星海．譽宴 (鱷魚恤中心) (已結業)

同個客食中式午餐，當然要豐富啲，點心小菜炒飯就唔失禮。燒味拼盤有脆皮燒腩仔，海蜇，叉燒，燒肉，燒肉個皮認真卜卜脆，海蜇又爽又香有麻油味。脆皮咕嚕肉配菜用上鮮甜菠蘿，焦糖脆皮咕嚕肉加上啖啖肉，咬落有豬油香同焦糖香但唔會有肥膩感。呢個餐仲包有埋點心拼盤，蝦餃、燒賣、菜苗餃、白糖糕，蝦餃同燒賣呢啲貴價點心做得幾好，蝦鮮而且大隻，每樣點心有2粒，夠哂過點心癮。咬落無渣夠嫩口嘅欖菜肉鬆四季豆，咸香好味，唔油有少少鍋氣，唔錯。乾隆石鍋炒飯可以自己炒到鍾意嘅乾濕度，有帶子、瑤柱、蝦粒、脆肉瓜粒，有海鮮味有石鍋焦香味，好得體。…查看更多

唔係誇張，真係覺得呢間酒樓嘅裝修係我見過其中一間最靚嘅， 紫紫銀銀嘅天花燈， 還有一個超長嘅魚缸， 入邊唔係蝦蟹龍蝦， 而係好多 觀賞魚， 好似個水族館咁， 見到真係好興奮呢度提供少有嘅龍井茶， 第一浸入口甘味很重， 係龍井茶嘅特點，第二浸變得好甘香， 很喜歡黑蒜螺頭燉雞湯出色， 黑蒜特有的味道能夠完全帶出來， 內裏的湯料也有不少的黑蒜、螺頭和雞肉，材料靚，唔錯玉環鮑魚盅，鮑魚配節瓜，簡單的菜式，到不過不失，鮑魚都爽口西施蛋白蝦球是比較清雅的一道菜，蒸蛋白唔算特別滑溜， 但與爽口的蝦球很配搭燒味拼盤有雞、鴨、叉燒和海蜇， 味道可以，不過海蜇有點沙福建炒飯煮得好，炒飯粒粒分明， 配料很多，有蝦、雞肉、帶子等等，口感豐富紅豆沙是是日甜品，起沙，帶陳皮味…查看更多

好耐之前去參加朋友婚宴果陣黎過呢間酒樓，覺得裝修幾靚而且食物水準好高👍今晚就做個孝順女帶媽咪黎試下佢最喜歡既魚翅😇我地揀左個全包宴加紅燒煲仔翅😋⭐老火湯超大盅，倒到大約有五六碗酒樓用既碗😂 味道清甜，唔會油膩，感覺好滋潤👍⭐燒味拼盤最中意個豉油雞，口感非常嫰滑😋⭐脆皮咕嚕肉咕嚕肉炸得香脆，肉質係比較有口感既半肥瘦 (不過我自己會中意偏瘦多啲😂)，青紅椒爽口～⭐涼瓜肉鬆煎蛋角蛋香味幾重，涼瓜完全唔覺得苦澀，我自己好怕出街食煎蛋類小菜會好油膩，好彩呢度唔會👍⭐黃金海皇炒飯有鑊氣，飯底粒粒分明，食到濃郁鹹蛋黃香味，唔錯😋⭐紅豆沙甜味適中，陳皮味幾出，多豆，如果起多啲沙仲正😬⭐紅燒煲仔翅超級足料！魚翅口感一絲絲，柔軟得黎帶啲爽彈，配埋鮮味既上湯湯底，出色！👏媽咪整體都好滿意，我地食唔晒仲打包埋聽日做午餐，好滿足😂😂…查看更多

好耐無係酒樓食晚飯，今日就同爸爸一齊去譽宴食返個二人餐😋。不竟譽宴本身係做中式酒宴、婚禮，我都好耐冇食飲宴菜式，今次叫嘅二人餐就啱晒。譽宴晚市以1.5米距離隔檯，冇隔板，空間感大增。除咗有長魚缸🐡外，仲可以望到正觀塘地鐵站🚉，充斥市區嘅特色。店員會先俾一大盤熱水你洗吓餐具。二人餐 $468位 （已加一）燒味拼盤雖然係例牌，但份量都好多。有油雞、燒鴨、叉燒同辣海蜇，油雞雞肉滑身，燒鴨脆皮香口，叉燒比較瘦(健康)，我覺得可以肥少少🤏😂，海蜇爽口。黑蒜螺頭燉雞湯燉湯好多料，入邊除咗有一大粒黑蒜頭之外，仲有螺頭肉、雞肉同大大件豬肉😆。一打開燉盅時，已經聞到好強嘅黑蒜香味，加上湯色呈黑蒜色，我未影相已經忍唔住飲咗兩啖😂 飲落去黑蒜味濃，甜甜哋，而且燉湯唔油膩，平時一般都比較少有黑蒜湯。所以，呢個燉湯值得推介，特別如果你鍾意食黑蒜。玉環鮑魚盅其實佢係鮑魚再加玉環(節瓜)，格外矜貴。鮑魚汁唔會太鹹，鮑魚大概都係冧身，玉環都煮到入味軟身😛。西施蛋白蝦球呢份蛋白蝦球份量都好大份，有好多蛋白。蛋白滑溜，加埋茨汁更滑身。蛋白上仲有一大粒蝦球，蝦球🦐彈牙好食。福建炒飯福建炒飯份量係一般正常嗌炒飯嘅份量，好大碟，所以要打包先至食得晒。炒飯炒得粒粒分明😜，有蛋花炒，唔會因為上面嘅茨汁影響到佢濕晒變冧。材料嘅蝦仁同帶子都好足料，仲幾彈牙。精選甜品 - 馬豆糕椰汁味夠，口感幾好，唔會太彈好似膠咁。配上馬豆一齊食，口感層次更豐富😚。濃湯清遠雞泡花膠扒 (另加)呢個雞湯係朋友推介，的確無介紹錯👍🏻 花膠燉雞湯好足料，除咗花膠，有好多雞件，仲有唔同嘅菇，有冬菇同茶樹菇。雞湯呈黃色，可以見到有唔少雞油，好香濃雞味。加上花膠一齊煮，成碗湯更變得黏口，飲完仲有啲癡口添！🤤小總結，呢個二人餐份量好多，食到我哋好飽😛 加上店員態度友善好客，宜家有限眾令，少咗人去酒樓，大家要多啲去酒樓幫襯、支持吓。…查看更多

好耐無出去同同事飲茶12點幾到左譽宴拎位，等一陣先有得入座lunch 有優惠點心小菜個d燒味拼盤d 叉燒係熱辣辣，夠味又夠嫩身，一d 都唔柴，好食，只係肥左d燒腩仔夠脆口，肥同瘦都幾均勻海蜇就正常啦～～點心拼盤包左四款點心蝦餃食到蝦味幾出，皮唔算太厚燒賣正常水準粉果皮厚左dd, 但入面粉葛同花生比例都ok仲有燕麥糕口感都算軟熟咕嚕肉大大碟，完全夠四人份量肉肥瘦都均勻，唔會全肥膏甘，而且炸得夠脆，又掛到d 咕嚕汁，好食！！四季豆炒得乾身又夠香，超好送飯～～真係估唔到連d 小炒都甘有水準石鍋炒飯又係勁大兜上個陣仲勁熱，我地等左陣先撈，就有飯焦啦有飯焦既石鍋飯真係搶住食最後食埋碗紅豆沙，起沙得黎仲有d 粒粒紅豆食下，唔算太甜，簡直係完美句號午市全場爆哂甘滯，但姐姐上菜，收碟都好快手，仲問我地d 野好無食～服務真係唔錯…查看更多

今晚在觀塘吃飯，這家餐廳方便之處非常近地鐵站， APM商場穿過來就是了。酒樓裝潢非常華麗，一進場有參加婚宴的感覺，紫色的地毯，寶藍色的絲絨座椅，天花懸掛一盞盞夢幻紫色的水晶燈，在旁是一排漁缸，為場地添加不少生氣。點了套餐每位$288，菜式很豐富。⭐️燒味拼盤有叉燒、燒鴨和豉油雞。叉燒偏瘦，入口無渣，燒鵝和豉油雞入口香而不膩，不錯。⭐️豐料老火湯老火湯十分足料，有瘦肉、紅蘿蔔和粟米等，就像在家裏喝住家湯，入口有肉的甘甜和粟米的甜味。⭐️脆皮咕嚕肉咕嚕肉外層炸得脆卜卜，裹上甜醬，甜甜酸酸，非常美味。⭐️涼瓜肉鬆煎蛋角材料有肉末、苦瓜和蛋，非常清熱解毒。苦瓜的苦味不算突出，很適合喜歡吃苦瓜的人。⭐️黃金海皇炒飯一大盤蝦仁炒飯，蝦仁爽脆，炒飯炒得乾爽，很飽腹。⭐️精選甜品甜品是紅豆沙，入口稠稠沙沙，紅豆入口軟腍，清甜中帶隱隱約約的果皮香，我很少吃紅豆沙，但這碗紅豆沙不錯。…查看更多

好耐冇同媽咪食飯，今晚做個孝順女同佢去鱷魚恤中心，呢度出名中菜多，但媽咪唯獨鍾情譽宴 • 星海，今晚就帶佢食餐好嘅!秋風起，梗係要飲啲湯水補一補，揀咗黑蒜螺頭燉雞湯，每人一盅，湯料非常之多，呷一口，強勁嘅黑蒜味加上螺頭嘅鮮味同燉雞嘅甜味一齊湧入口，香甜又濃郁，媽咪即刻豎起手指公！先叫一個燒味拼盤，叉燒帶著少少脂肪，入口油香十足又唔韌，切雞脾肉又嫩又滑，點上姜蓉最襯；煙鴨胸香味十足，拼盤中間配上酸醋黑木耳，夠晒開胃。媽咪最鍾意食鮑魚，當然要叫返個鮑魚玉環盅俾佢試吓！鮑魚放喺冬瓜環上，配上草菇伴碟，望落成個菜式更有層次，而鮑魚食落帶點溏心，少少煙靭，非常美味！另外點左份西施蛋白蝦球，伴有翠綠嘅蘆筍同紅蘿蔔絲，咸咸地嘅蛋白食落幾特別，蝦球夠大隻又爽彈。呢度嘅福建炒飯真係用料十足，炒飯底夠乾身又夠香，幾乎每啖都會食到蝦肉、瑤柱絲、冬菇、肉丁等等，絕不欺場！最估唔到係連普通嘅陳皮紅豆沙都做得出色，陳皮味香，煲到起晒沙又唔會太甜，好味！不枉我放工即時趕過嚟呢度食飯！…查看更多

位於鱷魚恤大廈呢間「譽宴·星海」飲茶就試得多，今日同朋友嚟試吓佢嘅晚宴，嘩！原來晚上來環境比較昏暗，天花嘅燈更閃更亮！真係好似入咗個星海，好浪漫啊💕！我同朋友試佢嘅全包晚宴，$468/每位全包，雖然屬於中上價錢，但係真材實料，物超所值！📍燒味拼盤燒味拼盤有白切雞髀、叉燒、豬腩仔與及芝麻雲耳，二人的份量算是非常之足夠，白切雞髀肉質軟滑而且有雞味，叉燒及豬腩仔肥瘦均勻，入口溶化， 十分惹味。📍黑蒜螺頭燉雞湯呢個湯非常之足料，滋潤補身，燉湯味道濃郁鮮甜，我忍唔住食晒湯入面嘅材料，有螺頭、雞腳、與及黑蒜！我係第一次飲黑蒜嘅燉湯，黑蒜有很多功效，能預防癌症、預防三高、抗衰老及增強免疫力，黑蒜不單止有益，而且佢嘅甜味能帶起成碗湯嘅鮮味！真係無得彈！📍玉環鮑魚盅呢個鮑魚算係有睇頭，用刀叉慢慢品嚐確實滋味，鮑魚煮得入味而且肉質軟滑有口感，相信烹調方面下了不少功夫！加上節瓜及草菇伴碟！真係食到我舔舔脷！📍西施蛋白蝦球首先個蝦球十分大粒，非常爽口彈牙而且美味，而西施蛋白蒸得非常之軟滑，加上上面嘅獻汁，配合得好好食！📍福建炒飯呢個福建炒飯真是值得一讚，首先飯上面鋪上滿滿的海鮮與及雞粒，粒粒帶子同蝦粒都非常大粒，材料一點都不吝嗇，炒飯粒粒分明，加上獻汁調味確是非同凡響，我極力推介這個福建炒飯！📍精選甜品最後精選甜品係紅豆眉豆糕，呢個甜品咬落去少少硬身，而且不會太甜，確是為這個晚餐畫上完美句號！呢間「譽宴·星海」屬於中高價路線，但是環境裝修十分華麗美觀，坐位非常舒適，食物材料名貴，樣樣都真材實料，而且烹調技巧看得出真功夫，可以說是物超所值！下次我都要同家人再嚟晚飯呢！…查看更多

我地平時都好鍾意飲茶，今日lunch hour 去左譽宴試吓呢個午市套餐，果然係唔錯嘅選擇！一坐低黎返壺茶先！我鍾意飲鐵觀音，啖啖回甘味，呢到嘅茶落足茶葉，飲落好夠味👍🏻豐料老火湯，今日應該係老黃瓜湯，一個瓦煲有成5-6碗，味道濃郁，飲得出無落味精。點心拼盤，4款點各兩年，燒賣、蝦餃、潮州粉果、穀物糕，即叫即驚熱辣辣送到，味道唔錯。燒味拼盤，叉燒、燒肉、海蜇。叉燒甜蜜，燒肉香脆不肥膩，海蜇爽口彈牙，呢3寶無得頂。杭州香醋一口骨，炸得夠鬆脆，每一口都佈滿杰撻撻嘅香醋汁，再加啲香薑絲伴碟，開胃醒胃。乾隆石窩炒飯，上到枱時仲喳喳聲，拎鐵羹再炒兩炒，香氣撲鼻。加了帶子粒、瑤柱、翠玉瓜，令分明嘅米粒不會太乾。今日嘅精選甜品係紅豆沙，食入口啖啖紅豆溶，非常有誠意。限聚令下無損茶腳心情，午市依然座無虛席，可見食物質素有返咁上下吸引。…查看更多

觀塘午市座無虛席，等了10幾分鐘，可能因為2人又可搭檯，都算快~ 一坐低即點了一人一籠點心拼盤，有粉果、蝦餃、燒賣、燕麥糕，粉果最好吃，外皮煙韌，餡料又豐富又好吃😋 蝦餃燒賣的蝦也很多，很足料！燕麥糕以為會不太好吃，原來味道不錯，很特別，有點像饅頭的鬆軟口感，又有燕麥味。這個燒味拼盤也很好吃，燒肉皮脆肉嫩，鹹香的味道很好吃😋 叉燒和海蜇也是不錯👍🏻杭州香醋一口骨拔絲的外皮十分香脆可口，醬汁夠入味👍🏻這個石鍋飯原來暗藏了不少帶子，份量很多，飽肚之選👍🏻這個湯二人分也能分到每人四碗🤭 喜歡飲湯的我表示太正了🤤…查看更多

呢間酒樓主攻中西式婚宴市場👰所以食物定價為中上水平。今次悲傷小姐就揀咗$318/位嘅午市行政套餐，既可以每樣試到少少，又可以慳番時間諗食咩😁💗點心拼盤4款點心包括：🦐蝦餃嘅水晶皮都算薄，裡面啖啖蝦肉，配上爽脆筍粒，食落彈牙鮮甜。🍄燒賣包咗偏瘦嘅豬肉，冇咁肥淋淋，仲有彈牙嘅蝦仁同冬菇粒，咬落爽口鮮滑。🥟潮州粉果內餡有豬肉碎、蝦米、沙葛、菜脯等，非常有口感，而外皮亦口感煙韌🍰穀麥糕口感有d似白糖糕，軟糯得嚟好有彈性，食落帶微微白糖嘅清甜，但燕麥味就較淡。💗燒味拼盤🥓明爐叉燒肥瘦適中，入口軟腍，食落肉味香濃，帶蜜汁香甜。🐷燒腩仔，外皮香脆，三層肉肥瘦分明，唔會肥膩，味道鹹香d就更好。🌶涼拌海蜇，口感夠哂爽口彈牙， 帶淡淡嘅麻油同香辣。💗豐料老火湯猴頭菇雪耳紅蘿蔔豬骨湯🍲性平味甘，有健脾養胃功效，適合所有人士飲。湯料非常充足，所以飲落特別清甜唔燥熱，完全冇味精，而且清澈唔油，連湯渣都好好食🥕💗杭州香醋一口骨排骨炸至外皮香脆，內裡肉質少油脂但唔會硬，鮮嫩肉味濃🍖掛上濃稠嘅香醋汁，拉起有拔絲嘅感覺，香醋汁唔會過份嗆口，帶醇香嘅甘味，酸甜比例平均，食落非常開胃，仲伴有炸薑絲減低油膩感😋💗乾隆石鍋炒飯以石鍋上枱，除咗保持熱辣辣外，底下仲結成飯焦，食落焦香同脆卜卜。炒飯夠哂火喉同鑊氣，飯粒分明入口，乾爽唔油膩。加上非常足料嘅帶子粒、瑤柱絲、翠肉瓜粒同蔥花🥒令到整個飯富有口感同鮮味 。醬汁均衡入味，香口惹味🍚💗精選甜品陳皮紅豆沙煲至濃稠，搞到底都唔會變水。紅豆大大粒好圓潤，預先浸得夠透，食落好綿滑。湯水重紅豆味，帶微微果皮香，中和整體香甜度🥣…查看更多

同媽咪去飲茶，呢個午市套餐包哂茶芥，點心小菜炒飯老火湯甜品乜都有，媽咪好鍾意，Yeah!環境舒服，天氣涼d坐室外好開揚，一定好正。燒味拼盤有半肥瘦叉燒、脆皮燒腩仔、彈牙海蜇，水準幾高。豐料老火湯，乜東東湯呢？有藥材味，好多湯料，似媽媽靚湯，媽咪都話好飲。點心拼盤有蝦餃、燒賣、粉果、燕麥糕，料足，尤其是蝦餃，好大隻蝦，燕麥糕味道似似地白糖糕，煙韌口感，好味！乾隆石鍋炒飯，材料有乾瑤柱、貝柱、脆肉瓜等等，石鍋保溫之餘，令到炒飯乾身又有少少飯焦，唔錯。不可錯過呢味杭州香醋一口骨，外皮脆糖口感包圍住排骨肉香，size適中，上碟精美，超級勁飽又好味。及後先醒起唔記得叫人上甜品就埋單走左，佢d甜品好精緻架，蝕哂😭！…查看更多

疫情轉趨穩定，想去環境好一點的餐廳慶祝一下，第一時間想起這裡大廳有一道50 呎海洋生態水族長廊，配合型格時尚的設計，營造一股海洋主題的獨特氣氛甫坐下侍應便放下一盤新的熱水和夾子讓我們為食具消毒！更難得的是每一道菜也為我們分好每人一份，防止交叉感染前菜燒味拼盤有叉燒、腩仔及海蜇！腩仔燒得香脆！海蜇惹味！當中最好吃的是甜甜的半肥瘦蜜汁叉燒黑蒜螺頭燉雞湯味道濃郁、甜中帶清！能增強免疫力、滋陰補腎杭州香醋一口骨每一口都酸甜鬆軟有醋香，更伴有薑絲減少油膩感黑椒金薯牛仔粒的牛柳微辣、薯仔粒外脆內軟，口感不錯乾隆石鍋炒飯粒粒分明、 軟硬適中 ，加上貝柱， 十分鮮味飯後甜品陳皮紅豆沙軟腍起沙，清甜帶陳皮香值得一提的是露台有一個小清新庭園，食客可隨時呼吸到新鮮空氣…查看更多

之前吃過銅鑼灣的譽宴，很是喜歡他們的食物。這次來到觀塘這家，感覺裝潢沒那麼堂皇但有室外空間很舒適呢！我們點了套餐，食物都分開上的，比較衛生！點心拼盤點心拼盤適合兩位，有時分開叫三件四件試不了太多。燕麥糕、蝦餃、潮州粉果及蟹籽燒賣皇各兩件。第一次吃燕麥糕原來有點煙韌，微甜。另外幾款都夠足料，不錯。 燒味拼盤海蜇微辣，爽脆，好開胃！腩仔皮夠脆，肉質夠嫩夠厚身。叉燒蜜糖味香，夠腍身。豐料老火湯一份例牌湯份量也不少，大概有七碗。猴頭菇及雪耳滋潤，較清淡，不錯。杭州香醋一口骨一口骨夠脆，香醋入味酸酸的，很香口，又不會太多骨，不錯！乾隆石鍋炒飯炒飯夠粒粒分明，味道不錯，還有很多貝柱。放在石鍋內真的吃到最後也是暖暖的呢！椰汁糕最後再來椰汁糕，上面的啫喱夠彈牙，甜甜的，完美！…查看更多

呀媽話呢期唔敢周圍去，但就連屋企附近嘅酒樓都暫停營業，無啖好食😫，所以呢日放假我就近近地帶佢去觀塘嘅譽宴食好西。我之前去過The One嗰間飲非常唔錯～。一上到去發現酒樓勁滿人，仲要未到下午茶時段添，好彩店員好快就安排我哋入座，意外地有得坐露天位，個環境勁正😍，喺到擺酒，都可以有個花園仔。呢日我嗌咗個套餐同呀媽食，每人$468全包，的確唔平，但食物質素絕對對得住個價錢😋，無論食材定烹調方式都好出色；而且份量超多，每人每道菜都各有一份。首先嚟嘅係燒味拼盤🐷，包括叉燒4片、腩仔4粒同海蜇小許，一人食啱啱好。燒味個樣好靚，食落都唔錯，但未到好驚艷；叉燒如果肥啲就好。黑蒜螺頭燉雞湯🐔，哇個湯真係黑色㗎，好少見🙈，應該係用上黑蒜嘅關係。我個人認為味道比較濃，不過呀媽覺得好好飲。湯入面好足料，有螺頭有雞。玉環鮑魚盅🥢，節瓜瑤柱甫就食得多，但配鮑魚真係唔係成日有得食。仲要鮑魚係用上乾鮑，即係比新鮮鮑魚更名貴🤤，果然食落個口感同味道係特別唔同，比較流心同入味。西施蛋白蝦球🍤，大蝦球非常彈牙，正呀。蒸蛋白比起蒸蛋口感更厚，夾埋個芡汁食，味道恰到好處，當中仲搭配咗兩款筍絲。乾隆石鍋炒飯🍚，我完全估唔到個飯係一人一個石鍋囉‼️，一個石鍋已經分到每人兩個碗仔...，所以我哋打包咗一個走🙈。除咗份量夠之外，個飯真係滿分之作，因為飯粒炒到好乾身，粒粒分明，連呀媽都讚不絕口。再者，飯入面有勁多粒一口帶子仔同瑤柱絲，一啲都唔孤寒。最後，精選甜品係紅豆沙，呢個就正正常常啦，夠多豆。我哋食埋甜品，非常滿足😊。除咗食物同環境外，呢到嘅店員全部都好好禮貌，服務好好；特別有位短頭髮呀姐，真係好細心，好熱情👍。總括嚟講，依餐飲宴般嘅午市套餐真係不得了，最緊要係呀媽鍾意，食得開心❤️。下次我會同佢嚟食點心，價錢幾相宜。另外，餐廳仲有做啲晚市六人／十二人餐，好似都唔錯。我哋離開餐廳時，再望下室內個環境確係幾靚，相信係一個宴會嘅好場地啊！…查看更多