滷友記 (加路連山道) (已結業)

銅鑼灣食乜都貴 要搵間平民價錢嘅餐廳真係要行多幾步🚶‍♂️最近加路連山道新開左間台式滷水店😍價錢抵食又好食😋滷友記主打滷水撈麵同埋其他滷水小食環境: 用上木質枱櫈 好有台灣味道牆身有幅好大嘅掃描畫 好吸晴😍食物: 滷友三寶麵 ($57)用上滷水界三兄弟😂 金錢𦟌、牛筋、金錢肚🥰 三款餸都係好索汁 食落超入味😋金錢𦟌炆得好腍 我揀左粗麵粗身麵條令佢更有口感😋四拼幼麵 ($57)牛筋好大舊 見到有陳皮魚蛋 即刻叫！😍嗰種陳皮回甘味真係好正😋 沾一口滷水汁 好夾 撈麵額外會有一碗滷水汁跟 蘿蔔可以放落去浸浸再食 會更入味滷水溏心蛋 ($13)半熟溏心蛋 灑上少許椒鹽 味道唔錯 熱柚子蜜、熱柑桔蜜 (+$10)雖然天氣真係幾熱 不過入到黎涼返哂見到呢D養生飲品都忍唔住嗌😂柑桔蜜好滋潤🥰滷友記 (加路連山道) (銅鑼灣)銅鑼灣加路連山道5號地舖…查看更多

有朋友介紹過我呢間滷友記，今日經過，3點鐘又唔太多人 不用等位，就試一試～我哋2個人叫咗一個麵食、三個小食、一杯嘢飲一齊share，分別有：🍜滷友三寶麵 $57有金錢𦟌、金錢肚、牛筋，麵可以揀米粉、上海粗麵幼麵、撈麵，湯底都可以揀！有蕃茄湯、酸辣湯、滷水、麻辣。我哋要咗滷水米粉，首先三個餸都好入味，金錢𦟌好淋，份量啱啱好，食得晒～🉐推介🉐🥢椒鹽炸貢丸 $24好好味！我本身好鐘意食貢丸，雪櫃必備嘅食物之一，一來冬菇味好香、貢丸口感好，但估唔到都冇諗過拿去炸都得嘅！今日一試，有啲椒鹽，貢丸質感好，好好味喎！下次試吓我整唔整到先～🉐推介🉐🥦炸秋葵 $27之前都有食秋葵，釀魚肉煎啊、烚熟啊，凍食啊，但又係冇諗過可以炸，今次一試，口感好特別，較易入口，佢仲加咗蒜蓉落去，有啲味道更加好食！意想不到呢～🉐推介🉐🥢滷水豆腐 $27諗住食咗咁多炸嘢，就要返個滷水，滷水汁好味，唔太咸，對比啲炸嘢呢碟就清啲，有麻油香～🍎蘋果雪梨雪耳 $24（跟餐+$12）好味，清甜！冇冰啱晒我人，保留返原本味道、唔會沖淡咗👍🏻其實全部嘢食都好好味，我哋係食晒所有嘢，冇食剩！本身想食溏心蛋滷肉飯，太搶手嘅關係已經賣晒😕下次再試過啦💰$147🚩滷友記 (加路連山道) (銅鑼灣)📍銅鑼灣加路連山道5號地舖…查看更多

放工後上堂前成日都要苦惱有咩又好味又抵食嘅快食option，終於比我搵到啦！約6:30pm到小店仲有好幾張枱，叫左推介嘅滷友三寶麵，揀左滷水湯同手造爽脆米粉。話咁快就出爐而且賣相相當唔錯！一嚟緊係飲啖佢個滷水湯先啦～好香滷水味又唔會死鹹，再配爽身波紋米粉真係好滋味！三寶嘅金錢𦟌、金錢肚、牛筋都好高質，牛筋好滑滿滿骨膠原，金錢肚尤其爽身入味。順帶一提，小店嘅辣椒醬同酸辣醬都唔錯。係我近排食過最好味嘅滷水湯麵，絕對會回頭，大推介！…查看更多

喺銅鑼灣做完嘢攰攰地，就行咗去加路連山道搵嘢食🤪見到新開嘅「滷友記」，主打滷水車仔麵，一於入去試試佢～湯底除咗招牌滷水湯仲有其他選擇，麻辣湯、蕃茄湯同酸辣湯，仲可以揀set好餸嘅麵或自選組合自己鐘意食嘅餸添～滷友推介👉🏻三寶麵⭐️⭐️⭐️⭐️分別有金錢肚、牛筋同牛𦟌，麵底推薦「手造爽脆米粉」，真心爽脆，比一般米粉好食好多，仲好索湯，吸晒啲滷水汁好入味，有驚喜❣️金錢肚有咬口得嚟唔韌；牛筋炆得好腍，感覺食咗大量骨膠原落肚😆而牛𦟌肉質偏鞋～滷水大雞髀⭐️⭐️超大隻雞髀，好似火雞髀咁大😂而且滷得好入味，但肉質唔夠滑；滷水清清地，甜咸度剛好，雞髀仲配有少少麻油香味～芝麻雞絲粉皮⭐️⭐️⭐️份量大碟，水晶粉晶瑩剔透，如果薄身啲會更好，配爽脆青瓜絲同雞絲一齊食超清新，食完涼浸浸，夏天食一流🤪如果鐘意食辣嘅可以揀麻辣味～嘢飲叫咗蘋果雪梨雪耳+鮮檸檬薏米水，兩杯都足料，滋潤/清熱袪濕又解渴，幾時都岩飲🧡…查看更多

既然係專食鹵水嘅餐廳 ，咁湯底就梗係點鹵水湯試一試， 這裏的滷水湯味道較清新，清香中帶藥材味道，喝罷沒有口乾的感覺，沒有令人失望鹵友三寶麵($57)有金錢展、金錢肚和牛筋，牛內臟煮得夠淋，本身食材唔太重鹵水味， 所以亦吃得出原味，幾好食，選的是上海粗麵 ，這款粗麵比一般食開的更煙韌Q彈，有驚喜，所以也值得一試這裏也有自選麵類，三拼麵($52)， 豬肚、蘿蔔、豆腐， 豬肚真係超淋，蘿蔔豆腐正常，蘿蔔皮有少少渣， 跟手做爽脆米粉， 口感真的比一般更爽脆， 幾特別 這裏也有自家製陳皮冰糖燉檸檬( 跟餐半價)， 檸檬香很足，不過略嫌陳皮苦了一點…查看更多

今日同老友去咗銅鑼灣滷友記食晏…滷友三寶麵 $57三寶入面有金錢𦟌、牛筋同金錢肚，湯底同麵類可以自己選擇，我揀咗米粉，滷水湯底，嘩！米粉索晒啲湯汁超正呀😋連啲餸菜都滷得勁入味，金錢肚仲要好彈牙！唔錯！牛筋腩麻辣撈麵 $57一嚟到陣陣麻香味撲鼻，老友麵底揀咗粗麵，粗麵口感唔會過硬，牛筋腩軟腍，麻辣汁又唔會過辣，所似老友好快就食晒😏跟餐+$12（自家制飲品）蘋果雪梨雪耳鮮檸檬薏米水兩杯飲品都勁足料呀！夏天消暑飲就最啱💦…查看更多