小窩雞海南雞專門店 (已結業)

最近周圍都少咗人食飯, 就走入去試下, 坐低就叫個海南雞飯。首先就講下個飯, 椰香味重都幾香下, 做得幾好。個雞都幾滑, 而個醬就唔似泰式海南雞店有酸辣汁, 係三色醬, 自己就鍾意三色醬多過酸辣汁。最後, 講價錢$66 一個set就唔係平, 不過可以接受

今日午餐去左食小窩雞既海南雞飯，個雞係少左少少。但個雞就勁大個，女仔係食唔晒個飯，對男人來話就非常夠飽。個雞都非常滑，但唔係好重味。但個飯就一般，冇咩味，得個色。

放工見到有新舖，裝飾光猛乾淨，見有啲肚餓，即刻入去試下，叫左個海南雞飯，配杯凍檸茶。一試之下真係不得了，雞肉非常之咁嫩滑，皮下仲有啫喱，但又唔會見血水，火侯掌握得剛剛好，應該淥熟後仲有過凍水，廚房做足步驟，有比心機，一啲都無偷懶！碗飯都好好味道，飯質好鬼軟熟，油香仲撲鼻而來，而且有炸蒜碎放左落去，非常之咁惹味。嗰杯檸茶茶底清，唔係比千年舊茶，依家香港地飲到呢杯檸茶，其實已經非常難得！之後一定會再來！