春城銅鍋米線 (厚福街)

天氣咁凍岩哂食銅鍋米線，又暖又開胃，米線仲可以揀腍啲或者爽啲。招牌豬扒酸酸辣辣銅鍋米線銅鍋保溫效果好，食到最後都係熱辣辣嘅，天氣凍左食佢，特別舒服。豬扒分量超足，金黃酥脆，嫩到爆汁！浸係酸辣湯吃底食一樣滋味香，口感層次超豐富。招牌海南胡椒豬肚雞米線肚處理得超乾淨，一點腥味都無，煮得軟爛又帶嚼勁，雞肉滑嫩。胡椒湯底濃郁帶微辣感，唔會過於刺激，好暖胃。炸脆脆蝦膠豆卜呢個招牌真係名不虛傳，勁驚喜，差唔多每枱都有人點啊！脆豆卜碎包係外面，裡面塞滿Q彈蝦膠，蝦肉鮮甜同豆卜豆香，鮮～緊實又彈牙！同外層酥脆嘅豆卜形成絕配。…查看更多

這次喺春城銅鍋米線食，真係幾正！氛圍舒服，服務員態度都好好。🦐炸脆脆蝦膠豆卜，啱啱炸好，外鬆脆非常香口，蝦膠鮮甜彈牙，口感豐富，豆卜炸得金黃香脆好正。😋🐷招牌豬扒酸辣辣銅鍋米線，🍲成個銅鍋上熱辣辣。加左秘製雞翼，🐔雞翼好入味。酸辣味道夠濃郁，米線滑爽。豬扒大大塊有份量。啖啖肉豬扒juicy多汁。卤水牛展雞翼酸菜飯🐮份量足，牛展肉質軟腍入味，鹵水香味濃郁，與酸菜夾埋食，味道層次豐富，飯煮得鬆軟，🍚好正！仲有‼️爆漿紅糖糍粑，甜度適中，口感煙韌。一咬開即刻有熱辣辣嘅紅糖漿流出嚟😋，甜而不膩，甜味同糍粑嘅口感完美配合，好值得一試！💯整體份量同質素都夠晒水準。鐘意食酸辣嘢或者熱辣辣米線嘅朋友，可以嚟試吓。🤤推薦！…查看更多

喺尖沙咀鬧市人氣爆棚嘅米線店，特色銅鍋米線，打卡一流，價錢抵食，份量十足，服務親切，湯底同米線都好彈性可以客製化，實揾到一碗最啱你心水嘅米線！.🌟招牌海南胡椒豬肚雞米線胡椒豬肚湯底濃郁唔鹹，加上大件雞肉鮮味十足，豬肚爽口彈牙又入味，雞肉又多又嫩滑，湯底配米線超夾，微辣刺激開胃好正！.🌟招牌豬扒酸酸辣米線湯底轉咗麻辣，同酸菜出奇地夾，加埋米線即刻有飽肚感，餐廳嘅辣度偏勁，建議第一次去嘅朋友由微辣開始試，如果太辣餐廳可以俾清湯你㗎。豬扒炸到外皮香脆，肉質嫩滑仲keep到肉汁，必試！.🌟炸脆脆蝦膠豆卜餐廳招牌小食，喺豆卜入面加入鮮蝦同蝦膠，炸到外皮酥脆，裏面有蝦膠嘅軟滑，又有鮮蝦嘅爽口，口感豐富，點埋酸辣醬，開胃又可以清新返個口，平衡返米線嘅鹹味。…查看更多

餐廳：春城銅鍋米線地點：尖沙咀厚福街菜式：雲南米線餐牌：醒胃酸菜飯、即叫即滾湯飯、昆明媽媽推介、自選雙拼米線、小食推介、飲品。蟲草花椰子雞米線 $62 轉雞脾 加$8米線熱辣辣上枱，聞到好香椰子味，椰子混合雞湯，唔油好飲。面頭一大隻雞脾切開方便食用，皮滑肉嫩，食到雞味。米線滑溜較淋身，配有蟲草花，紅棗，木耳絲同兩條生菜，材料豐富有口感。呢款米線養生之餘又好味道。炸脆脆蝦膠豆卜 $25呢個價錢係三粒，可以叫五粒。炸脆脆蝦膠豆卜炸得外皮香脆而入面蝦膠好彈牙又鮮味，配甜酸醬非常開胃，墊有生菜解膩。支裝豆漿 加$12支裝豆漿好大支，夠凍。米線果然唔錯，小食都幾好，主食價錢好平。餐廳裝修光猛乾淨，平日晚市都有唔少食客。…查看更多

招牌海南胡椒豬肚雞米線（$68）湯頭充滿胡椒香 香辛度十足 飲入肚子暖暖的而且湯裡有肉碎 增加了鮮甜味雞件包含一隻雞髀 雞肉滑溜 豬肚有不少 細數若有6-7塊豬肚炸脆脆蝦膠豆卜（ 3 粒）（$25）試一試這裡的招牌小食豆卜炸至脆卜卜 它是完全乾身的脆 不是油膩膩的脆 裡面是飽滿脹卜卜的蝦肉蘸上辣醬 一口咬下 滿足非常 果然是招牌👍🏻很欣賞這裡有很多自選項目米線可選淋身或爽口檸茶亦可選濃度 甚至可選擇檸檬的塊數📍春城銅鍋米線(香港)地址: 香港尖沙咀厚福街6號地舖…查看更多

一向都係米線控，呢間主打係用銅鍋嚟裝米線，可以保持食物熱度，今晚黎開尖沙咀行街，所以就決定嚟呢度晚飯我哋每人叫咗一碗米線+各自一杯凍檸檬茶1）招牌豬扒酸酸辣辣米線果然係招牌！塊豬扒好容易切，一啲都唔韌，仲好大塊。以平時食開酸辣米線嚟講，呢碗酸辣湯底係屬於偏酸嘅，夠開胃，所以我不停係咁飲佢哋嘅湯🤣🤣2）自選三餸米線（揀咗麻辣湯底、小辣、鱈魚豆腐、竹笙、金菇）小辣唔算好辣，可接受 。鱈魚豆腐係星星形狀，幾得意，口感似魚蛋 。最鍾意叫竹笙同金菇，因為都係好索汁嘅蔬菜。小食：炸脆脆蝦膠豆卜（三粒）唔怪得係推介啦，炸到金黃色，超級脆，蝦膠又彈牙，有蝦味，成粒脆炸蝦丸咁 ，用嚟浸落米線湯底一齊食，一流！食完碗米線又真係幾飽，所以本身想試埋佢哋個紅糖糍粑，個肚都冇位，唯有下次試啦。🤣🤣餐廳係用QR code落單，所以樓面侍應service都好快手，服務員亦好有禮貌。❤️❤️❤️…查看更多

一直想食咗呢間米線好耐，主要係因為呢到嘅米線會用銅鍋上，可以維持米線熱辣辣嘅口感，夠晒特別😋～✨招牌豬扒酸酸辣辣銅鍋米線招牌豬扒大大塊，而且肉質柔軟！米線口感爽滑，仲有肉碎、腐皮、木耳同埋酸菜等等嘅配菜，整體口感更加多元！米線嘅辣度揀咗小辣，湯底嘅酸味比辣味更為突出，令人特別開胃～✨春城麻辣銅鍋米線呢碗米線就揀咗中辣嘅麻辣湯底，越食越麻辣，真係辣得過癮！配料揀咗肉質嫩滑嘅新鮮牛肉同埋雞肉，真係大滿足啊～✨炸脆脆蝦膠豆卜(5粒)大大粒鮮蝦打到起膠再釀喺豆卜入邊，炸完之後外層豆卜酥脆可口，內裡嘅蝦膠彈牙多汁！點埋泰式辣醬更加正～✨凍檸茶…查看更多

厚福街開咗間新嘅米線舖，主打食雲南米線，其中特別之處係米線以銅鍋盛載，另外仲有多款特色小食，餐牌上有多款食物供選擇，幾有心思▪️炸脆脆蝦膠豆卜必點嘅小食！口感香脆又鬆化嘅豆卜，包住蝦膠好彈牙又足料，食到好多蝦粒，配上泰式辣醬好惹味▪️農鄉番茄泡椒銅鍋米線番茄泡椒肥牛金菇銅鍋米線米線以銅鍋盛載，可以令食物保持溫度，上枱時充滿濃郁蕃茄香味，湯底加入泡椒烹煮，所以會越食越辣，酸酸辣辣咁都幾開胃，配料揀咗星星鱈魚豆腐同炸海蝦寶，蝦寶幾好食，彈牙好味▪️海南胡椒豬肚雞薯粉湯底啖啖胡椒香，入口滑順唔會好辣，好惹味，飲左幾啖先開始食米線！豬肚同雞件份量俾到足，非常足料，入面仲有腐皮，肉碎、芫茜，芽菜等！薯粉係粗身版，口感煙韌又索湯汁▪️秘制酸菜腩肉荷葉包荷葉包夾住芫茜，脆脆腐皮，酸菜同腩肉，用料豐富，味道也不錯，特別喜歡佢哋自家製酸菜，好香好好食…查看更多