文記車仔麵 (福榮街)

每次嚟到呢間車仔麵門口都勁多人排隊，尤其是每次經過都覺得條龍好長，今次唔使排好長龍都有位可以坐低食。我哋總共三個人每人叫咗一碗車仔麵，另外仲叫咗個腐乳通菜同埋瑞士雞翼。我個車仔麵叫咗都好多唔同嘅餸，包括豬手，韭菜餃，豬大腸，蝦春卷，勁多唔同嘅餸。每樣餸都好好食，唔單只係好入味口感仲非常一流。每樣餸都好好食，佢嘅湯都非常之濃，店內環境正有少少窄，但總算有同事幫你搵位唔使自己麻煩。買完有同事幫你拎過去座位嗰度。開頭我都唔知以為要自己去處理。店內仲播住Mr. Bean，真係好寫意。…Read More

雖然是米芝蓮餐廳，但該店的車仔麵非常平民化， 性價比十足💯，份量亦很足料👍👉🏻 韮菜餃+豬紅配瑞士汁湯河招牌韮菜餃飽滿， 非常足料， 但可能煮得太久， 皮略嫌軟🙈；豬紅味道十足，配上甜甜的瑞士汁湯河真的一流😋👉🏻 玻璃辣魷魚+牛柏葉配沙嗲汁粗麵玻璃辣魷魚加上牛柏葉的組合真的是又爽口又彈牙，沙嗲汁（微辣）有少少辣，又香又開胃🤤👉🏻瑞士汁雞翼（5隻）雞翼非常入味， 但略嫌煮得過火， 肉質偏老😔…Read More

話說下午我剛剛在深水埗「福榮街」的西餐廳「馬X里餐廳」裡面，食完一個以爽脆豬頸肉做配菜，配搭濃郁鹹甜味道的芝士醬汁撈即食麵，再加一杯熱奶茶作為結尾之後，我結賬離開餐廳。回到「福榮街」的時候，我準備想幫襯深水埗另一間薄有名氣的港式車仔麵餐廳，餐廳的名稱叫做「文記車仔麵」。我發現在位於「福榮街」另外一邊的「文記車仔麵」，「文記車仔麵」不只有兩間舖位。而且兩間「文記車仔麵」的店外，還有大量慕名而來的食客，正在兩間「文記車仔麵」店外苦苦排隊等候。所以我亦立刻加入排隊的行列，等候進入「文記車仔麵」選擇車仔麵食品。不過，我進入「文記車仔麵」店裡面之後，才發現原來「文仔車仔麵」售賣模式，竟然跟現在坊間大部分車仔麵食店，依靠填寫點餐紙選擇食品和麵底有很大的分別，因為「文仔車仔麵」需要直接在廚房外面選擇車仔麵餸菜。「文記車仔麵」裡面所有的不同配菜，都已經被預先煮好，被放置在分成一格一格，專門用來放置餸菜，等候食客選擇的餸菜格裡面。反而「文記車仔麵」沒有自己的點餐紙，食客只能看貼在餐廳牆壁上的價目表，了解自己想食的餸菜價錢。另一方面，「文記車仔麵」自家的車仔麵沒有任何套餐提供，亦即是說為車仔麵選擇的餸菜沒有最低消費，亦沒有指定餸菜份量套餐，食客胃口如果不大的話，只選擇一兩款菜，蘿蔔豬皮也不成問題。我在排隊期間，已經想到自己想食的菜，加上我剛剛光顧「馬X里餐廳」之後，身上剩下的金錢已經不多，所以我放棄了很多，平日非食不可的配菜，只將目標集中在「文記車仔麵」兩款招牌食品。那兩款「文記車仔麵」的招牌食品，分別是「自制韭菜餃」以及「瑞士雞翼」。「自制韭菜餃」價錢相對比較便宜，三隻「自制韭菜餃」實際售價僅十元而已。至於「瑞士雞翼」的售價，相對「自制韭菜餃」就昂貴了一點點，大約兩隻左右份量的「瑞士雞翼」賣港幣十三元，但是價錢也不算太過份。由於「文記車仔麵」的廚房，跟車仔麵餸菜的擺放方式都是以開放式進行，餸菜食品的實際狀況一目了然，無花無假，即使我在拍攝廚房實際狀況，「文記車仔麵」廚房店員嬸嬸也沒有任何負面反應出現。好像「文記車仔麵」這種擁有開放式廚房的港式車仔麵餐廳，雖然不是賣少見少，但是要碰到這種車仔麵餐廳實在很講緣份，我在西貢以外看到開放式廚房的車仔麵店，「文記車仔麵」是少數之一。另一方面，「車仔麵」這種港式美食有一個好處，就是車仔麵的餸菜可以做到豐儉由人，即使只選擇一兩款餸菜，車仔麵也能夠成交。最後我只是選擇了「韭菜餃」，以及「瑞士雞翼」。我選擇了「文記車仔麵」兩款餸菜，再加上粗麵麵底，整碗兩餸車仔麵實際價錢不算昂貴，我最後埋單付款時，都只需要付款港幣三十二元而已。而且「文記車仔麵」的運作流程，都尚算非常順暢，我由選擇麵底到選擇餸菜，最後走到最後「文記車仔麵」有收銀店員，坐在廚房外面盡頭位置櫃檯負責收銀，我付款後索回收據，之後就可以找座位坐下享用車仔麵了。「文記車仔麵」的樓面雖然也有放置兩大部電視機，幸好當時的「文記車仔麵」電視機不是播放「83」，所以「文記車仔麵」電視機實際上對我影響其實很有限而已。而且我發現「文記車仔麵」雖然有很多食客排隊幫襯，但是「文記車仔麵」裡面檯櫈實際上，正在坐着享用車仔麵的食客數目其實不多，我全程甚至沒有需要擔心有人搭檯。「文記車仔麵」排隊人多，但是樓面的食客數目一般，我懷疑箇中的原因，可能與「文記車仔麵」樓面面積不小，檯櫈又多食客享用車仔麵的速度，與實際享用車仔麵需要的時間有關。「文記車仔麵」樓面面積不小，所以檯櫈坐極總有座位剩下，甚至想找一張沒有人佔用的檯櫈，也絕對非天方夜譚，只要你不要介意食到中途，有人要搭檯就可以了。而且「文記車仔麵」安排為車仔麵湯底加上辣味的手法，都是屬於以餐匙盛載起餐廳調製的辣椒醬，然後食客因應個人對辣味的要求，多多多益善，少少無拘。我隨個人喜好加入辣椒醬就可以了。至於「文記車仔麵」的車仔麵湯底，亦跟大部分車仔麵食店做法十分相似，湯底的味道有正常程度的辣味，這些辣味對我來說都算還可以接受。我個人對辣度承擔能力尚算可以接受的水平，即使將匙羹裡面的辣椒醬全部加入湯底裡面，我還有足夠能力，喝得下「文記車仔麵」的辣味湯底。至於「文記車仔麵」裡面的粗麵麵條，只是我平日都經常會食到的粗麵，偏向有少許軟腍的口感而已。反而「文記車仔麵」的「韭菜餃」，味道口感比較有趣。因為「文記車仔麵」的「韭菜餃」，韭菜跟豬肉製成的餡料，多得幾乎擠爆「文記車仔麵」的水餃皮，而且「文記車仔麵」「韭菜餃」的韭菜味道非常之香，韭菜味道在我咀嚼完仍然逗留在我口腔裡面。至於「韭菜餃」裡面的豬肉，也尚算剁得非常之碎爛，「韭菜餃」免治豬肉的味道與韭菜非常之合襯，免治豬肉與韭菜的份量比例大約在一半左右。由於「文記車仔麵」「韭菜餃」的肉味很有甜美感覺，所以有意幫襯「文記車仔麵」食客大可以不需要擔心，以「自制韭菜餃」裡面餡料的味道與口感，要成為「文記車仔麵」的招牌食品絕對不是問題。我雖然不是一個非常喜歡食豬肉的人，但是我嘗試過「文記車仔麵」的招牌「韭菜餃」之後，就發現自己開始愛上食「韭菜餃」，不過我平日少食豬肉，所以「韭菜餃」還是偶然食一次就夠了。至於「文記車仔麵」裡面的「瑞士雞翼」，我試食後也覺得「瑞士雞翼」，也都稱得上算是「文記車仔麵」的招牌菜，餃翼裡面的甜味即使浸在車仔麵裡面一段時間，甜味仍然勉強留到在雞肉裡面。只不過我覺得一般的「瑞士雞翼」，始終不是適宜長時間逗留在車仔麵辣味湯底裡面的食品，如果想認為試食感受「瑞士雞翼」的甜味，還是趁早食完「瑞士雞翼」好了。總結評論「文記車仔麵」的車仔麵食品，我覺得「自制韭菜餃」的餡料很飽滿，豬肉味道甜度正常，韭菜味道很香，「瑞士雞翼」的甜味亦合乎要求。而且光顧「文記車仔麵」不必跟套餐，選擇餸菜又可以豐儉由人，屬於便宜抵食的車仔麵。可惜我當時還有很多「文記車仔麵」食品尚未嘗試，還是等到下次再有機會到深水埗，才有機會嘗試「文記車仔麵」其他的招牌餸菜味道。…Read More

每次到文記車仔麵都大排長龍，今日也不例外。我地等左十五分鐘到，就入得去啦，其實都唔算話要等好耐既🙈佢有十大必食推介，好似樣樣都好正咁🤩最終我就叫左個鹵水豬大腸、自制韭菜餃、玻璃辣魷魚、豬紅配米粉。而我男朋友就叫左魚片頭、鮮蝦腐皮卷同豬腩肉配幼麵🤗我地兩個仲share左個瑞士雞翼tim😳先講佢既湯底，我叫左瑞士汁湯底配上小辣，真係好好味👍🏼然後佢既豬紅都係幾好的，好入味😋至於玻璃魷魚都幾爽口，所以都推介的！其他餸就一般般，唔算話好特別的。皆因我同我男朋友都好想食瑞士雞翼，所以就叫左五隻瑞士雞翼，係小食黎既！雞翼相當入味，配上濃濃的瑞士汁，真係冇得頂🥰整體黎講我同我男朋友都非常滿意，係有水準既車仔麵，所以都理解點解任何時候都咁多人排隊了🙈😂…Read More

琛水埗同一條街有三間一樣既車仔面，次次行過都多人到要等位既車仔面，真係想知有幾咁巴閉。今日經過見人唔多唔洗點等，就一於去睇下佢有幾犀利。環境黎講，以車仔面檔又真係幾乾淨企理，衛生又ok。夠光猛又坐得舒服。而且調味料又齊全，原樽放係頭頂仼你落，總有一枝係左近。讚👍🏻餐牌設計其實都有d難明，要消化一陣了先理解點落單。d餸選擇有好多，有平有貴，豐儉由人。按自己喜好揀餸，湯汁，面底。循環再用餐牌夠環保。但係最低消費都要點兩餸先夠25蚊！小食同飲品（跟餐半價)叫左個雞翼，超入味，味道岩岩好，好食又夠淋。兩餸油面，辣汁魷魚鬚，比想像中辣，d汁辣到整個面都變辣，食唔到之下，想拎個碗去減咁d湯底，但店員好好咁幫我成碗面拎入廚房倒左d湯換過d唔辣既湯，即刻食得輕鬆好多，有咁既service真係真心推介。魷魚小辣又夠爽，牛筋又夠晒淋，面底煮得岩岩好，湯底初頭被魷魚汁整到好辣，之後變反普通腩汁底就食得到啦。真心推介依間有服務又好食又舒適既車仔面!…Read More

好出名的一間車仔麵店 長期都咁多人排隊一條街已經有三間分店😂真誇張食過就知果然名不虛傳!實在太多餸可選 忍不住選了4️⃣餸🙈麵底都有10多款選擇最後揀左比較少見的銀針粉先講銀針粉 佢就好似瀨粉同狗仔粉的混合體好Q彈 煮得剛好 不會過淋好挺身保持嚼口 非常彈牙 1️⃣牛孖根真係超淋超入味❗️2️⃣辣魷魚好爽口彈牙 一點都唔韌 辣味香3️⃣蘿蔔沒有渣 非常清甜 超正4️⃣牛肚估唔到牛肚都可以煮得咁淋 但仍有嚼口口感味道都一流超滿意的餸 湯底加了沙爹醬 辣得黎夠香值得一提係店內有超多不同醬料任你混醬加了辣菜甫 好爽都幾辣 加入本身都辣的湯底辣上加辣 但辣得過癮🤣另加瑞士雞翼($30)同腐乳通菜($15)雞翼散叫就有5大隻 全部都好大好肥美淨係睇隻色就知瑞士汁好濃 雞翼亦非常入味個人認為個汁偏甜了一點稍為少一丁點糖會更好 但真係好好食通菜有成碗咁多 好爽口腐乳調得唔錯 不會有奇怪甜味 鹹味適中…Read More

一條街三間分店，做車仔麵做到打入米芝連，文記究竟是言過其實厄鬼佬，定還是高手在民間？今日決定一探究竟。先來一碟瑞士雞翼。文記把這本士菜色做得香滑美味。不過考慮到瑞士雞翼本身不難做，大部分餐廳水準相距不遠，未敢讚得太厲害。麵的選擇頗多，粗麵幼麵出前一丁米粉甚至蕃薯粉都有。 來個蘿蔔牛腩麵吧？蘿蔔鮮甜無渣，超級的好吃。柱侯牛腩入味，水準中上。另一個蘿蔔牛筋蕃薯粉也很好，牛筋煮得夠淋，入口即融，香甜的清湯底更是驚喜位。兩個人舊幾水埋單，抵食。期望文記能保持水準之餘，能逃過米芝連的咀咒。…Read More

好少出深水埗揾食😋,最近見到報章介紹文記車仔麵。做車仔麵做到一條街開三間分店,仲大排長龍~真係好想知道有咩吸引力, 所以突登遠道而黎一試 。✨第一次黎,其實我都唔係好知舊店同新店有咩分別,分別可能係舊店多左條人龍😂PS.我去到果時大約七點✨新店原全無人排😱, 但求舒服唔想等就揀左佢~等左大約5分鐘就有位喇。✨兩個人安排坐面壁自閉位, i lovin' it~~好過三9唔識七你眼望我眼~😳✨環境都幾乾淨企理, 張枱感覺唔會太迫, 櫈底仲有個籃可以擺袋嫁❤✨一黎到已經比枱面D 調味料嚇親~超多款~!!魚露,辣椒油/醬, 醋汁,胡椒粉，菜脯等等,連頭抽都有😱😱😱, 會唔會誇張左小小😆雖然我乜都無加過, 不過佢做到個氣勢出黎~✨無論食物款式,粉類,飲品款式種類都真係好多選擇👍好似柚皮, 辣汁螺肉,豬油渣,豬手都唔太常見~~~粉類仲可以揀銀針粉, 紅薯粉,拉麵~~😚✨野飲~除左一般汽水,餐飲, 仲有自家制飲品~好似洛神花茶, 羅漢果龍眼茶等等。見跟餐半價, 整番杯先😜 叫左個蔗汁, 顏色好green, 不過我覺得甜得濟, 下次我唔會揀佢✨咸檸七~都係飲番d大路野好d~不過記得叫小冰, 佢本身比左成半杯冰我~最後再叫佢走左佢✨第一次黎梗係必試佢既招牌菜👍秘製牛孖根: 份量唔細,都有6,7舊~ 炆得好淋, 有彈性~好入味!!必食👍南乳豬手: 12蚊有兩舊~唔講唔係好覺有南乳味,不過真係炆得好淋,豬皮入口即溶👍韭菜餃: 新鮮好味道,正常野👍蘿白: 入口鬆化, 超級甜~必食👍墨魚丸/八爪魚腐魚卷:兩款都好彈口好好味,墨魚丸有雲吞麵鋪既質素, 有咬口,入邊仲有墨魚肉。😱豬大腸: 我從來都唔食大腸, 比男友迫我食左一舊.......咬落好有彈性,淋淋地, 中間有D肥膏咇出黎, OH MY GOD~ 我接受唔到✨湯底我揀左腩汁, 味道無食開榮記果種咁濃烈, 反而係較清同帶點甜~~味道唔錯但梗係差梗特色🤔雖然我唔食辣, 最後唔執輸, 問侍應拎番個沙嗲汁同咖哩汁~~~~對我黎講加DD 都已經好辣~~😍個人鍾意咖哩汁~辣度容易接受加左落去之後成碗麵惹味左好多!!!!所以一定要記得加D汁!!!!!!!!👍瑞士雞翼: 甜甜地勁入味, 雞夠嫩滑~必食整體黎講幾好食, 食物款式選擇多, 唔怪得咁多人讚好~未食過都真係要黎試下, 如果佢碗麵可以輕輕搭番條菜就更perfect !!文記入到我心目中最愛車仔麵既三甲位置~😘埋單每人六十幾蚊~~超飽!!!!!!!!!…Read More

朋友建議夜晚去試下呢間，去到好多人排隊，排左成3個字有得入，位就係面璧的，冇法。叫左個腸仔豬大腸魚皮餃小辣米線，但發現一D都唔辣，我諗可能落錯左，不過係幾好味，豬大腸好食，煙韌，個汁變左濃湯都唔差，份量就剛好，唔算太少。不過瑞士雞翼真係有驚喜，煮到好入味，而且好大隻，每隻都正正常常，冇碎骨冇其他問題，基本上食兩隻都好飽下，我覺得瑞士雞翼可以做招牌菜，餐廳太多人啦，出入都有點難度，但新裝修所有野都好乾淨，冷氣都幾涼，值得黎試下。…Read More

男朋友食過幾次覺得好食，所以帶左我黎，冇諗過一間車仔麵，可以係一條街開足3間，而且間間都勁多人排隊！輪侯時間唔太長，好快就到我地喇！ 佢地既裝修光鮮，比我想像中乾淨！ 有唔同既辣椒油可以調味～ 辣菜脯～ 滷水雞腎 $10+魚片頭 $10+河粉 $8 車仔麵既調味醬汁可以揀辣汁、咖哩汁、沙爹汁等等，一定會有款岩食架！魚片頭彈牙好味！車仔麵同餸都係分開逐樣點既，雖然比一般車仔麵貴啲，但黎到深水埗可以試下🙈 玻璃辣魷魚 $38 辣魷魚爽口惹味，其實味道係唔差既，不過我唔食得辣🔥，浸完湯再浸瑞士汁都仲覺得好辣😭😭!!! 瑞士雞翼 $30 瑞士雞翼都好正，整得好入味，雖然係偏甜，但就幾嫰滑！ 腐乳通菜 $15 檸樂 $10 食辣野再飲檸樂就特別爽！ 餐牌 …Read More

同朋友去開SSP砌機, 整完都已經8點幾9點, 就隨便搵間近黃金既店朋友話想食車仔麵就係文記拎左飛, 雖然要等20個number, 但係好多都係走左, 最後只需等15分鐘就有位先講講店鋪格局, 雖然係車仔麵, 但店舖都算好乾淨, 唔係到處污積, 油lam lam 咁坐位分成一排排咁, 好似D 一張長方枱咁橫向坐, 你會見到對面既食客餐牌係一張彩色可寫既膠片, 食客可以用白板筆圈上你想要既食物, 好環保我點左豬紅, 豬大腸, 白菜餃, 墨魚丸米粉, 個秘制辣汁辣得好正, 一定要試, 但要提下呢個辣真心辣, 唔食辣既朋友要少少少少就好個白菜餃好好食, 係綠色皮, 另外個瑞士雞翼煮得好入味, 好lam, 相對比較甜, 成間鋪D野食都好正, 有機會會再黎食…Read More

文記車仔麵 深水埗美食團 又點少得有名既文記車仔麵 所以美食團既第三站就係文記車仔麵 甘出名排除是常識吧 車仔麵既一貫架步 先叫麵後叫餸最後先搵位 其實每次叫車仔麵 對於有選擇困難症既小妹都係一個困難 諗得慢又或者三心兩意 一覺唔覺意遇上更年期唔耐煩既阿姐 隨時比人話 所以每次都要利用排隊時間諗食咩 文記車仔麵既餸選擇好多 真係諗到小妹頭都大埋 豬手，韮菜餃，雞翼，大腸，蘿蔔 螺肉，雞翼尖，魷魚 通通都想食 但上一餐既炸雞還未清化 所以只好選左淨餸 我們最後點了豬腸，蘿蔔，螺肉和雞翼 豬腸洗得非常乾淨，無臭味 亦滷得好常入味軟腍有嚼勁 好好味 蘿蔔 蘿蔔清甜，無渣 very nice 螺肉煮得非常入味 帶少少辣，非常惹味 瑞士雞翼 雞翼大大隻 亦煮得非常入味 但小妹還是鐘愛滷水雞翼多一點 整體而言，以車仔麵黎講 文記價錢一點都不親民但食物質素不錯，可以一試…Read More

來深水埗，為的是吃台式芋圓。在此以前，總不能不吃正餐吧！深水埗是美食天堂，心中早有一堆候選名單。從D1出口步出，已看到劉森記和文記，見文記人氣不俗，先試試這家人氣車仔麵吧！　　時間尚早的關係，等候的人不多，才七、八人左右。有別於一般車仔麵檔，食客要先輪候選麵食配料，買好後才入座。若然是有選擇困難症的，最好還是先看門前餐牌，不過在餸料面前改變主意的相信也大有人在吧！先選麵食，加了菜底，再選餸料，最後隨喜好加上辣汁，一豌熱騰騰的車仔麵誕生了！這兒的阿姐非常友善，明明是自助取麵的，阿姐堅持要代勞，值得加分！　　　豬油渣/豬大腸/瑞士雞翼通菜油麵($46)食量不少又貪心的我，選了四餸車仔麵！典型車仔麵湯底，味精重味道偏甜，有腩汁的關係香濃惹味，配上稔身油麵很能吸收湯汁，麵底是水準之內吧！瑞士雞翼又嫩又滑，加上甜甜的汁醬十分惹味，只嫌小了點，一客兩隻吃得不過癮。豬油渣絕對少有豈能錯過，切成長條，足有五、六條之多。放心它是不油不膩的，酥香脆口，絕對是人間美味。豬大腸洗得乾淨，滷水夠香、新鮮、彈牙、肥美！腸內連着脂膏，非常香口！通菜下得慷慨，翠綠爽口，正！ 蝦卷/牛腩/雞腎米粉($34)老公點的是三餸米粉，米粉同是水準之內。牛腩屬邊腩位置，是走運了吧！炆得相當入味，口感稔滑，連不好牛腩的我也覺相當美味！八爪魚腐皮卷有兩條之多，鮮香彈牙，比丸類特別。厚切鴨腎甚有咬口，尚算入味。韮菜/豬紅/蘿蔔/豬大腸(小)($28)老公非「細食」之輩，另點了一碗細雜錦，這碗餸料份量不少，豬大腸是當中的亮點。而難得的是用上真豬紅，口感較為鬆散，但非常滑溜。蘿蔔炆得稔身，甜中帶微苦，一般而已，墊底的韮菜不少，灼得剛好不會過老。這碗雜錦水準參次，不過確是比散點便宜。　　愛重口味的我，辣汁當然是不可缺少的吧！這兒的辣汁香味較重，辣味較輕，不是我嚐過最好的辣汁，但聊勝於無吧！愛吃辣的朋友建議問阿姐多取辣汁，因為桌上的辣椒醬味道完全不行！用的雖然是冠益華記瓶子（別期望是余均益，但也肯定不是冠益）內裏卻是質素挺劣的辣椒醬，有一股機油味，實在是大煞風景。　　凍咖啡(+$9)港式茶記水準，香濃帶微酸，還不錯吧！ 才一百元便能飽餐一頓，加上餸料有水準，也難怪文記會廣受歡迎吧！…Read More