Cambo ขุนทอง (The ONE)

营业中

休息中

今晚想食泰國菜，又想坐得舒服啲，揀咗位於The One 嘅Cambo。餐廳面積唔算好大，但裝潢非常雅緻，有不少木系裝飾，好有東南亞風情，座位都坐得舒適。店舖做緊promotion，點了特價菜色青咖哩軟殼蟹和大蜆鍋，佢係明爐鍋有明火保温，上枱時仲係滾熱辣，而且味道非常惹味濃郁，非常推薦！試埋佢個冬蔭公，味道超級濃郁，啖啖都飲到真材實料大讚👍🏻另外仲點了幾道大路菜式，如炸墨魚餅、烤豬頸肉、串燒等，整體味道都唔錯，價錢合理，唔怪之得經常都咁多人，的確係幾出色嘅泰國餐廳👍🏻泰式青咖喱軟殼蟹$103用明爐呈上，保證熱辣辣。青咖喱汁係比較稀，但味道係超級濃郁。配上大大條厚實嘅法包，能夠充分咁吸收青咖喱汁，係幾好味而且夠晒果腹。至於軟殼蟹係分開上，份量唔多，偏咸，下次會想試雞/牛腩應該會較好食。泰式明爐大蜆鍋$103有4大隻蜆，真係勁大隻而且極度鮮甜。湯底落足料頭，味道非常濃郁，有啲似冬蔭公，太好味我成碗飲晒😆（不過之後就會好頸渴🤪）推薦👍🏻香脆炸墨魚餅$88勁足料，啖啖都係墨魚，口感佳味道亦不錯，配上酸辣醬汁非常出色👍🏻必點推介泰式炒通菜$69炒菜可以有唔同款式，有泰式炒/蒜蓉炒/咸魚炒/清炒，今

今日經過The one 見到泰國菜 無論賣相還是其他都略為吸引 所以同朋友都試下🤣👍🏻首先叫咗泰式青咖喱軟殼蟹連法包 $99青咖喱都表現出色，茄子都入味，法包亦可沾湯，超正😊😊然後叫咗 泰式炒粉連餐湯 $72 味道都好食，又有檸檬可以加都幾好再叫左個泰式活蝦刺身 $99 海鮮都新鮮 蒜蓉辣汁都好食🤣👍🏻👍🏻現場環境亦唔錯，服務態度都不錯，下次可以再食賣相：4/5好食程度：4/5服務：4/5衛生：5/5

雖然係平日夜晚黎食 不過都多人呢所以想食既話都係訂定位先啦~呢個泰式青咖喱軟殼蟹幾好食呀用個法包點咖喱汁 唔錯唔錯~而且仲有個爐一直滾住泰式炒粉就油左少少 唔係咁岩我呢兩個人叫左三樣野之後其實張枱都無咩位置啦 份量都算正常~