Outdark (飛達商業中心)

【旺角鬧市數一數二嘅韓式抵食天堂🔥Outdark食評】今日同屋企人去咗旺角呢間位於飛達商業中心二樓嘅Outdark韓國餐廳，真係要大力推介吓！聽講餐廳由韓國人主理，連食材都係由韓國直送，難怪味道咁正宗啦～🌟雙拼炸雞（Honey Garlic + Sweet and Spicy）必嗌！兩款味都勁正🍗蜂蜜蒜香超惹味，甜而不膩；酸辣味醒神開胃，咬落去雞肉嫩滑到爆，外皮炸得酥脆唔油膩！配埋波浪薯角、番薯條，邪惡到停唔到口～🧀辣炒雞肉鐵板上枱時滋滋聲超治癒！辣雞肉醃得入味，旁邊圍住溶緊嘅芝士、粟米、紫菜飯、腸仔同泡菜，一拉絲就忍唔住瘋狂撈飯！份量夠3-4人食，大滿足！🍜炸醬麵真心係我喺香港食過最有驚喜嘅！醬汁濃郁得嚟唔會死鹹，麵條彈牙掛汁，仲有啖啖肉碎同青瓜絲平衡膩感，熱辣辣咁食真係無得頂！特別要讚佢哋嘅Menu係自製設計，連炸醬都係自家調配，唔係用現成貨！🦑海鮮炒粉絲粉絲炒得乾身夠鑊氣，海鮮料落得足，辣度頗勁🌶️建議同朋友share先搞得掂～🍙烤牛肉紫菜包飯牛肉香濃唔韌，米飯捏得實淨，做主食或者打包返屋企都得！總結：人均$250左右，性價比超高！由韓國人主理保證正宗，Menu全部自製設計有心思，服務態度友善，環境舒服，地點就腳（旺角站行幾分鐘就到）。想同朋友盡興食餐好嘅，呢間絕對可以encore☺️#Outdark #旺角韓餐 #炸雞鐵板必點 #韓國人主理 #自製Menu #抵食大份 #香港美食 #香港必食…查看更多

同朋友聚舊，大家心思思都想食炸雞，人多好辦事；點咗雙拼炸雞、海鮮煎餅、炸醬麵、烤牛肉炒粉絲、DIY rice ball雙拼炸雞揀咗甜辣味同香蒜蜜糖味，甜辣味世一！醬汁多，痴滿喺炸雞上面好惹味；除咗炸雞，仲會有炸薯Chips Trio伴碟，有齊薯格、薯條、薯塊，炸薯全部都有調味，淨食都已經好好食，係好抵食嘅一份炸雞！烤牛肉炒粉絲 牛肉份量多而且好入味，每人都分到幾啖食～海鮮煎餅呢個係自己私心點嘅，一直都好掛住韓國食到足料嘅海鮮煎餅，呢到嘅海鮮煎餅都好唔錯，煎得脆身而且好足料。炸醬麵 成日睇韓劇、綜藝節目見韓國人食得咁滋味，終於試咗！呢款咸咸甜甜之餘再加啲微辣，好好食喎！DIY rice ball 可以俾客人自己DIY將所有食材mix埋，再將佢整成一個個波，好玩又好食 呢餐大家好滿意，抵食之餘仲有韓仔職員添，哈哈。…查看更多

我哋一行五人叫咗5道菜，價錢合理而且份量都好大份。雙拼炸雞（香蒜蜜糖味+甜辣味）香蒜蜜糖味蒜味唔算好濃，配搭香甜蜜糖，食完個口都唔怕有蒜味，唔錯唔錯甜辣味食韓國炸雞必點嘅口味！甜甜辣辣，好惹味，可以再多幾舊海鮮煎餅香脆足料，啱晒鐘意食海鮮嘅我😋飯卷點咗2款口味：烤牛肉飯卷、炸蝦飯卷烤牛肉飯卷好足料，一啖放入口，好滿足；而炸蝦飯卷，食落炸蝦仲好脆身，裡面加咗啲沙律醬，唔錯！炸醬麵有驚喜！咸咸甜甜之餘再加啲微辣，好夠味，好食過喺韓國食到嘅，哈哈～飲品都好唔錯，大大杯好夠飲～餐廳佈置都好有韓國feel！😋大家都食到好滿足嘅一餐！一定會再encore，味道同喺韓國食到嘅差不多，而且性價比高，一大班人嚟可以叫多幾款😆…查看更多

由於餐廳新增設星期六日的午市時段1200-1600，所以這個週末就和朋友來到吃韓式午餐了～餐廳門口的木椅上放有大大隻的熊啤啤公仔，走進餐廳內看到掛有情侶鎖的鐵網，令人想起韓劇的劇情。用上木椅加上昏暗的燈光，感覺很有情調呢～是少有這種裝潢路線的韓國餐廳。結帳時，單據上列印的是韓文，很有趣唷。♡串串年糕湯$218有青口、年糕、腐皮、皇帝菜、白蘿蔔、香菇、 蛋、木耳，底下還有粉絲和年糕足夠飽腹，串串的有腐皮、魚肉，咬下去都是很實在的口感 。♡炸醬麵$108 🥢必點🥢有青瓜絲、洋蔥、牛肉、蛋、芝麻，香濃惹味，麵的質感也很有口感，十分好吃啊！推介大家點這個！♡香蒜蜜糖炸雞 半份$138 🥢必點🥢我們選了香蒜蜜糖味道，是已經去骨的無骨炸雞，啖啖肉，外脆內軟的口感，炸雞沒有油膩感。還有飽腹的配料，有薯角、薯格、薯條，堆疊成一座山，有芝士粉在上面，感覺茄汁也不用沾來吃都已經很夠味。我們二人都吃不完，感覺三人吃都不成問題。♡莫希托梳打$38十分清新的味道，配炸雞一流啊！✔️餐廳設加一服務費 ▪︎另設有尖沙咀分店營業時間:星期一至五5pm-12am星期六日12-4pm5pm-12am…查看更多

如果係情侶或者朋友黎傾下計，想坐耐啲係幾推薦既，因為個環境好好，好有氣氛，又唔會話太嘈，所以食氣氛係可以推介既😊但係野食質素麻麻，唔係話難食，但不過不失囉，勝在大份但價錢反映左，基本上食物都過百一份，個炸醬麵係ok既唔難食，係價錢貴啲姐，好似98定108？個個魚糕湯真係唔推薦，因為魚糕實際係得4塊，其他都係獅子狗卷同埋有4條唔知咩，仲有啲白蘿蔔金針菇，個4條唔知咩係真係好難食，似係魚蛋條之類？成個煲係$138 ，真係唔推介呀，性價比好低，因為獅子狗卷好平，主要係獅子狗卷多。係我地唔識叫野食，我見好多人係叫炸雞既，可能炸雞好食啲。但打下卡係ok既，傾計都幾舒服，主要食環境。…查看更多

喺旺角行到肚餓又想食韓國嘢？咁就一定要嚟依間餐廳醫肚喇~氣氛好、味道好、服務好，諗唔到唔嚟嘅理由啊~小編同朋友兩個人本來獲安排坐隔離係情侶鎖牆嘅卡位，但因為嗌嘅嘢多到2人枱擺唔哂🤣所以員工都好貼心主動幫我哋搬大枱👍芝士炒雞 $328全部嘢食都擺咗喺傳統韓式芝士爐上面，除咗主菜雞肉之外，仲有韓國雞蛋卷、水牛車打芝士、香炒泡菜、年糕、香甜菠蘿粒同埋紫菜飯。店員仲會幫忙拌炒！雞肉又甜又辣，夾埋芝士一齊食味道一流，仲可以有拉絲效果添~年糕口感就好煙靭而且亦都飽肚。其他配料份量都唔少㗎，所以2個人食嘅話小編估計正常食量應該加多個主食都好滿足🤭香蒜蜜糖炸雞（半份） $118本身無睇清楚menu以為淨係得炸雞，上菜先知原來仲有大大份嘅薯條、薯角同薯格，夠哂驚喜！食落全部都好脆口。炸雞聞落有濃濃嘅蒜味，本身有啲啲擔心會唔會食完成口蒜味，但可能因為加左蜜糖嘅關係, 所以食完都無咩問題🤓整體口感又甜又脆，肉質都仲係好嫩滑，仲要食完唔會特別口乾！海鮮辣炒麵 $108雖然叫炒麵但似湯麵多啲~海鮮種類有蝦、青口、魷魚同埋八爪魚仔，配料就有鵪鶉蛋同蔬菜，所以都好足料！麵底軟硬度剛好而且滑口🤩湯底方面就有香濃海鮮同甜椒味，辣度還好，用譚仔嘅scale就大概5小辣左右~炸醬麵 $98小編之前喺其他餐廳食嘅炸醬麵都無咩味，但朋友未試過所以嗌埋，估唔到就咁顛覆咗我對依道菜嘅印象！依度嘅炸醬麵好香濃，亦都有海量肉碎。不過麵底就偏淋同埋啲汁多到食哂都仲有剩🤣Outdark yogurt smoothie (Strawberry) $45小編係藍莓愛好者，但係當日嘅藍莓沙冰賣曬所以就轉咗要士多啤梨味。飲第一啖就已經有好濃嘅士多啤梨加乳酪味，又唔會話好膩或者死甜💯而且都算大杯，所以成餐都可以keep住飲，唔使驚食到一半就飲哂~試完先知沙冰同韓國料理真係好夾！…查看更多

旺角尼間outdark其實已經黎過3-4次，今次終於決定寫食評每一次黎都係提前小小時間排隊拎飛，仲好記得第一次黎既時候由於人太多，張飛最快都要預計8:30後左右先有得入座所以放棄左。咁好彩今次平日（非星期五），同朋友一黎到即有得入座😆由於我地得3個人，所以叫既野食有限，點左半份香蒜蜜糖炸雞🍗、Cheese stick、炸醬麵、辣豆腐湯烏冬半份香蒜蜜糖炸雞每件雞都均勻佈滿醬料，雞件口感嫩滑，一啲都吾‘鞋’，仲要搭配薯條，呢個價錢食到超級飽一啲都唔貴Cheese stick芝士味吾重，但比預期中冇拉絲（純粹個人想要尼個感覺🤣），不過一啲吾油膩，價錢都吾貴，值得一試炸醬麵尼個係我比較驚喜既一道菜，可能我仲未係香港食過個人覺得好食既炸醬麵，所以覺得outdark既做得好好食，好岩我口味，吾會偏咸，料又多！辣豆腐湯烏冬對於食得辣既我，辣湯對我黎講吾辣，而且好開胃好好飲🤣，一上菜我地都即刻分黎食，所以烏冬並無太過‘淋’身，口感岩岩好，而豆腐，就好似圖片既咁滑喇～～好食👍…查看更多

疫情下無得旅行🥲有時掛住異國美食食駐港過江龍餐廳真係一個唔錯嘅選擇✔️.朋友想食韓國嘢🇰🇷所以book左依到慶生估唔到餐廳啲空間都幾大 坐得舒服☺️而且餐廳內光線暗 加上閃閃令嘅星星吊燈🌟幾有氣氛影相 慶祝節日都一流💛.比較出名嘅係炸雞🍗食完都明點解佢出名脆卜卜嘅鮮嫩炸雞加上醬汁又香又juicy 好食😋個人覺得同係韓國食嘅係有啲唔同不過一樣咁好食.私心推薦炸醬麵🍜自從第一次去韓國食過可以話係愛上咗炸醬麵但無論係香港嘅韓國餐廳定買即食麵煮試咗咁多都係偏鹹唔係個種偏甜嘅味而Outdark嘅炸醬麵有驚喜偏甜帶點鹹食材同味道都非常正宗好近似韓國當地個種味道係我嘅必點item👼🏻.有啲食物嘅份量偏大魚糕湯 炸物拼盤唔建議2人聚餐點適合多啲朋友一齊share👨‍👩‍👧‍👦…查看更多

收工約左朋友嚟旺角，好耐無食韓式料理喇！呢間餐廳無論平日定假日既人流都好旺，今日專登趁未到繁忙時間，人少少唔洗排隊之下入嚟食。串串魚糕湯韓式料理唔一定淨係食炸雞咁熱氣，今次揀個清淡少少既魚糕湯，個鍋比想像中大，入面既食物亦同樣豐富，有年糕、金菇、獅子狗，鵪鶉蛋等，另外仲會有一碗粉絲慢慢煮嚟食。海鮮煎餅海鮮以鮮蝦為主，仲有八瓜魚、韭菜，青椒等配料，煎得好香之餘，油膩感亦唔會太重。炸醬麵濃郁既醬汁拌埋彈牙既麵條都幾唔錯，而且仲有椰菜、洋蔥、青瓜絲等配料，夠哂滋味。Blueberry Smoothie食完濃味既炸醬麵同熱辣辣既魚糕湯，喝一口冰涼清爽既blueberry smoothie，係最好既配搭。蜜糖生薑茶本身期待飲到好濃烈既薑味，誰不知薄荷味更重，係滋潤之選。…查看更多

Outdark已成為了我跟朋友吃韓國菜首選的餐廳，這天來吃午飯點了：新出的韓式烤牛肉、炸蝦飯卷、炸醬麵及小食炸薯條。韓式烤牛肉是新推出的菜色，牛肉放在鐵板上燒，熱辣辣，底部戰有洋蔥及金菇配菜，牛肉汁味濃厚，加個白飯吃一流。炸蝦飯卷水準依舊，炸蝦夠香脆，配料豐富，有雞蛋、紅蘿蔔絲、醃蘿蔔、青瓜條，裡面有沙律醬，十分滋味。炸醬麵是真·韓式的炸醬麵口味，在香港要找到好吃的炸醬麵真的不容易，不是過鹹就是過甜，這店的味道跟我在韓國吃到的相約。小食炸薯一碟份量十足，有齊炸薯格、炸薯角及炸薯條，更灑上芝士粉，不沾醬汁吃已很夠味。因疫情關係，是次相隔一年多後再來吃，水準依舊，不錯喔。…查看更多

——————————————————香蒜蜜糖炸雞 / 178配搭4款醬汁同爽口蘿蔔炸醬麵 / 98有大量豬肉片 咸度適中 甜甜地符合香港人口味東萊海鮮煎餅 / 118由海鮮同野菜結成炭豚飯捲 / 88辣豆腐湯烏冬 / 188內有豆腐 五花肉 海鮮 蔬菜——————————————————推介度: 8/10——————————————————…查看更多

環境舒適，座位寬敞，氣氛超浪漫～陰暗的環境配上很多閃亮的星星燈飾。提供WiFi ( •⌄• )◞另收加一服務費#芝士王國 #芝士豬肋骨 $338整鍋味道濃郁，拉絲 #水牛車打芝士 超正，韓式醬偏甜微辣，不會很辣。 #豬肋骨 好入味，肉嫩👍🏻旁邊有菠蘿、泡菜等配菜，還有紫菜飯填肚～另外個爐會keep著熱，最好熱了便全部（蛋、肉）上碟～保持肉嫩。邪惡推介#炸醬麵 #韓式炸醬麵 $98大大碗，麵質彈牙，韓式炸醬好好吃😋甜甜地小小苦而且不辣，底下還有很多肉片～值得一試#grapefruit $34 #西柚汁 汽水( ⁎ᵕᴗᵕ⁎ )❤︎喜歡#blueflavour $78沙冰配碑酒，打卡一流，很甜～味道難以形容🤣還是果汁適合我服務質素：7/10環境舒適度：9/10ᶘ ᵒᴥᵒᶅ個人口味評分：8/10…查看更多

今晚放工同朋友去食下韓國野。餐廳非常非常之多人，所以最好之前book定位先。餐廳限時用餐一個半小時，但放心，絕對夠時間食架，因為上餐速度都好快。今晚我同朋友慢慢一邊傾一邊食，都完全會夠時間。呢間outdark都黎過食好多次，因為真系野食好味，環境又舒服。所以我地都好快決定到食咩好。一人一杯野飲先啦，一杯green apple，一杯薄荷綠茶。另外今次終於食到煎蛋飯卷啦，之後好幾次黎都咁岩賣曬。今次第一次食到好開心。開頭都擔心會唔會好飽，因見到整個份量都好多好大份，不過好彩食下又一件，食下又一件。兩個女仔都火速ko左呢份蛋捲。蛋捲既蛋好嫩滑厚切，啖啖蛋香，好正。中間包住少少飯，飯粒唔算多，所以唔會太飽肚。我鐘意個口感，因為蛋捲林林的，飯粒又好好咬，味道又好好。有一排既蛋捲上面仲配了醬汁同魚籽，口感同味道仲正。另外點了一個串串魚糕湯，一鍋上。慢慢系個爐上煲住，所以暖暖熱熱的，好正。唔洗怕野食會凍。串串魚糕鍋內好多唔同款既配料，有幾款魚糕串，獅子狗、年糕、菜、粉絲⋯⋯超多唔同配料，都好多好大份，勁滿足。個湯都可以飲架，好惹味。最後我地仲有個炸醬麵，開頭一下子見到咁多野食都好擔心食唔曬。因為個炸醬麵份量又系唔野少，大大兜架。不過好彩最後我地食曬d野。炸醬麵味道香濃，入面仲有好多片片豬肉片，啖啖肉好香口惹味。配埋炸醬麵個醬，正。同埋個面質都好彈牙，滋味。…查看更多

餐廳位置非常方便，喺彌敦道嘅飛達商業中心上面，一上到去已經見到有好多人喺門口排緊隊，可以見到係好受歡迎！好彩我哋有訂位，所以即刻可以入去食嘢。 入面啲位都坐得幾舒服，枱與枱之間亦都有塊版隔開，有私隱得嚟亦都比較衛生。因為餐廳限時個半鐘食嘢，所以我哋都好快就諗好食咩，期待食物嘅來臨。 ➡️ 雙拼炸雞 (甜辣+香蒜蜜糖味) ($192) ⭐️⭐️⭐️⭐️💫 食韓國嘢又點會少得炸雞，一上枱見到咁多炸嘢，真係好興奮。雙拼炸雞除咗雞之外，仲有薯條同薯格，而且炸雞全部都係冇骨，啖啖肉得嚟，加上好香嘅蜜糖味，食到停唔到口！而甜辣炸雞，整得唔係好辣，甜味較重，唔食得辣嘅朋友都啱食！ ➡️ 東萊海鮮煎餅 ($118) ⭐️⭐️⭐️⭐️ 好大件嘅煎餅好足料，幾個人share最好不過！煎餅用咗蝦、大蔥、疏菜等等，食起上嚟好惹味！如果分開上嗰d醬汁再多d就正！ ➡️ 炸醬麵 ($98) ⭐️⭐️⭐️⭐️ 又係好大碟！d麵好彈牙好好味，黑豆汁多得嚟又濃郁，仲有兩隻鵪鶉蛋食！ ➡️ Mango Ade ($34) + Ice Peach ($34) ⭐️⭐️⭐️⭐️ 天氣熱辣辣，飲返杯涼陣陣嘅野真係正！ .............................. Outdark (飛達商業中心) 地址📍: 旺角彌敦道613號飛達商業中心2樓 總評分: 8.25/10 .............................. 味道😋: ⭐️⭐️⭐️⭐️💫 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️ 抵食💰: ⭐️⭐️⭐️⭐️ …查看更多

好耐冇食韓國野，所以約左幾個朋友一齊食～見到呢間韓國野係旺角都幾出名，於是就一早book左枱餐廳環境幾好，而且坐得都好舒服，好岩一班朋友去食野傾計餐廳環境良好呢個鍋都幾足料，個底有好多烏冬，而且面頭都有唔同款式嘅魚糕不過個人覺得魚糕厚d，口感會好d～而且烏冬都唔夠彈牙，輕輕一咬就斷，改善一下會更好！串串魚糕湯炸雞好脆，而且肉質又唔會煮到好老而且個醬超杰，令人食到濃濃嘅蜜糖味之餘，配埋蒜味又可以令到個醬冇咁膩伴碟d薯格同薯條都好香脆，超邪惡嘅一碟炸雞香蒜蜜糖炸雞 就算係普通，但份量都超多，絕對夠4個人食！而且豬皮好彈牙，d肉又唔韌或鞋口個包飯醬好香大醬味，用來配豬腳包生菜食好夾豬腳（普通份量）麵質好彈牙，而且炸醬香得黎又唔油膩配埋d炸醬，令人忍唔住幾啖就食晒炸醬麵…查看更多