來來小吃店

放工又黎太安樓搵食啦🥳，其實呢度真係好似迷你版嘅葵涌廣場，一定可以滿足大家「掃街」嘅慾望，港、中、西、日、越、泰，想食乜都得✔呢次食完正餐 林記車仔麵 之後，行左幾個圈消化下之後，就過左黎 來來小吃店😆次次經過都見到幾多人係度等，今次就決定試下！本身打算試佢個燒仙草，但天氣真係太太太熱啦，所以最終揀左仙草冰🧊❄＄32價錢合理，份量絕對唔會少過外面個啲糖水鋪，而且佢啲冰係用仙草去整，所以成碗味道好濃郁，就算冰溶左味道都唔會變淡👍🏻芋圓、芋蓉、珍珠等配料都好多😋😋食晒即刻涼透心，舒服晒～…查看更多

收工約肥髀去西灣河，就是為了要同佢去太安樓搵食，食兩間已經夠飽，糖水要買外賣，呢間在太安樓食評不錯，去到店面貼滿圖片介紹，只留一個小窗口做收銀！我同肥髀各揀一樣甜品後，我去嫩銀落單，因為出菜同落單得一個人，所以要等一陣！一個講台腔國語嘅女仔落單同出菜！佢好禮貌有笑容！燒仙草（$30）普通發泡膠碗，有一包另外分上嘅花生，食時落埋花生，黑媽媽賣相，用匙𢳂有啲杰身，芋圓煙韌，紅豆大大粒又淋身，仙草嫩滑，又唔會好甜，花生有點硬，炒咗應該放咗一段時間，唔夠香，最後無食到！黑糖三色豆花（$27）肥髀食台式糖水比台式飲料更合我心！…查看更多

好掛住台灣既燒仙草 唯有係到買黎解解癮 暖暖既仙草係天氣凍既時候食正 入面有珍珠 手作芋圓 紅豆同自家炒既花生暖既時間仙草會係水狀 凍左就會稠稠地~ 味道唔會太甜 芋圓亦整得夠煙韌 不過就冇乜味 綠茶味係最好食最有味 而且整體料就少左d 所以比起其他舖頭會略貴…查看更多