新麻蒲 BBQ (波斯富街)

呢排天氣開始凍，又到咗打邊爐食燒肉嘅季節啦，知道呢間新麻蒲好出名，一直都無去朝聖，今日一於叫埋個朋友一齊去試下啦😋咁多套餐對我呢啲有選擇困難嘅人嚟講真係一大困擾！正當我地煩惱緊選擇邊個set時，店員已經送上滿桌配菜，非常快手👍🏻當中我最喜歡呢個醃海草，酸酸地，非常開胃😋第一次嚟，梗係要試下人地嘅招牌菜，所以我地揀咗呢個有皇冠推薦嘅SS5套餐，一次過滿足又想打邊爐又想食燒肉兩個願望🤤飲品方面，揀咗果醋系列，分別係石榴同青葡萄。仲以為果醋加檸檬會非常酸，飲落其實似水果味梳打，解膩一流！隨餐附上一個部隊鍋，鍋底非常淺，好快就有得食！店員即場面前燒呢個牛肉壽司，壽司係一口份量，入口滿腔油香，燒過嘅牛亦非常香口！肉類方面，有霜降牛肉、護心肉同牛排骨，我同朋友都覺得霜降牛肉最好味😋雪花分佈平均，一半脂肪一半肉，雖然未到入口即溶，口感反而更好😋配菜方面，有一個韓式什錦拼盤，有蝦、芝士腸、菇......當中燒年糕好有驚喜，外脆內軟，特別👍🏻甜品方面，我地叫咗呢個紅豆豆粉雪花冰，層次豐富，頂層有煙韌嘅麻糬，下面放著紅豆蓉，底層嘅牛奶雪花冰佈滿豆粉，中間夾雜著麻糬、杏仁，口感非常豐富！…查看更多

幾個朋友共聚，女朋友提議到新麻蒲食韓國烤肉。她說套餐選擇多，而且甜品有雪花冰！除了常見的韓式前菜小食，還有雜菜沙律。爐邊蛋的泡菜頗多，吃起來很滋味，吃完也可以 refill。套餐有什錦拼盤和豬牛拼盤，而豬牛拼盤有特級霜降牛肉、護心肉和秘製牛排骨，相當豐富！三種不同的肉類都不錯，我特別喜歡入味的牛排骨。什錦拼盤則有大蝦、豬肉香腸和數款菇菌。部隊鍋都是套餐的，算是很足料。其中一個朋友很愛吃午餐肉和香腸的，大部分都是他在吃，哈哈！套餐還有四件火炙霜降牛肉壽司，可以選半熟或者全熟侍應會即席表演火炙壽司的。我們選了半熟，侍應燒一燒就可以食，霜降牛肉壽司簡直是嫩滑！另外想有飯落肚，就點了一個韓式醬油醃生蟹伴飯。醬油醃生蟹頗大隻，有蟹膏。韓式醬油醃生蟹本來已經醃得味道鹹鮮，而拌飯中有多款材料，兩者合起來更加好食！女朋友最期待的畫面就是這個紅豆豆粉雪花冰，韓式雪花冰綿密好吃，難怪她念念不忘。套餐包兩杯非酒精飲品，也很有特色。…查看更多

可能實在離開得家鄉太耐，韓籍舞伴週三晚居然話想食韓燒兼去酒吧隊啤唱好K。小肥係眾人中最早收得工嗰個，所以就負責先接靚女前往選定o既「新麻蒲BBQ」邊食邊等。餐店佔用全層面積，散座大多為卡位式，感覺開揚闊落。埋位已見桌上擺有齊備o既餐具、紙巾、清水及醬油。厚厚o既餐牌內附彩圖，並且有齊中、英、韓三語對照，舞友不用多諗即決定要食個「牛肉套餐」（$398/兩位）。寫好餸，友善o既哥哥仔隨即送上七式前菜。開爐後就倒入爐邊蛋漿。同時亦開始煲煮二人份量o既「新麻蒲部隊鍋」。部隊鍋麵條爽彈，湯底少辣醒胃又暖胃。喺等待鍋物滾起時，兩口子就一邊食住啲沙律同泡菜。多款菜品中，個人最愛惹味爽潤o既生洋蔥。清香爽薄o既蘿蔔片。及兩味香辣o既泡菜及蔥絲。食完韓味濃郁o既部隊鍋，靚女廚神即熟手地由上之下，燒煮三層拼盤。為怕進食海鮮會引起敏感而爛面，頂層細佬就只係食咗條爽脆o既腸腸。架上中間嗰格有兩款牛肉，鮮紅色o既為100g霜降牛肉，啡色o既則為120g秘製牛肋排。四件霜降牛肉雖然厚身，但食落卻又鬆軟多汁。切成幼條o既秘製牛肋排腍潤得黎肉味更濃。最底層o既薄片並非豬肉也，而係120g「新麻蒲秘製牛五花肉」。可能牛五花肉比較多油，燒咗頭輪已令爐板變黑，姐姐仔見狀即自動及迅速地換上新板，效率高又夠衛生，讚！經美女對巧手煮出o既牛五花薄片頭嗰幾塊先帶點脆口，換上新爐板後燒嗰幾塊則多咗份油潤，！「新麻蒲BBQ」環境企理，抽氣好，年輕o既服務生友善又落力，晚市套餐量足款多，平均每人二百蚊確真抵食。…查看更多

韓風真的吹不斷！肥膏跟朋友們吃過一次，決定帶我來試一試。地點是在銅記地鐵站C出口對面，相當易搵！我跟肥膏從樓梯上去，已見有大約10人排隊，當時7時半。我們排了大概一小時，才有位。我有看食評，說有限時，但我倆入座時，店方沒有提到有時間限制。可能當天是平日吧。被安排坐到店內最入的位置，相當寬敞。店員很快就遞來水及鐵杯，之後就是一碟碟的前菜。店員相當快手，同一時間，已擺好陣，而且幫我們落了蛋漿。（我們點了一個套餐，但原來已包括了爐邊蛋的！我們落單時多點了，幸好店員有提醒！）前菜醋汁海藻味道酸酸的，很開胃。海藻很爽口，這個前菜不錯。生洋蔥加了點醬汁的。對我來說，洋蔥是我喜歡的食物。不論直接食還是配肉一起吃，都滋味。泡菜這家的泡菜很好吃！有一點辣，又有一點甜，而且泡菜仍然很爽口，超好吃。黑芝麻醬沙律在這之前沒有吃過黑芝麻醬配沙律，想不到，原來也很搭！而且菜很新鮮！辣椒醬芽菜也很好吃！辣椒醬不會過鹹，辣辣的，配上爽口的芽菜，很好吃。底下還有蔥絲。最難吃是這個白蘿白。生蘿白有種味道是不討喜的。生菜必須要讚!因為真的超級新鮮!所有前菜都可以REFILL!我們REFILL了多次泡菜!爐邊蛋蛋漿好快就熟，但味道沒有想像中的好。只是蛋加了泡菜，蛋味不突出，泡菜量也很少。可能是否我們燒得太耐吧？沒有驚喜。牛豬套餐份量有點少。沒有醃的肉還好，不特別好吃，但也不錯吃。另外，醃了的豬肉醃得有點鹹，配生菜吃也鹹。最好吃是蝦，肉質很彈牙很鮮味！牛肉壽司很好吃！店員會問你想要的生熟程度，再即場烤給我們吃。牛肉我們要熟一點的，也很好吃。辣拉麵（額外點的，不跟餐）肥膏不夠飽，另外點了一個韓國拉麵。韓國的麵本來就好吃，麵身粗，而且掛湯程度一流！這麵味道最好是湯底，很濃很香。不是自己在家煮的即食麵可媲美！最後是甜品了。紅豆韓冰沒有很好吃，不過不錯吃。冰人口即溶，配上黃豆粉，吃只是一般。不過加上紅豆就有比較好，因為加添了甜味。另外麻糬是最好味的，軟軟彈彈的，口感很好，不過只有兩粒。到最後我們要埋單的時候，店員通知我們還有飲品未點！原來二人餐還包扣兩杯飲料，最後我們點了兩杯藍天檸檬汽水。我覺得如果一邊烤一邊喝會很好喝，而且解渴。不過吃了韓冰再吃，就有點過酸，還會感到好冷。不過還是謝謝店員的細心！我想等熱潮再過一點，我會再來。會再來的原因是因為那些前菜。幾款前菜都是我杯茶！…查看更多

晚上七點來到，人龍已到樓梯位，眼看要等大約7，8枱才有位，就問問服務員要等多久喇。她很細心地講解了店入面有多少張枱，有多少預留給Booking客，和以現時的客入座時間估計大約要等多久等等等等，服務態度可是一流哦！終於等了大半個小時才有得吃～返了一日工雙腿累得差點就發麻了，幸好安排了我們坐卡位～前菜有泡菜，紫菜和韓醬大豆芽，味道一般般沙律用上了黑芝麻醬，吃開芝麻醬覺得這道黑芝麻醬味道怪怪的終於試了這款爐邊蛋了！蛋一燒熟已急不及待夾起來吃！加了泡菜味道一流！本人覺得要襯蛋嫩嫩時吃味道和質感都較好，燒乾了略為失色如加冰塊會更韓國呀！叫了這牛/豬套餐，High Tea Set 咁上喎上層有大蝦，菇，芝士腸和年糕大蝦有蝦膏，年糕略硬，其他則盡本份喇中層是護心肉和牛霜降肉護心肉是什麼東東？原來是豬橫隔膜和肝之間的肉，一隻豬只有200-300克。第一次聽也是第一次試，醃製過味道果然濃郁而且口感豐厚！牛霜降肉脂肪也平均，味道甘香，用白蘿蔔夾著吃十分清新下層是牛排肉醃製過的牛排肉很入味且很多肉汁在客面前即場用火槍燒的火炙牛壽司，味道麻麻，飯團口感滑San San，牛沒牛味最期待的反而是這黃豆粉紅豆韓冰成座山丘咁上，係咪見倒都想食？黃豆粉味道太搶，搶過了紅豆的味道，冰磨得細細碎碎像粉一樣，吃下去有點像吃空氣冰冰甜甜的一匙一匙就整個吃光！整體來說這個甜品反而是全晚的焦點！唯獨是略嫌麻糬質感太硬，少了煙韌感…查看更多

朋友終於學成歸來了, 由出發時的三級韓文一年後便六級回來了, 可喜可賀, 又很羨慕呢~~所以今次又來吃韓餐聚一聚, 賀一賀!!因為平日的關係又早, 所以人不是太多, 因為這裡沒有得訂位, 所以早來較好!! 二人又不是太餓, 所以只叫了兩個燒烤物而已......先來一些泡菜前菜, 吃一吃!!! 還有當然是近來最興的爐邊蛋, 今次加了泡菜, 口感更好!!最喜歡的芝麻醬沙律, 又香又健康又清新, 吃完烤肉再吃就可以REFRESH一下口腔了!!!很久沒有吃過五花肉, 今次便叫了, 厚厚的一塊五花肉, 有肉及肥的地方, 結合一起又多肥美又美味, 真係想減肥都難, 食埋今餐先, 哈哈!!今次初嚐護心肉, 韓國很出名的, 也是近來興的, 因為每隻豬很少地方有, 很珍貴亦是蠻嫩及薄的地方, 加埋自家的秘製腌料, 果真是野味一點!!二次來吃感覺質素仍在, 而且服務員較之前多也比較好, 不過還是需要改善的地方, 因為有時也會善忘......我們吃了個多小時後離開時門口已大排長龍到下層了, 真的是十分誇張呢?? 但也証明了店家的吸引力果真不少啊~~…查看更多

姐妹淘生日派對。。聽說銅鑼灣開了一間需要排隊才能吃到的正宗韓國餐廳~所以決定上去慶祝生日！我地收工先上去，結果唔洗點等 就可以入座~~韓國老闆推介我地食豬/牛套餐1 再另叫小食~原來豬/牛套餐1係會有免費汽水同韓冰送架！！！！！仲要唔係普通可樂雪碧 而係佢地餐廳自家特制既韓國飲品。前菜好豐盛 未落單 已經送上一整枱前菜 辣芽菜……海帶……同泡菜 好味。（我唔食得辣都係咁食。唔會太辣~~~）姊妹們話個火龍果沙律好正~同時前菜是可以免費任加的肉既份量剛剛好 果然係老闆介紹。。。非常好。。。最憎出街食飯俾左錢又食唔曬！！！新麻蒲的專業替我解決了這個問題^_^韓籍侍應好專業咁幫我地燒。好難唔好食XDDD 雖然佢係韓國人 但好努力咁用英文服務我地！GOOD~~~~~…查看更多

有食過好多韓燒，但係就未試過爐邊蛋，一直都好想試。和朋友一行二人，排左個半鐘終於試到。叫左二人份量的豬肉套餐(包左爐邊蛋一次，護心肉，五花肉，豬排骨，年糕，蘑菇，豬肉香腸，大蝦，仲有火龍果沙律同幾碟菜），仲叫左秘製豬皮，覆盤子梳打汽水同埋紅豆冰沫。呢度的前菜比起其他的韓式燒烤店都多款，三層式的層架擺出黎精緻之餘又慳位。火龍果沙律用左新鮮的芝麻醬，第一次食這種芝麻醬，很特別。覆盤子梳打汽水好好飲，很解渴。爐邊蛋同護心肉真係超好味。唯獨燒豬皮令我有點失望，甜味的豬皮有點怪。食到飽飽之後，一場黎到排左咁耐，點都要試埋紅豆冰沫。食甜品果然係有第二個胃。呢度的亮點係呢個紅豆冰沫。唔同其他刨冰咁，就算有牙齒敏感都唔驚，因為唔會冰到震，入口即溶，甜味剛剛好。今晚晚餐真係超滿足。…查看更多