忠孝東路 (已結業)

聽到個名都諗起去台灣旅行嘅時光🥺幸好而家係香港都可以食到台灣菜，當止下癮啦，餐廳環境闊落，坐得都舒服👍🏻❣️Lunch set:忠孝牛肉湯麵配麻辣湯鴨血$78湯底尚算濃郁，反而麵質唔係我鍾意食嗰種，比較軟身，牛肉非常入味，好容易咬開👍🏻酸菜份量比較少，而麻辣鴨血較為結實，唔算軟滑，味道唔辣🤪❣️半價配飲品：寶島珍珠奶茶 $14珍珠奶茶茶味濃，珍珠煙韌❣️清酒海鮮湯麵 $138清酒味唔算濃，整個湯麵可以用清淡嚟形容，由於麵底同牛肉麵嗰個都係一樣，所以食食吓都用咗牛肉麵個湯底撈嚟食，海鮮算多而且都新鮮🦐🦑❣️滷水拼盤$128呢個適合俾有選擇困難症嘅我，咩都可以試下，牛展牛筋入味夠稔，鴨舌算大嚿，滷水豆腐外皮滷得入味，裏面仲係保持軟綿綿嘅感覺，流心蛋軟滑蛋味濃❣️招牌忠孝生果茶$38生果材料多，略嫌杯身太細，味道亦有啲甜好味度：8.5（10分滿分）環境舒服，嘢食都算高質，但係單點美食價錢有啲貴，反而推介lunch set，價錢同份量成正比，大家得閒都可以去試吓😋…查看更多

清酒海鮮湯麵: 呢個不錯, 份量好大, 好多海鮮, 有點點清酒香。 怪味雞:第一次食, 所以唔清楚一般係咩味, 覺得係正常 炸雞, haha.干扁四季豆: 都幾惹味。台式香酥炸蝦卷: 呢個好味, 好脆又有蝦味。肉燥麵: 太肚餓關係, 未影相已經食緊, 味道都ok的。…查看更多

我揀咗呢間平時放lunch都間中會同同事去食嘅忠孝東路，lunch價錢就比較抵，晚市食嘅話就要$100至$150一位左右啦～忠孝蚵仔煎 （$55）蚵仔煎嘅份量都對得住個價錢，而且入面嘅蠔仔好多。食開打冷炸蠔餅嘅我覺得咁食呢個柯仔煎就比較淡味，不過反而可以令蠔嘅鮮味更突出，配埋好味嘅醬嘅話就甜甜哋，更好味！忠孝牛肉湯麵 （$73）牛肉湯麵睇落好似比較細碗咁，其實食落都幾飽吓！麵質煙煙韌韌咁幾好，而且牛肉嘅份量竟然比佢餐牌上幅圖仲要多😆👍🏻清酒海鮮湯麵 （$138）清酒味非常突出，鍾意清酒煮蜆嘅朋友一定大愛呢個麵，因為佢有成十幾廿隻蜆！仲有兩隻大蝦同一啲墨魚圈添！不過我最愛都係個流心嘅溏心蛋😝…查看更多

好耐冇見啲朋友啦，朋友平時喺iSquare收工。今日我就專程黎咗呢到呢間喺iSquare3樓嘅台灣嘢，叫忠孝東路。呢間餐廳喺iSquare入面都算幾抵食。-🍶🦐 清酒海鮮湯麵 （$138）個清酒海鮮湯麵真係超大個！個碗口好大，然後成個面都舖滿曬海鮮，有超多蜆、蝦、墨魚，仲有溏心蛋🤤 溏心蛋真係好流心、好好味。麵嘅份量都好多🤪-🥓🍜 忠孝牛肉湯麵 （$73）牛肉湯麵冇其他咁重味精味，而且麵質好彈牙，個麵質好讚👍🏻 而個牛肉係牛𦟌黎，每塊都好厚😍-🦪🌮 忠孝蚵仔煎 （$55）蚵仔煎好精緻，見到入面好多蠔仔，上面又有好多香菜，而且個類似甜不辣醬都好好味🥰-總結呢間台灣餐廳環境好乾淨好靚，枱與枱之間嘅距離好夠，而且店員嘅服務態度都好好。食物算係中上同真材實料，價錢喺呢個地段黎講都算抵食😋-地址：尖沙咀彌敦道63號國際廣場3樓306號舖…查看更多

一家人食飯，係尖沙咀唔知食咩好醒起好耐之前去isquare睇戲果陣有間新開既台灣菜一入門口就見到有一種味道叫快樂既掛牆燈飾呢一句深深印在腦海中4個人所以叫左個2人餐加2個餸同2埋1個麵其實2人餐都唔少野食如果好細食既話其實分分鐘夠4人食添先上頭盤 花雕鮑魚 同 怪味雞食落口有花雕味有但唔會搶過鮑魚既鮮味怪味雞類似於鹽酥雞淋係上面既醬酸酸甜甜特別開胃滷水拼盤叫果陣冇特別睇餐牌諗住食台灣野點都要叫番個滷水黎到之後先有d後悔因為有人唔食牛但拼盤有牛腱同牛筋除左雙牛之外還有蛋，豆腐，鴨舌比起其他台灣餐廳既拼盤可以話係與眾不同滷得入味但唔會過咸份量好大份海蝦柚子蘋果醋伴沙律海蝦大隻鮮甜柚子清新但唔係好食到蘋果醋反以伴碟既千島醬仲好食二人餐的永和鮮蚵豆腐清甜，但蚵仔有點腥清酒海鮮湯麵另外點的海鮮好多4人食每人都分到一大碗但麻麻地用清酒黎煮面唔算難食但唔習慣鳳梨黑醋排骨超好食，強烈推薦酸甜適中，肉多骨少每舊都充分吸收果醬汁食完一舊陣一舊停唔到口好快就清左二人餐既海蝦炒飯海蝦炸得剛好份量終於似番2人份量跟餐既萬巒豬手炆得好腍但個人認為咸左d加上前面其實都食左好多野飽飽地 會有d膩櫻花蝦爆炒包心菜最後先上到其實已經好飽唔係好食到家人話有辣同埋咸左少少其實二人餐仲有個甜品係芋圓因為太吸引熱辣辣既芋圓點上花生碎及黑糖味道一流芋圓係番薯，芝麻，紅豆味一口氣就食完唔記得左影相…查看更多