營致會館

這一個午餐期待已久，訂好枱的日子終於來臨，今日和朋友二人入座，裝修有格調，但又絕不俗套，準時中午入場被安排在二樓的二人餐枱，最初因為客人未滿，所以感覺上都不至於很嘈吵，但原來坐滿之後相對感覺絕對比想像中更為吵鬧。。。我們單點了一個套餐二人分享，繼而點上幾份單點作當日兩人之享用～（去之前在網上早上功課，他們有兩份商務套餐，原來每星期是《輪流》替換, 當日去到只是供應一款）【文字下方會有些少影片分享，可作參詳！】商務套餐HK$528.特飲當日便是柚子蜜★★★簡簡單單，便是一個柚子蜜對於夏天來說，感覺清新～前菜分別有(涼拌芝麻海蜇，拼日本溫室青瓜鎮江餚肉)★★★擺盤漂亮精緻，海蜇夠粗，夠肥大又夠入味鎮江肉切得薄薄的晶瑩剔透～肆式點心拼盤★★★點心拼盤方便有四色分別有粉果餃子和酥餅與及春卷各有各特色，各有各精彩濃湯雞蓉粟米羮★★★雞茸粟米羹相信是全個套餐中，應該算是比較平凡的一道，感覺就是鄰家的家常菜一樣，雖然平庸但都不馬馬虎虎，暖暖胃接力下一道菜～碧綠天椒爆蝦球★★★★這一個迷你版的小菜，相信是全個套餐之中，自己覺得最有特色的一道，放在口中異常的感覺十分有鑊氣，雖然説(天椒)但自己感覺太辣, 只不過是BB辣，是大眾化接受的～魚湯鮮菌泡飯★★★★這一個亦都是排行第二自己覺得比較有特色的一道，一來魚湯十分鮮味，將白飯與及泡過的脆米飯兩者融為一體口感比較多一份層次～甜品當日的甜品就是木瓜糖水與及芒果西米露，中平之作，不過勝在擺盤都落心思～接下來是單點的。。。XO醬煎腸粉HK$88★★★自己再來過之前曾經在(金X庭)吃過同類型的XO醬煎腸粉所以有比較，但若然我未來過，我都相信這一道是全枱之中最為比較有瑕疵的一道，腸粉應該是先用粉或粉漿輕輕泊過，但這一次粉漿略嫌太厚，所以入口每一件都偏韌同偏硬，如果是同一類型我自己就覺得(前者)較為出色，而且較為好食～烤芝士鮮蝦春卷HK$78★★★★這一個相信是融會了新派製作，將芝士合併於春卷身上，既可吃得蝦肉也同時吃到芝士，蠻不錯～芹香鮮蝦芝麻筒HK$78★★★★由於席間朋友很喜歡食香菜，自己味蕾就不太敏銳,對香芹的味道感覺不強，但朋友仔就說吃得出,不過整體因為炸得香脆，而且不感覺油膩，所以自己都覺得可以推介～珊瑚芙蓉蝦球皇HK$400.★★★★重點中的重點，這一個相信每一枱都會必點，這一次自己當然也不例外，上枱時已經靚到一個爆點，功夫繁多將蝦衣外皮剝去，亦要將它泡水與及界花，吃起來絕對是（純味道），這麼大的蝦，相信一定是越南虎蝦才可以做出這麼大～叉燒半份HK$200.由於有過好幾次酒店內吃上叉燒體驗，所以心底裏也會作出一個比較，今次這份义燒偏向瘦身，雖然仍是（梅頭位置）但口感實屬較多纖維，不過同枱朋友仔就較喜歡，所以話口味實屬個人化～☆整體來說，個人對這間中菜廳滿意非常，好多時侍應人員都會主動前來斟茶，食物換碟的次數也蠻多，出品樣樣都實屬滿意，除了煎腸粉美味有些少失準之外,下次再來必定要試試他們其他更多的點心。☆★茶芥及醤油每位HK$45.★…查看更多

特別推薦大家✅花雕太白醉香鴿 Marinated pigeon with “Hua Diao”✅香葱爆乳龍 Stir-fried lobster with shallot and scallion ✅珊瑚芙蓉蝦球皇 Steamed king prawn with egg white and crab coral✅鵝肝醬乳豬件伴海參乳鴿脯 Crispy suckling pig with goose liver pâté accompanied with sautéed pigeon and sea cucumber ✅脆香貴妃雞 Crispy salted chicken ✅蓮蓉西米焗布甸 Baked Sago Pudding with Lotus Seed Paste《花雕太白醉香鴿》️乳鴿好嫩滑🦆，冇雪藏味，乳鴿味齒頰留香🦷，花雕酒味都好香濃，但冇蓋過乳鴿嘅味道，調味好出色👍🏻💰$180《香葱爆乳龍》️必點😍，佢用上乳龍🦞，即係細隻d既嘅龍蝦，雖然少d肉，但食起上嚟比一般嘅龍蝦更鮮甜同爽彈‼️調味用咗蔥、洋蔥🧅、蒜頭🧄去爆香，令到成個菜式好惹味，一上枱就香到流晒口水💦，記住要連埋d蔥、蒜一齊食埋，勁好食🤤💰$380/person《珊瑚芙蓉蝦球皇》️⭐️呢樣係餐廳嘅招牌菜，建議要預訂咗先📞，面頭有舊琢到成朵花咁🌸，去晒蝦殼嘅蝦球王🦐，好鮮甜爽口🤩下面伴襯嘅係有蟹肉蟹膏嘅蛋白🦀🥚，食起上嚟好清甜，食唔停口🤭💰$400/person《鵝肝醬乳豬件伴海參乳鴿脯》️呢個菜式係重口味人士至愛😆，伴碟嘅有🐽乳豬夾住個包仔同鵝肝醬，食起上嚟香脆好味🥰中間有用上香濃秘製醬汁炒香嘅海參⚫️同乳鴿脯🦆，海參食起上嚟好爽脆，乳鴿脯都好軟淋，但由於個調味太重，缺少咗個乳鴿味😌💰$480《脆香貴妃雞》️呢樣係餐廳另一樣招牌菜✌🏻，有d似我哋平時食開嘅炸子雞🐥，但佢嘅皮整得更薄❗️更脆❗️雞肉好有雞味之餘🐤，有咬口得嚟好嫩滑，同平時一般食嘅冰鮮雞係兩回事，唔洗點任何嘢都好好食😋😋💰$290/half (圖為this)💰$580/whole《蓮蓉西米焗布甸》️甜品一定要嗌依個🔥😍，焗布甸食落唔會好甜 ，有好香嘅蛋味🥚，西米都好彈🦷，面頭焗到有少少焦香，有好香嘅焦香皮絕對係成個甜品最好食嘅部分👍🏻👍🏻甜品嘅甜主要來自底下嘅蓮蓉，食落好滑好香💕，但唔會死甜😌💰$55*如果想食💰$760 北京片皮鴨/whole，就要早一日預訂📱**❌💰$360 生炒臘味糯米飯/例牌🍚，食落偏淋，唔夠乾身同有咬口，可以唔洗叫🤭***好多甜品都好正，1️⃣💰$54 柑橘鳳梨蘇/3 pcs、2️⃣💰$54 蜜餞迷你脆麻花/3 pcs同3️⃣ 💰$54 椰汁柚子桂花糕/3 pcs都好好食😋…查看更多

農曆新年未敢四出拜年，初七後等到疫情穩定啲即約會銀狐長輩晚聚，並由蕃薯uncle欽點一嚐中環二星名店「營致會館」。中餐廳兩層高，正門設於橫街域多利皇后街，其落地玻璃設計當眼鮮明，不難找到。地下為三用嘅接待處、候座區及酒吧。通往上層用餐大堂可步上樓梯，或於干諾道中進入盈置大廈乘坐升降機。店子面積寬廣，以木地板襯托雲石桌面，感覺雅致通爽。四人散座分佈成內圓外方，近窗位置以半梳化合併式方形餐桌圍邊，其餘內側則擺出圓枱，配上厚墊椅櫈十分舒適。桌上有齊備嘅自用及公用餐具，中西合璧，整潔企理。小弟愚見，雲石餐桌雖看似有格調，不過對高級中菜廳而言，似乎舖返張枱布先能顯出其高雅嘅氣派，同時可提升衛生度及減低碗碟所產生嘅雜聲。散點餐牌共有九頁之多，可從官方網頁下載。如相所示，每頁下方除咗提及會收取加一服務費之外，仲講明要求食客「請將手機轉為靜音模式」。XO仔早於電話訂座前參閱過，方便為晚宴預先定下菜單，到用餐當日，早到可以飲住等，人齊就可以起餸。請留意，雜項收費包括茶芥$45/位及開瓶費$500/樽。服務生溫文有禮，加添酒水、更換新碟等功夫全為自動波，食客反映意見後更迅即調整，誠懇及專業之態度實屬難得，值得一再嘉許。黑魚子煎釀蟹拑（$260/位）：碟子中央鮮亮嘅蟹拑伴有兩件西蘭花，師傅於盤邊以食用花及菜苗砌出相襯嘅花紋，外觀輕盈精妙得很！煎煮過嘅釀蟹拑毫不油膩，奶白色嘅蝦膠鮮爽有嚼勁，以金黃香脆嘅炸瑤柱碎及鮮美嘅黑魚籽醬點綴，口感更為豐潤，廚師推介菜式當真細膩！唯一席上嘅銀狐兄弟提到，美食如果可以熱少少就更加完美！珊瑚芙蓉蝦球皇（$390/位）：珊瑚芙蓉蝦球皇以黑色嘅盤子承載，成功突出其橙艷鮮美嘅色調，上枱一刻震撼到連隔離枱都要望多兩眼，絕無誇張！晶瑩雪白嘅蝦球皇極富光澤，咬落爽脆鮮甜，玻璃蝦肉簡直係零瑕疵！半浸住極品蝦球皇嘅芙蓉蒸蛋白面淋上呈珊瑚形嘅蟹膏及鮮蟹肉，舌上嘅嬌柔嫩滑頓增添海中貴寶嘅鮮濃氣質，組合配搭確真天衣無縫！明爐燒米鴨（$180/例）：燒米鴨皮層巧薄香脆，鴨皮與鴨肉之間半點肥膏都冇，粉嫩厚身嘅鴨肉鬆軟易入口，完全唔嚡唔實，肉汁豐盛芳香；嘻嘻，小肥最欣賞靚靚米鴨少骨，脆卜卜嘅透明軟骨仲要吞得架，一客例牌嘅份量最啱四個人分享。秘制香酥雞（$290/半隻）：反而最失色嘅就係整晚最熱辣嘅秘制香酥雞！香酥雞雖炸至金黃，無奈層炸漿過厚，即使雞肉唔乾卻欠缺雞味，Auntie Y直言此餸難敵快餐店出品，評語激狠。羊肚菌桂花炒粉絲（$240）：桂花炒粉絲撈入咗羊肚菌及芽菜炒製，蕃薯uncle就嫌粉絲唔夠乾身，細佬則覺得粉絲濕潤中帶爽，質感不錯，只係味道略為過份清淡，雖則見到羊肚菌碎嘅黑點蹤影，但真係食唔出其芬芳之香味，份量是否可以稍為調高？！濃雞湯雲吞雜菜煲（$280）：以砂鍋呈上嘅煲品熱力十足，哥哥仔展示過後即代為分成四碗。每人都分到一粒皮薄餡爽嫩嘅雲吞，翠綠鮮明嘅雜菜有腍有脆，輕巧健美。濃雞湯底色澤鮮黃，香甜濃郁，真材實料煲出真夠火喉，滑嘟嘟嘅粉絲索盡精華，作為單尾極為暖胃。中環星級中菜廳「營致會館」環境優雅輕鬆，服務生相當好客，而且貼身稱心，佳餚有「營」健康，廚師推介海鮮菜「黑魚子煎釀蟹拑」及「珊瑚芙蓉蝦球皇」尤其精美高質，高級價格尚算合理之列。…查看更多

粵菜手功繁複、味道精緻，非其他菜系可以媲美；而今日介紹的 營致會館 Ying Jee Club，開業只是三個餘月便勇奪米芝蓮星，是粵菜界的耀目超新星！ 主打商務高級用餐的 營致會館，位處中環恆生銀行旁的盈置大廈內；其命名除了巧妙諧音，也是期望帶來營商致富的美好意願。餐廳由曾是多間米芝蓮粵菜廳的掌廚人蕭顯志師傅主理，未食已充滿期待！ 餐廳有兩邊入口，地面入口處有個小小酒吧；拾級而上，不難發現整間餐廳都以綠色為主題：桌上的翡翠綠色餐盤、餐巾環、筷子托，都以寓意福壽吉祥的翠綠碧玉打造，檯上還置放了琉璃工房打造的麒麟，氣質格調高雅不凡。 一開首是點心環節，數量都可以加減非常貼心。喝一口順滑帶甘的普洱茶後，忍不住要趁熱先向 香蔥澳洲M9和牛千絲酥 ($78/3件) 進攻：貌如手袋的千絲酥鬆化不得了，筷子一挾隨即斷成兩半，外層不油不膩又襯以帶蔥香的美味和牛餡，滋味非常曼妙！ 更多點心也來了，相機及嘴巴都很忙碌！首先趁熱品嚐嬌艷的 松露雜菜粿 ($69/3件)，粿皮內釀入三種菇菌及紅菜頭，面層再綴以黑松露醬，未吃先聞黑松露幽香，口感清新豐富兼帶微酸，是款健康清新又華麗的素食選擇。 飲茶又怎能不吃蝦餃？這裡的 金華筍尖鮮蝦餃 ($78/3件) 精選優質的海蝦，加入金華火腿和筍粒製作而成，晶瑩透亮的金檳色薄皮下，蝦肉極之鮮甜、吃起來彈牙爽口，令人稱心滿意！ 接著上場是 香草海皇滑腸粉 ($98)，超薄滑剔透外表之下，有蝦、帶子及石斑在內，非常足料矜貴又鮮甜！如果還有胃納，其實還可以試 蹄香澳洲M9和牛滑腸粉，牛魔食友極力推介的！ 大家也絕不能錯過集清脆、皮薄、熱暖、足料於一身，鹹甜味完美平衡的 迷你菠蘿焗叉燒包 ($69/3件)，絕對是本年度吃過的最佳作品！ 其實想吃及值得吃的點心還很多：原隻鮑魚雞粒酥、松露魚子龍蝦餃、荔茸火鴨藏珍盒；但要留位品嚐大菜啊！ 先是由經典粵菜玻璃蝦球改良而成的 珊瑚芙蓉蝦球皇 ($380/位)，所用越南大虎蝦鮮甜又彈牙，刀手妙絕；配合花蟹肉、蒸蛋白、蟹膏，味道層次豐富，同時鮮味及熱度十足，超讚！ 另一款 香蔥爆乳龍 ($380/位) 使用只有六至七両的本地乳龍，取其肉嫩味鮮，以猛火快炒，肉質爽滑不老，火候控制及調味均恰到好處，大顯師傅功架。 接下來這味異常邪惡，怕肥人士不要看下去！脆香貴妃雞 ($280/半隻) 用炸香的瑤柱和蝦米連同跟金華火腿熬湯，放入雞隻慢慢浸熟，撈起自然風乾後再炸；相比傳統以麥芽糖塗抹雞身來炸，雞皮會鬆化酥脆美味很多倍，同時肉質又加倍嫩滑，會令人一件又一件追吃下去... 邪惡又美味的海鮮及炸雞後，當然要來碟時令的 上湯浸豆苗 ($250)，清新一下胃納、又平衡一下心理，才敢繼續向炒飯及甜品進發！ 在 鮮蟹肉松露蛋白炒飯 ($240) 的雪白外表之下，炒飯粒粒分明又夠鑊氣，松露的香及蟹肉的鮮甜都是恰到好處，令人忍不住三扒兩撥就吃個清光！ 最後來到甜品環節，不能不嚐 楓葉柑橘鳳梨酥 ($54/3件)，外層薄身清脆、中間酸酸甜甜極開胃，很好吃；中間的 香蕉芝麻蓮蓉球 ($54/3件) 也是香脆不油，中間夾芯比一般蓮蓉餡低甜，又多一份香蕉香氣，也是美味。 最後是新嘗試的 朱古力牛油果西米露 ($55/位)，其實我一向喜歡的牛油果西米露，貪其又香又滑的滋味；這裡配上甘濃朱古力粉，更多一份變奏及趣味～ 由點心、海鮮、小菜以至甜點都非常滿意的一頓，連同高雅環境、貼心服務，無容置疑是米芝蓮星級水準餐廳，火速摘星有理！筆時，已經在盤算幾次要再訪了....…查看更多