Burgeroom (美麗華廣場1期)

营业中

休息中

呢到食漢堡包都出晒名，一直bookmarked 左好耐裝修都好型格同現代感，有啲車軚做裝飾入到黎感覺都有啲酒吧feel自己揀完野食就去櫃檯落單，之後就會有店員送過黎，仲不設加一服務費添今次同朋友一人叫左一個餐！超滿足！呢到牛肉漢堡好出名，不過我今次就叫左軟殼蟹漢堡同鱈魚柳漢堡試下🍔軟殼蟹漢堡🦀：見佢寫住廚師推介，所以就好想揀，同埋本身自己都好鍾意食軟殼蟹。個包黎到真係嚇一跳！超大份，同部電話差唔多高度😮一啖都咬唔晒成個包。軟殼蟹炸得好脆，一啲油膩感都冇，而且唔腥，加埋蕃茄同生菜🥬感覺好fresh🍔菠蘿鱈魚柳漢堡🐟：鱈魚柳外脆內軟，加埋菠蘿十分爽甜，沙律醬加左酸瓜好開胃，又有芝士、蕃茄同生菜，口感都好豐富。個包都係超大個，唔怕肚餓，絕對足料。🍟牛油果醬芝士薯條🥑：牛油果醬同芝士都幾夾🤩成個薯條都好邪惡，仲有少少茄醬係上面，三個顏色同味道，唔同層次，薯條都幾多，同埋薯味濃，推介🌟🍑蜜桃冰茶🧊：食完野飲番杯凍飲好解渴，入面仲有啲果肉粒粒，唔會太甜，冇澀味，好消暑呢到雖然唔洗收加一服務費，但啲服務都好好，見我覺得凍就主動提出話閂細啲個冷氣，好細心，值得一讚

約咗fd收工chill一下，最近想食漢堡，佢就book咗依間。自己叫咗個菠蘿煙肉漢堡，高得滯，一啖食唔晒，唯有拆散慢慢用刀叉切嚟食，懶斯文就係差咗feel，食漢堡都係粗豪d更正。塊漢堡好正，夠厚身，攞刀押一押已經出汁，牛味濃厚，無辜負價錢；菠蘿係罐頭菠蘿，無咩特別，煙肉無煎到脆身，但質素都唔差，煙燻味幾香，整體嚟講個漢堡係幾好食。單叫一個牛油果薯條，芝士醬好夠，薯條脆身，又軟熟，熱辣辣，牛油果蓉無咩特別，薯條最配都係番茄，就算係配茄蓉都好食。仲有特別叫一枝coron啤酒😂，一般般。買單兩個人每人食一個漢堡，share一份薯條，加杯野飲，差唔多200蚊。放工輕鬆一下係幾好。btw，侍應講中文。

食burger食上癮，呢間係好耐之前食過覺得出色再要去既一間漢堡包店。同朋友一行2人，平日7點去唔使等位。係美麗華2樓，一上樓梯就睇到間舖，易搵！入面裝修都好靚，有格調夜d仲可以同朋友黎飲返兩杯野飲、調味同落單都係自助既。不過落完單拎左牌仔都會有人送餐比你。漢堡包選擇都好多，我地叫左牛肉漢堡($75),牛油果芝士薯條($62)同all day breakfast($98),再加兩支野飲。All day breakfast 超大份，最好味係沙律菜，新鮮蔬菜配上酸酸尾尾醬汁，好開胃。焗大啡菇都好多汁，溫度岩岩好。其他配料都係水準之上。牛油果芝士沙律：牛油果醬加左檸檬汁剛好對衡了芝士的膩，薯條剛炸起好脆口。必定要叫漢堡包！牛扒好厚，煎得岩岩好，食落去會有油脂必出黎，睇得出佢既肉除左瘦肉亦加上左少少肥！個麵包皮好實在唔係食空氣咁，而醬汁亦都好配合。檸檬汁同桃汁都好飲，個包裝仲好靚😂總括：下次再黎會試下其他食物，因為menu太多野揀，應該仲要黎多幾次😋👍🏻

同我親愛的離笆去左食飯 一齊去左食Burgeroom🍔🥗🦀好彩有book位 walk in的話就要排隊了嚟到哩度食🍔是通識吧 點了這個#大烤菇芝士牛肉漢堡 🍄🧀🍔 天啊～～～真係幾好食喎 味道真的很不錯喔😍🤩😋🤤麵包烘得剛剛好 有少少外脆內嫰嘅質感 🍄菇都幾大塊下 一咬已經好juicy了 真係有驚喜到我嘅heehee👍🏽👍🏽至於塊牛肉都係煎得剛剛好 非常能夠鎖到肉汁 好好味😋😍正，推介！！！軟殼蟹沙律 🦀🥗真係有成隻蟹係度架😍🤩都真係好真材實料的😆🤣不過佢啲炸粉有啲厚 令到個口感無咁好食 但係啲菜菜好fresh加埋個sauce👍🏽👍🏽牛油果芝士薯條 🥑🧀🍟薯條係粗薯嚟嘅 粗薯真係好食好多 萬歲呀粗薯😝😛啲薯條佈滿好多牛油果🥑同埋芝士🧀兩樣野又幾夾又幾好味啵 我想講啲芝士真係好濃味 #芝士控 一定好鐘意😉☺️哩杯飲品叫peach tea🍑初初懷著有少少中伏的心態都叫哩杯飲品🤣😆但好彩出嚟的效果又真係好好飲喎 好有果茶的味道 味道適中👍🏽唔會過甜 同埋唔會太稀 okay ahhh👍🏽👍🏽

相信大部份香港人對漢堡包ge認知都係黎自M記，「方便」、「快捷」同時，亦係「熱氣」、「drunk food」代名詞。所謂漢堡，只可Hea食而不可正餐，但如果有緣試過呢間Burgeroom，相信會重新定義你對漢堡包ge印象。星期一朝早放假，決定食個大餐黎迎接忙碌ge一星期，尖沙咀黎講，美麗華商場貴價food court已經係算係「人煙稀少」，夾埋平日朝早就更加少人唔駛等啦。呢間Burgeroom顧名思意主打漢堡，美式裝潢、bar檯酒杯，環境舒適整潔。美式餐廳要自助點餐同自行加水，不過點完之後侍應會送餐過黎，我點左「軟殼蟹漢堡」($108)、「牛油果芝士薯條」($62)做主菜，再加一碟「大烤菇沙律」($68)黎中和下熱氣。飲品方面，店員推介我點呢杯特色飲品「Iced Pineapple Fruit Tea」($38)。過住係M記食食包ge經驗，令我直覺「漢堡+薯條」係唔會食得飽，但Burgeroom每一道菜ge份量都比想像中大好多好多！「軟殼蟹漢堡」我點果陣仲以為只有一少片蟹肉放面，點知佢真係成隻蟹咁上碟，忍唔住要影相打卡！蟹肉即使係油炸，但仍然保持肉質鮮嫩，配搭鬆軟麵包加醬汁，既開胃又惹

Burgeroom長期穩屬開飯熱店名單當中，之前曾光顧銅鑼灣分店令人眼前一亮，得知它於尖沙咀亦開設了分店後久未有空到訪，機緣巧合下終於有機會隻身一人前往一嘗。餐牌與銅鑼灣店無異，漢堡款式極多，另外更有多款飲品及小食。鵝肝牛肉漢堡 ($158+10)麵包塗上牛油烘得微微酥脆，鵝肝肥美油潤，軟嫩得入口即化，雖然牛肉漢堡肉質結實，不及上次於銅鑼灣店中品嚐的鬆軟多汁，但是肉厚無比之餘牛肉味足，加上煎蛋、千島汁、生菜和番茄層層疊疊，巨型得無法一口咬下，只能以刀叉分食。牛油果芝士薯條 ($62)厚厚一層牛油果醬份量十足，底下更加上溶化芝士，與薯條堆積成一座山丘，牛油果醬濃稠綿密，微微帶酸，連皮厚切薯條炸得香脆，沾上牛油果醬及芝士實在滿足感十足。Green Tea Latte ($38)熱鮮奶抹茶味道偏甜帶微微抹茶清幽。Burgeroom的漢堡水準穩定，成為城中大熱漢堡包店之首當之無愧。

Burgeroom銅鑼灣店想去好耐，但每次經過都排長龍，無食到。平日4pm同個fd食個tea，黎左尖沙咀店，有位，終於比我食到地方好大，環境唔錯，喺美麗華商場二樓，好易搵到。牛油果芝士薯條嘩，最上層勁多牛油果醬之後係勁多溶左既芝士，勁大份粗薯條。大愛~呢個組合勁夾，薯條又係即炸好，配埋牛油果醬同芝士，好好食牛油果芝士牛肉漢堡平日食漢堡，必揀煙肉芝士牛漢堡，但今日想清少少，所以唔想要煙肉，揀左牛油果醬。厚厚既一層牛油果醬同牛肉漢堡好夾，連埋塊厚蕃茄，生菜一齊咬落去，有種小清新感，中和油腻既感覺。成個包好大個，而且塊牛肉好厚身，咬落好多汁，好有牛味，好食香脆雞肉芝士漢堡叫左一個牛肉漢堡，所以叫一個雞肉漢堡，兩種都試下。開頭以為雞肉漢堡，係用雞肉整既漢堡扒，圓型一塊。侍應攞到黎，原來係一大塊雞扒。大過個包，我地都忍唔住"嘩"左一聲，都真係好大塊雞扒外頭炸得好香脆，里面好嫩滑，都好食Hot cappucino平時漢堡通常配汽水，啤酒，Snapple之類，但今日咖啡癮又發作，叫左杯熱既cappucino，咖啡味唔錯，奶泡都幾滑

係尖沙嘴剪完頭髮，經過美麗華商場就同媽咪入黎醫下肚～其實一直都好想試Burgeroom，今次唔洗去到銅鑼灣都可以食，期待～本身好中意食牛油果，所以特別d叫左牛油果芝士薯條！熱辣辣都幾好食，但牛油果味唔太出，過左一段時間d醬令到薯條林曬，失色不少漢堡揀左大烤菇芝士牛肉漢堡包焗的好香脆，牛肉同大菇都好juicy，連埋d菜一齊食無咁漏，幾fresh！Happy hour 啤酒$40，抵飲啊！