緣味烤肉店 (已結業)

石門站C出口一出就有2大個商場，呢間鋪頭係一期的2樓，位置較其他店鋪隱蔽，我就比佢大大張海報吸引咗入去😆其實空間不算太多，大約有3張卡位，數張普通枱和吧枱位，環境闊落。坐低後，男侍應就提醒我用QR code落單，途中我有問題，佢都有細心有禮解答，個🔥熄咗都會好快手refill。Menu第一頁有張圖，好清楚咁說明各部位，一圖看懂👍原來除咗板燒外，仲有小食揀，不過睇圖見個set都幾多，就叫咗set同飲品就算了。飲品有罐裝、樽裝、波子汽水及特色飲品，都幾多選擇，任君選擇。板燒牛小排牛的胸肋骨附近，平時打邊爐都會買黎食，肉質結實得黎又因為有較多油筋油脂所以容易入口，「緣」汁原味💦板燒翼板肉其實即係牛肩胛，鍾意佢肉身薄得黎又少脂肪，都有成10塊以上，個份量幾足，送飯一流😋成個套餐有肉、飯(可按喜好選多飯少飯) 同椰菜絲沙律，均衡飲食無難度😂肉圖參上

喜歡一人一鍋或者一人石燒、板燒，自選喜歡嘅食物但又可以同步DIY享受自煮樂趣。今日放工途經石門，見時間差不多順道晚餐，發現這間「緣味烤肉店」，主打一人板燒烤肉套餐，價錢唔貴兼有多款選擇，有牛、豬、羊和鰻魚等等。而唔同牛肉嘅部位當然係主打，圖文並茂介紹你燒緊嘅牛肉係來自邊個部位。掃描二維碼點餐，方便清晰。每款板燒烤肉套餐包括白飯和椰菜絲沙律。板燒牛小排$168石板傳熱超快，塗上肥豬肉立刻滋滋聲響，熱石板超高溫趁熱放上烤肉，不消一會已熟。牛小排油脂豐富，入口甘香，肉質鬆化肉味濃郁，好吃到不得了。亦可蘸秘製醬汁或海鹽提升味道。😋👍🏻白飯超大碗，軟熟有飯香配烤肉一流！留意可以根據個人口味選擇多汁小汁。我這一碗選擇少汁味道啱啱好加上紫菜飯素，吃畢一碗冇難度😆😍味噌湯熱辣辣材料甚多。👍🏻椰菜絲沙律🥗 爽脆清新，平衡返肉類嘅油份。板燒牛三角 $148(牛肩胛）這個部位都比較稀有，肉質俾牛小排薄一點，所以燒烤時間更短。放上高溫石板數秒便可。牛肉味道濃郁，入口之後，肉質和脂肪都帶點甘甜！地方唔算好大，不過服務唔錯，卡位一排可望窗外遠景，百幾蚊一個餐可以吃到高質嘅牛肉，性價比不俗！👍🏻

今日同老公唔知食咩晚餐唸咗好耐，最後去咗呢間烤肉店🥩🥩話說疫情禁晚市堂食咁耐，都無好好咁出去放鬆下，食下好嘢，今晚終於可以食到我最愛既牛牛🐮🐮燒肉好滿足呀食烤肉一定要食牛肉唔洗多講喇一入到鋪裡感覺好舒服，座位闊落，我地簡咗個窗口位坐得舒舒服服唔會好逼，值得一讚手機落單都非常方便，落完單唔到10分鐘已經上咗菜喇，效率很高我就叫咗個牛小排定食真心好味🥩老公叫咗個翼板肉定食🥩一個定食已經可以食得好飽，如果唔夠可以追加，但我已經好足夠仲有個辣味墨魚仔小食都幾好，喜歡可以嘗試下不過還是覺得選擇少咗啲，可以多幾款菜式更好希望下次幫我親再有驚喜