蠔灣 (水星街)

23年最後一個工作日收爐緊係要食好啲獎勵下自己嘅🤭今次揀咗想食蠔🤤經朋友介紹嚟咗天后依家店～地點都算幾方便 距離地鐵站又唔係好遠。 佢哋嘅蠔大多數以法國蠔為主打嘅，選擇都唔少而我哋就嗌咗當中5款唔同國家品種嘅蠔🦪Masse No.2 ,Krystale No.2 ,Cocollos No.0, Pinky No.0 同Gillardeau No.0 . 5款入面個人比較鍾意Cocollos 同 Gillardeau嘅，因為蠔味清甜同海水味都幾平均而且又夠爽脆口感🥰🥰唔會勁Creamy，後者嘅aftertaste 耐啲～ 雖說依5款其實都各有各好味🤤 蠔盤落枱後店員仲好用心同我哋介紹食蠔嘅次序，大致由淡口到濃咁食。蠔係即嗌即開嘅清得好乾淨，蠔味滿滿富有海水味、有不同程度嘅爽甜～ 佢哋除咗啱啱空運返嚟嘅蠔仲有加拿大海膽同赤貝又點可以唔嗌埋呢～而海膽仲跟咗紫菜比你多一種食法🥰 海膽一板5行仲要有2層🤤勁飽滿仲要鮮味十足，無論就咁食定包紫菜多一份層次嘅味都好好味。赤貝同樣好新鮮清甜爽口🥰🥰🥰 甚有貝味～ 除咗海產我哋仲嗌咗龍蝦忌廉意粉同清酒蒜蓉煮活蜆湯❣️ 個龍蝦忌廉意粉 忌廉超香又creamy 而且有粒粒pepper 調味多一種口感👍好好味 而且龍蝦肉好多仲貼心地剝咗殼啖啖肉❤️❤️我覺得依個係必試item嚟🤭 蒜蓉煮活蜆湯有牛油同清酒香味，有蒜蓉、芹菜粒同洋蔥粒又香又甜 蜆肉亦新鮮大大粒 天氣凍凍地，飲完成個人都暖哂🤤🤤 我個人覺得係食得出用心製作嘅餐廳 不過小店工作人手唔係特別多 想食好嘢比少少耐性時間喔 ～等候上菜時間我覺得係可以接受嘅 餐廳雖小但我覺得好啱情侶拍拖食飯 同 朋友慶祝 ～ 食完嘢仲可以去埋附近嘅炮台山海濱公園散個步曬個月光 睇吓狗仔 吹吓海風咁 消化下幾好🥰 唔係好遠行過去都係3-5分鐘。 …查看更多

💖 蠔灣 (水星街) (天后)✨天后水星街28號耀星華庭地下1號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️我有個朋友好鍾意食生蠔，所以佢話生日一定要喺呢度慶祝😂冇辦法啦，唯有豪一次！因為係我心目中食蠔應該會好貴😵‍💫點知呢度又ok喎-生蠔拼盤🦪我哋落單冇幾耐職員就將呢個銀色假放喺我哋面前初頭都唔知係裝啲咩🤣誰不知原來係放呢個生蠔拼盤。下面係可以擺蠔殼嘅。至於生蠔我哋都揀咗幾款，價錢唔貴㗎！可以話係平民價食好西！餐廳職員建議我哋跟次序由比較淡味食到比較鹹嘅👍🏻果然呢個推介真係冇錯！❤️Tia Maraa Pearl $36Cocollos No.2 $43Josephine $44Speciales de claire $42Gillardeau No.2 $48我覺得佢哋唔算好肥大肉厚，但係真係非常鮮美。-北海道活赤貝🐚 $78好新鮮好大隻嘅赤貝，如果我男朋友見到佢一定成粒自己食晒🤣好彩今日係同芯媽黎🤭如果唔係我食都冇得食😩好爽口啊個赤貝‼️-加拿大海膽🪨 $288呢個海膽好Creamy，一啲都唔苦，仲有淡淡甜味，佢哋嘅紫菜唔係普通嘅主菜係用返有鹽嘅薄紫菜，更加能夠提升鮮味。-龍蝦忌廉意粉🦞 $198呢個意粉又唔算太貴！我一條扁意粉都可以掛汁！忌廉味重，好滑身😎，整得幾好，又唔會話食到最後覺得好肥膩，感覺都OK ！龍蝦肉嘅份量都幾多，仲有少少龍蝦膏添😍-清洒蒜蓉煮活蜆湯🍶 $238啲蜆好大粒！😱份量都幾多，我諗差唔多20幾粒😝好抌本。呢一個湯嘅清酒味唔算好重，反而牛油同埋香草味重啲，一啲都唔鹹👍🏻👍🏻想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩…查看更多

一家人中秋開Party想搞搞新意思，唔食中餐，食下西式海鮮餐☺️☺️屋企人搵到依間蠔灣小店，叫左個海鮮拼盤試下👻👻店家主打推介：自由配搭海鮮拼盤（可以自選海鮮及數量）屋企人中意食生蠔，叫左分別黎自法國既Maraa Pearl、Krystale No.1、Gillardeau No.2 、Specials Lambert No.1及Tarbouriech Oyster No.1 及西非既Namibia；小店提供多款產地生蠔、不同味道分佈都有，仲要好多都係小店直接由法國蠔場進口、確保新鮮、品質及安全運送！Maraa Pearl：味道清新及較為淡Namibia：味道也較Creamy、特別鮮甜、蠔鐵味較重Specials Lambert：肉質肥美，味道香甜清新、後味更有少許蠔鐵味點綴Krystale：口感爽脆、重蠔鐵味（我最中意♥️）Tarbouriech：肉質肥美爽脆、餘韻極長Gillardeau：肉質肥美、結實而有彈性、清新海水味屋企人終於可以唔洗等去旅行都食到好味生蠔😍😍尤其係疫情更加唔洗諗！而媽媽大人一向唔好生蠔，我地叫左佢最中意既海鮮刺身，佢一個字話「正呀👍」🐚北海道活赤貝：肉質肥美厚實、味道超級鮮甜，同係北海道食一樣🐳北海道帶子：肉質厚身而有彈性、軟嫩鮮甜🦐法國藍蝦：濃郁海水味、啖啖肉、蝦味超鮮甜！依間小店準備充足、一次過滿足哂一家願望！仲要唔同季節都有唔同產地既特別時令產品！新鮮味道、擺盤樣樣齊！小店用心為海鮮拼盤配上海水燈帶，極之吸引☺️☺️黎緊聖誕節、新年都一定會係我既Top5選擇，唔知到時又有咩時令驚喜呢🫢🫢…查看更多

高質龍蝦意粉同生蠔 爸爸鍾意食生蠔，有日講起先發現自疫情開始都冇食過，見到呢間 openrice 多好評就黎試下。 店家會細心介紹佢地產品既特色，選製海鮮拼盤，打頭陣有西班牙生蠔 ，然後其他全部都係黎自法國既。Spanish Arousa ($100/2）特級林伯特 Speciales Lambert ($84/2）水晶蠔 Krystale ($104/2）約瑟芬 Josephine ($84/2）係店家推介，由於係時令款，所以menu上無寫。Overall黎講，各款蠔都好新鮮，帶子位呈半透明。蠔身大小適中，我家唔中意太大隻/珍寶型，質量取勝就好。海水味清新，鹹度剛剛好，絕對唔係死鹹或過鹹，裙邊位非常爽脆，值得一讚。車厘蜆 ($96/2）體大肉厚味濃，咬落好爽有口感。地中海紅蝦 ($256/2）非常鮮甜，頭大多膏，通常係高級西餐先有既食材。馬糞海膽一板（$238）備上紫菜包住食，海膽係口中一秒融化，味道甘甜濃郁。 清酒蒜蓉蜆湯 （$238）食完生蠔，飲返碗熱湯啱啱好，啲蜆超級大隻！！ 龍蝦忌廉意粉（$198）有好多龍蝦肉，睇得出係龍蝦鉗肉。個意粉超級好味，好味過出面好多西餐廳！意粉煙韌有咬口，每一條都覆蓋住濃濃既忌廉汁，令人非常滿足，我應該會encore！…查看更多

特別日子，要食餐好嘅賀一賀佢！呢度舖仔細細，服務會更加細心😀。各國新鮮生蠔🦪，即開即食，包保新鮮。如果好似我呢啲生蠔初哥，店員會熱心推介，可以幫你執個私人海鮮拼盤。。上菜啦，店員小姐會詳細講解生蠔產地，廚師會細心地排好由淡到濃味開始食，咁就唔會撈亂啦！哈哈⋯真係幫到手呀！生蠔有大有細，有爽口、有creamy, 全部都非常新鮮，唔使加任何醬料都超好味🤤牡丹蝦、北海道帶子都鮮甜可口，加少少wasabi, 豉油同吃，錦上添花😍龍蝦🦞湯口感綿滑，味道濃厚，仲有大大舊龍蝦肉，絕無欺場！鵝肝多士 ～ 唔好睇佢細細舊，全部都係厚切，一入口，啲鵝油爆晒出嚟！燴龍蝦🦞意粉 ～ 🈵️🈵️嘅一碟，有2⃣️大隻已去殼龍蝦鉗之除，仲有好多舊龍蝦肉😍扁意粉條條都沾滿白汁，香濃可口！耐唔耐真係要對自己好啲，食完呢餐開心晒😃…查看更多

雖然很多餐廳都有提供生蠔，但講到款式多，就一定是蠔吧。蠔灣是一間小型蠔吧，店內雖僅能容納十多位食客，但生蠔款式不但夠多，由柔滑口感，到爽口到餘韻悠長都可以找得到，最重要是生蠔都是即叫即開非常新鮮，價錢亦合理。除了生蠔，這裡同時亦有不同的海鮮料理提供，朋友生日她最愛吃海鮮，我們就來蠔灣試試。來到蠔灣，每一枱都必定會叫一盤海鮮。這裡沒有既定的海鮮盤，都是自由配搭的。我們選了五款不同生蠔，再搭配其他海鮮。馬糞海膽($188/板)金黃色的海膽很鮮甜，沒有腥苦味。South Africa Rock($33)生蠔比轉細隻，海水味較輕。左: Lambert($42)蠔味濃，帶點回甘味。右: Fine de Claire($36)蠔肉爽脆，幾重海水味。右: Majestic($52)蠔味很濃郁，海水味清新得來，帶子位都好甜。左: Gillardeau($62)Gillardeau咁出名都唔洗多作介紹，蠔肉肥美，海水味重超新甜。大蝦($88/隻)大蝦夠大隻，肉質帶點爽彈，非常鮮甜。北海道帶子($38)帶子夠厚切，帶點微彈。松露燒原隻龍蝦($398)龍蝦超多膏，很香松露味，啖啖肉肉質非常爽彈，無得彈！！香草海膽意大利飯($238)意大利飯上面都有幾多海膽，估計都有半板海膽，非常足料。意大利飯很creamy，有咬口得來不會太硬。總結，海鮮質素水準固然高，師傅亦沒有浪費大好食材，無論熟食或刺身都無可挑剔。…查看更多

結婚週年紀念❤️ 咁啱我哋兩個都好鍾意食生蠔， 所以就揀咗蠔灣做今年的慶祝地方。 之前已經喺尖沙咀食過， 我都算係佢哋嘅熟客吧！ 今次點了12隻生蠔， 每款兩隻，Chile Montt $36，South Africa $33，CB $32，Majestic $62，Gillardeau $42，Belon $68。然後再叫了海鮮，Urchin $268，Ark Shell $78，Scallop $38。 食咗咁多凍嘢，都要點返一個白酒洋蔥煮大蜆$238 和 Sea Urchin Risotto $238。 兩個人埋單Total $1505。每一隻生蠔都非常新鮮， 由淺味至濃味， 食出層次分明， 喜歡海水味又有， 比較creamy口感重又有， 鮮甜清新又有， 每次食完都令人回味無窮。海膽～ 配上紫菜食，新鮮甜美，食到停唔到口呀！帶子和赤貝～ 帶子鮮甜有口感， 赤貝爽口， 兩款都好新鮮。白酒洋蔥煮大蜆～ 每隻蜆都很大隻，肉質肥厚， 完全沒有沙， 用白酒烹調令到大蜆的鮮味更加突出， 仲可以飲番幾啖大蜆清湯㖭！海膽燴飯～ 食咗咁多凍嘢點返個海膽燴飯暖一暖胃， 口感creamy味道濃郁， 每粒飯都入口煙韌。每次到蠔灣食蠔都好開心， 這裏的生蠔和刺身都很新鮮， 熟食也做得出色， 好感恩 有一個開心難忘嘅週年晚餐。…查看更多

Happy Sunday用佳餚好好犒賞自己，為未來一週好好打氣💪🏻食海鮮、刺身大餐清爽無負擔😍每一道都回味無窮！海鮮拼盤，店家為我們推薦了四種生蠔、Cherry Stone、皇帝蜆、Scallop跟韓國馬糞海膽。不騙你，真的很！新！鮮！第一次聽這個品種，老闆説不是常有貨，今天好運碰巧我遇上了😋肉質厚而不韌，很爽脆，大滿足！生蠔很飽滿，撲面滿滿的滿滿海水味道♥️看顏色就知道有多新鮮了吧！好嫩啊🤤第一次品嚐韓國馬糞海膽，很鮮美，配韓國紫菜卷着一起吃，有一種特別的鹹鮮美味，超推😋👍🏻煎黑毛豬肉質juicy不柴！配上黑松露醬蠻邪惡但我們還是極快速清盤😂半熟蛋 + 黑松露醬 + 意粉拌在一起超級creamy🍝每一口都好香😍兩個女生吃剛剛好！…查看更多

平日係港島上班，收工之後都鐘意去天后覓食，貪夠多質素高既本地餐廳是晚同朋友豪一豪，去位於炮台山同天后中間既蠔灣食餐好既獎勵一下自己餐廳位於英皇道轉入去既水星街～唔算太難搵入到去大約有八至十張枱，幸運地揀左星期四去食人數唔太多，店員都有時間慢慢介紹有d咩食同埋餐廳推介～店員會就當日既新鮮食材推介海鮮拼盤裡面配搭咩海鮮，而黎到蠔灣當然叫生蠔啦！另外都要左原隻海膽、帶子同活北寄貝另外有Live Lobster Set，呢個龍蝦三食分別有龍蝦刺身，龍蝦湯同龍蝦意粉～由於未試過食龍蝦刺食，出於好奇所以豪氣地再加呢一set 海鮮拼盤 (價錢根據所選食材)非常澎湃既陣容，總共叫左6款生蠔，分別係左至右排列South Africa Rock、Coffin Bay、同4款法國生蠔店員建議我地左至右淡至濃味順序食落去，南非生蠔出名肥美清甜，呢隻都唔例外，既creamy又清甜，配上白酒一流而澳洲既Coffin Bay海水味比較出，肉質比較爽口，其餘4款法國蠔就海水鹹味再重d同甜d不得不提當然係放係檸檬片上既龍蝦刺身，肉質非常爽勁而味道亦好鮮甜～ 鵝肝多士 - $198除左拼盤同龍蝦亦叫左一個主食，而呢個main絕對有驚喜！餐廳打正旗號以海鮮拼盤同龍蝦做招徠，但呢個鵝肝多士好出色！鵝肝咬落去非常juicy，入口即溶，配上多士令鵝肝食落有甜香而不油膩～ 龍蝦湯龍蝦三食既龍蝦湯亦不欺湯，湯夠濃稠而龍蝦味道好出～ 燴龍蝦意粉最後龍蝦三食既意粉，我同朋友無因為饞嘴叫得太多野食而冷落呢碟意粉，只因為啖啖都係龍蝦肉，實在停唔到口餐廳食物既質素足以令我再encore，下一次豪唔起既時候或者會選擇同朋友叫幾款生蠔配上白酒黎一個light dinner～…查看更多

餐廳的海鮮拼盤造型確實震撼。我們一共五個人來到，先點了一瓶白酒，想著吃海鮮拼盤。拼盤裡的海膽很新鮮，龍蝦肉也很新鮮，衹是稍微熟了一點，生蠔很有海水味。餐廳的牛扒祇有一款，五成熟的牛扒味道不過不失。那天的羊架稍微熟了一點。鵝肝意粉令人驚喜，因為鵝肝的肥油滴到意粉上，所以一粉除了牛油的香，還有鵝肝的油香，本人非常喜歡。意大利飯也有超常的表現，贏度適中，非常正宗。餐廳的面積不大，必須提前預約。本人覺得坐得有點侷促。祇有一位侍應，所以要享受貼身的服務，可能要失望了。…查看更多