老媽拌麵 (荃灣廣場) (已結業)

懷念台灣嘅拌麵 嚟呢一間過江龍人氣老媽拌麵就啱晒✨.📌金華火腿干貝雞湯麵 $82呢個湯嘅薑味比較出 金華火腿同埋干貝嘅味相對就淡啲 唔係好夠鹹香同埋鮮甜🙈湯底好清 味道啱啱好 飲落去好養生嘅感覺 所以唔經唔覺就飲晒成碗🍲麵揀左粗麵 係刀削麵黎嘅 食落去好滑😚雞都幾嫩滑 不過份量就唔算多🐔冬菇索哂個湯好淋好入味🍄紅蘿蔔都好淋甜🥕.📌炸大雞扒 $46雞扒嘅肉質好嫩滑 一咬落去個外皮脆卜卜 肉汁同油香就出哂黎🤤個調味啱啱好 炸皮亦都唔會好厚 抵食🤑.📌香煎蔥抓餅 $30平時食蔥抓餅都偏油 但呢個一啲都唔油膩 而且唔會太濕太乾🤩淡淡嘅蔥香加埋香口嘅酥餅 食落去煙煙韌韌😝不過就冇嗰個酥鬆嘅感覺🫣.📌燙青菜 $22佢係一大個西生菜咁上 好似譚仔咁🥬個豉油可以另上 不過如果落太多就會有少少鹹～

荃灣廣場開左幾間環球餐廳，今次就黎試呢間台灣嘅代表「老媽拌麵」。雖然係老媽，但店內環境都係走一貫嘅台灣文青風格。去嘅時候約6點，可能時間尚早或新開張，店內冇乜客人。餐牌我揀左美人雞湯幼麵。湯味同相中所見嘅顏色一樣係偏淡，唔係史雲生果種雞湯味。整碗份量唔算多，雞有4-5件，仲有一啲菇類、蔬菜等配料。對我黎講驚喜係有一片片薑，純粹因為我鍾意食薑。朋友揀左川味三寶牛肉麵，Again, 湯味同顏色一樣係較濃，但唔係濃到鹹果種。粗麵同刀削麵相似，雖然係川味，但只係有陣辣香但唔會食到好辣標汗果種。肉方面朋友話好食，唔似一般食到嘅薄身，肉質又唔會好硬。燙青菜不過不失，落左少少油唔太乾身，汁都唔會太鹹。