簡越

餐廳主打越式菜餚，除左湯麵炒飯外，仲有唔少越式小食，其中有法包，濱海，米紙卷。餡料選擇多，有肉有菜。餐廳環境寬敞，坐得舒服，而且坐底之後侍應即刻俾餐牌你睇，服務唔錯。叫左雞絲拼扎肉河粉，法式肝醬豬扒三文治($50)，越式蒸粉卷($40)，凍椰汁紅豆冰，凍椰汁三色冰。碗麵既size都幾大，河粉非常多，而且唔會因爲浸住湯而令河粉發脹，加上湯底清甜，飲完都唔會口渴，good。而雞絲雞味重，扎肉結實，配有生菜，配搭健康。最驚喜係法包超大個，足足有2隻手掌咁長，即使同朋友share一半，都非常大。而且餡料超級多，有大量青瓜絲，紅蘿蔔絲，椰菜絲，洋蔥，主角豬扒厚身，香茅味濃郁，唔油膩，而且已經起左骨，所以啖啖肉。重點係有甜甜既肝醬，清新爽口。因為個包夾左好多餡料，所以要張大個口先食到成層，超豐富。小食蒸粉卷一客有4件，每件同樣包住滿滿既餡料，粉皮薄身，一咬已經爆餡。入面既餡料有大量紅蘿蔔粒，木耳(?)等，口感豐富。枱面上放有唔同醬汁，可以自己加。晚市堂食飲品半價，凍椰汁紅豆冰重椰奶味，而且粒粒紅豆份量多，冰少，所以每啖都有好濃烈既椰子味。整體，價錢經濟實惠，食物份量多，而且味道唔錯，有水準，值得食。…查看更多

依間簡越最近先開張，睇個名就知係食越南菜嘅。裝修簡潔，一啲都唔花巧，鋪頭雖然唔大，但係有齊哂基本嘅越南特色菜，而且價錢合理，係唔錯嘅搵食選擇。同朋友一齊點咗雞絲拼札肉湯粉($50)，有3片札肉，仲有大量雞絲，非常豐富，配上特色嘅香葉，清新怡人。而且河粉嘅份量好多，幼條薄身，好爽滑，又唔油。依碗粉一個人食應該會食到好飽！我地再叫咗法式肝醬豬扒三文治($50)，足足有2個手掌咁長！法包好厚，外脆內軟，一定要即上即食先唔會辜負佢嘅脆嫩。香茅豬扒煎得金黃色，非常香口，又唔肥，重要嘅係長度同法包一樣，唔會話齋食個包而食唔到豬扒。除咗豬扒，仲有大量紅蘿蔔絲、青瓜絲、洋蔥等等作為配料，非常健康。仲有小食越式蒸粉卷($40)，即叫即蒸，上菜嘅時候熱騰騰，望到都流哂口水。粉皮薄身，上面灑上炸蒜，入面包住紅蘿蔔粒、冬菇等等嘅餡料，足料，又有口感！晚市特飲只係加$11，我點咗椰汁三色冰，有紅豆、綠豆、椰汁條，色彩繽紛，重點係椰汁味非常濃，啖啖都係椰香味~…查看更多