朝

营业中

休息中

【🌙朝Asa ｜ 🍶太子9pm 6折高質居酒屋】9pm後全單6折！好適合宵夜，座無虛席，建議訂位！.🥢香芒蟹籽沙律沙律醬份量比例好好，整體夠凍，青瓜絲乾身唔出水，爽脆清新。.🥢左口魚邊刺身魚好滑，輕輕燒過後魚油香更加充滿口腔，回味無窮！.🥢燒明太子燒得香口惹味，佐酒一流！.🥢燒牛舌牛舌芯都幾難燒得好食，今次牛舌勁有水準！軟心，爽爽地腍身，點埋芥末醬食，好滿足😌！.🥢岩手縣生蠔肥美鮮甜，蠔味重，又唔鹹海水味，6折無得輸！.🥢原條池魚刺身原條上，彈彈下，一睇就知道很新鮮。.🥢威士忌梅酒 & 櫻島燒酎威士忌梅酒，香醇又有梅香，酸酸不太甜。除燒酎外，亦有很多清酒選擇。不倒翁轉轉杯搶眼又好玩，令氣氛都變得輕鬆。.9點前結賬及離座《全單8折》9點後《全單6折》🌙朝Asa📍太子大南街39號地舖🚇太子站C2出口

太子日本餐廳就多，朝ASA就係難得一見嘅日式居酒屋，入到去就係一個好靚好大嘅bar area😇嚟到呢度一定要狂嗌小食，其中一個必食既就係邪惡玉子燒，嗰個鬆軟甜蛋加芝士簡直係一絕。雖然唔係厚燒牛舌，但唔會影響佢口感，就係「爽」！！炸雞軟骨就食得出唔係用萬年油去炸，所以炸粉係鬆化唔會死實實，好快旋風式咁食晒~汁燒豆腐外面勁脆，加上佢個醬勁野味，有麻油同蒜香，同埋唔知點解有啲中式feel。😂我自己食鰻魚最驚就係有骨，慶幸就係佢地燒出嚟嘅鰻魚我都唔係好食到有骨，燒到岩岩好，加埋層厚厚嘅鰻魚汁，不枉我等得耐啲😍蕎麥麵一人份正常，麵條分明，加埋啲花係上面好岩打卡😂 個豉油偏向淡味啲，想食light d既女士就岩哂😀甲羅燒+雪魚干係當日餐廳是日推介，加埋個鵪鶉蛋真係不得了😋兩樣嘢如果整得唔好食或者食材揀得唔好，會好容易變得腥，不過朝ASA就拿捏得好好，證明食材本身都有返咁上下質素😎最後要講吓餐廳嘅酒，佢有好多款唔同嘅whisky同埋sake，全部都係日本野。叫左杯Highball，Bartender參考左日本人常用嘅做法，加左好好好輕量嘅檸檬汁，令到佢感覺清爽啲又唔會蓋過左香味。仲有杯Fun Ros

見ig foodie推介，啲相睇落好邪惡於是起行。一入座已經覺得音樂好嘈，令到在場食客都要大大聲講嘢先傾到計。唔明點解background music播咁大聲，同店舖環境唔夾。食物一般，比較好味係牛肉壽喜燒同燒牛舌。其他小食比較overpriced，尤其係燒雞軟骨，$38一串但乾爭爭唔好食。招牌菜玉子燒（無芝士版）上枱好鬆散，筷子都夾唔起，同ig相差好遠。味道亦無特別，唔知係我地黑仔定一向質素係咁。加埋嘢飲，埋單每人$2XX，但係食唔飽。性價比呢啲見人見智，不過食物質素味道好重要。雖然係新舖小店，但希望虛心聆聽評價改善一下。

向來都鍾意食日本嘢嘅我，一直都好鍾意搵一啲居酒屋，希望無論環境或者嘢食都有返左日本嘅感覺。呢間新開幕嘅居酒屋「朝」，開業唔夠兩個月，以日月為主題，意思係新嘅一日，喺太子嘅大南街，試業期間仲有八折優惠。裝修雅緻，佈置簡潔，環境光猛而且乾淨，幾有高級日本居酒屋感覺，門口一幅大石牆上有月亮圖案造型，同入面水吧嘅黑色月亮燈、垂吊既發光星星燈飾設計一致，水吧個圖案會發光，同佢哋嘅店舖名呼應，夜晚七點半黎到唔算好多人，幾適合約埋朋友一齊小酌幾杯。係餐牌上見到選擇幾多，提供沙律、小食、刺身、炸物、唔同肉既燒物、野菜、料理、麵、海鮮，飲品除左汽水、乳酸、梳打，仲有居酒屋必有既各式酒。-1️⃣ 朝邪惡玉子燒 💰78（👅: 8.5/10）呢道係餐廳既招牌菜，都係全晚最驚喜既菜色之一，玉子燒呈金黃色，睇落平凡，入口會同時食到雞蛋同高湯既味。玉子係用日本靚雞蛋製成，我諗係用左新紀元個種橙紅既日本蛋，玉子咬落嫩滑，鬆軟綿密，食落蛋味香濃，會食到蛋既鮮甜味。玉子入面有芝士，用左兩種唔同既芝士，有拉絲效果，鹹鹹地個唔會膩，食落有啲似意大利既blue cheese，重芝士味但無蓋過蛋香味。一鹹一甜既衝擊，配搭得宜，互相輝

手機開openrice尋找日本美食時, 無意間找到太子呢間新開既居酒屋-朝, 於是book 28/3- 2位, 18:00同老婆試試. 外面既門面唔太顯眼, 我都不自覺行過了店舖. 入到去店舖, 可能我們係最早個兩位, 所以店員專注負責招待我們. 看一看Menu,  經店員推介後, 我們首先點了慢煮脆皮豬手 (因為需時一小時製作), 炸番薯甘條,薄燒牛肉秋葵卷, 燒牛舌,自家製胡麻菠菜, 豬骨濃湯叉燒烏冬, 再加飲品-蜜桃乳酸梳打2杯. 第一道係自家製胡麻菠菜, 創意料理, 開胃醒神; 第二道係炸番薯甘條, 少甜香脆; 之後兩杯飲品到了, 味道似益力多加梳打, 我幾鐘意呢種味, 隨後就係薄燒牛肉秋葵卷, 燒牛舌, 無醬汁但調味適中, 餸酒一流, 豬骨濃湯叉燒烏冬份量略少, 但豬骨湯夠濃味, 我都飲左兩啖. 脆皮豬手出場了, 份量略少但食落香脆, 而且啖啖肉, 果然好野留到最後!食完之後, 雖然我未試哂個Menu入面既食物/飲品, 但整體係好滿意! 而且而家有試業折扣優惠, 想食既朋友可致電查詢. 經理話4月會轉個Menu, 到時可能又多左d食物選擇. 我都會再次幫襯.