豐鍋雞煲 (京瑞廣場1期)

营业中

休息中

天氣開始涼喇！心思思想打邊爐！喺公司附近搵到呢間豐鍋雞煲，岩晒收工即刻去打返個邊爐！！天氣咁凍當然要補補佢！所以我地叫左滋補螺片花膠雞煲 (HKD$218/半隻) ！ 所有料都係個湯滾左先落！入面超多蘿蔔！ 好正！店員話水滾落雞後8分鐘食得！D雞好鮮甜，肉質唔會鞋👍🏻 花膠好厚！🐂頂級雪花肥牛 （小）(HKD$118)打邊爐當然唔少得肥牛！呢個份量兩個人夠晒！呢度既肥牛比較厚切！食落淡淡牛肉味！又唔會太肥！🍡十優狀丸 (HKD$108)新鮮手打丸有晒咁多款選擇！有黑松露墨魚丸+蝦丸+墨魚丸+黑墨丸+餃魚丸！我就最鐘意食黑墨丸！好彈牙！🥟自家製鮮蝦木耳雲吞（8粒）(HKD$68)正！木耳爽口加埋蝦既鮮味！又係打邊爐必備！🧀即炸爆芝響鈴 ($43 ／3件)呢款響鈴我冇喺其他地方食過！好特別！放入湯度1秒就好喇🤣 咁先會KEEP到脆！🥬鮮淮山 (HKD$46)打邊爐食左咁多肉當然要食返個健康之選！ 雖然係一間小店，但食材用料同新鮮度都超乎預期！樣樣都好好味！！大家想打邊爐都可以過黎！！

好耐之前嚟過呢間石門豐鍋， 今日嚟「翻炒」，第一時間梗係揀個雞煲，有麻辣、螺片花膠、花雕藥膳和滋潤椰子可選，最後決定要每滋補螺片花膠試試看，我哋四個人就要全隻試吓，全雞份量果然好足，有六條花膠附上，一嚟就即刻放落煲滾熟佢先，雞件都幾好味，雞髀位都好滑，花膠雖然唔算好大條，不過都OK。食完雞就順便打邊爐，其實打邊爐來來去去都係牛肉、丸、菜之類，估唔到最令我深刻印象嘅係呢度嘅響鈴同埋炸魚皮。佢呢度嘅自創響鈴一定要試，可以揀爆芝、紫菜或者紫菜爆芝三款，識食梗係食紫菜爆芝啦！輕輕將響鈴一浸，就可以食到趣中大林嘅響鈴，裏面嘅紫菜加添響鈴嘅層次感，而芝士餡更加係升級好味！必定要試！另外嘅手工即炸魚皮， $48有三大塊，最長嗰塊有一隻前手臂咁長，實在太誇張！而且脆薄博嘅程度可媲美薯片！喜歡食魚皮嘅朋友切勿錯過。仲有一個頂級安格斯牛小排質量都好好，雖然$178份量唔算話好多，但係薄切易熟，保持到牛味又唔韌，好味！佢個手工四寶丸都好味㗎，有蝦丸加墨魚丸加黑麥丸加鯪魚丸，爽口彈牙，都係推介食品之一！打得邊路又冇理由淨係飲水㗎，所以我哋都叫咗幾杯飲品，同行人士叫咗凍檸樂同龍鳳檸樂，我哋研究過應該味道相若，只

阿女上次來「豐鍋」食過午餐後，表示很想來吃雞煲，所以今晚一家人來試吓。先叫咗一個「滋補螺片花膠雞煲」（半隻$188 ），雖則話係半隻雞，但我覺得都幾大隻，隻雞都尚算滑，個湯都幾好味，花膠都有好幾舊。食到咁上下就打邊爐，我哋叫咗一客「頂級安格斯牛小排」（ $178 ），份量唔少，而且雪花紋好靚，脂肪均勻，食落去都好鮮嫩。另外叫咗手工即炸脆魚皮（ $48 ），冇諗過係咁大塊，好驚喜！好脆而且好有味！阿仔不停再要！再要！另一驚喜係響鈴，佢有三款唔同響鈴，今次我哋揀咗即炸紫菜響鈴（ $38/3件），條響鈴都大條有紫菜夾住喺裏面，係幾有特色。至於「手工四寶丸」（$85）就有蝦丸、鯪魚丸、墨魚丸，同埋黑墨丸，全部人手打，仲放幾粒蟹籽喺面，食落好彈牙，好食！雜菜籃（ $68 ）有三款菜，全部都好新鮮、深綠色好靚。佢都有幾款特飲，我哋揀咗「大話七」（$32）同埋「水蜜桃梳打」（ $38 ），前者其實係七喜加話梅，話梅味唔算重，不過感覺好過淨係飲汽水，後者冇乜特別，幾好飲呀！