海陽。居酒屋

大家睇menu都揀左好耐 因為真係由前菜到主食到佐酒小食 都有好多選擇 好適合一班人聚會 就算大家口味唔同 都會揀到啱自己心水既野食😎———❤️海陽極尚壽司盛盒（二十二貫）$888 一大班人唔想揀黎揀去 呢個壽司盛盒就perfect成個賣相好打咭之餘 入面仲有22款唔同既壽司刺身 款款都好吸引 有齊拖羅、三文魚籽、穴魚、海膽、吞拿魚 真係樣樣都想食 唔知邊樣開始食先🤪❤️極尚日本A4和牛壽喜燒 $738 食日本野當然唔少得壽喜燒 海陽既和牛壽喜燒都幾豐富~有茶碗蒸、4片A4和牛、野菜豆腐鍋物、烏冬 成個set食哂都幾飽 適合share~和牛大大片 肉質口感很不錯 和牛既油脂配合埋店家既壽喜燒汁 感覺特別軟滑~味道亦非常惹味有種想再多幾塊唔夠喉既感覺🤪❤️燒日本A4和牛西冷蛋黃飯 $308 呢款絕對係視覺同味覺既享受～店員即席喺枱上用火槍燒A4和牛西冷 慢慢咁燒好牛肉既兩面後 再會用鉗將牛肉包住蛋黄同飯，配合埋粗鹽食真係好惹味😍❤️火炙吞拿魚腩自創壽司 $128 同樣地係好適合share既一款有一板火炙吞拿魚腩蓉 可以按自己喜好配合蛋黃、紫菜同飯去包壽司～有小編喺度 係一粒飯都唔會剩🐷🤪❤️Kaiyo特色卷 $368 上枱已經覺得好吸晴嘅卷物 卷物上堆滿魚子醬、海膽、三文魚籽、吞拿魚蓉 卷物中間仲夾有^_^有青瓜同蘿蔔絲 中和番個油膩既感覺 舊舊份量十足 筷子夾起都感受到個重量 要hold耐少少影相都唔容易🤣❤️鰻魚玉子卷 $138 正常發揮 鰻魚份量足 配合微甜既玉子都唔錯 抵食大件之選~❤️月見雞肉棒串燒 $62 正常發揮 雞軟骨棒口感唔錯 肉質軟綿 配合漿汁食都幾惹味 略嫌温泉蛋偏熟 令雞肉棒好難掛上蛋汁🙈❤️一夜乾馬友魚 $288 呢款要注意 感覺好多細骨 小編比較怕魚骨 食左啖就放棄左 其實味道係唔錯的 不過怕魚骨既朋友要留意～❤️炸富山小白蝦 $78 感覺好適合作為佐酒小食 蝦殼炸得好薄好脆 好食過薯條 有種停唔到口既感覺 咸香味正～❤️雞泡魚干 $78 魚干口感濕透中帶點煙韌 甜中帶辣 同樣地好適合作為佐酒小食呢～…Read More

今晚嚟同細妹慶祝生日專登嚟新商場試新嘢～1. 海鮮日式茶碗蒸蛋都滑，入面有一粒菇一粒蝦，好似仲有一粒蜆，全部都超細粒2. 玉子燒好甜，但原來係凍嘅我地鍾意食熱嘅玉子燒多啲3. 上壽司盛（九件）正正常常4. 牛油果軟殼蟹卷都係正正常常，唔錯5. 燒牛脷幾好味，易咬的6. 月見雞肉棒雞肉麻麻地，我地都覺得好咸7. Kaiyoの卷唔錯，好多料，有三文魚籽、海膽、吞拿魚同玉子8. 季節天婦羅盛都炸得ok，蝦頭炸得好脆9. 北海道十勝豚肉丼豚肉咸咗少少但係配飯食都好味而且都多豚肉～少少肥，可以接受我地帶咗蛋糕嚟切，切餅費$250總括嚟講呢間餐廳係正正常常，唔會有咩特別嘢喺新k11裡面嚟講價錢唔算好貴，值唔值就見仁見智…Read More

將居酒屋跟酒吧融合，氛圍跟一般居酒屋截然不同。樓底高而且裝潢時尚有格調，感覺讓人耳目一新。味淋雞泡魚干 ($78)甘香可口，煙韌軟腍，口感一流，令人難以忘懷！燒牛脷 ($68)香咸適口，軟嫩厚度足，富有彈性，入口爽脆又有嚼勁。月見雞肉棒 ($58)雞肉棒內含雞軟骨和洋蔥，口感相當有層次。享用前再沾點蛋黃，肉質更嫩滑。碎蔥吞拿魚腩卷($118)料多過飯的碎蔥吞拿魚腩卷上面鋪滿了吞拿魚腩蓉，十分澎湃，簡直令人亢奮！入口幼細香滑，軟綿綿的，每一口都是魚脂濃香的滿足感！…Read More

擺脫了傳統居酒屋的裝潢設計，走高檔路線，摩登雅致，格調高尚。前半部是酒吧設計，後半部份是堂食位置，座位寬敞，坐得舒適。餐牌多元化，沙律、壽司、刺身、天婦羅、丼飯、串燒、涮涮鍋、壽喜燒、雞尾酒等等，款式之豐富，令人目不暇給。味淋雞泡魚干 ($78)入口鮮甜juicy，柔軟中帶點煙韌相當有質感，吃起來甜甜的，甘香可口。燒牛脷 ($68) + 秋葵 ($38)燒牛脷口感細膩，富有彈性又軟嫩多汁，富有嚼勁，非常爽脆，口感十足。秋葵口感清脆柔軟，味道香甜。慢煮牛小排 ($98)香氣十足，牛小排的切面呈現出漂亮的粉紅色，吃起來口感嫩滑軟腍，肉味濃郁。銀鱈魚西京味噌燒 ($268)肉質香滑鮮嫩，入口脂香滿滿，味道咸中帶甜，叫人吃得津津有味。燒日本和牛海膽丼 ($268)和牛口感柔軟，肉味香濃，珍珠米飯沾了醬汁味道帶微甜，非常美味。…Read More

在1 個月前，跟一班新知舊友走到尖沙咀新商場 K11 Musea 的日式居酒屋 <海陽。居酒屋> 食晚飯！位於流行手袋店 Tumi 對面及意大利餐廳 Velo 隔離！門面招牌是其英文名 KAIYO Beyond Izakaya！當日 25~29度，涼涼地帶有秋意很舒服呢！踏進這間居酒屋，裝潢以紅色為主的獨特風格，樓底高，加上餐桌之間有足夠空間感，不會有壓迫感！ 另設有 VIP 房自成一角！私隱度高！和風餐具供應多元化的日式美食，刺身及熟食也一應俱全！ 屬中價，以地段來說價錢合理！手榨西柚冰茶 $58未加入鮮榨西柚汁之前，口味頗甜， 加入自己手榨、酸中帶澀的西柚汁後，甜度變得平衡，入口酸甜有致！視乎個人喜好，不停再榨汁倒入！可以添起碼3次，好似飲極都飲不完！牛油果軟殼蟹卷 $78口味清淡的牛油果，可突出軟殼蟹本身的鮮味！即叫即炸，軟殼蟹口感微脆鮮香！天婦羅盛 $238我食了蝦天婦羅，炸漿薄粉又香脆，蝦爽口帶鮮味！ 並配上3款特色鹽！燒牛脷 $68厚切的牛舌，爽口之餘，又不會有腥臭味，簡單加上鹽，已經提升鮮味！燒白鱔 $78燒白鱔肥美又鮮味，入口爆汁！ 況且，魚皮脆身！內外兼備！北海道十勝豚肉丼 $198丼飯表面鋪滿北海道十勝豚肉！實在惹人垂涎呢！ 豚肉肉質鬆化，肥瘦相間甘香滋味！招牌昆布花膠涮涮鍋 $798這個花膠火鍋，令人欲罷不能！  花膠長而厚身，落足料！配料亦豐富！ 湯底特別鮮香甜美！茶碗蒸蒸蛋滑溜溜，加入冬菇、白果...等！+日本黑豚肉（6片）$288肥瘦相間薄切長身的黑豚肉，卻不失鮮味！甜品：蜜瓜甜度極高的北海道蜜瓜，香甜多汁！…Read More