Sky726

呢日老公Book左Sky726慶祝我生日🥰🎂係一個位於旺角與太子之間！開喺廿幾樓既空中餐廳！裡面雖然地方唔大！但我覺得氣氛都幾好😁再加上因為遇著呢個疫情，又搞埋呢個「限聚令」所以餐廳內得5至6張枱有人唔多唔少其實都幾慘！人地都會推下外賣套餐幫補下呢類型既餐廳好難搞外賣希望呢啲有質素既食肆能夠支持得住😱成日去開旺角我同老公又好鍾意食西餐所以都好方便！樣樣野都好滿意！服務好好！野食又好好❤佢最獨特係廚房透明度好高！會見到啲廚師好忙碌咁整理食材！…查看更多

遲咗三個月打食評男朋友係三個月前嘅紀念日訂咗枱食晚飯一上到去見到個環境就覺得好有氣氛，見到大部份都係情侶一對一對嚟食我哋比安排坐係落地玻璃隔離，個view都唔錯,見到好多個高樓大廈，但一啲都唔覺得密集🙈男朋友點左個前菜係鵝肝，本身對鵝肝都冇乜好感， 但佢竟然配上一啲脆脆，鵝肝上既焦糖令到成件事食落去甜甜地又卜卜脆，亦令到每一啖食入口都覺得幾有口感呢個位係幾驚喜嘅我就點左個意大利粉伴野菌辣肉腸及巴馬臣芝士，自己本身鍾意食pasta同芝士所以都覺得好好味，除咗好味都冇comment 🤣男朋友照舊叫煎慢煮安格斯牛柳食，咁我唔食得牛就冇try到。但男朋友俾咗較好嘅評價，佢表示肉汁好濃，咬落去唔會覺得好硬，較為林身一啲， 果然係正！最後重頭戲當然就係甜品，男朋友叫咗一個意大利軟芝士草莓雪芭佢一嚟到，就好似仙女下凡咁🤣（因為有乾冰🤣大家可以影相呃like!味道都係超級有驚喜！食唔停口！推薦各位可以去試吓！而我就叫左以下呢一個朱古力甜品， 咁事先服務員就會幫朱古力點着火，可能因為有酒精嘅關係，朱古力係會苦一些。朱古力溶咗之後裏面係一個蛋糕，應該係brownie, 雖然有酒精味但都唔影響蛋糕嘅味總括而言，餐廳有feel，食物亦相當好味。下次嘅紀念日會再嚟💕…查看更多