慶記

上網搵資料見到評語話佢地胡椒生煎包係香港世一即刻bookmark低黎個大角咀一日美食遊既時侯試一試·✿生煎胡椒包（$26/2個）對呢個生煎包充滿期待個包比平時既生煎包大個同飲茶既奶皇包差唔多大小輕輕咬頂部裡面係爆多湯汁湯汁鮮而唔會油膩 仲好濃胡椒味外皮唔厚 · 煎到個底脆身配埋個胡椒肉餡一齊食真係幾唔錯✿小籠包 （$38/4隻）呢個等左一段時間應該真係即叫即蒸夾上手已經見到湯汁飽滿湯汁都係「清而不淡·鮮而不俗」但略嫌皮厚左少少✿醉雞捲 （$30/8件）純粹覺得兩個人叫得太少野有d唔好意思最後加個雞捲·順便換一換口味唔洗剩食湯包咁寡份量好多·30蚊好抵食但雞肉肉質偏柴唔夠嫩而且花雕酒味過濃完全食唔到其他香料味有點失色整體而言價錢親民貼地湯包類高質可以再戰…查看更多

朋友帶我黎過一次呢間上海菜，見佢性價比咁鬼高，今晚再黎拜會下😎上次食生煎叉燒包一試便愛上😍 今晚決定試下生煎胡椒包，另外仲叫左醬油西生菜，巴東牛肋條撈麵，豬軟骨菜飯，一杯熱桂圓蜜同埋一支豆漿😀呢度既生煎包係即叫即整熱辣辣，包體軟熟底層勁香脆！今次試胡椒包既胡椒味好濃郁，有啲辣，都幾刺激味蕾😂 裡面肉餡肥瘦適中爆晒汁，仲有啲洋蔥好鬼香😍西生菜幾大碗，口感爽脆，面頭有啲炸蒜增加香氣👍巴東牛肋條好重椰香味，都有啲辣，肉質好淋非常嫰滑！麵條彈牙，個汁要黎撈麵無得頂，超開胃惹味😋豬軟骨同樣炆得好入味，肉質口感好好完全唔痴牙😂 呢度一個飯先四十幾蚊，埋單仲要唔駛加一，坐得又舒服，真係唔知邊度仲搵到咁抵食又出色既上海菜😯👏…查看更多

餐廳環境光亮，天花掛上好多燈籠，古色古香。而且空間感大，座位多，所以坐得舒服。主打上海菜式，有生煎包、排骨菜飯、冷麵，撈麵都有。叫左香酥排骨菜飯($48)，特色山葵醬青瓜冷麵($38)，醉雞卷(4件$16)，生煎胡椒包(2件$26)。菜飯加入左菜、菜乾(?)，鹹度適中，濕潤。飯量比正常多。香煎排骨已經切成4件，煎炸到變極深色。size唔算大塊，但肉好厚，所以啖啖肉。冷麵好有驚喜，海量青瓜絲鋪係面頭，可以多醬或少醬，仲有紫菜絲點綴。拌勻後，食第一啖個陣，feel到好冰涼，超級適合夏天食，消暑又清新。芥末味唔會好嗆鼻，係陣陣芥末清爽既感覺，麵條濕潤既，唔會覺得乾身。麵量仲非常多添，食唔哂。醉雞卷亦係冰凍，肉嫩雞皮爽，有陣陣酒香味。4大件屬厚身，抵食。生煎包即叫即煎，所以要等大約20mins。熱辣辣超好食，必叫。d肉汁不斷流出黎，真係要小心食，會熱親嘴。胡椒味濃郁，如果唔鍾意，可以叫番普通原味。包底煎完脆脆地添。整體，生煎包必試，好食到唔停口。而且其他食物既份量足，環境服務都好好，會encore。…查看更多

今日星期六經朋友介紹去左大角咀既慶記。慶記用上落地玻璃，自然光令環境更明亮舒適。裝潢相當別緻，作為上海菜餐廳，慶記每一個角落都展現中國風既雅致，最令人深刻嘅係收銀處，十足古代嘅賣食物嘅攤檔，並掛上木製菜牌，古代風更濃厚。- 麻辣擔擔撈麵醬汁由辣油、鎮江醋、甜豉油同麻醬調製而成，肉燥份量超多，味道辣中帶甜，輕盈而不失惹味。- 香酥排骨拼滷肉撈麵撈麵既醬汁偏甜，麵條煙韌，配上滷肉碎可謂甜上加甜，香酥排骨一共有四大件，外脆內嫩。- 生煎胡椒包生煎胡椒包外皮香脆，胡椒味非常突出。入面豬肉餡料相當新鮮，另外亦混入京葱，口感更豐富。- 口水醉雞卷口水雞卷完全無骨食落非常方便，口水汁同酒香相得益彰，口水汁唔會蓋過酒香。豆漿跟餐只係加$2，至於凍頂烏龍大大杯都係$3🧐總結而言，慶記非常抵食，尤其係口水醉雞卷，只係$18咋！慶記記位於大角咀，距離奧運站只係五分鐘路程，地理位置亦算方便。…查看更多

由慶麵到搬到大鋪變慶記我從來都不曾懷疑他們的出品老闆本身是性格大廚有深厚的煮食功力今天又偕朋友到大鋪拜訪他們出名是麵食當然要點麵類點了巴東牛肋條撈麵和茶燻煎軟雞慶麵巴東汁味道香濃富有椰汁香用來拌麵令人吃不停口牛肋條入味質感軟嫩茶燻煎軟雞慶麵湯底清甜喝得出真材實料沒有添加劑茶燻雞炸過頭有點太硬茶香煙燻味微軟不突出口水醉雞卷有八件帶麻辣肉質細嫩比茶燻雞更好吃最後是招牌的生煎胡椒包胡椒味濃郁皮靚餡靚絕對是店家的皇牌產品…查看更多

聽人說大角咀利奧坊有着很多好野食，於是今日就和朋友行完奧海城後，就過去利奧坊搵野食。我們都是第一次來到利奧坊，發現這個新商場大多都是食肆。行左一個圈，決定食貼地的上海餐—「慶記」。看到慶記的餐牌，擁有着非常貼地的價錢，而且又有很久都未食過的上海小食，未食已經流晒口水。午市套餐相當超值，一個主食配飲品5、60蚊就有，就算加多一份小食，都可以$100內買單。→ 1. 香酥排骨配滷肉湯飯滷肉飯平時就食得多，如果以湯飯的形式來食滷肉飯，我都是第一次。我覺得慶記在湯飯中可能已有落調味料，因為其湯飯除了滷肉味之外，還非常鹹香。再配上四大塊的香酥排骨，炸得非常香口之餘，再食一口湯飯，口味相當濃郁。→ 2. 茶燻煎軟雞慶麵來到慶記當然要試試店內其一的招牌菜，慶麵。一份麵都拼上四件大雞，啖啖肉。煎雞帶有淡淡的獨特茶燻味，點上酸辣醬汁，好惹味。軟雞做到外脆內軟，雞肉肉質鮮嫩。慶麵是以油麵作麵底，麵質口感彈牙，湯味濃郁，加入少許滷肉和豆卜做配料，咬一口雞再食一口慶麵，就是最好的吃法。→ 3. 小籠包上海小食第一名來不開小籠包。別以為慶記的小籠包只是一般貨色，但食落真的非常驚喜，其小籠包湯汁可以在夾落時清晰見到，一口咬下去時湯汁爆出，小籠包的精華滲入口中。加上，小籠包皮薄而肉滑，絕對不比其他連鎖大店輸蝕。→ 4. 生煎胡椒包繼小籠包後，第二名上海小食就是生煎包。餐廳新鮮煎起生煎包，到桌時仍是熱辣辣。食點心最重要是要趁熱食，亦是可以食得出生煎包的湯汁，因為我們點的是生煎胡椒包，所以湯汁有些微椒辣味，非常過癮。生煎包的底部煎得爽脆，完美地可以食到由上層香軟到下層爽脆的口感，餡料則帶比較強胡椒味，大家亦可以選擇原味一試。→ 5. 凍頂烏龍拼配茶 ｜ 熱玫瑰花蜜別以為凍頂烏龍拼配茶是冷飲，其實是一杯熱茶來的，偏向清香的茶味。熱玫瑰花蜜則比較甜香。買單每人都是約$100，如果在連鎖上海餐館的話，相信可能要三倍價錢才可以。…查看更多

今次搵食黎到大角咀慶記，鋪位於利奧坊，店內裝修好乾淨企理，而且可以掃QR code落單非常方便🔹紅燒豬軟骨慶麵($54)慶記出名嘅就係佢地嘅慶麵，叫左個紅燒豬軟骨慶麵試下豬軟骨好足料，大大件都有5-6件份量十足，湯底比較濃味，加埋油麵都幾夾。而辣味可以落單嘅時候揀，鍾意辣味嘅朋友就岩哂🔸巴東牛肋條菜飯 ($52)上海菜比較少見巴東牛肉，味道有點像咖哩但辣味同椰醬味都更加突出，送飯一流👍👍除左主食，小食都有唔少選揀，我地就揀左醉雞卷同有名嘅胡椒包🔹生煎胡椒包 2隻 ($26)呢個係榮獲Bloomberg 2018年全球僅28家 (5美元以下) 的美食推介之一, 胡椒包同台灣夜市唔同，比較似生煎包，但肉餡就有好重胡椒味，非常有特色😝😝🔸醉雞卷 8件 ($30)醉雞卷都有驚喜，成條去骨雞肉酒味非常突出，仲有口水雞口味可以選擇，值得一試😋😋😋…查看更多

利奧坊:1個唔太起眼既商場，原來係卧虎藏龍，今日一於試下“慶記”，主打上海菜，由湯麵、撈麵、冷麵、菜飯、小食，一應俱全! lunch time有set，可以跟罐裝飲品，加$2轉枝裝豆漿香酥排骨拼滷肉慶麵 set（$68）~湯麵配料足，有豆卜，白蘿蔔，韮黃，配上肥瘦適中既滷肉，咸香掛湯! 香酥排骨另上，由於即叫即炸，香，做到外焦內嫩!巴東牛肉條撈麵 set （$54）~每啖都有月桂葉，椰奶香茅味，巴東牛肉非常入味，而撈麵係另上，可以因應自己既要求而決定加入汁既份量，非常掛汁~口水醉雞卷 （$34）~份量可以，一共有8件，每件都係啖啖肉，口水汁麻而不太辣，雞脾肉嫩，肉與皮之間有少少啫喱狀，絕對值得一試!生煎胡椒包 （$26/2）~係台式胡椒餅x 上海生煎包既組合，底脆皮薄，胡椒味夠突出，又保留到肉汁，仲要即叫即做，係必食之選!…查看更多

趁晚市前最後一晚跟朋友來這裡吃飯。餐廳裝潢挺有feel的，採用電話落單，點了生煎胡椒包、紅油百花抄手、香酥排骨拼滷肉慶麵、麻辣擔擔麵及飲品凍豆漿兩支。 先上麻辣擔擔麵，少辣的辣度剛好，麵條煮得軟硬適中；紅油百花抄手，有別於一般的菜肉餡料，是蝦膠跟魷魚餡包成的，口感較彈牙；而辣度亦有驚喜，是有點麻麻的辣！好彩點了凍豆漿解辣呢。香酥排骨拼滷肉慶麵排骨炸得酥脆，而且份量頗大的，滷肉慶麵是朋友點的，清湯麵上加上滷肉，不過不失。生煎胡椒包即叫即製，吃到中後段，才熱辣辣的呈上。生煎包果然名不虛傳，外皮煎得香脆，裡面滿滿的湯汁，胡椒味濃，是很好吃的生煎包啊！要等也是值得的。…查看更多

同男友係奧海城行完街就落左去大角咀搵野食，經過呢間上海菜，見到裝修幾“骨子”，價格親民又多選擇就入去試下～上海菜都係我幾喜歡既菜式之一😁我地叫左茶燻煎雞滷肉湯飯，紅油抄手，生煎胡椒包，玫瑰花蜜同埋一支豆漿～個茶燻煎雞一嚟到望落好似好燶，不過諗諗下應該係因為茶燻所以先咁深色😂 咬落去有淡淡嘅茶香味，好特別👍 外層非常脆但唔乾身，裡面好滑，雞皮有適當油脂但又唔會太肥膩，唔錯呀！😋滷肉飯成日都食，但係滷肉湯飯都真係比較少見😯 佢嘅滷肉肥瘦適中亦都好淋，幾好食，不過個湯底我就覺得調味稍為重左啲～紅油抄手新鮮煮起，黎到仲出緊煙😅 皮唔會煮到太淋岩岩好，皮薄餡多，我地叫左辣汁另上，而佢本身既汁係甜甜地，辣汁同平時食既紅油抄手有啲唔同，呢度偏辣偏惹味但就好似欠缺左少少蒜同辣既香味～最後壓軸出場嘅係生煎胡椒包😋😋 包底煎到非常脆但又唔會太多油👍👍 裡面勁多汁，鹹味適中，胡椒味愈食愈出，食到個人都暖粒粒😚今日突然之間凍咗好多所以我都叫咗杯玫瑰花蜜暖一暖身，蜜糖味幾出而且中和左玫瑰既苦澀味，好飲👏埋單唔駛加一好抵食👍 呢度既包咁出色，期待下次試埋生煎流心叉燒包同埋小籠包🤤🤤…查看更多

甚少去大角嘴既我最近先發現原來利奧坊附近都幾多野食🤩今次比我搵到間平靚正既上海野「慶記」。之前叫做「慶麵」由角祥街搬到黎利奧坊，更加容易搵到。——————————————————生煎胡椒包（2隻） $26即叫即煎，外皮煎得金黄可口，胡椒味較重，食落更加惹味。——————————————————XO醬蟹肉小籠包（2隻）$35皮簿餡靚多湯汁，而且好容易夾起唔會穿🥢雖然XO醬味道唔出，但小籠包肉餡既蟹鮮味好重🦀湯汁都好鮮甜，食完兩隻忍唔住要再encore——————————————————紅燒豬軟骨慶麵 $52黎到慶記當然要食佢地既招牌慶麵，佢地既慶麵口感彈牙，湯汁濃而不膩。仲有幾塊白蘿蔔，白蘿蔔煮得剛剛好，又甜又腍。紅燒豬軟骨都煮得十分入味🐷軟骨爽口，肥瘦適中。——————————————————巴東牛肋條慶麵 $54牛肋條燜到比較腍身，唔會太韌。加上湯底有少少辣，愈食愈開胃。…查看更多

近來我的地頭「大角咀」開佐好多新食店。今日我出動搵食啦！！我選擇佐位於新商場「利奧坊」的「慶記」，看到古式古鄉的裝飾，就知係食「上海野」餐廳內雖然客人不多，但「待取」的外賣郤放滿枱上，當然啦！！外賣有七折嗎！！餐廳都好先進，客人可以scan barcode 落單！！我鐘意，減少大家的接觸之餘，又可以自己慢慢揀，沒有職員等你咁大壓力堂食客人要付每人 HK$3.0 的茶錢，而送上的是「桂花烏龍茶」，非常優香，喝後令人好舒服「醬油西生菜」菜都幾新鮮，配上炸蒜及醬油，味道不錯！！一定要試試這兒的「滷肉慶麵」麵質彈牙！湯底清甜！滷肉味道調得的不錯！不過「蘿白」有渣要扣少少分另外點了個「香酥排骨菜飯」一上枱，令我有點失望，因為「菜飯」的菜都焗到變黃了（跟餐牌上翠綠的菜飯差好遠呵！！）雖然賣相差少少，但飯的味道不錯，口感煙煙靭靭；而香酥排骨都炸得香脆，亦很JUICY, 不過調味就「咸」佐少少，希望有所改善！！食上海野一定要食「小籠包」小籠包超讚，好好味，皮薄而不易穿；包內的湯汁好好味，肉都幾新鮮，價錢又唔貴！！必食需然已經好飽，但最後一定要食榮獲"美國彭博Bloomberg 2018年美食推介"「生煎胡椒包」申利： 我係一個「胡椒控」，所以我係好喜歡呢個包的！！胡椒味真係超級濃，而且新鮮煎起，好脆好香！！但我認為胡椒味太濃蓋過了肉餡的味道，我覺得可以胡椒的份量約少一點都更完美！！兩個人食到棒住個肚都係HK$167，好抵食！！總結：食物 ：（樣樣味道都好味呵！！）環境 ： （整潔企理，座位都寛闊）服務 ： （跟服務員接觸不多，沒有令人不滿的地方）價錢 ： （抵食！！）…查看更多

慶記係一間位於大角咀比較新式嘅上海菜，除咗小籠包同埋生煎包之外，仲有好多不同配搭嘅上海拉麵/菜飯，不過我無食過佢嘅飯麵，多數食包/雲吞🤣 佢地嘅生煎包同小籠包仲有不同口味，例如我最鍾意嘅生煎胡椒包🤤 但有機會再食嘅話會再試下佢地嘅飯麵～😛•🥢 小籠包 $38佢哋嘅小籠包可以揀2粒或者4粒，所以一個人或者比較細食嘅人都可以試到～😋每一粒都好多肉汁，皮薄但唔會好易夾爛，而且調味剛剛好，唔會太鹹🤤 •🥢 生煎胡椒包 $26呢款個餡嘅胡椒味超香又多汁，個皮唔會太厚，個底煎得夠脆，食到尾嘅時候胡椒嘅辣味好濃好正🤩不過食嘅時候要小心啲，細細啖咬一個開口飲咗少少汁先，因為咬得太大力嘅話啲汁會爆到周圍係💦😆•🥢口水醉雞卷 $18/4件呢款係冷盤黎嘅，佢好似日式叉燒咁將啲雞肉連皮咁卷起扎實，然後先再煮，所以出到黎就變成圓碌碌嘅雞肉，食落啖啖肉，唔使lur骨😆 啲雞肉好嫩滑，有雞皮但都唔會好肥！雖然佢叫口水醉雞卷，但食落都係主要食到麻香味，唔算好辣，無乜酒味，不過佢真係麻得好過癮😆 鍾意麻辣嘅朋友仔一定要試下😋•🥢 淨百花雲吞湯 $58一碗有六粒超大粒嘅雲吞，而且每隻嘅皮都好薄！佢嘅餡係魷魚蝦膠再加韮黃, 口感彈牙～湯底似平時雲吞麵嘅湯底，韮黃味好香，而且飲落唔算好重味精～湯入面仲有豆卜，吸晒湯好正；另外仲有一舊清甜無渣嘅蘿蔔～😋•🥢 紅油抄手 $46呢款紅油抄手係用咗菜肉雲吞，但佢嘅醬汁同平時嘅紅油抄手有啲唔同，呢款落咗好多辣椒碎、炸蒜、蔥花，唔算好多紅油，食落麻香味幾重，唔算辣，反而醬油甜味都幾出，鍾意食麻香嘅朋友應該會幾鍾意～…查看更多