翅客美食 (已結業)

今日去佐敦探朋友👯🏻‍♀️，係附近見到有間小店，決定走入去食野，叫咗一碗車仔麵堂食🍜，另外叫咗一盒外賣攞走🥡，再叫咗杯飲品🍹 堂食車仔麵呢碗車仔麵真係抵食夾大碗，一碗有齊哂淋身爽口豬皮、🐷一口豬紅、彈牙陳皮魚蛋、爽口冬菇仔、新鮮生菜🥬，我揀咗幼麵；每款配料都好多好足料，真係好好味🤤 外賣海南雞飯外賣盒分開上下兩層，飯同餸係分開，上層係無骨嫩滑海南雞🐔 + 青瓜 🥒+ 爽脆海踅，下層係油飯🍚，油飯好香仲唔會油膩，勁大碗飯，要2個人先食得哂 熱柚子蜜🍹食午餐飲番一杯滋喉暖胃 翅客美食 (佐敦)佐敦上海街65號地舖

翅客美食係佐敦新開一間街坊小店，主要賣多款唔同嘅雞飯同街頭美食，Work From Home唔想成日屈喺屋企，lunch就落樓下附近哩間新開嘅小店買個外賣返去食。小店店面簡單，價錢都係街坊價，飯麵全部三四十蚊有交易，加幾蚊有野飲。由落單到拎外賣都係等左五分鐘，算快手。海南雞飯($48) - 外賣盒分左上下兩格，上面有海南雞、海蜇同青瓜，下面就係油飯。飯量都算多，如果唔大食其實夠兩人share，油飯香得黎唔會太油膩。海南雞雞味唔算太重，不過食落幾滑，蘸埋黑豉油食幾好食。例湯(免費) - 所有飯類都有送例湯，入面有雞腳同白蘿蔔，雞腳主要要黎出味，食落比較硬，反而白蘿蔔好腍又冇渣。魚肉翅雙拼($35) - 想食碗仔翅但又想食魚肉，哩個魚肉翅雙拼就可以一次過滿足晒兩個願望。魚肉翅杰度啱啱好，入面都幾多魚肉、雞肉、仿翅同木耳，所以食落口感好豐富，我自己就鍾意加多啲醋，外賣佢都有自動波俾埋，讚！總結，價錢合理味道亦唔差，唔想食黎食去都係嗰幾間連鎖食店，不妨試下哩間街坊小店。