8度餐廳

星期日自助午餐，食材一般味道一般，其實係好多食物都無味，最差係魚生，尤魚腥完全食唔到。 全場最好係甜點，師傅做得出色，一讚！最差就係佢話有85 折，我睇到openrice話可以儲亞洲萬里通，於是我比左資料佢，啲分佢就同我入左，但係入錯分，佢計少左，仲要我自己聯絡萬里通，因為我儲分所以要我比原價佢，一啲折都無，你話儲分無折唔緊要，但應該要話比客人知，呢點係非常差，其實我已經食過好多間亦儲過好多，佢係唯一一間冇通知，冇解釋，入錯分食店，令人非常難忘。 想讃一下一位中年收碟女士應，她很好，亦最忙，只有她走來走去收碟，倒水！其他黑衣男連叫左佢「幾次」埋單明明望到都吾理，我仲以為自己去左茶餐室…Read More

前排要趕功課, 又要返工, 真係好攰….終於完成晒真係要好好嘆返餐, 約左同學們齊齊食8度海逸酒店慶祝一番。幾年前食過一次, 質素好高, 係OPENRICE好多好評。而且係OPENRICE 有COUPON (82折)8度海逸酒店近土瓜灣, 地點其實唔算方便, 原先坐的士, 但放工時間一定好多人, 我又想準時去食, 所以準時放工坐28號巴士, 落車行大約10-15分鐘到達。餐廳位於地下個層, 入到酒店轉右直行即到。去到大約6點半, 我地開始食大餐啦 !!餐廳的生蠔及芒果拿破侖最出名, 甜品留返最後, 主攻生蠔及前菜先。食物種類真係好多, 不論冷盤, 沙律…飲品方便亦係包埋。生蠔即開, 而且人手好足, 基本上唔駛排隊就有, 生蠔食左幾轉好新鮮, 沾上檸檬汁就夠。磨菇湯足料, 食到碎磨菇粒燒特級牛肉好受歡迎, 需要排隊先有, 肉質夠滑, 香口煎鵝肝多士即煎即拎, 好搶手, 停不了手~刺身壽司刺身大約有5-6種, 味道正常, 反而食不多, 寧願食多轉生蠔熱盤亦不會輸蝕, 熱盤都有約20款, 大石斑都出左幾轉, 又有燒肉等等.....唔怕你食唔飽最後就係甜品啦 ! 甜品區一開始已經聚集好多人, 相信吸引到食客已分不清甜品幾時食啦 !芒果拿破侖真係無得輸, 其他蛋糕亦好吸引, 仲有梳乎厘添 !今晚真係捧住個肚返屋企啦 !…Read More

嗜甜的我，早前聽甜友推薦這裡的甜品如何出色，早就心動不已，這夜就和幾個同好前來嚐新。土瓜灣交通雖然並不十分方便，但只要食物吸引，對於我們這等饞嘴之人又算得上什麼？真不禁要唱一句「互助互勵又互勉，那怕去到遠遠那方⋯」呢。這裡的自助餐時段比一般的都要早（6pm～9:30pm)，打算來這裡試試的朋友仔，敬請留意。習慣早到，趁沒什麼人便到處拍照。甜品是這裡的亮點，兼是本人的至愛；當然忍不住先睹為快啦。種類及款式也真是不少，賣相也蠻不錯，如不是友人阻止，我是真的會先吃甜品的。那先將注意力轉移，到我的另一心頭好 - 沙律吧逛逛吧！多種不同的沙律菜以供選擇，另有番茄、薯仔、紅腰豆，澆上喜愛的醬汁 - 有日式芝麻醬、黑提醋汁、千島汁、凱撒汁、更可加入脆煙肉、脆麵包粒、巴馬臣芝士片；每樣拿少許，便已成滿滿的一碟了。爐端燒是這次自助餐的主題，海鮮、燒鳥、菇菌、和牛齊備；包括有墨魚咀、魷魚、冬菇、雞中翼、雞軟骨、和牛粒串、大蝦、多春魚；材料新鮮加上廚師控制火候得宜，沒有不美味的道理，拿了滿滿的一碟回去和朋友一起分享。爐端燒隔隣便是即開生蠔（法國及美國），即點即開的當然寧舍不同，也是我的囊中物之一。最愛的日本刺身和壽司原來就在背後，有軟殻蟹壽司、火焰壽司、蟹柳、鱆紅魚、三文魚、吞拿魚、油甘魚、墨魚、甜蝦、北寄貝、玉子；唔貪心，每樣只拿三件和朋友一起分享也不為過呀。熱食區陣容強勁，計有：燒鴨、油雞、叉燒、清蒸海班、精選義大利麵、白酒忌廉汁燴海鮮、香草烤羊扒、馬拉盞炒椰菜、櫻花蝦蟹子炒絲苗、蒸點心、泰式咖哩麵包蟹、紅酒燴牛尾、花雕蛋白蒸皇后蟹、燒特級牛肉、煎鵝肝伴黑松露汁、香煎龍脷柳、燒雞扒、辣椒膏炒花甲、翡翠炒蝦球、椒鹽白鰆魚、精選時蔬和薯角⋯真是一口氣都講不完；還要留肚吃甜品，只敢淺嚐一二，當中的香草烤羊扒、清蒸海班和椒鹽白鰆魚就最合我口味！沿途嗅到香噴噴的咖哩味，原來是咖哩羊肉、咖哩雜菜、咖哩雞肉，合著印度奶油燴飯、白飯或烤脆薄片一起食用，滋味得緊！喜愛冷盤的朋友，可選海螺沙律、松子仁南瓜沙律、煙三文魚、泰式酸辣鳳爪、炒雜菌沙律、煙鯖魚柳和海鮮沙律，牛魔王們當然是經常徘徊於這個檔口啦 - 聽友人説這個燒特級牛肉是滿有肉香兼Juicy呢。我就幫襯什錦凍肉盤、番茄水牛芝士沙律和煎鵝肝伴黑松露汁，各自各精彩！到回本區啦，這裏的凍海鮮計有青口、大蝦、翡翠螺及皇帝蟹腳等，雖然已半飽，還是淺嚐了少許才甘心。燉湯是我至愛之一，今次是蟲草花煲雞湯；味道濃郁滋潤兼有食療作用，當然要飲上一大碗才滿足。這裏的羅宋湯是不含牛肉的，但一大碗燉湯落肚後已沒有空位「收留」它了。芝士拼盤也有好幾種選擇，配上餅乾或雜菜條更是好吃，油漬番茄乾、醃製洋蔥、黑橄欖更可自由配搭。終於到我最愛的甜品了，包括有招牌芒果拿破崙、柑子蛋白卷、香蕉卷、朱古力慕絲、鮮雜果白酒啫喱、紐約芝士餅、班蘭蛋糕、果汁啫喱、士多啤梨慕絲蛋糕，焦糖燉蛋、黑糖水信玄餅、桂花糕配紅棗蓉、紫薯慕斯蛋糕、蛋白梳乎厘、芝麻慕絲，還有Popcorn、蛋白杏仁茶、牛油麵包布甸配雲喱嗱汁、豆腐花、葡撻、提子飽、鮮奶包；Dreyers 雪糕、Haagen-Dazs 雪糕、Potong 雪條，甜品陣容果然非常強勁，水準也真的好；當中最喜歡的有香蕉卷、芒果拿破崙、蛋白杏仁茶和鮮雜果白酒啫喱。香蕉卷 ～ 鬆軟的外層內藏了大大條的香蕉，喜歡吃香蕉的我，當然更加喜歡。芒果拿破崙～久聞8度的拿破崙質素很出衆，超多分量的芒果味甜而芒味飄香，那千層酥更是鬆化，custard甜而不漏；難得遇到高質素的，開心得連吃了三大件，過癮之至！鮮雜果白酒啫喱～平凡的外表；內裡原是新鮮水果，我們眾人嘗過後也大讚出色。蛋白杏仁茶～杏仁味香濃，加入蛋白更滑口，可惜太飽，只吃了一碗。自助餐本身已包任飲加啡茶、橙汁及蘋果汁。由現在開始至6月30日，在8度的官網訂位及列印優惠卷，最高可享有八折優惠，真正美味+超值！…Read More

到土瓜灣搵食時，好友提起在附近酒店吃過不錯的annual dinner。八卦發現，晚市自助餐 ($448) 主打海鮮，還有近期大熱的芝士撻。眼前一亮，磨拳擦掌的去搏鬥一番。吃自助餐，習慣先逛一圈數算目標，以免後悔。人龍守候處，是個四方木盒子。開蓋的一刻，登時起霧。原來這像焗桑拿的，是主題焦點的「熱石香草蒸海鮮」，很有gimmick呢～附近，還有美國生蠔、香煎鵝肝及燒烤醬燒豬肋骨。羊群心理下，顧不上前菜，私有化再說。扇貝跟大蝦都很肥美，清蒸一流。順道拿了即切的燒特級牛肉，聽說是紐西蘭的。火候不錯，中間剛好是轉熟的一刻。朋友的法國布朗蟹，好像也不錯。回到前菜小食類，挑了幾款沙律、ham。以磨菇沙律、杞子淮山沙律跟蔗蝦尤其特別，清新美味。自助餐少不了日式刺身，這間的挺新鮮。意外的，是見到了和牛刺身呢！一向在高級料理才找到，怎能不試？但海鮮系實在太出色，這晚轉投了亞拉斯加皇帝蟹腳的懷抱。雪白鮮甜，真蟹柳跟長腿誘惑下，不停encore。冷落了旁邊的紐西蘭藍青口、大蝦及翡翠螺，想來有點可惜。飽了一大半，又要留肚再戰甜品，忍痛放棄了印度咖喱。熱食類，淺嚐了辣椒膏炒花甲，醬汁惹味非常。自助形式的飲品區，有蘋果汁、橙汁及夏枯草。再看餐湯那邊，中湯竟然是猴頭菇湯。色澤金黃清澈，猴頭菇厚身彈牙，讚！整晚最期待的，當然是說好的芝士撻。現埸新鮮即焗，出爐再錦上添花的鋪上燕窩，未吃口水已流滿一地。掃了好幾個，熱食時撻皮香脆，放涼後芝心更顯濃郁軟綿。比得上專門店的，這裏任吃太犯規了！身為甜品控，繼續埋首甜品堆。法式燉蛋滑溜得可以啜下，北海道4.0牛奶卷奶味香濃。大熱的芒果拿破崙，雖然拿到的已是貨尾，酥脆依然。埸內還有Haagen-Dazs櫃，可以自取雪糕杯呢！小結自助餐一般亮點集中，這邊卻無處不在，완전대박 (完全大發)。雖然非旺區，交通方便，這晚20分鐘就到銅鑼灣。取食區集中，refill頻密，有時還會換上新款，不用搶食。海鮮系的長腿、鮮肉，以及甜品，水準頗高，值回票價。…Read More

前陣子妹妹看見網站有團購,仲講到獨家做團賺好抵食咁.望過下D食物覺得OK,加上媽媽生日的大日子有得訂枱,於是就訂了這兒作為媽媽生日飯的地方...6時左右便到達,由於之前未來過吃自助餐,所以根本唔識地理位置,只好取出團購COUPON給酒店員工,他帶我們去搭電梯,說到一樓出便是了.一出到電梯有古怪..點解同平日食自助餐地方唔同的,原來是安排了去宴會廳吃..入到去時感覺怪怪的,因為未試過是這般吃自助餐呢由於早到關係,唔算太多人.第一件事去取生蠔,龍蝦仔,青口,蝦和螺...基本上除了生蠔我覺得OK外,螺是好吃外,其它的都好一般,無乜味道的至於沙律,有羅馬生菜,紅葉生菜,薯仔沙律,蘋果菠蘿沙律,車厘子茄,粟米雜椒沙律,煙香早三文魚,翠綠鮑魚雪耳沙律部份沒有吃,因為某些沙律可能太耐無人食,有生水情況出現,我怕肚痛,所以都係望下算數.不過,我有吃翠緣鮑魚雪耳沙律,雪耳爽口,可惜唔夠凍....煙三文魚都OK,如果再肥美D更好湯是日老火湯,都唔知乜湯,因為你完全唔覺得飲緊湯,似係水加鹽,我的妹子還說似煲完雲吞的水,無言..至於意大利雜菜湯,無飲,只因本人一向對紅湯沒有興趣..日式:雜錦魚生有8款:我記得的有甜蛋,蟹柳,三文魚,吞拿魚,鯛魚,魷魚,赤貝等>>只吃了三文魚和魷魚加赤貝,三文魚切到太厚,無乜質感,又唔夠肥美.魷魚有極大腥味,赤貝個色好怪,又唔夠爽口,刺身平平.原本我以為沒有壽司,妹子提醒你可以叫切壽司的師傅幫你整..日式小食:吃了螺肉和八爪魚,我覺得唔好食,太鹹..螺肉仲有D腥味....泰國:有泰式柚子蝦沙律,泰式香辣鳯爪,紅咖喱鴨,泰式麵檔,泰式青木瓜沙律,青咖喱豬扒,泰式菠蘿炒飯..我只吃了鳯爪和柚子蝦沙律..鳯爪唔夠入味.柚子蝦的沙律唔夠凍,柚子有點苦,蝦無乜味,後期剩番齋柚子無再REFILL過了韓國有韓式泡菜,人蔘雞湯,韓式烤肉,蘿蔔炆牛肋骨條...我只吃了蘿蔔炆牛肋骨條,味道唔差,牛肋骨炆得鬆化...有越色和印度食品,無部無興趣,不評論...港式也有11 款的.有咖喱魚旦,D魚旦好死實又唔夠味,其實呢味餸整得好食唔難架,唔明點解可以難食囉!五香脆炸豆腐就咸左小小...花菇扒時蔬即係小棠菜加花菇,正常...雜錦點心,望見個樣己經唔想食,所以無乜特別印像...因為本人一向對熱盤麻麻,所以無乜點食.不過,屋企人意見係唔夠熱,有D只係暖有D仲凍架添,但係野食夠味的....如果熱D好好多中國有口水雞,川辣青瓜,蒜香雞腎,上海小籠包,四川回鍋肉,上海粗少麵,川辣水煮牛肉,川椒蟹.只吃了雞腎青瓜和上海小籠包,只係覺得小籠包D皮太厚肉太實又無味,最重要小籠包的神隨湯汁完全欠奉..燒牛肉:是由廚師切的,我取了兩次,兩次都切得太薄,個廚師實在太孤寒,切厚小小都得,D汁又落鬼咁小,激死..屋企人見到覺得肉太生,我又覺得OK,肉味唔太有,但對於愛吃牛的我有得吃己很滿足甜品我真係無乜得好寫,因為只吃了小小,同埋因為每款出得一次關係,真係要去搶食架.由於太飽同埋食過小小甜品覺得無乜特別,所以都費事去搶.雪糕:是細杯裝雀巢,味道三款,係乜味無留意,因為本人吃自助餐是不太愛吃雪糕,所以甚麼牌子也沒所謂有生果的,印像中有西瓜,仲有火龍果,因為無點食,唔評論由於沒有餐飯,但有一位待應姐姐推住架餐車SELL V8罐裝飲品,10元有5罐都真係超抵,飲唔晒都可以拎走,味道有2款,但個姐姐只俾左一款我地...是旦啦!有得飲就算費事煩待應唔算少,但執碟又唔見得好快,有改善空間.叫人填意見表又離奇在唔放低筆,唔通假設人人都有筆,因為換左手袋關係係無放到筆,最後只要左coupon無填意見表七折後每位$328,再加1,每人再加多半2元飲品,合共362.8.…Read More

今日突然間興起想飲茶，某日睇雜誌睇到話8度海逸有得食點心buffet，$118點心任食，平時其他酒樓食晏飲茶,閑閑地平均消費都過百，依家仲有埋炒粉麵飯、甜品任食，一於決定提議同事一齊去試下！ 入到酒店，d裝修好特別，職員個個都好好笑容好nice，有求必應，又幫我地安排左個靚位。入正題啦! 點心嘅選擇有十幾款。蝦餃包得好精緻，皮都幾薄，入口彈牙兼爽口；蟹子蝦肉燒賣，蟹子舖滿粒燒賣；即煎蘿白糕，完全唔油膩，好清甜，唔厚粉，食落去軟綿綿，原來用有機蘿蔔，值得encore! 秘製茶葉蛋醃得好入味，茶葉香料精華滲透晒入隻蛋度。另外推介雞絲春卷、金箔叉燒酥, 好脆, d餡料好豐富又唔會好重口味。炒飯中我最中意欖菜蝦乾瑤柱炒飯，啲飯粒粒分明，滲透晒蝦乾瑤柱嘅香味。甜品有8款，葡撻、斑蘭雪坊蛋糕、芒果moose杯、豆腐花等, 食得出係用心之作。Waiter們做野好快手，不斷為我地收碟同加茶，又問我地d野啱唔啱食，完全感覺到顧客至上嘅感覺。$118咋，一定會再來~…Read More

呢期做緊"澳洲和牛刺身及即開生蠔"主題, 有專人即開生蠔, 亦有一半係為心急既人開定, 等人拎, 我2者都試過, 即開生蠔係好咪D, 已開既生蠔會大隻D, 但比較腥, 即開會淡口鮮味D。 澳洲和牛刺身初初就一碟2件, 到後期就一碟1件, 味道都OK, 算新鮮既(解凍得夠, 冇雪味, 哈哈)甜品方面人地話最出名係芒果拿破崙, 的確係幾好味, 而且芒果都好甜, 但我就覺得個酥皮可以再鬆少少就好喇~仲有個燒牛肉, 平時D BUFFET我真係唔係, 又硬又冇味, 但呢間就好正, 好"淋" 又入味~總之整體黎講食物都好掂, 係地方偏僻O左少少, 好在就係佢有免費穿梭巴士, 由尖沙咀既九龍酒店對面上車, 直到8度酒店都係12分鐘, 班次可以上酒店網頁參考…Read More

今晚諗住再試多一次８度～俾多次機會佢，點知一試就。。。。。。羊架燒得好香加埋薄荷汁真係超好味!甜品不過不失啦~最正甜品係朱古力慕絲蛋糕~每人一個小小的佛跳牆，都算足料味道唔錯！長腳蟹腳全晚係咁出，咁我都好出力咁同佢食既！今晚真係又甜又多肉全晚食得最多既生蠔啦～同朋友鬥食得多。。呵呵～…Read More

今曰試咗佢個Brunch buffet, 不過不得 呢間新開嘅酒店，位置都幾隔涉，乘拾酒店shuttle bus會好D，個站分別喺Kowloon Hotel、九龍站同Hunghom火車站 ，建議早些少去等會安全D，因為司機見無人等就走！講番食物，一般酒店buffet有嘅食品佢都有；冷盤有沙律、蠔(無試)、蝦等等；hot dishes 有羊架、燒牛肉、京都骨、新鮮魚、水餃、奄列等等；有厨師即整sushi！甜品有幾款cakes、仲有格仔餅、chocolate fountain等等冷盤選擇不多、加埋都應該無十款，會係較少種類。但本人對冷盤興趣不大，所以我覺得都足夠。hot dishes D curry唔辣，但其他都幾好，選擇同樣唔多，但係都好夠食；要讚嘅係大部份都擺得好整齊，而唔係一堆堆咁由得你夾！甜品係絕對唔會令人失望！嗰件朱古力蛋糕，上面朱古力碎、中問係比一般mousse有質感嘅牛古力溶，而最底嗰層唔係一般牛油底，係朱古力底，總括一個字 - 正!!! 另外有件白雪雪嘅蛋糕，上面有菠籮片，食落去有點似食緊焗雪山，入口即溶，呢個又係不可不試嘅cake! 最後係以一杯Mocha結束，感覺非常滿足。: …Read More