十三少 (已結業)

一大班人一齊去食最開心😃因為可以叫好多嘢食 樣樣都試我地八個人（包括兩個小朋友）叫咗十幾樣嘢 最後食唔晒要包走間餐廳個入口係怪怪地嘅好似人哋啲後門咁一出𨋢見到個靚靚招牌先知冇搵錯八個人只可坐長檯因為冇咁大張圓檯涼拌土豆絲有少少辣味 酸酸地咁尖椒皮蛋好似人人都叫又真係幾好食雞絲粉皮麻醬味好香 好味涼拌窩筍都係酸酸地如果重麻油味少啲酸可能更正椒鹽九肚魚外脆內軟主菜係酸菜魚 叫咗個大嘅原來普通已經好大 所以冇咩事叫普通就得寛粉再加錢 order咗但師傅忘記咗加最後減返錢 但變咗唔夠完美水煮魚配料比較少 只有芽菜同寛粉如果有其他配料如窩筍 菇 之類會更好四季豆為咗小朋友叫咗唔辣 味道OK上海粗炒非常受小朋友歡迎蒜蓉海鮮炒飯因為太飽食唔落包走咗第二日食乾鍋自己揀配料（最少五款）好好味😋 如果水煮魚同乾鍋二選一我會揀乾鍋

三人行，有小朋友又想食川菜真係要揀一間好舒適嘅餐廳。旺角比較多選擇，但都比較多人迫。今日去啟德公園玩完，正好經過見到呢間樓上舖就試一試。一入去，坐位的確寬敞，筷子架用左花生，好特別，小朋友玩左一陣，小食有炸粟米又好特別，小朋友都忍唔住不停食。前菜：涼拌土豆絲爽脆，帶少少辣，好適合夏天食主食：十三少酸菜魚好大兜，好足料，三個人都食唔曬，仲有萵筍，朋友非常滿意，配埋白飯變酸菜魚湯飯好開胃，小朋友都食得小菜： 乾煸四季豆我好欣賞依道菜，鑊氣十足，有少少脆，但無燶，味道岩岩好，唔太咸，配飯一流甜品：紅糖糍粑比較少喺街食到既甜品，QQ的，配上獨特溶咗嘅紅糖，小朋友都岩食望住日落一邊食飯，感覺好寫意，滿足嘅一餐

十三少以四川菜為主，之前已經試過堅尼地城分店，最令我印象深刻既地方係餐廳古色古香既裝潢同二人超抵套餐！最近十三少係啟德開咗新分店，裝潢十分簡約，面積頗大充滿空間感。餐廳採用落地玻璃，光線十足。不過餐廳旁邊進行中既工程，景色欠奉。2人超抵套餐只需要$348，今次試左上次無叫嘅菜式。落完單之後職員送上一個免費小食，就係涼拌土豆絲，口感清脆，酸酸辣辣非常開胃。- 蒜泥青瓜青瓜爽脆，配上大量蒜泥令我食唔停口。- 水煮魚賣相非常「恐怖」，成碟都係辣椒🌶️。魚片份量好足料，口感嫩滑。辣味唔算太透徹，滲透唔到魚肉入面，不過足以令我飲咗兩杯可樂🤣。另外入面嘅萵筍同芽菜非常索汁，夠曬惹味😋- 麻婆豆腐辣度勁過水煮魚，豆腐切得比較大粒，口感滑溜，佐飯一流。- 紅糖糍粑糯米經過油鍋一炸，外層呈金黃色，煙韌之中帶酥脆口感，配上黑糖汁超正👍🏻

近年麻辣美食大行其道🔥，要喺芸芸川菜餐廳中突圍而出確實不易新派川菜餐廳「十三少」，不論食物或裝修都費盡心思，令人印象深刻☺️.一入門口，已經被招牌霓虹燈吸引住，非常耀眼🤩店內空間廣闊，以日式簡約風設計，一排落地玻璃令室內明亮非常✨有幸被安排靠窗卡位，望住啟德外圍食飯，心情都開朗啲😆.午市二人套餐👯‍♀️💰348加一.🍴涼拌土豆絲🥔作為前菜當然就係要令人挑起食慾，呢道菜完全達到❗️土豆絲口感夾脆，味道酸酸辣辣👨🏻‍🍳烹調時加入蒜蓉，提升香味，非常惹味😋.🌟🍴十三少酸菜魚🐟作為餐廳招牌菜，果然無令人失望😍一上菜都呆咗，估唔到咁大盆🤭湯頭濃香，酸、麻、辣味恰到好處，油潤但不膩🤤酸菜魚灑上菊花，令湯頭帶點淡淡的菊花花香味🌼鱸魚嫩滑🐟，食落好有鮮味配料亦非常豐富，有萵筍、蘿蔔片、乾菇值得一提，酸菜非常爽口又濃味😙出於好奇下問侍應，原來餐廳用咗老壇酸菜+潮汕酸菜😲所以可以做到酸味、口感兩者兼顧👅.🍴麻婆豆腐🌶正宗麻婆豆腐，又麻又辣🤣叫之前真係有心理準備，佢嘅口味唔係港式麻婆豆腐，唔會有偏甜嘅感覺鍾意食麻辣嘅朋友仔啱晒你相反食唔到辣嘅朋友仔就唔好叫啦😅.🌟🍴紅糖糍粑💰$28（跟餐）見$28咁平就試吓佢，足