世記咖啡

網上既食評都係一致好評世記豬扒包，所以來到澳門就一定要試下。這間分店位於一條毫不起眼小巷，需要跟著地圖去搵先搵到。奇怪既係隔離賣牛雜的生意比世記還好，所以唔洗點排隊就買到。這裏的豬扒包係新鮮即制的，當客人落order，店員便即時把豬扒放落炸爐去炸，保証客人會食到熱辣辣既豬扒包。唔好就咁睇就覺得豬扒包好細，其實成個包有大約一個手掌位咁大。豬扒包的面包是脆的並塗了牛油，豬扒雖然係炸既，但係唔乾身同埋好有咬口唔un，而且豬扒亦算係大塊，啖啖肉。不過個包食落好似爭咁啲野，就係醬！因為面包剩係塗左牛油，感覺比較單調，如果個包加返啲醬，我諗個包既味道會更上一層樓。奶茶亦係世記其中一樣招牌，奶茶有香濃的茶味，奶既份量亦係剛剛好，不會搶走原有的茶味，值得一試！一邊食包，一邊飲奶茶，人生一樂也。…查看更多

就算在不起眼的後巷，只要是美食，還是會大排長龍今次黎澳門朝聖世記咖啡☕️11點已到了，店舖剛剛開門，已有兩三個人在排隊，已聞到很香的咖啡味，門面貼滿名人光顧的照片和傳媒的訪問，非常有名氣。瓦煲咖啡香濃的咖啡香，不太甜，岩曬我口味熱辣辣的厚旦鹹牛肉三文治🥪香滑的炒滑蛋，厚厚的，中間還是半生熟流心，蛋漿混和麵包的鬆軟感，口感一流再有洋蔥鹹牛肉配在一起，洋蔥口感好正，成件事都好配合，口感好豐富秘製豬扒包豬扒是整塊生炸，香茅味醃製，非常入味，豬扒鬆軟多汁配合表面鬆脆的包，口感一流食完之後意猶未盡，下次來澳門一定會光顧…查看更多

本身唔太好豬扒包，嫌佢大多都係乾爭爭。但自從食完世記個豬扒包(MOP$28)就返唔到轉頭，每次過澳門都要食!個包外層烘到脆卜卜，豬扒唔會太乾太「鞋」口亦醃得算入味，即叫即整熱辣辣。叫埋支樽裝奶茶(MOP$17) 茶味好濃又夠滑，正！…查看更多

平時係香港果陣，屈小姐總會偶然向賴生撒嬌話要去澳門食好西，每次佢撒親嬌都講話要食《世記》既豬扒包同《安德魯》既葡撻⋯所以賴生襯屈小姐生日啦，就帶佢過去澳門探下佢地啦！仲記得第一次黎呢間大三巴間世記果陣，係屈小姐帶賴生黎既，果陣賴生仲覺得澳門出名既豬扒包都係不外如是，得個名唔好食，賴生仲情願食澳門既撈麵都唔食豬扒包點知⋯原來係呢條窄巷入面係有一間卧虎藏龍既豬扒包 ---《世記》！！！！雖然佢係外賣店，但佢舖面都有張長櫈比你一字排開坐係度食，次次賴生同屈小姐都忍唔住要坐低即食，因為實在太香啦(同埋襯熱食先可以享受到最好食果一刻！)向大家介紹番令屈小姐日思夜想既豬扒包先 ，雖然佢叩做外賣店，但出品一D都冇揸流攤！《世記》豬扒包 (爆5星) 賴生同屈小姐額外到追封佢爲《澳門第一豬扒包》豬扒： 用既係有骨豬扒，塊塊都大塊過個豬仔包，燒緊既時候已經聞香撲鼻，佢燒到外面少少脆口，肉質仲好juicy，味道醃得岩岩好，帶少許咖哩味，連埋豬仔包唔會太咸/太淡。豬扒帶點肥，所以燒完超香豬肉味，加上肥果D位燒過就更添咬口，連(成日聲稱要減肥既)屈小姐都忍唔住要食2啖肥位！一流！淨食豬扒都正！豬仔包：烘到勁脆！連入面都爆脆嫁！熱辣辣！牛油又洽到好處！呢個豬仔包就係令賴生同屈小姐每次都要坐低/企出面即食既原因啦！佢夾住塊豬扒，遲D食就冇咁脆嫁！雖然都脆既但即食更好味囉咸牛肉厚蛋多士 （4星）咸牛肉夠足料，唔會太咸，不過夾埋蛋同多士一齊食味道就少咁啲野咁！如果加埋芝士食就一流啦！最出色係個厚蛋，有蛋香同蛋味，入面仲勁滑滑帶丁點流心！個蛋有足足3cm厚！厚多士就得烘過外面果2面會脆，夾心就冇豬仔包咁脆！所以建議都係食豬仔包！另外有樣野令大三巴呢間《世記》變成最好食既，係果位有粒墨既女店員，佢雖然劇忙，但佢仲記得邊個客叫過咩，一整好就會提果位客人拎同小心熱！就算有人催單都好，佢都冇急住起貨，反而叫個客等多陣，豬扒未燒好，所以先keep到水準！！要重點比個LIKE佢！有啲咁有心既店員+用心製作，先可以做到咁出色而且令人再三回味既美食！題外話，上次賴生同屈小姐係叫一個豬扒包，再叫埋花生醬一口厚多士，間住間住食，食完一啖咸又食番一啖甜！無咁寡！效果超正！下次屈小姐都會考慮用番呢個自創食法！好味升級！(不過就會飽左啦)#分甘同味#屈小姐真心強烈推介#非甜品未能奪得小四席位…查看更多

一直看著google map搵地方，差少少MISS左！係一個隱蔽的小巷的最入面（入口有貼單張）主要目標是豬扒包，菜單一目了然。花生奶油方塊炸麵包，很乾身，扑扑胞上面的奶油很濃甜！一個人食一太多了～豬扒包裡面的豬扒熱到咬不到！！！豬扒很軟熟，不會很油而且很好咬，絕對是可以分享。…查看更多