漁獲浜燒

星期六朋友生日，相約來到這家高級燒海鮮店慶生。之前聽朋友介紹這裡的服務很好，有店員會在旁邊燒給你吃，現在一看名不虛傳。我們點了一個套餐。刺身三點有我最喜歡的蝦和三文魚，甜蝦肉質鮮嫩，帶有自然的甜味，三文魚肉質緊實，帶有淡淡的海味和油脂感，口感豐富。波士頓龍蝦龍蝦不但新鮮，而且肉質豐滿，口感清甜結實，哪怕蝦鉗都啖啖肉，加芝士燒烤後，和龍蝦的香氣交織，芝士表面形成少少脆皮口感，但不會蓋過龍蝦的鮮甜，口感非常豐富。燒蠔蒜香燒蠔食得多，用清酒燒真的比較少見，燒製後的貴妃蚌色澤誘人，搭配清酒的透明感，成個蠔殼滿滿的鮮蠔湯汁，一啖入口十分享受。貴妃蚌貴妃蚌肉質鮮嫩，彈牙，通常帶有淡淡的海味，口感極佳，肉質有自然的甜味，吃起來非常爽口，加上清酒的味道，令蚌的鮮味更加突出。白鱔白鱔肉質細膩，經過燒烤後保持了鮮嫩的口感，滑順而富有彈性，肉質吸收燒烤的香氣，搭配鮮甜的醬汁，色澤金黃，入口甘香。海鮮雜炊雜炊現場即煮，用料非常豐富，包含多種新鮮海鮮，如蝦、貝類、魚片等，米粒吸收了海鮮的鮮味和高湯的精華，味道鮮美，口感滑順。椰子雪糕椰子雪糕質地柔滑，椰子味非常濃郁，啖啖都係椰子嘅原汁原味，入口即化，口感很綿滑，香甜又消暑。整體來說，要吃最新鮮的海鮮，這裡能滿足你的要求。…查看更多

星期五Happy Friday! 在銅鑼灣逛完街，與朋友相聚，就來到這家居酒屋。好少見食居酒屋真的成隻生龍蝦放在你的面前給你看，海鮮用料絕對保證新鮮，龍蝦還會逃跑，餐廳環境很舒適，有分開幾個小空間，不會覺得人多好雜，好適合同朋友上來食下嘢，傾下心事。刺身三點三點有三文魚、蝦、油甘魚，肉質柔嫩，脂肪分布均勻，入口滑順，帶有自然的鮮味，蝦咬落好有彈性。波士頓龍蝦龍蝦在烤的過程中還在動，感覺肉質很結實，在烤的過程中已經聞到淡淡的海鮮味。龍蝦上加了非常多芝士，有種濃濃的奶香味，加上新鮮龍蝦的鮮甜海鮮味道，一啖落去，鮮嫩彈牙。發塔紙白蜆湯白蜆在湯中釋放出濃郁的海鮮鮮味，湯底清澈，味道鮮美，食完龍蝦食這個，可以化解芝士的膩感。燒蠔燒蠔保留了蠔的鮮嫩口感，外層微焦，內部仍然多汁，蠔的天然海味與炭火的香氣相結合，清酒的香氣融合進蠔肉中，提升了整個層次感。貴妃蚌貴妃蚌可以有多種不同的做法，這裡用清酒燒，感受海鮮的原汁原味，清酒的醇厚香氣能夠提升貴妃蚌的鮮味，同時平衡了蚌肉的海味。海鮮雜炊雜炊現場即煮，用料非常豐富，包含多種新鮮海鮮，如蝦、貝類、魚片等，米粒吸收了海鮮的鮮味和高湯的精華，味道鮮美，口感滑順。檸檬雪芭整個造型是一個檸檬，有很濃的檸檬的天然香氣和風味，雪芭的質地通常柔滑細膩，入口即化，味道酸酸甜甜，清新爽口。在這裡，能看到店員即場烤食物給你吃，質量能保持最新鮮了。…查看更多

老公話 "結婚週年紀念點都要食豪d"，所以我地就揀左 漁獲浜燒 試試佢。漁獲浜燒位於銅鑼灣澳門逸園中心。澳門逸園中心成棟樓都係食肆，有時行街行到餓，唔知食乜好都可以黎望望。由於我用app book左位，所以一黎到已經有位坐，完全唔需要等。一坐低就有茶俾你飲，唔好講笑，連杯茶都好高質。之後落單，我地見幾枱的食物都好相似，於是我地都決定跟大隊試試佢 (對於有選擇困難既人，呢個方法真係唔錯)。刺身盛合五款 (⭐⭐⭐⭐) 刺身盛合一共有五款刺身，包括牡丹蝦、三文魚、吞拿魚、油甘魚和馬糞海膽。每款都有三片厚切刺身，吞拿魚和三文魚食起黎有油脂感，但唔會覺得好膩，入口即溶。海膽十分鮮甜，食到我想encore。味噌蟹甲羅燒(⭐⭐⭐⭐⭐) 呢個真係冇得輸，非常惹味。食到停唔到口。漁獲浜燒盛合(二人前)  (⭐⭐⭐⭐⭐) 包括珍寶大蝦，松葉蟹腳，鮑魚，蠔和帆立貝。加了$100轉活貝，果然超級新鮮。食材全部都係上等質素！重點: 你可以食殘廢餐，店員會係你隔離幫你燒埋，保證保留鮮味，生熟度控制一流👍帆立貝可以揀清酒煮或加香草牛油，清酒將帆立貝嘅鮮味帶哂出黎，好惹味。鮑魚是南非飽，放上爐個陣仲識郁，夠晒新鮮，所以肉質好好，好有咬口又夠彈牙，又唔會硬到橡筋咁吞唔到。松葉蟹腳，很鮮甜。珍寶大蝦大得誇張！超爽口。燒蠔都夠晒新鮮可口。總結: 漁獲浜燒值得推介 …查看更多

食海鮮嚟講，我同太太都比較鍾意食原味.燒或者蒸都可以,因為咁先可以食得到最鮮嘅味道。但是首要條件係新鮮，同埋係當造!呢間"漁獲浜燒"第2次嚟都係比超高分首先叫咗個沙律先! 呢個"黑松露野菜碟魚邊沙律"上枱嘅時間已經聞到香濃嘅黑松露味，再加埋特色醬汁，輕輕燒過嘅碟魚邊，魚油又香又厚，加埋新鮮野菜一齊食。我唔鍾意食菜嘅都食咗半碟!不錯喔～刺身嘅時間刺身比較講求時節，今次竟然食到秋刀魚刺身，秋刀特別嘅地方係魚身較為濃味，擁有肥美嘅口感。我個人嚟講好like!勁大隻嘅牡丹蝦，將蝦頭鮮甜嘅膏，點落蝦身。鮮味到唔需要點豉油~馬糞海膽:每條海膽都好分明，唔會痴埋一堆，食落非常滑口鮮甜.吞拿魚:油脂分佈平均，甘香無根，我本人鍾意食呢個部分多過大拖羅.味噌蟹甲羅燒: 鍾意食蟹膏嘅朋友千祈唔好錯過，滑滑嘅蟹膏加埋淡淡嘅味噌，食落唔會太鹹。真係想叫個飯撈埋嚟食重要嘅事終於出場啦!活貝漁獲浜燒盛合~貝類全部都係郁郁吓，新鮮度爆燈!蟹肉亦表現得晶瑩剔透!係新鮮啊～燒蠔:廚師仔將肥蠔燒到7成熟，一咬入口，啲汁咇晒出嚟，比起生食蠔味更突出更甜。燒南非鮑魚: 雖然好厚身不過廚師仔功力好，燒熟之餘唔會燒到乾，仲要燒到金黃色，食落好煙靭。燒松葉蟹:新鮮嘅蟹肉遇上燒爐後，變成一梳梳又鮮又甜嘅蟹肉，將佢一啖放入口~真係超好味燒大蝦:筷子咁長，蝦頭嘅膏香甜，新鮮度高，蝦肉厚大而彈牙，好精彩!食浜燒點都要小酌一杯，我揀咗左手邊嘅"白隱正宗"飲落味道較剛同重。嘆住杯酒食海鮮欣賞呢間餐廳嘅原因除咗係食材新鮮，整得好食，最重要係員工嘅服務做得好好!…查看更多

今日返工返到打仗咁,真係好心累！太太見到我咁就book咗間喺銅鑼灣嘅"漁獲浜燒"去傾吓計！入到去地方唔算好大但係感覺好舒服，唔會話有壓力嗰種嘅格局!打開Menu食物唔算好貴~五色刺身都係4百零蚊,再加多個"特上漁獲浜燒盛合"店長走過嚟好細心介紹入面嘅食材之餘亦都推介咗個"青龍"兩食俾我哋!隻龍蝦好新鮮~首先食咗個少少辣嘅前菜醒吓個胃先~牡丹蝦非常新鮮蝦肉鮮甜蝦頭部分仲有藍藍嘅蝦膏真係好鮮! 油甘魚就用咗腩嘅部分食落有點爽口油香十足, 吞拿魚近腩位完全冇根啖啖肉!雖然唔係大拖羅但係已經表現到晒佢獨有嘅甘香，三文魚肥美,而海膽鮮甜到爆絕對係值!龍蝦肉晶瑩剔透爽口彈牙有淡淡嘅龍蝦味再加埋我篤海膽!睇返張相都回味中~隻元貝仲大過我隻手，隻隻都大大隻又新鮮,未燒都聞到陣海水味隻南非鮑仲要勁郁!隻蠔燒完都咁大隻!其實浜燒除咗要睇吓食材新唔新鮮之外仲要睇師傅對食材嘅認識而去決定食物嘅生熟程度!呢個7成蠔真係冇得輸肉質爽滑肉汁豐富因為經過加熱令蠔本身嘅甜味都迫晒出嚟!真係冇吹水堅係跳ing舞!唔洗我講都知堅新鮮~最鍾意食蟹!由其燒蟹甜到我暈終於到大大元貝真係要讚多次個師傅完全冇浪費到咁新鮮嘅食材裙邊唔韌爽口非常,元貝肉燒成半熟加埋牛油香味。頭先講咗龍蝦兩食宜家出埋個下集~估唔到食完個刺身之後仲有好大舊龍蝦肉留喺個殼度! 師傳將嘅龍蝦肉剪碎加埋自家製麵豉加埋龍蝦膏撈埋再釀返落個龍蝦頭.成件事絕對係夾到7彩，平時食嘅麵豉好多時都太咸但係呢個係勁滑唔太咸完全將龍蝦味推到極致~呢個真係必食~最後食埋個柚子雪榚，好清新。我食完餐飯竟然會成個人都鬆晒咁。呢間嘢一分錢十分貨!多謝太太搵到個好地方。下次我嘅…查看更多

又係慶生時間，上openrice 見到衣間就諗住試一試。上去餐廳時要排隊搭lift 耐左少少。漁獲兵燒～咁緊係要一試海鮮係咪咁新鮮喇～叫左蠔、魷魚、蟹腳，少不得嘅味噌蟹甲羅燒～仲有松露菇菇盛合等候時間唔係好耐，已經逐樣逐樣來喇，首先係松靈菇菇盛合，好香松露未，食落好juicy 之後燒蠔，蠔係時價，食時記住問下幾錢先～蠔燒得剛剛好，脹卜卜好多汁，我連殼上啲水都飲埋燒魷魚～原條上，但是我覺得燒得乾了少許 燒蟹腳，如果可以大隻啲就真係好滿足🦀燒得剛剛好外乾內juicy ~重點來喇味噌甲羅燒，味道剛剛好，唔會太咸食到好香蟹膏味～❤️食物好食之餘，最滿意係服務，個個服務員都好有禮貌，細心咁幫你燒熟食物，亦會提點你食物影相位😆感覺貼心，而家已經好少服務咁滿意嘅餐廳～值得一讚。最後食左個漁獲滿溢壽司卷，衣個都好好食，上面有三文魚子、帶子、海膽，真係滿到捨。…查看更多

好朋友生日, 佢鐘意食日本野, 平時同佢都經常食. 今次佢生日, 想特別小小. 上OPENRICE睇下, 搵到漁穫浜燒. 原來浜燒係燒海鮮. 岸邊即捕即燒的原始風味, 一於去漁穫為好朋友慶生.真澄山花純米大吟釀 (300ml) $288: 叫個SAKE濕下喉嚨先, 酒如其名, 有花香米香, 入口清爽舒服帶有果味, 感覺幾討好Appetizer $20: 先來個熱身, 新鮮清爽既椰菜配上醒胃麻醬, 再灑上細細塊脆薯片, 爽脆開胃特製黑松露灸燒平目魚邊沙律 $138: 個人十分喜愛黑松露, 所以點左哩款沙律, 而且平目魚邊比較少機會食到.平目魚邊肉結實有彈性, 配上新鮮沙律菜, 牛油果及蕃茄仔一齊食, 口感豐富, 蔬果既清爽平衡左平目魚邊及黑松露醬既油潤, 濃郁既黑松露醬味增添令平目魚及蔬果味道層次.  都幾大碟, 份量不少, 竟然三兩下就清碟了!赤睦刺身+炸骨 $680: 赤睦刺身比較少機會食到, 就點佢啦! 赤睦原條上, 剌身師傅將魚肉切件後, 依然可以砌返原條魚, 賣相一流, 有氣勢之餘亦顯出剌身師傅功架. 輕輕火灸過魚皮, 魚油微微滲出, 增加幾份魚油香, 肉質結實軟彈. 食完魚肉後, 侍應會將骨頭收走拎去炸,  炸骨香口鬆脆, 好適合佐酒!波士頓兵燒盛合(二人前) $958: 來到今日主題, 燒之前待應會把海鮮盆拎過來俾客人過目, 之後先拎去燒.燒活鮑魚 - 肉質厚身彈身, 幾鮮美.燒波士頓龍蝦 - 不大隻肉不多算多但非常多膏燒蠔 - 新鮮肥美, 無腥味燒松葉蟹腳 - 肉質細緻鮮味, 有蟹腳之餘仲有蟹鉗, 蟹腳已切開, 蟹鉗殼亦已裂開, 方便客人進食, 細心!燒帆立貝 - 可選牛油或清酒燒, 我選擇了酒, 活帆立貝好大隻, 入口彈牙, 帶有淡淡的酒香椰子雪杷 $48 - 好幼滑, 有濃郁椰香及奶香, 甜度適中, 為今餐作一個完美總結兩人連加一約$2300…查看更多

這間餐廳是朋友今天做東選擇的日本餐廳, 朋友向來愛選銅鑼灣因家住港島關係. 到店前, 自己有網上搜尋一下"浜焼"的意思, 原來"浜"是指海邊的意思, 意譯為漁夫將捕獲的漁獲以簡單方式直接燒烤的意思. 放至現今, 較多用於在取酒屋提供即烤魚貝類食材的形式. 甫到達入坐已看到店員在燒烤海鮮. 今天光顧的人較多, 安排了坐吧枱的位置, 自成一角. 習慣性地, 坐下第一時間看酒水單點酒. 第一瓶先由吟釀開始, 李白的這瓶主要是米香, 入口微辛不濃烈, 作為第一瓶酒相當合適. 然後是先上沙律清一清味蕾. 生菜上舖上脆片加上酸度適中的醬汁, 為大餐的開始做好準備. 前菜的沙律份量並不滿足我, 朋友看到黑松露便馬上決定點這個, 我自然是讓老闆決定了. 裡頭用的沙律菜, 蕃茄仔等均新鮮. 牛油果相對提供了較高的飽足感, 配黑松露相當配合. 有一點點可惜是黑松露略為掩蓋平目魚邊的魚味. 整體味道水平則高. 燒明太子咸咸辣辣的味道, 單獨吃不是人人習慣, 但配上清酒便是下酒恩物. 咸辣感覺迅即圓潤許多. 清掉大半瓶清酒. 甫吃過明太子, 馬上便送上赤睦刺身, 赤睦屬白肉魚系, 香港並不常見, 朋友看到便心喜點來一試. 表面魚皮經火灸一下, 目的為提升魚皮下的油脂香味, 入口一嚐, 魚肉頗有彈性, 魚肉的香味較清淡優雅. 由於原條上, 能嚐到最少兩個部位的魚肉口感. 不錯. 吃畢後, 侍應說會收走魚頭魚骨部份酥炸. 這時候, 李白已看得差不多見底, 便點一瓶大吟釀試試, 看一下精米步合是45%, 香味除米香外帶有果香, 濃度上自然比吟釀高, 此酒相比李白, 較適合冷飲. 不一會, 油炸赤睦魚頭上枱, 油炸的鬆脆程度是連骨也酥脆了, 味道帶咸香, 由於較濃味相對適合配大吟釀. 朋友跟我都怕吃太多飯, 刺身併盤相對較合我們胃口, 來的幾款都是我們愛吃的. 牡丹蝦肉質鮮甜, 完全沒投訴. 三文魚厚切肥美. 鮮度不錯. 有一段時間沒吃油甘魚, 這次吃的入口甘香, 厚度適中. 吞拿魚顏色帶粉嫩, 入口的肥美度估計是中拖羅, 油份多而相對魚味亦不會完全掩蓋. 整個拼盤, 最喜愛是海膽, 這裡有提供紫菜包著同吃. 清一清口後才開始吃, 海膽沒半點腥味, 入口即溶, 高水準. 濱燒併盤比我們想像中份量多很多, 希望傳說中海鮮吃不飽人是真的. 先上來的是最愛吃的燒蟹腳, 蟹已開半, 吃起得很方便. 蟹腳蟹鉗的肉均一梳梳, 是蟹肉優質的保證. 好吃. 帆立貝的肉非常厚, 燒出來不會過熟, 由於肉厚所以有提供沾鹽, 味道上頗鮮美. 鮮鮑魚燒出來肉質彈牙, 沾點醬油或鹽便很鮮味. 蠔的品種不太肯定, 但盛夏之際難免不是最鮮美之蠔, 但燒的火候控制不俗. 龍蝦體積不大, 但肉質紮實, 鮮甜. 蝦頭的膏非常多, 我用刀刮點蝦膏塗在蝦身上吃, 雙重味覺享受. 今天吃的份量挺多, 最後還是選擇最愛的柚子雪芭清口及消滯, 柚子的清香酸爽令人飽滯全消, 雪芭做得夠幼滑, 一人一個沒難度. 材料上乘, 加上點了兩支清酒, 成本反映在價單上, 但物有所值的.埋單才注意到, 原來漁獲除鳥居外, 尚有豚燻這家分店, 在facebook給個LIKE便可享買1送1, 下次要特地去嚐一嚐. …查看更多

有排都未有得去日本, 所以今晚同個friend嚟食浜燒止止渴先!! 是夜漁獲豐富, 老娘聽日要返工都唔理得咁多啦, 同個friend拼老命咁食, 大家齊齊嚟個豪情星期一, 豁出去吧!!坐低首先有個開胃沙律, 新鮮椰菜配上芝麻醬再加上七味粉, 幾惹味!我哋經店員介紹先嚟個是日精選赤睦魚剌身, 肉質綿滑無筋,魚油都豐富但又唔會覺得好油膩, 至於個炸魚骨就更加無得頂同無得剩!! 佢很醜但是很脆口！！連檸檬汁都唔駛落, 我哋就連魚鰭魚尾都吞晒入黑洞!!! 我一向唔係幾識食魚頭, 但朋友話好好味, 咁我又試吓啦, 一食就連渣都無啦, 因為入口完全唔會覺得D骨剌口同硬, 魚骨炸得好香好酥脆, 亦都毫無油膩感, 廚師調味做得剛剛好, 唔需要再額外點任何醬汁!! 今晚主角特上漁獲浜燒盛合同我哋見面啦!!! 呢個盛合有龍蝦, 帆立貝, 蠔, 鮑魚, 松葉蟹腳, 所有海鮮都好新鮮, 隻鮑魚仲響度跳扭腰舞咁! 店員細心講解點樣燒D海鮮係最好食, 為免我浪費大好食材, 所以都係由店員代勞吧。松葉蟹腳 – 輕輕燒吓, 唔會燒到乾晒無水份, 食落肉質鮮甜夠嫩.燒蠔 – 店員提議燒到5-6成熟就最好食, 當然照跟啦…果然蠔肉肥美, 夠晒鮮味!帆立貝 – 可揀牛油或者清酒煮, 因為我怕牛油會感覺好漏, 所以就揀咗清酒煮. 帆立貝肉質肥厚, 裙邊爽口完全唔會韌, 至於個湯汁好鮮甜, 又係食到照鏡啦!鮑魚 – 鮑魚邊燒到有少少焦香，咬落中間部位仍然軟腍，點少少柚子胡椒醬更加惹味!!燒龍蝦係師傅燒完先再攞埋嚟嘅, 個醬汁係用麵豉撈埋龍蝦膏, 睇個樣以為會好咸, 點知原來唔係, 咸淡度剛好, 龍蝦啖啖肉, 肉質紮實爽口.朋友仔平時都愛飲番幾杯(其實可能係幾支), 店員就推介季節限定真澄清酒, 響日本一睇到[限定]呢兩個字就好易出事, 因為執輸行頭慘過敗家, 估唔到響香港都一樣, 連平時滴酒不沾嘅我都飲番兩杯, 實在百年難得一見!! 雖然我唔識飲酒, 但都覺得好易入口, 一D都唔“拿” 喉, 飲落甜甜哋! 朋友話咁快KO咗一支, 跟住店員好用心再介紹其他清酒, 再試多兩款唔同味嘅清酒, 其中仲介紹飲真澄七號時配上螢光魷魚, 果然味道真係唔同喎!! 就咁食個螢光魷魚會覺得咸味重D, 但飲啖清酒一齊食呢, 味道會變得清甜, 好得意喎!!再想加D嘢食, 但鍋物又怕會飽得滯, 所以每人要個海膽手卷, 紫菜脆口, 海膽份量好足夠, 味道甘甜.都係時候要食甜品啦, 選擇困難症又發作, 到底食柚子雪芭好還是椰子雪芭好呢???? 最終唔好煩, 一人一個分甘同味吧!! 柚子雪芭好清新, 食落有種涼快嘅感覺. 而椰子雪芭就好creamy, 其實似雪糕多D, 好濃嘅椰香, 有D似飲緊椰奶咁.整體嚟講食得出呢度嘅廚師係用心製作食物嘅, 食材亦都好新鮮, 所以唔需要多餘嘅加工調味就可以食到食物本身嘅鮮味. 當好食材遇上好嘅烹調方法, 咁咪攞您命3千囉!! 真係豪情星期一啦!!…查看更多

很開心今晚可以同朋友黎到漁獲浜燒食晚飯。入到去好有日本和風的感覺，我們被安排坐到bar枱位置，邊食邊望住師傅切魚生，hahaha今次選了幾款不同種類的菜式，首先係芝麻鹽醬椰菜。 係椰菜上淋上芝麻醬同灑少少七味粉及盐。椰菜清甜爽脆，好香芝麻味，而且味道豐富，微酸的芝麻醬中帶一點辣同咸，好開胃。 接下來係味噌蟹甲羅燒，其實即係燒蟹膏混蟹肉，而且師傅就係我們面前即燒。燒到差唔多就加入蔥花同蛋撈埋，最後上枱時放面包糠，咁就完成了。因加了面包糠，所以有脆口的感覺，蟹膏肥美，而且啖啖都係蟹肉，超正。而且入口好creamy，好重蟹膏味，帶有少許味噌的咸味，所以好惹味，好食。 呢個七彩繽紛的就係沖繩風沙律，個賣相好靚，睇到都覺得好食。入面有很多材料，有新鮮爽口的蔬菜，肥美鮮味的魚生，最重要的是有沖繩特產苦瓜同海葡萄，唔係點叫做沖繩風。個沙律汁酸酸的夾到所有食材，而且都幾開胃，海葡萄好新鮮爽口，而苦瓜就爽脆，淨係食苦瓜真係有啲苦，但食後有回甘的感覺。食完個沙律，話咁快就上刺身盛合五款。 由後排左手邊開始，首先係牡丹蝦，大條又新鮮，肉質柔軟得黎爽滑，少少醬油同芥末就能帶出蝦的鮮甜味。中間係粒粒晶瑩剔透，好有光澤的三文魚籽，呢個要用紫菜包住黎食，一咬落去魚籽的鮮味係個口入面咇晒出黎，正！之後就食油甘魚，厚切而且肉質結實有彈性，食落有口感而且好香的魚鮮味。最後係三文魚同吞拿魚、兩款都新鮮美味，沒咩雪味，而且沒根，咬落好滑。 Hahaha今次有點我最喜歡吃的香煎蒜片厚切牛舌。蒜片好脆好香，牛舌厚身，好有咬口，而且煎得好香，外焦內嫩，入口有微辣的黑椒味，好juices，個汁酸酸地帶少少辣，點埋牛舌，更好味。 坐係bar枱咁有feel，我地趣趣地叫左兩杯drinks助慶下，分別白桃味汽水(左)好香桃味又夠氣&北海道余市蘋果酒(右)入口有好香甜的蘋果味，慢慢飲到有啲酒味，不過好輕微，好適合女仔飲。我地一邊飲野一邊等食特上漁獲浜燒盛合(二人前)，有5款新鮮的海鮮由師傅操刀燒比我地食，服務真好。 首先燒鮑魚，燒得好香，食落嚼勁十足，味道鮮美，仲好juices，好好食。 接著燒蠔，蠔燒得剛剛好，肉質好滑，保留到蠔的水分，唔會乾晒身，隻蠔依然咁大隻，入口好濃海水的鮮咸味，真係原汁原味。 Wow 成隻手咁長的珍寶大蝦，師傅燒到隻蝦好香，之後好細心剝殼，將蝦肉剪成一節節容易入口，蝦肉爽口彈牙，好有咬口，而且鮮甜美味！ 而帆立貝可以選清酒燒or牛油燒，我地都選了牛油燒，帆立貝好大隻，入口新甜多汁，肉質嫩滑，而且好香香草牛油味，差啲連汁都想食埋，好正！ 最後係燒松葉蟹腳，好新鮮，蟹腳多肉，味道清甜。 最後食甜品柚子雪葩(左)好得意，迷你的柚子，味道酸酸甜甜好香好濃郁的柚子味，好滑入口即溶超喜歡&朱古力糯米糍(右)糯米皮煙靭又軟滑，朱古力好濃好吃。今餐真係好正，yummy！…查看更多