鴨大哥 (時代廣場)

終於去咗銅鑼灣時代廣場嘅「鴨大哥」試食啦～呢間係廚魔搞嘅粵菜館，仲加入咗「少鹽少糖食店計劃」，食得健康又好味，一定要同大家分享下我試嘅菜式～🍽️食咗咩：1.北京烤鴨：鴨皮燒到油亮酥脆，咬落「咔嚓」聲好治癒，鴨肉嫩到出汁，同薄餅一齊卷，經典味真係無得彈～2.梅子荔芋鴨煲：鴨肉炆到一夾就散，梅子嘅酸甜、荔芋嘅綿密全部融喺濃稠醬汁入面，每一啖肉都掛住醬，撈飯簡直絕配，默默食多半碗飯～3.荔枝山楂咕嚕肉：塊肉外層脆卜卜，裏面又嫩，醬汁酸甜得嚟仲有荔枝嘅清甜同山楂嘅微酸，仲有彩椒同蝦仁墊底，口感好豐富～4.欖菜肉碎炒秋葵：秋葵保持住脆嫩，欖菜同肉碎嘅鹹香滲晒入秋葵度，夠晒鑊氣又清爽～5.五柳鴨絲炆鴛鴦米粉：米粉吸晒醬汁，軟滑得嚟又有咬口，鴨絲好嫩，配五柳菜嘅酸甜，食到停唔到口～6.海鮮鴨湯泡飯：湯頭奶白濃郁，鴨香同海鮮鮮味夾埋一齊，泡飯食暖笠笠，好夠飽足感～7.黑白木耳剁椒蒸龍躉腩：龍躉腩肉好實淨彈牙，剁椒嘅鮮辣包住木耳嘅爽脆，蒸得啱啱好，鮮味全部鎖喺肉入面～間店環境幾雅致，服務都好貼心，人均大概101 - 200港幣，約朋友或者屋企人食飯都好適合～鍾意粵式創意料理又想食得健康啲嘅朋友，真心可以試！#香港美食 #銅鑼灣美食 #香港探店 #粵菜 #北京烤鴨 #少鹽少糖 #廚魔 #時代廣場美食…查看更多

一家人慶祝呀妹生日，就試下食依間扁皮鴨 😋book左8pm但去到都要等一陣先有位全晚感覺到員工太少，唔足夠應付全場既人🧐落單會有落漏/等好耐先有人幫你ಠ_ಠ🐤陳醋海蜇 $128口感彈牙，味道好濃醋味，超開胃👍🏽加埋有大量蝦米吊味，好食😋🐤南翔小籠包 $68一嚟到見到好扁就覺得一般，夾起無話好多湯食落去入面肉較少，不推薦😶🐤北京烤鴨 $590/一隻主角！我地5個人食一隻覺得岩岩好！切左一大半係連肉，另外有D就只有皮個鴨皮都烤得好脆，食落唔太膩，所以可以食多幾片🤩薄餅皮重有個蒸盤熱住，非常貼心💖🐤海鮮鴨湯泡飯 $218依個必食！個湯好味之餘重好足料🤪每一啖都有食左鴨肉絲同埋蝦泡飯重可以加埋脆米食，成煲都食哂(˶‾᷄ ⁻̫ ‾᷅˵)🐤薑蔥班球 $280滿足想食魚肉又怕多骨既朋友，有好多大片既魚肉👍🏽薑蔥味道就預左比較重味，有好多不同種類既菇🐤鴨大哥砂鍋炒飯 $198炒飯都好不錯，岩岩嚟到係超熱出哂煙🍲材料應該同泡飯差唔多，但炒飯就食到獲氣，夠哂香🤩🐤黃金蝦 $198超大舊蝦肉，彈牙爽口，略嫌唔夠咸蛋黃香😀🐤蓮蓉壽桃包 $58依個係要預訂，三個三個咁計唔係超大個個款，不過入面都有咸蛋黃😋包都鬆軟同埋蓮蓉夠香，慶祝生日可以叫🥳🐤養顏棗皇糕 $42我地叫個陣咖啡糕已經賣哂ಥ_ಥ可惜叫左棗皇糕試下，味道好香紅棗味但口感一般，外層係軟糯，但咬到入面有D粉😣…查看更多

最近突然又愛上片皮鴨朋友推介之下嘗試了鴨大哥的確是近來嘗試過幾間之中最高質的一間而且有coupon的情況下超級抵食不過人手似乎不是很夠每次想叫人都要等一下才有人經過雖然只有三個人仍然叫了全隻片皮鴨鴨皮十分香脆 充滿油香而鴨肉部份也不會鞋和硬 咬落去還有肉汁十分推介配料方面比正常多了芝麻醬和紅糖但我認為簡簡單單的蔥絲加青瓜配甜麵醬已經足夠了而他的皮上枱時有蠟燭放蒸籠下面保溫不過其實由於他的皮非常薄在包的時候幾秒就凍了保溫的用處好像不大😂😂不過我十分喜歡他的煙韌口感平時菠蘿咕嚕肉就食得多用荔枝做的真是第一次嘗試味道比想像中好 酸酸甜甜聽人介紹必定要嘗試的海鮮鴨湯泡飯湯底十分鮮甜並且充滿鴨香記得脆米要食之前先加…查看更多

唔經唔覺去北京實習已經係五年前嘅事啦，難得去北京40日，當然要食勻北京出名嘅美食🤤當然要有個地膽人帶我地去食先知道有啲咩係正宗嘅😋所以去到北京，一定要食一食當地嘅北京烤鴨；雖然鴨大哥嘅烤鴨食法同北京有少少唔同，但係佢嘅味道可以講係我係香港暫時食過嘅烤鴨之中，係好食😍😍 重點係啲鴨唔會好大陣’蘇‘味😋😋 香脆嘅皮，帶有肥美又豐富的鴨肉🥰配上大蔥絲、黃瓜絲、甜麵醬，再用薄餅卷著食用，如果有埋無皮嘅橙肉或者哈密瓜肉咁就更加好啦，係會提升成哥烤鴨嘅層次感😚 而且配料及薄餅都可以任㗎，不過佢哋上配料嘅速度真係有啲慢😂*溫馨提示，如果要食嘅話呢，四個人叫一隻鴨只係啱啱好，少食多滋味😇除咗叫烤鴨之外，我哋都叫咗其他嘢食，包括：⭐️海鮮鴨湯泡飯 💰$218食落去有好香濃嘅鴨湯味，入邊有好多鴨肉鴨皮，嘅而且每一粒飯都浸得好軟熟😚都值得推薦成日食👍🏻⭐️黃金脆奶炒蝦仁 💰$188呢一道菜有少少特別，應該係兩樣餸合併埋一齊，黃金脆奶還脆奶，而炒蝦仁只係放喺黃金脆奶嘅旁邊，但我想講佢嘅黃金脆奶都幾好食😂外脆內有香甜嘅牛奶糕😍而蝦仁都特別爽口，但有少少上湯嘅味道🍼🥛🦐🍤😬⭐️蒜子上湯時菜 💰$108唔好睇小個名咁簡單個價錢咁貴，其實個菜又俾佢煮得幾好食😂香濃嘅上湯又唔會太鹹，而今次嘅時菜係豆苗，上湯配豆苗都幾好食🥬🥬⭐️人蔘烏龍茶 👍🏻我冇諗過呢一間餐廳會有人蔘烏龍茶飲，人蔘烏龍茶啱晒一啲體質比較寒涼嘅人，品嚐後唇齒留香，回味無窮，可以講係我試過咁多隻茶裏面，係我比較喜歡嘅茶之一🫖🫖⭐️北京烤鴨 💰$588四個人叫一隻鴨只係啱啱好😁😃😀😆…查看更多

星期六下午兩點，Walk-in拎位，等咗一陣就入得喇。但餐廳3點落場，所以要食快啲！今日只係同朋友兩人一齊嚟食，所以只係叫咗半隻鴨同埋一個鴨肉泡飯。烤鴨比想像中快上菜，落單後十分鐘內已經上枱，而餅皮有個酒精燈熱著，十分細心。鴨肉份量都幾足，兩個人食夠哂，餅皮好有咬口，味道唔錯。配料唔夠，例如青瓜、京蔥絲，可以叫Waitress refill。而海鮮鴨湯泡飯好足料，啖啖都係鴨肉、蝦仁同埋帶子，再配上脆米（有一大兜！），口感好豐富！整體嚟講唔錯，有Coupon就更加抵食！用咗coupon埋單先三百幾！…查看更多

早就聽聞鼎鼎大名嘅三星廚魔喺時代廣場開咗間中餐廳「鴨大哥」，碰巧早前於商場購物後獲贈多張餐飲券適用於該店，眼見九月就到期，所以就立即相約大食會一齊去試一試。店子門面光鮮企理，最搶眼就係候座區身後嘅巨鴨公仔。入座時，叔叔先提及用餐時間限定約九十分鐘，接待處其實亦有告示清楚說明。用餐大堂開揚通爽，當中以厚墊嘅梳化位最為舒適，唯一滿座時難免會覺得嘈吵。多頁中英對照嘅餐牌內附彩圖參考，其中飲品項目共有四頁。有餐飲券墊底，六人最終決定棄選套餐，並從十頁散點項目揀咗啲招牌菜黎試。北京烤鴨（$548/隻）：新鮮出爐嘅原隻烤鴨好似選美咁先繞轉盤一周展示一吓實力！服務生隨即於旁邊熟巧地片出厚薄均勻嘅鴨肉。烤鴨皮層香脆有光澤，肉質鬆軟唔嚡口，鎮店菜式果然有料到！溫馨提示，六至八人點一隻烤鴨嘅份量應該最理想。伴配嘅薄餅皮有燭光座熱，薄身得黎夠暖手。其餘嘅海鮮醬、青瓜、蔥絲等配料以兩碟拼盤呈上，量足又衛生。葡式鴨崧（$108）：烤鴨二道嘅葡式鴨崧已預先用生菜包成六件鮮亮整齊嘅鴨崧生菜包，包品外脆內軟潤，極易入口，當中嘅葡汁調味芳香醒神，同個鴨味好夾。荔枝山楂咕嚕肉（$168）：咕嚕肉本身個半肥瘦豬肉夠爽口，而且炸得夠脆皮，混以荔枝同山楂炒製，咕嚕肉黏上嘅果香尤其甜濃討好。和牛叉燒（$188）：唔知係咪受到限聚令嘅等級制影響呢，餸菜嘅例牌份量大多都係半打半打咁計，$188客嘅和牛叉燒都一樣。煮至三、四成熟嘅和牛鬆爽多汁，好似西餐咁配上原隻烤蒜頭，粒粒惹味脆口，組合滋味得很。魚腐野菌浸娃娃菜（$138）：娃娃菜清甜軟嫩，連同脆潤嘅野菌及爽腍嘅魚腐煲煮即能提升菜式嘅鮮味同口感。梅子荔芋鴨煲（$178）：以砂鍋呈上嘅鴨煲熱力十足，主角鴨肉軟腍甜美，梅子嘅微酸令其味道濃而不膩，皮層又夠滑溜，配角芋頭亦粉嫩入味。海鮮鴨湯泡飯（$198）：泡飯好有文化地湯湯同脆米分開上。嘻嘻，懶人一族當然係一次過落哂啲脆米落啲湯度啦！意外地，暖胃嘅湯底甜濃得黎一啲都唔羶，海鮮嘅鮮甜同個鴨味互相輝映，！蒜子上湯時菜（$108）：時令莧菜翠綠幼嫩，於香濃嘅上湯混入蒜子及杞子粒足以為正菜添上鮮甜。藍山咖啡糕（$36）：厚潤微甜嘅咖啡糕層次分明，個人只係略嫌甜品嘅咖啡味唔夠濃郁，或許唔用藍山咖啡其效果可更佳？！廚魔創辦嘅「鴨大哥」屬商場餐廳，開揚嘅大堂雖比較嘈雜，服務生更加係忙個不停，幸好招牌烤鴨及精選小菜質高美味，每人平均消費二百幾蚊黎講絕對可以接受。…查看更多

同朋友嚟食lunch，店名叫「鴨大哥」，梗要叫份招牌片皮鴨試下🦆餅皮夠薄，冇臭麵粉味；有火爐暖住，每塊有隔紙唔會黐埋一堆👌🏻鴨皮鬆脆、肉嫩；肉、肥膏比例好，有鴨香、夠油潤，好好食😋👍🏻另外叫咗海鮮鴨湯泡飯，湯有少少藥材味，配脆米食有口感，份量多、足料，唔錯👍🏻至於點心就一般，勝在唔係迷你size，及定價唔進取(銅鑼灣區計)👀🙌🏻 服務一般，好明顯唔夠人手，想加熱水舉手五分鐘都冇人得閒理我😅結論係點心就唔建議了，想食北京填鴨嘅不妨一試🦆👌🏻…查看更多

又係另一個時代廣場用卷食飯之夜。今次揀左間未食過既鴨大哥，間店鋪唔係拎飛仔，係人肉排隊等位。其實排隊等位都唔錯，你眼見前面有幾多人 ，就預到你要排幾耐，同埋有客人願意去等位排隊嘅餐廳，應該唔會伏得去邊。排咗大概15分鐘就入到去坐。睇咗個餐牌有廚師精選，就揀咗個鴨湯泡飯。上到黎果陣又幾驚喜，一來係好大盤，兩來佢個脆米係分開上。好快又上埋個雜菜粉絲煲又係大大盤， 心諗大獲，仲有個羊肉未上，今次叫太多野食。好彩果羊又唔算多，係切好kmm粒粒，似平時既羊肉串，兩串份量甘。個泡飯同個鴨湯真係好夾，再加埋可以另外落脆米，成個口感配得好好，唔錯，不枉我排隊去食佢XD不過張台就好細，放完鴨泡飯同粉絲煲，基本上都無乜位淨甘濟。…查看更多

一家人嚟鴨大哥午膳，店內裝修一般，平實到連枱布都冇，價錢亦相當親民，係性價比相當高嘅餐廳。點心嘅選擇亦算多，味道相當扎實(但蝦餃普普通通)，燒賣牛肉鳳爪棉花雞都唔錯。Noise唔講唔知，原來呢間餐廳係厨魔Alvin Leung旗下嘅中式餐廳，但冇整蠱做怪，由裏到外，相當平實可人。北京烤鴨半隻258元，份量亦相當多。一般烤鴨店只著重鴨皮，鴨肉變得可有可無，而鴨大哥嘅烤鴨鴨肉做到嫩滑入味，整體毫不油膩，一定唔會食到滿口油，當然要追求「大董烤鴨」油香四溢嘅烤鴨顧客就會嫌唔夠滿足，不過以香港人嘅口味應該合格有餘。海鮮鴨湯泡飯，材料十足，味道層次豐富，值得推薦，另上嘅一兜脆米有畫龍點睛之效。墨西哥牛奶叉燒包，係一般本地麵包店墨西哥crossover叉燒包，賣相唔算好，但餡料分量十足，味道不錯。…查看更多

耐唔耐就好想食片皮鴨 今次搵到除美中鴨子以外嘅餐廳 有得book位唔洗排隊👏🏻👏🏻-🔸北京烤鴨(半隻) $228🔸片皮鴨份量適中 岩哂兩個人食 🤤 味道雖然無話特別好驚喜 但係屬於正常水準👍🏻 要讚嘅位係啲皮係有火暖住等佢唔會咁快變硬 值得一讚！-🔸海鮮鴨湯泡飯 $158🔸呢個真係好有驚喜 脆米同湯會分開上 然後將脆米倒入湯中 伴住黎食 有脆脆同海鮮柔軟嘅口感 十分特別 湯入面仲有鴨皮鴨肉切絲 勁有鴨香味 仲有爽口蝦 勁開胃 食到停唔到口 係必點呀❗️👅…查看更多

今日食鴨大哥午餐，成十個人食。嗌餸都唔洗就住就住🤣🤣海鮮鴨湯泡飯好好味囉呢個🥰🥰超濃味既鴨湯 再加上粒粒分明既米，食一碗真係唔夠。荔枝山楂咕嚕肉黑椒藕仔炒和牛粒和牛粒好滑 黑椒味夠重荔枝山楂咕嚕肉個荔枝超好味😂咕嚕肉唔肥 岩岩炸起熱辣辣👍🏻廚魔黑松露XO醬龍蝦粉絲煲嘩！呢個不得了，黑松露啲味入晒落啲粉絲度，龍蝦肉又多！抵食金銀蒜子莧菜正常水平仲有無影到既北京烤鴨 一隻、乾燒野菌伊麵、蟹子燒賣、干蒸牛肉燒賣。反而出名既烤鴨無咁出色，肉質有啲鞋個皮唔夠脆。加上無正常食開既甜麵醬有啲失色。燒賣點心唔多掂，可以不試。…查看更多

「廚魔」係TimeSquare開親民價餐廳，朋友提議到鴨大哥一試喱間餐廳主打烤鴨～動用乾式熟成+慢煮+快焗，i.e. 必食嘅signature慢煮原隻烤鴨～先熟成後慢煮確實令鴨皮脆肉juicy，用帶有橙味嘅包同醬平衡油膩感，效果唔明顯！實在油到一個點，只能話唔係我杯茶雲南黑土豬叉燒～厚切半肥瘦叉燒，帶少少燶邊焦脆，肉質軟焾，咬落去滿口油香但又不帶油膩感海鮮鴨湯泡飯～以大量鴨骨熬製成鮮濃湯頭，加上白飯、炸脆米、海鮮，想唔好食都難原味炒鴨崧～帶微辣炒鴨崧配生菜包，一定要襯熱食滷水鴨舌海蜇頭配川椒青醬～份量少咗啲，鴨舌亦細咗啲，但海蜇頭撈上川椒醬則微辣醒胃…查看更多

鴨大哥。之前前一手鋪頭叫雲揚 。食辣。好正。但執左。 轉咗做鴨大哥。 上次經過見到已經想試。 因為都幾鍾意食北京填鴨。點知上次冇定位，冇枱。好似終於試到喇。今次坐唔滿喎。唔使訂枱都有位錯。想食黃金脆奶炒蝦仁。 朋友話今日熱氣所以話下次先啦。但唔知點解熱氣又可以食填鴨喎。。。。叫左。一、海鮮烤鴨泡飯。好食。個湯好鮮甜。飯有脆口。同之前響名館(希慎)食過嘅有啲似。好開胃。因為得兩個人食所以我自己食咗四碗。二、北京烤鴨。我自己覺得都幾好食。雖然同朋友都覺得佢未必係最出色嘅北京烤鴨。但我非常之欣賞，俾客人用黎夾鴨嘅嗰塊皮。佢俾咗好多塊。夠晒食。同埋好細心。每塊皮同皮之間都有一張紙隔住。變咗會容易拎。 三、蜆蚧唐生菜呢個就真係麻麻。百幾蚊。食釀唐生菜。加幾粒蜆。千祈唔好叫。本人亦會建議餐廳可以將呢個菜式刪除。我很提議係因為我覺得呢間餐廳都不錯。希望佢可以做好啲。整體來講我覺得呢間餐廳都幾好。始終環境係舒服嘅。食完覺得個人輕鬆咗。個胃都滿足到。可以黎試一試。Tips:一定要食個泡飯呀。👉🏻👈🏻如果可以平少少就完美喇。😏…查看更多

這個星期已經是第二次食鴨了，初三剛吃過元朗的滷水鴨，今晚忍不住又走去吃全鴨宴（其實只有兩個餸）😂說穿了是因為‘鴨大哥’這個店名及門口的得意大鴨而想蠢蠢欲試這間餐廳！可惜上一次已經滿座。今次提前預定座位，結果滿意而歸☺️☺️！👄北京烤鴨ᴴᴷ$228(半隻)味道：🌟🌟🌟🌟🌟爆燈原因是鴨皮香脆鬆化，帶薄薄一層油脂，令味道更油潤；夾上四色配料和淡淡甜酸烤醬能起點睛之用，更能突出鴨味香濃，同時帶點清新（蘿蔔、青瓜）和清甜（蜜瓜），味道更有層次感。另外，薄餅皮真的非常薄，但又有嚼勁；放在蒸籠中，下面有蠟燭暖著，就算天氣凍，皮都是暖暖的；每一塊薄餅中間都隔著一張紙，可以避免皮與皮痴住，把所有材料放入配備的薄餅皮內卷起來進食，讚👍🏻！吃得停不了口！鴨皮下面鋪滿鴨肉，本以為主角鴨皮好味，鴨肉只是配角不值一提，結果肉質一點不’粗鞋‘，肉味香濃，不錯吃喔！半隻鴨的鴨皮跟肉已經很多。四色配料，尤愛蜜瓜，它和鹹酥的鴨皮鴨肉意想不到的相配呢！一層薄餅皮，一層牛油汁，還有蠟燭🕯️熱著，很 貼心的設計。👄海鮮鴨湯泡飯ᴴᴷ$168味道：🌟🌟🌟🌟侍應端上一黑砂鍋，還未走到我們的桌子，已經香氣撲鼻了。p甫放上桌上，侍應就將一些如米粒大小的東西放入煲滾的鴨湯裡面！發出輕輕沙沙聲呢！一問之下，才知道這些是炸米。香脆的炸米配上軟綿的泡飯，口感很不錯！湯底有香濃的鴨味，配料也不馬虎，有蝦、冬菇片、鴨皮、鴨肉等，味道更鮮甜濃郁呢！黃金色的海鮮鴨湯泡飯，食完個人暖笠笠。滿足！…查看更多

廚魔今個星期又開咗一間新嘅餐廳，呢一次係挑戰烤鴨， 所以我哋急不及待去試下。 餐廳 喺銅鑼灣時代廣場10樓。 地方都好寬敞，喺報紙介紹佢有一隻慢煮烤鴨，但係估唔到要預先訂嘅，所以迫於無奈同朋友只有叫咗普通嘅 北京烤鴨。 叫咗以下嘅食物:半分嘅北京烤鴨二食加法式炒鴨鬆。 半份烤鴨 大約每個人可以食到三塊， 烤鴨皮都好脆 ，唔係好油，不過我自問喺其他地方食過更好嘅烤鴨，所以更加期待下次叫佢哋嗰個招牌慢烤烤鴨。 法式炒鴨鬆出乎意料地好食因為有鴨肝非常嘢味， 值得推介！半分叉燒。 叉燒係厚切，每個人大約有兩舊，肉質鬆化，唔係全瘦，味道唔錯!海鮮鴨湯泡飯。 有好重嘅鴨湯鮮味，加上有蝦肉粒，小小芫茜，泡飯軟硬適中，唔錯！馬拉盞芥蘭炒豚肉。 炒得幾有鑊氣，芥蘭亦都好新鮮好嫩，水準唔錯嘅一個小炒。另外叫咗甜品， 藍山咖啡糕。(呢個甜品反而普普通通冇乜特別)楊之甘露，同芋頭西米露。(呢兩款雖然份量唔多但係，味道唔錯！)總括嚟講， 廚魔開嘅餐廳 ，水準都有番咁上下， 今次亦都冇例外， 但係可能因為啱啱開張，service 有啲混亂，同埋啲侍應唔係好清楚一啲基本嘅安排， 連部長都承認有啲踢曬腳。 要提醒大家，真係要order定佢哋嘅招牌烤鴨 因為每日限量發售。四個人埋單都未到一千蚊，個人覺得都好抵食 而且食物水準好高！期待下一次再嚟 encore 佢嗰隻招牌慢烤烤鴨！…查看更多