Chop Chop 食神叉燒 (新城市廣場)

收工食個飯, li排食咁多西餐不如食番餐港式啦, 門口見menu夠唒大眾化, 座位都係坐得闊落嘅, 啱晒一手都係袋🛍嘅我哋, 而nice店員都係吸引我地坐低嘅原因👍🏻.🐖燒味雙拼(HKD109)貴妃雞x燒鵝: 雞肉實在嫩滑, 應有肥膏嘅位就有, 但又唔係油淋淋個種; 燒鵝皮雖然淋左汁, 但都keep到食落個種”燒”過嘅脆身, 重要啖啖肉呢, 兩個人or以上最啱開心share, 推介!!🐖正宗黯然銷魂飯 (HKD79)黎食神叉燒梗係黎個黯然銷魂飯, 當然係無食到流眼淚💧嘅. 個叉燒完全同坊間食開係兩回事: 有齊軟腍+啖啖肉嘅口感, 因為夾起會發現佢係一層叉燒一層脂肪x幾層, 燒得微焦甜甜的, 再dip下附上嘅叉燒汁醬更好味. 加上一大隻太陽蛋, 勁量飯底, 實在抵食.🐖招牌干炒牛河 (HKD75)另外嗌多個干炒牛河, 好足料的! 河粉選用闊身嗰款, 牛肉唔韌, 蛋, 葱, 芽菜炒得匀循+夠乾身👍🏻, 仲有柴魚乾灑喺面頭, 無平時食嘅咁油ga.🐖咸檸七, 凍檸賓 (HKD25@)飲品味道係正常餐廳水平, 特別係咸檸七個咸檸成個青檸咁大粒, 每一啖都係濃濃咸檸味👏🏻.🐖惱火湯原來有惱火湯飲呢! 𢳂起睇好足料, 在場有好多都係一家大細黎食飯, 証明質素真係吸引回頭客嘅重點. …查看更多

夜晚又有番堂食，好掛住食神炒飯呀～炒飯做到粒粒分明，爽而不乾，香而不鹹，飯粒有咬口，爽口蝦肉、叉燒、雞蛋、蔥花以及放上無加熱的蟹籽，醬汁炒得均勻，只係賣$75，係期望之上。燒鵝切雞雙拼成隻鵝脾上，油香加梅醬最正。切雞唔少得自製薑蔥油，好味呀～唔可以唔食呢度招牌飯，「食神黯然銷魂飯」，特別重焦香味嘅叉燒配上較杰身嘅秘製醬汁，可以食多幾碗飯！（呢度係白飯任裝），留意番，叉燒係一層肥一層瘦㗎，所以食落去好有口感～仲有飲品原罐汽水上嘅鹹檸七、鹹檸樂，鹹檸味道有d鹹柑桔味，清熱解渴！餐廳用包裝左嘅即棄筷子，疫情下感覺較衛生👍🏻…查看更多

今晚同男朋友黎到沙田，因為夜晚無得堂食，所以我地唯有外賣自取解決晚餐啦。見呢間都幾多人排隊買外賣，一於就食呢間啦。正宗黯然銷魂飯選用肥叉燒，數量都唔少架。有隻蛋係面，拮穿隻蛋，蛋黃流晒出黎撈飯食，正。食神炒飯有叉燒、蝦仁、瑤柱粒、櫻花蝦、蟹籽、青豆同蔥一齊炒，材料豐富，份量十足，炒飯屬於偏濕潤個種。外賣都無減少份量，抵讚。燒味雙拼要燒鵝髀同切雞，兩款都啖啖肉，充滿油香。最後配埋凍奶茶同無糖可樂，飽。  …查看更多

見有85折外賣自取，放工專登過黎買晚飯。見啲員工細心清潔又有禮貌，買外賣都放心好多。叉燒新鮮，見啲叉燒肉顏色比較淺白就知道首選要買嘅唔使講一定係「食神黯然銷魂飯」，當叉燒、煎蛋、豉油、飯，每樣都做得比人好嘅話，就唔係平凡一個叉蛋飯。半肥瘦口感實淨嘅叉燒，因為來回燒過幾次，嗰種焦香同平時食嘅叉燒係與眾不同。然後咬到肥肉嘅部份，完全唔覺得肥膩，係有少少爽口。半生熟煎初生蛋，仲有自己調校比較杰身嘅燒味豉油，五常米煮成軟硬適中嘅白飯，吸收左叉燒嘅焦香同燒味豉油，識食又食過嘅一定會體會到箇中嘅美味。切雞叉燒雙拼嘅叉燒同黯然銷魂飯嘅叉燒係完全唔同，少好多肥肉但好軟淋，焦香味冇咁重。切雞髀夠嫩滑，雞味好重。份量都OK。比較特別有木魚絲鋪面嘅食招牌乾炒牛河，炒得均勻惹味，牛肉新鮮冇渣，都唔錯。既然有八五折，就唔爭在叫埋鹹檸七、鹹檸樂。呢度用料唔差，用靚嘅鹹檸檬加冰，跟原罐汽水，返到去唔驚沖淡晒。外賣包裝企理，盒盒都裝滿嘅份量，外賣有呢個質素好唔錯！…查看更多

這段期間晚上6點後都沒有堂食，只好買回家吃！今次就試試這間有黯然銷魂飯吃的餐廳！點餐後，在店外等了不久便有！正宗黯然銷魂飯，第一次食這個飯，其實就是叉燒加太陽蛋的飯，而這裡的叉燒跟出面有些不同，這裡的用上腩叉，所以半肥瘦很平均，有少少燶邊！太陽蛋因為返屋企的時間耐左少少，所以流心蛋都變熟蛋，再加上他們的秘製醬汁，味道更美味！招牌干炒牛河，都有一段時間冇食啦！這裡的牛河牛肉份量很多而且入味，河粉不會太油，味道剛剛好！燒味雙拼，燒鵝拼油雞，燒鵝皮脆，鵝肉都幾juicy！油雞雞肉嫩滑，味道不會太咸！凍檸樂、凍檸茶，前者是一罐可樂給你回家自己倒，不怕回到家汽水變沒有氣了！而檸茶茶底澀澀地，好有茶餐廳的味道！希望疫情快點好轉，到時便可在餐廳堂食，味道會更正！…查看更多

如果你有睇過《食神》，你冇理由唔知道咩叫做黯然銷魂叉燒飯，能夠食到家燕媽媽七情上面大嗌話好好味，真係好想知道有幾好味！最近聽朋友提起，話想當日套戲真係搵咗個大廚做顧問煮嗰碗黯淡銷魂叉燒飯，然後個大廚仲出咗嚟開咗間食神叉燒，餐廳其中一間分店就為處於沙田，所以點都要嚟試一試。店舖內嘅牆壁上已經見到佢嘅招牌菜式，原來呢度唔止有燒味飯，仲有炒飯、炒河同小菜，最緊要就係「白飯任裝」。睇餐牌先知，原來叉燒係來自豬嘅唔同部位，肥叉就係腩肉，瘦叉就係梅頭肉。一場嚟到，當然要試黯然銷魂飯，叉燒份量相當多，再配埋一隻煎得好靚嘅太陽蛋，連埋一條灼菜，店員仲話黑色嗰兜就係師傅秘製嘅叉燒汁，要來點叉燒又得，要來撈飯食又得。唔好睇佢咁深色，其實一啲都唔鹹，而且佢裏面仲有爆香咗嘅乾蔥，所以非常香口，我相信當日令到家燕媽媽七情上面嘅就係呢個叉燒汁！因為好想試埋其他燒味，所以另外點咗個燒味雙拼，揀咗燒鵝髀拼切雞，燒鵝皮脆肉滑，白切雞肉質鮮嫩。因為我哋兩個人食，只係一個飯實在唔夠飽，所以仲叫咗個乾炒牛河，呢個乾炒牛河上面仲加咗木魚絲，睇見都知熱辣辣，好有動感。乾炒牛河有好多牛肉，而且做到少鹽嘅效果，好健康！我哋每人叫咗一杯檸蜜，一凍一熱，原來凍飲大杯咁多。特別要讚一讚呢度嘅服務，首先店員好有禮貌，而且仲會主動提供碗仔，同埋一個放骨專用嘅紙兜，真係非常細心。…查看更多

平日夜晚嘅7點半, 新城市一田嗰邊3樓嘅食肆竟然企滿等緊枱嘅人, 我地泊左車唔想等, 行多兩步食li間鋪位唔太當眼嘅ChopChop食神叉燒(同埋因為店內職員好welcome).🥢燒味雙拼 (HKD109)店員推介佢地嘅燒味雙拼, 我地揀左燒鵝x鼓油雞, 大隻燒鵝髀*lucky*, 平時唔多食皮都食埋, 因為個皮燒得好有油香, 同埋唔會好似平時燒味鋪鄒哂皮, 燒鵝就啖啖肉唔dry👍🏻; 鼓油雞喺燒鵝髀下層, 雞肉非常嫩滑dip附上嘅薑蓉好好味👍🏻.🥢正宗黯然銷魂飯 (HKD78)睇過”食神”一定聽過黯然銷魂飯!! (原來係li個師傅整ga). 店家採用腩位嘅叉燒, 切得厚薄適中, 叉燒juicy完全唔乾, 肥瘦比例均匀, 味道唔會過醎, dip店家秘製叉燒醬更加惹味. 飯量則多到有點嚇人😅, 細心位係旁邊嘅菜心係熱的, 唔會因為佢唔係主角就擺啲一早淥好凍哂嘅菜, 大部分枱都有order li個飯呢.🥢食神炒飯 (HKD75)唸住嗌個湯粉, 點知7點半左右已經賣哂🤣, 咁就來個炒飯吧! 好多叉燒粒, 仲要係肉多過肥膏的👍🏻; 蝦粒, 葱, 乾蝦仔, 碎炒蛋...勁足料!! 唯一多左嘅就係我唔食嘅青豆🤭. 炒飯份量都好勁, 以價錢, 服務, 地點, 份量, 叉燒質素黎講, 好抵食.🥢一人一杯飲品🍹熱檸蜜同凍檸茶, 臨走時見到poster迷你版嘅黯然銷魂飯外賣價都只不過係HKD40 ja, 住喺附近又多一個唔使煮飯嘅選擇.…查看更多

經過見到好多人叫外賣，於是就試下，食完覺得整體都不錯，員工服務態度好，地方夠大，坐得舒適，之後網上查下，睇到評論意外地較小好評，但相信餐廳已改善了很多，食物質素也完全冇問題，大家可放心去試😉-🤍黯然銷魂飯$79🤍食神炒飯$75🤍燒味雙拼$109-🤍黯然銷魂飯⭐️⭐️⭐️⭐️配料有一排叉燒、一隻蛋、菜心，叉燒既角位有小小lon邊，所以有小小焦香同口感😍仲有蜜汁味，重點有黯然銷魂汁，酸酸甜甜，配飯不錯！/🤍燒味雙拼⭐️⭐️⭐️⭐️叫左油雞同燒鵝雙拼，油雞仲係無骨既Tim，肥瘦均勻😍 燒鵝外層燒得香脆，內裏肉質鮮嫩，價錢合理。-環境：7.5/10服務：9.5/10好味指數：8/10回頭率：7/10…查看更多