哥老官重慶美蛙魚頭 (已結業)

熱辣辣嘅夏天如果再食啲熱辣辣嘅野🤔正呀 就係熱到標曬汗😂今次中島去左挑戰麻辣火鍋🔥其實都唔知點解會咁熱先至食 不過都幾過癮—————————————————————當日中島揀左小麻辣湯底揀完湯底等上檯同時叫左兩個小食一個係烏雞鳳爪另一個叫放學小肉😂第一次食用烏雞做嘅鳳爪食落係比普通雞腳更加彈牙皮爽同埋更香濃嘅雞味吸埋啲辣油更加惹味刺激至於放學小肉店家話係用雞腿肉串起我比較欣賞嘅係呢度菜嘅工夫如果唔想叫小食出面都有啲冷盤切到咁細條再串起嚟煮心機少啲都唔想做🙈湯底出到黎爭啲嚇死一片血紅不過試一啖原來係五小辣左右鍋入面有隻橙色嘅青蛙店家話係牛油主要用嚟鎖住麻辣味青蛙下面有鍋羅宋湯可以當湯飲🤣鍋物配料今次中島揀左啲特別野牛蛙 豆皮 豬肉 串串牛 黃骨魚 福袋同成都小香腸呢啲真係好少見到或者出面有其實好驚成條魚擺落個火鍋度會散曬但係老闆教滾5分鐘就得魚肉嫩滑鮮甜最重要係冇乜骨都冇魚腥味牛蛙應該就係田雞不過係巨型田雞以前阿媽成日都話唔熟食左會生蟲所以今次中島都唔知佢喺鍋入面游左幾耐先敢拎出嚟食😅但一啲都無影響肉質依然肥美嫩滑 田雞髀超正 啖啖肉豆皮切成一條條河粉粗幼淥兩三分鐘入口豆味香濃當中最特別

香港人瘋狂愛打邊爐，無分四季時節，夏天30幾度都一樣，想滾就滾！第二次黎呢間打邊爐，因為鍾意佢充滿重慶風味，招牌牛油鍋底好得意，有隻青蛙仔其實係牛油，將佢加理落湯，令湯底濃郁而富有層次，先感到麻味後隨後便是辣，最刺激味蕾，值得一試。配料方面有不少選擇，更有特色牛蛙、魚頭、手工烏雞卷、老成都人氣香腸等。另外人氣小食都好出色，推介放學小肉，有30小串，香香脆脆，好好食好惹味，送酒一流。最後必食創世紀冰粉，解辣之選，大大盤十分吸睛，有九款配料，mix埋一齊後味道有少少似奶茶。

上海必食既「哥老官」竟然開到黎香港😍 今日難得約到個好食得辣既朋友陪我一齊黎食😗😗 .餐廳裝修得好似上海店 但加左d貼心野，例如：火鍋爐會抽風 將打邊爐既蒸氣抽走 唔會有煙吹著你 同咁大陣味。另外調味料選擇都十分多，特別欣賞個XO醬有好多菇好足料.😋.湯底方面我地叫左「老哥經典味 $128 」簡單d講係呢度既招牌+麻辣湯底，湯鍋既中間放左清雞湯 唔食得辣既朋友可以用中間既湯底。▪️特色牛蛙 $76其實牛蛙即係田雞既一種 但係Size係好大既 所以食落係好有口感 因為好好肉，肉質飽滿脹卜卜。.▪️老官牛拼盤$328 呢度既肉真係無諗過咁高質 拼盤：牛肩肉牛脊肉一口牛 😍 真係又抵食又大份 3xx個價平時打邊爐只叫到一碟牛 但拼盤份量又多，牛既質素加埋個麻辣湯底真係一絕 .▪️絕味羊肉卷$198羊肉又係必點😋 但真係要中意羊既先食到 好大陣好香既羊蘇味 肥瘦適中 份量都ok..▪️脆爽雞珍$68呢個又係好正 叫麻辣鍋再配新鮮雞胗 真係唔識形容地正 重點係雞胗要大隻少少 佢呢度都算幾大 咁樣煮落個湯先唔會縮細晒.▪️古法生摳鵝腸$128正呀 好乾淨嘅鵝腸 食鵝腸最緊要乾淨 唔好有污糟野未整晒出黎 呢

久違放假 🗓又出街食辣 🌶今次有魚頭田雞 🐸人生第一次原隻食 🤭唔知大家會唔會抗拒 🙅🏻‍♀️我自己就其實幾鍾意嘅 🤔講返呢間新開嘅重慶辣鍋 🍲香辣湯底中間有唔辣羅宋湯 🍅除咗貼心外你仲可以當濃湯飲 🥰打邊邊之前首先叫咗個無骨鳳爪 🦅除咗香麻夠入味之外佢仲用咗烏雞 🐦唔知食完係咪真係會滋補又養生啲呢 🤗另外必試嘅就係重量級嘅古法生摳鵝腸 🦢雖然冇連帶肥美嘅脂肪不過食落完全唔韌 🤩比起冇多餘加工嘅招牌毛肚多一份爽脆彈牙 👍🏻既然係兩個女仔去食嘢點少得叫返個特色甜品 🍮今次就叫咗個出面比較少見到有嘅創。世紀冰粉 🍧專人服務而且無添加只係用桂花紅豆等天然去調味 🌸其實我覺得湯底本身已經非常出色唔需要另外點醬汁 🍯不過因為佢嘅醬汁枱實在太有特色所以都過去影咗張相 😂而且仲有好多嘢想試不過驚眼闊肚窄食唔晒浪費唯有下次 🤷🏻‍♀️哥老官重慶美蛙魚頭：尖沙咀厚福街8號H8 1樓

朋友想食好耐嘅哥老官終於嚟香港開舖，耳仔發炎咗成個星期終於好返，決定捨命陪君子，同佢嚟朝聖一下！餐廳主打四川麻辣火鍋，最出名嘅係牛蛙同魚頭，食物選擇亦唔少。一步入餐廳已經俾佢嘅醬料枱吸引住，頂部係十二生肖嘅銅像，非常吸睛，醬料選擇極多，係我哋食過嘅火鍋店中最多嘅一間。麻辣鳳爪就食得多，第一次食烏雞鳳爪，唔知係咪心理作用，感覺比平時食到嘅鳳爪口感結實彈牙，最出色嘅係佢嘅調味，香口開胃。湯底方面係子母鍋，外面係經典嘅老哥麻辣湯底，我哋揀咗標準辣度，雖然望落紅噹噹，但其實冇想像中咁辣；而中間嘅係羅宋湯，味道偏酸，有少少解辣嘅效果，而且都適合配搭蔬菜。今晚嘅主角之一當然唔少得魚頭，鰱魚頭尺寸頗大，配上麻辣湯底非常惹味，而且越食越辣，非常過癮，鍾意吮魚頭嘅絕對唔能夠錯過。牛蛙就食得多，但第一次食原隻上嘅牛蛙，一上菜嘅時候有啲嚇親，但望多兩望都幾搞笑，成個大隻佬咁。朋友唔講都唔知，原來牛蛙同田雞係唔同，牛蛙比田雞體型更大，啖啖肉，肉質彈牙，但肉味較淡，所以好適合配搭麻辣鍋。鵝腸非常乾淨，一丁點油脂都冇，口感爽脆，配搭麻辣湯底非常過癮。毛肚大大片，冇經過漂白，令人食得安心，放入麻辣湯底淥十秒八秒就食