萬芳冰室 (建德街) (已搬遷)

疫情下入元朗搵食好在個frd早到，排左一陣就有位落左3次單，有兩次都漏野，唔知想點疫情下，3人可以坐6人枱第一個係招牌，又係熱門。豬扒好大塊厚身，易砌，有口感，唔嚡。可惜啲汁少左啲，如果唔係就喇！下次會encore配什果沙律，感覺無咁heavy原隻蝦上，表面好鬆脆，麵包鬆軟，唔會炸到乾憎憎。伴碟沙律唔係太多沙律醬呢個無下次睇落幾正，實際就。。。杯野唔太甜，呢個要讚。可惜啲紅豆未煮淋，原粒硬的，no good lor由於漏單，食極都唔飽咁，又叫左瑞士雞翼撈丁同咖哩牛筋飯。首先個撈丁，唔夠汁，味又唔出。完全食唔出係瑞士汁的味，好似一般豉油撈咁雞無試，唔評論。個咖哩辣到飛起（因為唔食得辣）個frd話辣過唔知大x樂定大x活嗰啲。但其實係好食的。好在一開始無倒曬啲白飯落啲咖哩度，如果唔係就大檸樂仲有炸脾未試，下次再encore…查看更多

星期日下午，基本上元朗區周圍餐廳都係爆呀，揸車泊街都係爆呀！幸好e條建德街出面都重泊到下車，既然泊到車啦，咁就試下萬芳冰室啦！同之前一樣，門口都係有一班等緊位嘅食客，咁我兩個人就係容易搵位d，等左兩張飛就有啦！咁就係搭枱坐左張四人枱，望下個餐牌先。咁就餐牌其他冰室都係差不多，有常餐，出前一丁餐，飯，麵，三文治同多士等等....咁我就叫左個常餐，鮮牛蟹王麵，腸仔加反蛋加多士，飲凍齋啡，而我女友就選擇左沙丹豬扒飯。好，咁首先黎嘅係常餐先，我選擇左鮮牛肉蟹王麵，蟹王麵係元朗俾網上平台吹到飛起，曾經風魔一時，好多元朗街坊包括我都會去搶呀！大小商店，士多都會爭相訂購，當初我就買左個小包裝啦，而多數出去九龍先食早餐嘅我係九龍都會好少見到蟹王麵，蟹王麵就真係好似變左元朗特產咁!咁今次e個常餐師傅都煮得好好，時間掌握得好正確，有口感，夠彈牙，而d牛肉亦都食得出係新鮮，無咩用梳打那過，唔會食到感覺好似出面食果d沙牛咁樣。而配果d多士都烘得好脆，腸仔同蛋都符合期望，所以好快就食晒啦！而個凍齋啡就甜左d!跟住就到沙丹豬扒飯啦，碟飯都好豐富，有豬扒，菠蘿，太陽蛋，火腿同菜，但係我就有樣野幾奇怪，沙丹汁唔係茄汁加燒汁咩！?點解好似變左豉油汁!？算啦，照食啦，可能我見識少啦，咁就試下塊豬扒先，豬扒薄切，大約半寸厚，而醃得都幾入味，而且都醃得好鬆化，都算唔錯，菠蘿佢都有放落扒爐度煎一煎，都叫做做足功夫呀！整體黎講算唔錯，食材都ok!係腦海裏面好多個問號，到食完之後我再問下Google佢都話沙丹汁係茄汁溝燒汁，算啦，都食晒啦，好味就得啦！最後埋單101蚊，價錢都係咁，下次會再黎試下佢d炸脾，我見隔離枱果隻雞脾沙律好正呀！…查看更多

第一次來到萬芳冰室已經被它的裝修給引着懷舊得來有點新穎畢竟是全新裝修鋪面不算太大，三、四十餘個位中午時份人流不算多不用排隊等位已經可以入座安排了四方枱"  搭枱  "眼見過半男食客都點了沙丹豬扒好奇下便點了食物大約等了十分鐘不算太久上桌時已經被吸引着了豉油汁加上熱辣辣的飯上面有大大塊豬扒，厚切火腿，太陽蛋奇怪的是有片罐頭菠蘿味道很好很有茶餐廳的Feel豬扒的厚度剛好，不太厚不太薄，亦不油幸好沒有吃到"梳打粉"的味道，而豬扒亦不會太"淋"但為什麼叫沙丹豬扒就無從稽考了…查看更多

最近，家樓下新開了一間長龍的萬芳冰室。查看網上資料，半個世紀前屯門蔡意橋有間街知巷聞的萬芳士多，專賣港式奶茶及多士，每日高朋滿座。可惜後來因清拆問題而結業。最近老闆譚先生的兒子，夥拍多位好友，選址元朗重開冰室，主打舊式茶檔美食。門外有舊式鐵閘，店內外也有不少特色佈置，刻意的懷舊一番，比起同類冰室又的確幾吸引人眼球。就在今個月，甜魔媽媽總共去了四次，每次都是平日，每次都要等位，很巴閉!首訪是帶同剛放學的囝囝，等了約十分鐘。除了常餐，這裡不設其他套餐，不過惠顧食物加點飲品有折扣，$10熱茶啡，$12凍茶啡，$17冰類，諸如此類。首先點下凍奶茶 ($16)，少冰，沒多少茶香，質感又不滑，很失望。生炸大雞脾沙律 ($22) 就堅得，雞脾超大隻，炸得皮脆肉香，不多脂肪卻富有肉汁，鮮滑好吃。同上的沙律下了適量沙律醬，不會水汪汪，當中既有雜果又有蔬菜，清新爽脆。不過後來再訪已經加價至$24了。單吃一份沙律當然不夠飽，又點了咸牛肉蛋長餐包 ($20)。說是長餐包，其實份量小得可憐，由下一張圖囝囝拿著的對比照可見；不過咸牛肉煎得微帶脆香熱暖，據稱用上農場雞蛋的炒蛋也算香滑，加起來還不錯。當然會推介華嫂的招牌芝士咸牛肉蛋朱仔包多很多!!埋單$52，比起幫襯開的茶記不太抵食，不過始終有部錢吃在裝修了，加上尚有很多項目未試，所以之後再第2,3,4次。第二訪是陪妹妹打針前的早上，吃的是店內的抵食早餐 (按：早餐供應至11:30am)；這次點的熱奶茶，感覺比凍奶茶濃厚香滑些，不太差，但始終未及樓下開心小叙／八斗的出品。早餐選擇沒一般的茶記豐富，炒蛋／腸仔／火腿只選其一，我要了炒蛋，算幾香滑，但蛋味不特別香濃，分辨不到是否真用上農場雞蛋。多士就不錯，雖然薄身，但弄得金黃香脆。再點一碗叉燒湯米，叉燒是推介，但瘦瘦的沒甚麼吃頭；湯米也十分的清淡，沒多少味道，適合給幼兒吃，對老饕來講就不算稱心了。埋單$28，總算是便宜。之後在打風假又帶老公去了見識，他的選擇是豐富常餐，內容與早餐很相似，特別他點的也是叉燒米；最大的不同，是可以同時兼得炒蛋及腸子，盛惠$37，加凍飲還另加$2。不過常餐是全日候供應的，除非不點飲品，否則已算是店內最低消費。也試了沙丹豬扒飯 ($43)，內容豐富包括連骨厚豬扒、太陽蛋、厚火腿及菠蘿，這個就不錯，因為這裡的飯軟熟可口，而且豬扒肉質帶點豐腴，近骨位置尤其好吃，整體水準令人滿意。最後一次是帶囝囝吃下午茶，這次選點紅豆冰 ($22)，成品非常吸引，一上檯就出玩魔手!!!見到識食囝囝興奮的樣子，就估到水準不會很差。事實上，這冰味道是幾香甜，紅豆又軟稔，就是中間的冰很多很實，花很大的力氣也叉不開。所以飲到最後還餘下不少冰。另外點了炸魚薯條 ($20)，這個也不錯又抵吃，除了炸魚又香又嫩，不油不膩，點上他他醬很滋味；同上的波浪薯條也香脆熱暖不油。Matthew仔超愛，不斷偷吃!!其實還很想試這裡的焗飯，不過要晚上6pm後才供應。有機會吃到再分享吧~~ 總的來說，很抵食吸引絕對不是，不過部份食品質素不錯，加上店子有特色，可以一試的。…查看更多