八戶屋

熟我嘅朋友都知道我係八戶屋嘅捧場客，平時我哋都係夜晚先會嚟食晚飯，今日就嚟咗食午餐啦！估唔到呢度假日都有午市套餐，價錢都唔係非常之貴，係可以接受嘅！我哋一行四人分別叫咗四個套餐，包括叉燒拉麵同埋吉列豬扒拉麵，呢度嘅拉麵就比較遜色，但係吉列豬扒嘅炸份就好薄，炸得好好啦！另外我哋仲帶咗網燒牛扒定食，牛扒味好濃郁啊。牛肉鍋定食有好豐富嘅配料，例如粉絲，魚片，雞蛋，配飯食真係一流！牛肉鍋定食同埋網銷牛扒定食呢都有豐富嘅前菜同埋有茶蒸碗，食完一個定食真係飽到上心口！除咗定食之外，我哋仲叫咗少少壽司，包括海膽軍艦同埋帶子壽司，一如以往，呢兩款壽司都冇令我地失望，海膽同埋帶子都好肥美同好新鮮呀！每一份午餐都可以配飲品，本身餐就跟咗免費嘅凍熱飲，例如奶茶，檸檬茶，柑桔檸檬等等，我哋分別帶咗兩杯金橘檸檬同埋兩杯凍檸茶，味道就正正常常啦！…查看更多

今日同朋友一行嚟到屯門良景邨嘅八戶餐廳環境裝飾都好有日本風味原隻帶子壽司 $36 2件好鮮甜，好大隻，一啖食唔曬海膽軍艦 $38 2件海膽入口即溶， 紫菜夠脆。網燒紐西蘭牛扒定食 $76(定食有蒸蛋，和風沙律，前菜，味噌汁及御飯，配飲品)好香牛肉味，入口鬆軟，不過脂肪偏多少少。牛肉鍋定食 $68(定食有蒸蛋，和風沙律，前菜，味噌汁及御飯，配飲品)肥牛好好嚼， 粉絲夠滑， 好多餸，好大碗飯，食唔哂)王牌叉燒拉麵 $48(沙律-配和風芝麻醬，菜很新鮮)义燒，超大塊，湯底係豬骨濃湯吉列豬扒拉麵$52(跟餐配沙律同野飲)粉唔厚， 肉很軟鬆，皮炸得夠脆，湯底都係豬骨濃湯，推薦會再來幫襯，因為好抵食。…查看更多

黃金蟹膏軍艦($36)，蟹膏偏咸，一般。赤貝壽司($23)唔太鮮，無乜味。海膽軍艦($38)，海膽好重雪味，不過尼個價錢都唔可以expect有咩特別好既質素。牛油果軟殼蟹卷($58)食過有d軟殼蟹卷既軟殼蟹係炸得超硬同超多麵粉，無乜蟹肉。尼間既軟殼蟹炸得香脆，夠熱，令成件卷物處於暖既溫度。食得出軟殼蟹唔係返炸，有蟹肉，唔錯，可以再試。芝士魷魚海鮮鍋燒烏冬($62)一上枱見到唔係杰身既芝士湯底就有d失望。所謂芝士只係將大量芝士粉灑落非常非常淡(好似無味咁)既湯底到，芝士粉係浮起湯面。烏冬係幾有趙口，但食落完全無芝士味，超淡、無味，似清湯烏冬，食左兩啖已經唔想再食，非常失望，絕對唔會再叫尼款烏冬。反而魷魚同帆立貝ok，食落都有少少芝士味。整體而言，環境都坐得幾舒服，不過壽司/軍艦質素一般，卷物同主食比較穏陣。下次會想試下雞柳奄列炒飯同芝士咖喱豬扒石鍋飯。…查看更多