花💗牛肝菌雞白湯沾汁麵 ($98)雞白湯以雞肋燉煮而成，大火熬煮8個鐘，湯底濃稠奶滑，味道清淡樸素🍲；慢煮雞胸片肉質嫩滑鬆軟🐓；牛肝菌香氣濃郁🍄；自家特製坑紋麵，口感煙韌彈牙，掛湯力十足🍜；配料包括糖心蛋、竹荀同蔥花💗相傳煎餃 ($38)餃子外層煎至焦脆，餡料以豚肉同椰菜新鮮包製，飽滿多汁，蘸上餃子醋減低油膩感🥟💗狼牙手羽 ($48)單骨雞翼沾上薯片碎後，炸至外表金黃香脆，內裡肉質嫩滑多汁🐥💗飄雪 (+$15)淡淡牛奶配上士多啤梨糖漿，加入碟豆花增加夢幻效果🍓💗蘋果汁·日本產 ($22)蘋果汁清爽香甜🍎…查看更多

熟我既朋友應該多會知道比起日本傳統拉麵，我更喜歡正宗風味沾麵。因為覺得以湯頭精華一樣既沾汁伴麵味道會更濃郁，令到拉麵更惹味。東京人氣拉麵之一既麵屋武藏既沾麵係日本甚有名氣。佢地旗下有好多個唔同既字號，「武骨相傳」係佢地其中一個品牌，第一次聽個名就已經覺得非常霸氣。最近麵屋武藏開左一間新分店係朗豪坊，地點就腳當然要安排試下。.武骨相傳品牌賣點係提供左三種唔同顏色口味既沾汁，包括：白色 – 用左日本海鹽同多種魚干提味，海鮮感重既口味；赤色 – 辣版沾醬，加入左多種辣椒粉同豆瓣醬；黑色 – 味道非常濃郁既版本，唔係墨魚汁而係用左炒香既洋蔥、青蔥、大蒜同咖啡豆，烤製過之後碳化既顏色。湯頭用左豚骨同魚介混合做基底，所以會帶有海鮮既甜味。.而佢地賣點之二既叉燒。用左歐洲梅花豚肉，醃製72小時，再即日用烤箱精心烤製，所以口感外酥軟、內裡嫩濕潤。另外餐廳用既沾麵底係香港首創，自家特製坑紋麵，呢種坑紋麵配沾麵會更易掛湯。.相傳二刀流沾汁麵 (赤) 💲88⭐️3.9/5二刀流呢個名同餐廳名一樣咁架勢。其實即係麵底除左傳統叉燒，仲有豚角煮雙併。再加上配料有傳統既半熟玉子同筍片。叫左赤色即係辣沾醬，辣度比想像中高，不過都係我喜歡既口味。.牛肝菌雞白湯沾汁麵 💲98⭐️4/5另一碗試下旺角分店限定既雞白湯沾汁麵。雞白湯沾麵底標榜用左雞肋8小時大火煮成既精華。再加上似係慢煮極嫩滑雞肉，配埋牛肝菌既香氣，我自己更喜歡雞白呢種特濃雞湯風味。.相傳煎餃 💲38⭐️3.7/5日本正宗既餃子質感，皮薄香脆爆汁。煎餃係想像中既味道，四平八穩唔會伏。.五輪燒餅 💲58⭐️3.7/5口味好似大阪燒餅既五輪燒餅，用左廣島蠔，味道都係不錯。 曙光 +💲15飄雪 +💲15期間限定特飲跟麵加15蚊就有交易。兩杯特飲色彩繽紛非常之打卡able，而份量足600ml大杯相當驚人。藍白紅色既飄雪其實係藍天草莓牛奶，俾人感覺好似藍天配紅葉雪山一樣，唔甜幾好味。而橙黃既曙光其實係醬油果凍配甜柑橘。呢杯特飲口感非常獨特，因為佢有用上日本麵屋醬油製作既果凍，味道微鹹，再配埋鹹酸既鹹柑桔，主調酸甜再微微帶鹹既口感，特別得黎都好解渴思，味道上毫不違和。以呢個價錢計，個人覺得兩杯都係十分有誠意必試既特飲。.總結：正宗方便就腳既一間日本人氣拉麵店，食物出品不錯，環境舒適缺點只係人流比較多夜市時間可能要排一陣先食到，建議大家可以考慮網上撳左飛先再行過去。.不專業食評 nei.foodie…查看更多