曼活泰茶 (已結業)

旺角又一間新開嘅飲品店加入戰場,主打清新系列嘅飲品同埋泰式奶茶。佢哋嘅泰式奶茶係你面前沖保證新鮮炮製,用左泰國北部高山茶葉,識飲一定飲正常版,雖然比較甜但係充滿泰國風味。不過驚甜嘅朋友仔可以選擇迎合香港人口味嘅少甜版。呃like必備,天然豆碟花帶出淡淡迷幻紫色,加上芒果肉同梳打嘅配搭。啱晒D咁悶熱嘅天氣,滿足晒視覺同味覺。原隻新鮮檸檬,一D都唔酸,帶有清香檸檬味,配上烏龍茶絕對係一個清新之選。

雖然最近台式手搖杯大行其道，不過位於仁安大廈嘅曼活泰茶就別樹一幟，主打泰式飲料。鋪面唔係好大，店主見我地揀下揀下，都好用心介紹，感覺佢對泰式飲料、用料都有好高嘅要求，強調選用泰北清萊一帶嘅高山茶葉，水果每日新鮮現切。餐牌供應泰式奶茶類、梳打、果茶、紅/綠茶、花茶等，定價$19-29。配料可追加香茅、奇亞籽等，一律$4。泰式奶茶 $21連茶壺都喺泰國專門訂製，每壺只係約沖到四杯茶，很花時間功夫，飲落更地道，飲品700ml，價錢唔貴見店員沖好紅茶後，加冰再用煉奶沖泡，強調不用奶粉奶精。想試下原本嘅味道，所以並無調整糖度。泰式奶茶色澤較深，奶味濃郁，口感順滑而稠身。可能因為用煉奶，甜度更突出。當然同港式奶茶好唔同，各有特色吧椰果爆檸烏龍 $27除左泰奶，檸檬、青檸飲料都係主打，烏龍茶底加檸檬沐、原個檸檬。味道冇想像中咁酸，反而有啲甜。簡單黎講，有啲似檸檬糖嘅味道。待冰塊融化後，會較為清新。