老媽拌麵 (荃灣廣場) (已結業)

荃湾广场开左几间环球餐厅，今次就黎试呢间台湾嘅代表「老妈拌面」。虽然系老妈，但店内环境都系走一贯嘅台湾文青风格。去嘅时候约6点，可能时间尚早或新开张，店内冇乜客人。餐牌我拣左美人鸡汤幼面。汤味同相中所见嘅颜色一样系偏淡，唔系史云生果种鸡汤味。整碗份量唔算多，鸡有4-5件，仲有一啲菇类、蔬菜等配料。对我黎讲惊喜系有一片片姜，纯粹因为我钟意食姜。朋友拣左川味三宝牛肉面，Again, 汤味同颜色一样系较浓，但唔系浓到咸果种。粗面同刀削面相似，虽然系川味，但只系有阵辣香但唔会食到好辣标汗果种。肉方面朋友话好食，唔似一般食到嘅薄身，肉质又唔会好硬。烫青菜不过不失，落左少少油唔太干身，汁都唔会太咸。