滷友記 (加路連山道)

放工後上堂前成日都要苦惱有咩又好味又抵食嘅快食option，終於比我搵到啦！


約6:30pm到小店仲有好幾張枱，叫左推介嘅滷友三寶麵，揀左滷水湯同手造爽脆米粉。

話咁快就出爐而且賣相相當唔錯！一嚟緊係飲啖佢個滷水湯先啦～好香滷水味又唔會死鹹，再配爽身波紋米粉真係好滋味！三寶嘅金錢𦟌、金錢肚、牛筋都好高質，牛筋好滑滿滿骨膠原，金錢肚尤其爽身入味。順帶一提，小店嘅辣椒醬同酸辣醬都唔錯。

滷友三寶麵

$57

係我近排食過最好味嘅滷水湯麵，絕對會回頭，大推介！