為食火鍋公司

营业中

休息中

餐廳位於牛頭角站行5分鐘就到，交通方便。好難得仲要係不限時的火鍋店！前菜一入坐，餐廳已奉上時令燉雞湯，雞肉嫩又滋潤。然後再奉上小食，包括：甜蕃薯條、唐揚脆炸雞、蟹籽沙律、酸甜炸大腸、鮑汁雞腳。沙律開胃，炸物新鮮而不油膩，雞腳肉質新鮮。三點刺身盛合，有三文魚，帶子及赤蝦。刺身賣相吸引，新鮮爽口。頭盤可以選擇為食酸菜魚或寵寵雞煲，我們選了雞煲。簡單落手炒數分鐘，雞煲就食得，好方便。雞肉大件量多，醬汁入味，肉質滑而不韌。仲有辣度供客人選擇，十分窩心。火鍋盛宴有好多湯底，包括濃湯豬骨/ 沙嗲金菇牛面肉/ 藥膳高湯牛尾/ 櫻桃鮮茄薯仔/麻辣鍋。我們選了濃湯豬骨。湯底有大大塊豬骨，材料豐富，又充滿豬骨的香味。為食海鮮拼盤 包括鮮蝦、大蜆、半殼元貝、脆肉鯇、白鱔片、鮮帶子、紐西蘭鮮青口。海鮮多元化，肉質新鮮，食落爽口。任食火鍋配料肉類都有好多款，又薄又大塊。有特級牛頸脊、美國Prime牛胸腹肉、千歲 米豚（和豚）、美國SRF和牛板腱肉和紐西蘭羊卷肉。仲有大量任食火窩材料，樣樣新鮮。蔬菜包括各式菇樣、粟米和田園蔬菜。仲有香脆炸魚皮、鵝腸、 手工一口雲吞、手工一口韭菜餃•蟹籽沙律丸、芝士腸、和手打烏冬等

入到去裝潢好日式好乾淨企理，哥基主題下食野心情都靚啲～ 由於佢任飲任食，野食未上齊一於去揀左飲品先，好多韓國樂天牌子飲品，同港式滋補養生茶，睇得出餐廳捨得落本。先上刺身同雞煲，可以體驗自己炒，職員會教你點炒，見到你搞唔掂就會出手幫你。炒香完一食就俾雞煲既孜然味同鋪滿面既魷魚、豬皮、牛柏葉吸引住，加少少既辣味好鬼夾好惹味！食曬雞煲職員就會幫你換上火鍋，可以揀蕃茄薯仔湯底或者麻辣湯底，海鮮只上一次但好高質，蠔同海蝦都大大隻好鮮，最緊要係有芋泥包心貢丸！超級驚喜！佢哋既份量好多，我哋一行兩個女仔食完一輪都無再另外order。店舖仲有慈善義賣，將賣出的模型捐贈香港拯救貓狗動物協會。

觀塘隱藏好多美食 但講到愛心食肆不得不睇以狗狗為主題嘅為食為食火鍋公司雖然佢有好多打卡位 就好似相入面咁但佢絕非打卡cafe 而係食雞煲火鍋🐣店內除左叫你愛護毛孩之外 仲設導盲犬位好喇 講返佢地嘅晚市火鍋雞煲任食套餐($238)雞煲好香好惹味 雞肉好鮮嫩 所以我地食左2轉除左雞煲可以任食之外 三寶(牛栢葉 豬皮 魷魚)仲有幾款食物可以任添 一定食得飽😎而且佢仲有前菜 同刺身拼盤 夠哂豐富食完雞煲仲可以換做火鍋 除左有牛味濃郁牛小排海鮮盤仲有大大隻嘅蜆同蠔 鮮味十足🤤最後仲有甜品 燉蛋白 完滿嘅一餐❤️P.S 四位免一位 去慶生日超級抵✌🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂