好燒式串燒專門店 (砵蘭街)

好燒式係我同男朋友最鐘意既串燒舖🍢，事緣有次上網google串燒舖就搵到呢間🤣已經幫襯過幾次架啦，不過個時未開始寫食評，所以到而加先補寫。今次我地又黎食好燒式，好彩都仲有位，唔洗等就可以入座。今次都係嗌左好多之前試過好味既串燒，再加一啲新嘗試😂。雞翼、雞軟骨、雞腎、多春魚、魷魚鬚⋯⋯呢啲平時都嗌開，燒得好正，好香～！日本年糕係本人最愛🤣，煙煙韌韌！👉🏻 牛油金菇包呢個必食！牛油太香啦😭真係好好味！👉🏻 韮菜｜翠玉瓜韮菜又係燒得好香😭👍🏻（題外話：我整跌左一舊翠玉瓜，侍應哥哥即刻幫我清潔番個地下，真係唔好意思😫但佢地服務真係好好）👉🏻 菠蘿｜朱古力香蕉菠蘿好甜～朱古力香蕉就第一次食，侍應哥哥上碟個陣仲提我地要襯熱食👍🏻！但我覺得就普普通通，係熱既香港加朱古力醬⋯😂👉🏻 芝士墨西哥薄餅呢個又係我地必嗌，因為淨食串燒食飽都唔少錢，所以我地會嗌個薄餅墊底先🤣因為舖頭大細所限，要比個位比啲book左檯既客，我地食食下要轉位（之前食都係咁），所以有少少麻煩～但不得不提，好燒式既服務真係好好，侍應哥哥仲同我地有講有笑😆！…查看更多

朋友話我知砵蘭街都有好多美食，今晚就黎到好燒式串燒專門店。餐廳客人好多，致電訂位的電話響過不停，好在朋友有準備，較早前已訂位，所以不用等候便可入座。先讚一讚餐廳的飲料竟然有涼茶可以選，好貼心，不用擔心食完串燒會好熱氣。睇一睇menu, 串燒店竟然有白酒忌廉煮澳洲藍青口，咁特別，所以點左一客試下。青口的份量好多，粒粒青口都開了口，好大粒，又有大量的配料，包括洋蔥粒，甜椒， 蘆筍，所以，好鮮嫩，而個汁有微微酒香及超濃郁的忌廉味，唔會太膩，好creamy.而海鮮類我揀左蠔同扇貝，蠔有4款口味可以揀，我揀左蒜蓉味，好香，蠔都好肥美，又新鮮。而扇貝係巿價，都係用蒜蓉蒸，係好一貫的做法，扇貝大粒厚身，燒完唔會乾左，仲好鮮甜。我地仲揀左牛肋串，店員好細心，知我地會share, 俾左D鋏我地夾出黎分享，。牛肋肉肉味濃，唔會乾身咬唔開，火喉到位！無論燒野食定食串燒我都會叫牛油金菇包，金菇被勁香的牛油浸住，非常入味。串燒豆腐，平民化的食物，但又好好食，外脆內軟，面頭的燒醬汁甜甜的，幾特別。我地仲叫左唔同的串燒及燒物，樣樣都係即叫即做，熱辣辣上台，非常好。臨走老闆話太子好快開分店，到時一定再去捧場。…查看更多

提早收工，便獨自到附近的串燒店吃串燒。還未到收工時間，店內人不多。秘製醬汁配串燒，微辣，串燒加了這個後會突出鮮味。吃串燒必點涼茶。加多寶($14)比汽水能解辣和解燥熱。每次吃燒魷魚鬚($19)都會怕燒到韌，這裡燒得剛剛好，帶嚼勁而不韌，配上微辣的辣汁，是我吃過的眾多魷魚鬚中，韌度最適合的最好吃的。煙肉露荀卷($18)，煙肉包著露荀，煙肉的咸香，與露荀的爽脆清淡成對比。串燒豆腐($16)是串燒必點食物，這裡也不例外。老闆說豆腐炸過兩次後再把汁澆上，外脆內軟，是這裡必點的串燒。燒蠔(蒜蓉)($28)比想像中大件，肉質軟滑肥美，伴蒜蓉是最佳配搭，突出肉質的鮮味。黑松露菌蝦多士4件($58) ，黑松露醬落得大方，蝦肉及多士皆脆，口感微帶嚼勁。黑松露什菇墨西哥薄餅($43)主要是用墨西哥薄餅夾著大量黑松露醬、芝士和什菌來燒。薄餅又薄又香脆，配上半溶芝士令薄餅不會太乾，芝士本身亦見拉絲。什菇不會燒得太乾，仍然能保留菇汁，伴大量香黑松露醬，難怪這麼多人推介。最喜歡吃牛油金菇包($34)，以錫紙包著金菇來燒，燒得剛剛好不會過乾，上桌時是淡淡的牛油香味。每一口都是淡淡的牛油香和嫩滑爽脆多汁的金菇，牛油香而不膩，齒頰留香。餐牌上有中英對照，方便外國客人點菜。食物即叫即製，上菜極快，服務態度不錯，值得一讚。…查看更多

記得以前細個見到車仔檔有串燒，媽媽都會買一串兩份食，現在車仔檔絕跡，街邊檔即使有串燒都以快熟的魷魚、腸類和丸類為主，要吃有質素的串燒，通常都要去日式居酒屋。好燒式算是少有走平民路線的串燒店，串燒大部份$20以下有交易，即使較為貴價的海鮮或扒類，都不過百元，而且燒物也不馬虎，會因應不同食材用不同的調味料，如孜然粉、七味粉、胡椒、醬油等等。＊＊＊＊＊＊＊＊＊＊＊＊是晚跟朋友在附近晚飯後意猶未盡，本想食糖水，但見這間串燒店幾多人幫趁，而且價錢大眾化，即管試試。好燒式走平民路線，店面不算大，座位間距離亦較近，但尚算乾淨整潔。點菜式一張A4紙兩面睇晒，食物款式非常多，主要分為海鮮、肉類、蔬菜、小食、意粉、廚師推介和飲品。食串燒點都要叫野飲，首先每人點一枝飲品，加多寶($14)和鴻福堂涼茶($15)，價錢合理。每兩位有一碟泰式酸辣汁，侍應介紹是自家製，味道有點像泰式生蝦汁，酸酸辣辣好醒胃。串燒豆腐($16)豆廚燒到外面脆脆地，但不會過硬，好味。魷魚鬚($16)魷魚鬚有嚼勁之餘不會過韌，麻辣汁辣辣地很惹味。泰式燒豚肉($38)豚肉都有成隻手掌咁大塊，燒得夠乾身，不會過油。黑松露什菇墨西哥薄餅($42)這個薄餅主要是用墨西哥薄餅包著芝士和冬菇和黑松露來燒，黑松露味不算突出，但薄餅很薄很脆，加上半融芝士很好味。牛油金菇包($34)金菇用錫紙包著來燒，所以不會過乾，食落有淡淡牛油味。茄子(切片)($32)茄子是厚切，食落很juicy亦很夠味。燒海蝦－3隻($58)燒蝦最怕燒得過乾，蝦肉黏著蝦殼，但這個海蝦燒得剛剛好，蝦殼脆卜卜但不會很難剝，蝦肉亦彈口。炭燒牛舌串($26/串)牛舌不嬲唔平，但這裡$26/串都幾有睇頭，一串有六塊而且不會過薄，食落彈口得來鹹鹹香香。鹽燒白鱔($42)白鱔皮燒得微脆，白鱔亦夠厚肉，加上甜甜的醬汁，味道不錯。燒物味道不俗，最緊要價錢大眾化，日式居酒屋食串燒要食飽人閒閒地人均燒費都三四百元，這裡一半價錢已經可以食飽，非常抵食。…查看更多

這間位於油麻地的好燒式，平日晚上經常大排長龍，每次經過都嗅到陣陣的燒烤味道，令人饞蟲上身，今晚專程約了朋友去試一試它的串燒。餐廳不大，座位比較狹窄，但明白香港租金昂貴，小本經營，食物都是十多廿元起，所以無甚要求。燒雞泡魚乾燒得既香又帶點脆身，不會過乾過硬，是個惹味的小食。牛油金菇包熱辣辣的用錫紙包著燒，金菇充滿了牛油香味，但又不會太油膩。牛柳及雞肉串有很香的孜然粉味，燒到表面有焦香但又不會太乾，肉質不硬而且不會有雪味。蒜蓉蒸扇貝蒜蓉舖滿了整隻扇貝，蒜味濃郁，扇貝新鮮，燒熟後仍保留了大量的湯汁，肉質嫩腍，而且鮮甜。龍蝦汁大蝦意粉串燒只是過口癮，但絕對不飽肚，所以最後都要叫返碟意粉，雖然這裏主打食串燒，但意粉都做到不錯，龍蝦汁幾香同鮮味。…查看更多

久違跟友人相約旺角吃飯，因為天冷很想吃熱辣辣又香口的東西，所以就選了這間位於砵蘭街的好燒式串燒專門店。我們大約 8:30 左右到，全場坐無虛席，所以想食好東西要趁早報到 ! 等候期間先來看看有什麼好吃，餐單種類非常多，不止有燒烤，還有西餐可選擇，燒烤專門店來說很特別。等了近30分鐘終於入座，幸好老板先幫我們下單，很快就可以上菜，非常有效率 !黑松露什菇墨西哥薄餅 - $43 上菜時已傳來陣陣黑松露香味 ! 薄餅外皮烤得香脆，芝士亦有拉絲效果，再配上三色辣椒跟什菌，吃下去辣辣的非常惹味 ! 牛油金菇包 - $34 嘩! 這道看似平凡的菜式原來一點都不簡單!鮮嫩的金菇吃下去有一陣很特別香甜的牛油味，不消一會已被我們吃光!我們還在猜裡面是否加了特別調味料 ?飯後八掛詢問老板，得知原來是用上挑選過的高級牛油，普通貨是做不出這味道。果然只要花心思，普通之作也會變成驚喜之作 ! 蒜蓉燒茄子(切片)  - $32茄子新鮮多汁，加上蒜蓉與孜然粉的香味，吃下去非常可口。串燒豆腐 - $16日式燒汁味道調配出色，如更香脆口感更佳。鹽燒牛舌串 - $26 作為牛舌愛好者，一定是燒烤必點 ! 牛舌非常厚肉，吃起來有嚼勁，烤得十分爽口。安格斯牛肋串 - $20牛肋烤得剛剛好，不會過熟，肉質鮮嫩多汁，十分惹味 ! 蜂蜜綠茶 - $15最後一定要配上我最愛的蜂蜜綠茶 !整體概括 : 燒烤與西餐兩者均出色，老板烹調用心，挑選食材有要求，價錢亦見親民，很有誠意的小店，值得再來支持 ! …查看更多

今日晚上同老婆大人黎左呢間好燒式食串燒，黎到都好多人下，全店滿座，只好問問店員拎飛仔排隊等食。等左大約15分鐘，有位了，同老婆急不及待坐底睇餐牌叫野食先。大約等左20分鐘，食物開始到了。韭菜：食落多汁，唔會好(UN)，味道適中。墨魚丸、牛舌、鴨舌、冬菇、雞腎：味道適中牛油金菇包：唔太夠味，可以再好d。招牌無骨燒乳鴿：皮脆肉嫩，無骨易食，果然係招牌菜，值得推介。聖子王：超新鮮，蒜蓉味濃郁，好好味黑松露什菇墨西哥薄餅：皮脆，多汁，味道唔錯。埋單$413，價錢需然偏貴，但味道確實不錯。…查看更多

第二次光顧好燒式，緣自這晚收工較夜，苦惱如何打發晚餐時想起惹味串燒，而說到串燒，就想起了好燒式。今次比上次更旺，師傅依然在近門的廚房燒烤，超誘人。主打當然是串燒，選擇幾多。串燒以外亦有些意粉及小食。餅皮香脆，黑松露醬香但偏咸，幸好雜菌份量足，剛剛好中和咸味上次食已經超愛這個焗金菇，金菇嫩滑又充滿牛油香雞中翼($16)好大隻，外皮香脆肉質嫩滑，亦醃得夠入味；串燒食韮菜($14)可以話係最惹味，調味適中口感偏爽脆。豬頸肉($15)肉質爽口，不會過肥，十分入味，亦是我的必點之選；煙肉露荀($17)煙肉燒得脆身，露荀夠嫩沒有渣；雞軟骨($15)脆之餘不會硬得咬不開，不錯；牛肋串($19)不會韌但牛味稍淡；菠蘿($17)香甜多汁，中和串燒的油膩，另一必點之選。日式燒大魷魚($73)幾新鮮，肉質彈牙，只是燒汁味偏咸；翠肉瓜($24)超厚身，咬開非常juicy，燒烤過後更惹味，是驚喜之選。食物款式多，而且價錢合理，確實是吹水宵夜的好地方…查看更多

串燒店食得多， 但「好燒式」卻令我一試難忘！ 不但串燒種類多，而且碟碟都大件又抵食，😎 有不少串燒之外的菜式，唔會只得串燒咁悶， 其中薄餅烹調得相當到家， 所以今次便帶串燒女來食過返尋味！☺️ 一到埗，當然要番點黑松露什菇墨西哥薄餅（$42）， 小編本來不太好墨西哥薄餅， 但這道薄餅卻有別於平時的薄餅。😜 薄餅皮即叫即焗，又熱又脆，裡面的材料十分豐富。 車打芝士份量大方，「芝」味突出，芝士控不可錯過！😏 其中的黑松露味足， 配上松露完美配搭的炒什菌和黃、青椒絲， 加上墨西哥薄餅重點的墨西哥青辣椒， 令薄餅微辣惹味！不愧是店招牌！👍🏻👍🏻👍🏻👍🏻 牛油金菇包（$34） 一束束排好的金菇菜， 加上牛油的芳香，簡單而好吃！☺️ 茄子（$32） 一份有六件，份量很多呢～😯 比起坊間吃的串燒店，份量大方得多！👍🏻 茄子很新鮮， 火喉控制得剛好，不會燒得太dry， 燒烤後還保持着多汁美味～ 豆腐（$15）也是讓我念念不忘的美食之一， 豆腐烤得外皮微脆，裡面軟熟， 外皮塗上了鰻魚汁，香甜可口，很滋味呢～😋❤️ 鴨舌串（$19） 鴨舌香辣惹味，越嚼越香！ 安格斯牛肋串（$19） 牛肉咬起來有嚼口，牛味足！ 雞腎串（$15） 雞腎爽脆可口，咬起來shor shor聲，鮮嫩多汁，值得一試！ 鹽燒牛舌串 （$26） 牛舌厚切有嚼勁， 加了少量的調味料，但仍能保持着牛舌的原汁原味，不錯呀！👍🏻 雞軟骨（$15）香脆又有嚼勁，塗上香甜燒汁更惹味呢！ 雞中翼（兩隻）（$16） 雞翼用了重慶孜然粉和辣椒粉來燒， 香口惹味，不錯吃！😋 燒日本芝士年糕（$12） 芝士年糕外皮燒得香口，裡面煙煙韌韌， 可能是燒的關係，比往常在放題吃的更別有一番風味， 喜歡吃芝士年糕的話不可錯過！😎 🐷豬仔脾（兩支骨）（$37） 豬仔脾肉質爽滑， 塗上店家特調的燒烤汁，香甜可口，更添美味！😋 翠肉瓜（$24） 和茄子一樣，一份有六件，份量一點也不吝嗇！ 翠肉瓜清甜爽脆，juicy得很，好味道！😋 墨魚丸（$16）入口富有彈性，口感爽脆，一點也不粉，不錯啊！ 食串燒， 最好當然是一人一串，然後一人一口啤酒gur gur佢～🍺 藍妹啤酒（大支裝）$28就有交易， 都算經濟實惠！ 整體來說， 「好燒式」依然是我吃過眾多的串燒店中最深得我心的！😊 串燒種類多，碟碟都大件又抵食， 而且有不少串燒之外的菜式，意粉、薄餅都有， 唔會只得串燒咁dry， 價錢又合理，下次要再三encore！😎…查看更多

收左工約朋友食串燒，又熱又餓，終於坐低啦！即刻睇下有咩食！串燒款式都唔少，環境好舒服，唔會好似其他串燒鋪頭咁大油煙味，冷氣仲好大添等左冇耐，啲野食開始慢慢上，好餓啊！！牛油金菇味道正常，唔算特別，份量比其他鋪頭大既冇咩酒味，唔會太辣，但係有後勁，朋友好中意相入面有唔同種類既肉，牛柳、牛肋串、牛舌、豬頸肉、煙肉金菇卷同日本甜心蕃薯我覺得肉方面就冇咩特別，唔算太驚艷，當中豬頸肉最好食，其次係金菇卷，反而牛冇咩特別。作為小甜薯既忠實粉絲，一定要叫啦！果然冇令我失望，個個都話好食！好甜翠肉瓜份量算多，仲好多汁添，蔬菜肉類可以平衡下，唔錯既！芝士年糕又係我另一心頭好，好食！外脆内軟燒雞全翼都幾大隻，表皮脆口，有蜜糖既甜味，肉質嫩滑，幾juicy嫁粟米真係要大推燒到少少窿，外皮脆既加埋牛油既甜味，真係好好食！好多芝士啊！仲可以拉絲添有成粒既雞肉同青椒，餅皮脆既。我覺得唔難食，又未至於特別好食。但有一位朋友話好難食多春魚冇特別雞軟骨好細，甜甜地魷魚鬚有咬口，但唔韌，有蜜糖，都幾好食豆卜冇食到鴨胸唔差，唔會好肥，幾惹味最愛既小甜薯同年糕要encore！正常味道我覺得粟米、小甜薯、年糕最啱我胃口哩到啲野食整體唔差，但好貴！埋單一人兩百幾蚊，性價比唔高環境係乾淨既，但啲呀姐既服務態度差到一個點，根本冇服務可言，仲要收服務費‥‥整體黎講，可以一試，坐得舒服啱傾計但如果想食服務既話，就唔洗諗哩到啦…查看更多

放工後同好姐妹聚會不外乎都想搵個地方食野加吹水～次次去cafe食西餐真係有d悶，今次轉行去食串燒，又惹味又滿足！旺角街頭，店面唔大，但次次經過都俾相吸引想去試試一入去就見到一串串燒烤，但唔會好勁油煙食串燒當然唔講究有情調嘅裝修，反正乾乾淨淨坐得仲舒服Meun選擇夠多，除左燒烤仲有意粉、墨西哥簿餅揀，淨係點野食都諗左一輪～先黎墨西哥簿餅，新鮮整起又熱又脆，芝士夠多好香，入面嘅辣椒中和番油膩感，唔錯！店家好細心，金菇處理過唔會一夾就一大抽，牛油香十足，好爽滑，作為金菇愛好者真係要推一推薦～串燒調味同火喉都掌握得幾好，唔會只係孜然同調料味而冇左食材本物嘅味道；亦唔會燒到又乾又硬，食到唔同口感講下食物～牛舌係厚燒偏軟個種，雞軟骨同腎都係正常串燒嘅經典味道。個人最推薦豬頸肉，爽口有肉汁；另外牛肋味道同樣出色豆腐外脆內滑，燒汁落多左少少；日本蕃薯係想像中嘅甜味（本人食串燒同放題都必點～）；露荀最驚喜，好嫩唔會有'渣'，夠清爽豚肉加埋店家嘅醬一齊食酸酸辣辣，幾惹味；韭菜份量好多，但較為硬；菠蘿真係好正，好甜好多汁，食到飽飽地食番塊菠蘿中和正！已經超飽但個原條茄子一黎依然係快速消滅，又滑又有汁，雖然比較多油，但味道口感搭救要額外講講店家服務好好，冇諗到食麻甩串燒遇到咁細心嘅店家～食串燒會附上小夾拆開d串方便share，見我地放滿食物仲專登安排其餘野稍後先上，做事又有效率，如果放多個筒俾人放串燒竹枝就完美啦！兩個人一邊傾一邊食，估唔到點左咁多～因爲價錢合理，食多少少都冇負擔，而且味道款款都唔錯，店家服務又好，下次叫多幾個人gathering 相信會再黎！…查看更多

家中沒人，收工獨自逛旺角，走進小街覓食，看到有串燒專門店，吸引我這食肉獸的目光。店面頗小，座位但牆上的食物照片讓人看到口水直流。小店了串燒還有不同燒烤選擇，肉，海鮮，菜等一應俱全。看到墨西哥薄餅就想，串燒店竟然有這些？店員也推介，所以點了黑松露什菌，我很喜愛的配搭。上菜已看到芝士多到要湧出來，翻開，黑松露醬非常多，塗得好像不用錢的樣子，蘑菇也多。薄餅薄而不乾，吃下芝士及松露味混合非常香濃，菇片鮮甜，還配上三色椒加了爽脆的口感，好吃又有特色！什菌沒金菇，所以另外叫了牛油金菇包，份量好多~ 牛油焗菇好香，我完全不怕胖將牛油汁混在金菇吃，正！這是大花蝦啊！牛油煎得香，肉很容易夾出來，非常厚身！咬下啖啖肉，鮮甜，爽口，彈牙！滿口都是蝦，感覺好豪華啊！配了點蒜蓉味道好夾！串燒類我全部選了原味，相信只要食材新鮮，師傅功夫好，就算不怎調味都可以很好吃。牛舌看著像乾柴，但入口並不是如此，是又軟又juicy的，差點被外觀騙了。這是我最最最期待的西冷牛扒，頗大塊啊！我選了五成熟。師傅還細心的全切片，又沒骨，方便吃。這真的是五成啊，還看到中心有紅色。牛扒燒得外脆內軟及juicy，不乾柴！只有旁點丁點脂肪，就這樣吃也不怕胖。牛肉味道也非常濃郁~ 切成片好像怎樣吃都還有，好滿足。享用完牛扒後肚子滿了。嘩，原來我一個人吃了那麼多！剛剛出糧，就這樣大吃一頓惹味燒物來獎勵自己吧~…查看更多

在朗豪坊看午夜場電影，開場前先要醫飽肚子，可惜附近餐廳又唔好食，於是行下行下，行左去登打士街附近。見到好燒式串燒專門店，價錢又唔算貴，而且又好似幾多選擇，於是便入內一試。一般港式食店的設計裝修，不過好光猛亦好乾淨，都算坐得幾舒服。我們坐在廚房對面，看到廚師用心煮食的樣子。雖然只有玻璃窗之隔，可能廚房的抽油煙設備很好，完全不覺得有油煙味。MENU好多選擇，甚至看到有西餐的食品如意粉等可供選擇。看到牆上的雜誌介紹才知道原來這裡的廚師曾經在高級酒店做過大廚，所以才有串燒加入西餐的做法。店員先送上調味的醬汁，酸酸辣辣的，又有洋蔥的味道，十分好味。不過由於這裡的串燒本身都燒得好夠味，基本上很少沾這個醬汁。招牌無骨燒乳鴿($78)廚師將乳鴿切成細件，再拼回乳鴿的樣子放碟，單是擺盤會讓人忘記自己正在港式串燒店內晚餐。以低溫慢燒的方式去燒，令多餘的油脂都迫出來，所以做到皮脆骨香。同時亦保存了肉汁，食得到乳鴿肉的幼嫩之餘，亦保留了乳鴿本身濃厚的肉味。芝士墨西哥薄餅($38)很特別的一個小食。因為是即叫即整的，所以送上桌還是熱的。一啖咬落去食到薄餅很香脆，餡料主要是嫩滑的雞肉，加上溶化到拉得出絲的芝士和墨西哥辣椒提味，好食到忍唔住一件接一件咁食。蒜片花甲扁意粉($88)同樣賣相吸引，看到整碟扁意粉至少有10多隻新鮮花甲，而且扁意粉份量也不少，感覺十分抵食。扁意粉咬感一流，夠彈牙同挺身。而且醬汁用了橄欖油做到好稠好滑，均勻地掛在每條意粉上，加上蒜香令啖啖扁意粉都十分好味。花甲每隻都是漂覘的橙黃色，食落好新鮮。牛油金菇包($34)好香牛油味，而且燒得爽口，一點都不痴牙。香煎鵝肝沙律($92)鵝肝Size也太大了吧。咬落十分Juicy，鵝肝的油慢慢滲出，所以跟香脆的多士十分搭。加上帶點酸甜的BERRY SAUCE，更加中和了油膩的口感。不過寶寶覺得鵝肝的味道不夠濃，而且唔夠「入口即溶」。炭燒牛舌串($26)厚身牛舌，燒過後依然軟身易咬，味道香濃。雞中翼($16)醃至入味，咬落有肉汁所以肉質依然細嫩。茄子(切片)($32)有別與一般原條燒然後全部都是蒜蓉味的茄子，切成厚片後燒出來不會全部軟掉，帶點咬口，口感一流。泰國露筍($19)香脆而完全沒有渣。這個晚餐我和寶寶都十分滿意，好燒式串燒專門店對喜歡串燒的我倆都是一個驚喜。除了MENU選擇多，有串燒有西式食品可以點外，最重要的是這裡的串燒係味道上比起大部份串燒店真係高水準好多。在這裡可以吃得到每種串燒食物的本身味道，而不是一味只有孜然或辣粉味。所以整晚可以見到食店肉食客不斷，當中有差不多一半人都是熟客。一間食店可以做到熟客絡繹不絕，已經足夠說明這裡的確值得再光顧。…查看更多

今天來到砵蘭街，與家住油麻地的貓友，探訪他的貓咪後，找來一間燒烤店。砵蘭街，給我的感覺是與黃色事業或品流複雜的地區，貓友說是有美味介紹，也有點驚奇。近年很怕燒烤，總會是一身燒烤味，讓我覺得不自然，可是坐下後，店內完全沒有半點燒烤氣味，而且還是在店內即燒，似乎在通風系統上，下了不少功夫。店前有兩個招財貓的擺設，很特別，一般會放在收銀機旁的，貓友是否因這兩個而被吸引，就不得而知。(忘了問他^^)先來一客牛油金菇包，越簡單的，就越難做得好。牛油的香味，令金菇更香，小鹽的牛油，味道剛好，不致完全沒有味道，嗅覺與味覺的享受，完全的配合。黑松露什菇墨西哥薄餅，在放下之際，黑松露及芝士的香氣，已經洋溢著。薄而脆的薄餅，夾著芝士的菇菌，味道濃淡適中，並沒有被過濃的黑松露味道遮掩，與連鎖店式的比較，個人覺得更為驚喜。串燒終於上場，非常的期待，燒烤的香味，隨即送上。鴨胸、鹽燒牛舌、安格斯牛助，羊肉及泰國露筍，放於一碟，同時送上一個烤鉗，是方便取出串燒食物。全燒至金黃色，上面還付著點點的辣椒粉，入口會否太乾？鴨胸香軟嫩滑，燒過的鴨胸更覺肉香。鹽燒牛舌、安格斯牛助都帶點辣味，卻為味道帶著點題作用，除去肉腥，更顯肉味香濃。羊肉因辣椒粉而沒有任何羶味。所有肉類都沒有乾的感覺，除了燒烤香味，還有肉汁在內，火力控制非常得宜。泰國露筍，入口清香清甜，並沒有烤得太過，當中還帶著蔬菜的水份，辣椒粉的味道更突顯露筍的天然香味，令我為之愛上。雞中翼，翠玉瓜，也隨之送上。雞中翼帶點點辣，令雞皮配著燒烤味更香。翠玉瓜原以為會燒得失去大部份水份，誰知入口香甜，而且瓜內的水份豐富，就有如肉汁一樣，令口感有如咀嚼肉類一樣，鬆軟嫩滑。蒜片花甲扁意粉，貓友說是不得不吃，給我來介紹。賣相已經很吸引，除了色彩上，可見花甲之多，絶非一般小貓三兩隻之感，而且每隻花甲大小一致，也不是細細的那種，單看花甲的質量，已值回票價。先來一口扁意粉，入口滑如絲的感覺，蒜片及牛油的香味更帶扁意粉麵粉香，而且還夾雜著花甲的鮮味及海水味，令意粉的味道非常的立體感。花甲雖大，容易咀嚼，花甲的鮮甜更為濃郁，不愧貓友的好介紹。在燒烤店會有這個扁意粉，令我有點疑惑，於是找店長問問。原來大廚曾於酒店工作多年，也曾獲不少媒體報導，帶著西廚的經驗，將心得放進這小店。再問及若買不到花甲會如何？說是由花甲組合的三個菜式令，當天會不賣，說是沒有，對食物及味道堅持，對客人的感覺堅持，假使在這種小店也不改變，聽後我不由得的敬服。在食肆林立，美食天堂的香港，帶著殿堂級的廚藝，仍有著這種態度的堅持，相信定能吸引眾生的胃口。…查看更多