影片
更多
2025-08-07
54 浏览
好耐冇去過火炭，由昔日嘅工業區，到今日部分土地演變成住宅區，但係歷史悠久嘅大排檔依舊不變，仍然每日製造無限嘅美食。但係呢種特色風味，好快就要結束，政府會收回土地起政府綜合大樓，所以趁路經此區，一嚐香港特色嘅原風味。我們一行6人叫咗下面9款菜式，每一款都只有呢類嘅大排檔，先食到呢種火喉。鑊氣，唔係好多餐廳都做到，甚至好多大酒樓，都做唔到大排檔果種食得出嘅鑊氣。生滾沙田雞粥第一次食呢個沙田雞粥，粥底鮮甜，但感覺唔似係用雞嚟煲，只係食到鮮味而無雞味；雞件好嫩滑，似係後加雞件落粥度煮，否則個肉質會好「鞋」。份量比我想像中大鍋，總體嚟講係好食，值得一試；金牌燒乳鴿平時唔點食乳鴿嘅我，見到咁靚都忍唔住食咗四份一隻，皮脆肉嫩，燒到啱啱好，味道亦都適中，一般燒乳鴿會有偏咸嘅情況，呢度個味道做個平衡做得好好；椒鹽豆腐(送)老細見我地叫咁多嘢，就送咗個椒鹽豆腐比我哋。我初時以為送嘅只係得幾舊，點知係好大碟，炸到金黃色非常之靚，而且係做到皮脆肉嫩，剛強嘅外表，內心竟然如此溫柔，就算冇得送叫一碟都值得；豉椒炒蟶子蟶子非常新鮮同巨形，煮得好夠鑊氣，熟度係做到分毫不差，剛剛好，肉質保持鮮嫩，豉椒嘅醬汁加上鑊氣，令
好耐冇去過火炭，由昔日嘅工業區，到今日部分土地演變成住宅區，但係歷史悠久嘅大排檔依舊不變，仍然每日製造無限嘅美食。但係呢種特色風味，好快就要結束，政府會收回土地起政府綜合大樓，所以趁路經此區，一嚐香港特色嘅原風味。
我們一行6人叫咗下面9款菜式，每一款都只有呢類嘅大排檔，先食到呢種火喉。鑊氣，唔係好多餐廳都做到，甚至好多大酒樓，都做唔到大排檔果種食得出嘅鑊氣。
生滾沙田雞粥
生滾沙田雞粥
0 浏览
0 赞好
0 留言
第一次食呢個沙田雞粥，粥底鮮甜，但感覺唔似係用雞嚟煲，只係食到鮮味而無雞味；雞件好嫩滑，似係後加雞件落粥度煮，否則個肉質會好「鞋」。份量比我想像中大鍋，總體嚟講係好食，值得一試；
金牌燒乳鴿
金牌燒乳鴿
0 浏览
0 赞好
0 留言
平時唔點食乳鴿嘅我，見到咁靚都忍唔住食咗四份一隻，皮脆肉嫩，燒到啱啱好，味道亦都適中，一般燒乳鴿會有偏咸嘅情況，呢度個味道做個平衡做得好好；
椒鹽豆腐(送)
椒鹽豆腐(送)
0 浏览
0 赞好
0 留言
老細見我地叫咁多嘢，就送咗個椒鹽豆腐比我哋。我初時以為送嘅只係得幾舊，點知係好大碟，炸到金黃色非常之靚，而且係做到皮脆肉嫩，剛強嘅外表，內心竟然如此溫柔，就算冇得送叫一碟都值得；
豉椒炒蟶子
豉椒炒蟶子
0 浏览
0 赞好
0 留言
蟶子非常新鮮同巨形，煮得好夠鑊氣，熟度係做到分毫不差，剛剛好，肉質保持鮮嫩，豉椒嘅醬汁加上鑊氣，令到蟶子進一步提鮮，48蚊一隻，我覺得價錢合理，可以話街市買自己煮仲平，但係我冇能力做到咁出色嘅效果；
酥炸大腸
酥炸大腸
0 浏览
0 赞好
0 留言
一向鍾意食大腸嘅我，好欣賞佢個大腸炸得脆亦唔太肥，腸內洗得夠乾淨，而且份量夠多，多到係食唔哂，始始炸大腸比較膩，好容易會有飽濟感；
黃金墨魚咀
黃金墨魚咀
0 浏览
0 赞好
0 留言
我一向都麻麻地食墨魚咀，我唔鍾意佢有「骨」，佢呢個黃金墨魚咀，不單只粒粒都冇骨，而且十分嫩滑，嫩滑得嚟又有少少彈牙，加上極邪惡嘅鹹蛋黃外層，完全食唔停口，而且份量之多，就算不停咁食，都好似食極都食唔完咁，呢個真係超正，必食；
椒鹽白飯魚
椒鹽白飯魚
0 浏览
0 赞好
0 留言
炸得好鬆脆，金黃色炸得夠乾身，椒鹽嘅味道係剛好，平時我少食白飯魚都食多幾舊；
豉油皇鵝腸
豉油皇鵝腸
0 浏览
0 赞好
0 留言
上菜時都有啲愕然，點解會咁深色嘅，好似一堆蟲咁有啲驚嚇。味道唔錯，係我想要嘅味道，冇比佢嘅顏色影響到，鹹度係剛剛好，鵝腸好爽脆；
西芹炒龍躉球
西芹炒龍躉球
0 浏览
0 赞好
0 留言
原本個菜式係西蘭花炒龍躉球，問咗老細原來可以轉第二款菜，我哋揀咗西芹炒龍躉球。西芹我冇食到，淨係食龍躉，魚味濃，亦好嫩滑，呢種味道好耐都冇食過。
幸運嘅係可以食到呢份滋味，家下除咗僅存嘅大排檔外，都唔太多地方食到呢種香港獨有嘅美味，鑊氣係更加難得。有人會覺得，大排檔唔衛生、環境差，可是食物質素同味道，先至係最重要。
张贴
