淥鼎記

這間火鍋放題之前在網上看到媒體介紹好像很吸引，就和家人來試試，一坐下就部長講解。其實就是十二宮吃完一圈就完。講解完就送上了前菜和刺身，前菜就不太吸引，刺身還好，帶子和蝦算鮮甜。吃完刺身很快送上雞煲，這個是可以任添的不過我們都覺得味道偏咸就沒有再加添，吃完我們點了火鍋湯底，因為有少見的杏汁豬肺湯，我們就決定要試試。湯底一上我們就知道它不是所謂的「生磨」，顏色太淡，聞起來沒有杏汁香味，侍應叫我們先喝湯再火鍋用，試了一口，和清水分別不大，完全冇味道。火鍋配料送上手工丸和牛肉，先說牛肉其實還算可以，不過手工丸4款，每款只有三粒，但是我們是4位用的，不過看到是任食可以再添就沒在意。後來發現海鮮拼盤也是三人份就知有問題，馬上叫侍應來反映，他們才說收是收了4人錢但廚房出錯了所以全部都出三人份.....所以之前的限食刺身和火鍋牛肉應該都出錯份量了，不過店員換回的只有4人份的海鮮我們由火鍋湯底一上菜就已經很失望，聽到出錯換來的只有4人份的海鮮，我都明白刺身是前菜之類不可能會再出，不過一句道歉表示也沒有，上完海鮮就完了其實吃得不太愉快。我們都很快的吃完火鍋就算了，欠一人份的手工丸也沒有追加，反工質素也算太好，不太有店家手工做的感覺，丸類沒太彈口，粉比較多的感覺。火鍋完了還有飯，因為都沒見到有人叫，我們都覺得應該不會太好吃就先點一碗試試，果然非常難吃，說是雞皇飯但聞試去只有椰汁味但顏色是鮮黃的，嚐了很小一口味道超怪，沒有雞皇飯味道。甜品倒是還好，雖然和火鍋沒關聯但送上的是日式和菓子。…查看更多

我們一家，最喜歡十下十下打邊爐！尤其是爸爸最喜歡食牛及海鮮！上網見到呢間火鍋店幾抵食多款選擇某些款是任食的就book了dinner! 養生火鍋店黎講最好就係無時限，最buy! 點選了花膠鮮雞美人鍋作湯底，跟套餐的還有江南八小碟、美國雪花牛小排、金牌手工丸、直送原條時令魚刺身、海鮮拼盤及賣相美的的宮廷美點等等！個人特別喜歡個湯㡳雞味濃花膠養顏、牛小排及海鮮大拼盤！湯㡳內有養顏💕真花膠係入面，牛肉鮮嫩肥瘦適中而海鮮盤亦有豐富食材，好夠份量！滿足的又食到好飽的一餐😋任點任食的款都算多美國雪花牛小排肉質鮮嫩不肥膩魚刺身 正！海鮮大拼盤每款都很新鮮，魚也很滑美人鍋湯底有真花膠八款小食味道稍濃金牌手工丸賣相精緻這個甜品太美了…查看更多

一班愛吃的好友聚會，這次選擇在觀塘區新張的無限時的火鍋店。座落在觀塘區一亞太中心，這座設計特別的大廈之中，整座都是食店林立。走進店內，大大的空間，整齊排列的枱椅，也有多個貴賓房，合適好友聚會，又或公司聚餐包場。店內有著數個凍飲品櫃，除了一般飲品，也有自家制作的涼茶，全都是自助形式。這裡的火鍋，有著特別的名稱：「御膳火鍋十二宮」。從餐牌上得知，先會有江南八小碟、刺身，任食的重慶雞煲、手工丸、其他火鍋配料等。成人每位$335，價錢包含所有，感覺相當相宜，非常豐富，大家都滿心期待，也各自取了喜歡的飲品。不用多久，江南八小碟送上，令大家眼前一亮。麻香蓮藕片、醬油蘿蔔花，龍井河蝦仁、八味香豆腐、紅燒肉、鮑汁扣雞腳、四喜烤及蒜燒蘿蔔。放在中央的醬油蘿蔔花，大家也說非常美麗，不捨得吃。個人最喜愛的是龍井河蝦仁及八味香豆腐。這個江南八小碟，原來是因應天氣季節而不同，所以若再來的話，又會是另外的八小碟，這點有點令人嚮往，很想知道下次的是如何八小碟。當大家還討論那碟好吃，那碟是什麼的時候，日本直送原條時令魚生刺身為大送上，深海池魚，帶子、凡立貝、赤蝦以及三文魚籽。深海池魚，帶子，口感特別鮮甜，鮮味十足，大家也讚不絶口。吃過日本原條刺身後，江南八小碟也被吃光，重慶麻辣雞煲隨即送上。我們當中有朋友不太甚吃辣，也怕太辣而吃不下，先要小辣。雖是小辣，麻辣帶來的陣陣辣香絶無影響，雞肉嫩滑，麻辣醬汁令雞味更為香，更為惹味。重慶麻辣雞煲雖可無限添加，大家更期待御膳火鍋。從餐牌上得知，養身湯底有四種，習慣了雞煲的辣味，大家更添辣味，所以要了大紅袍麻辣湯鍋，並選了中辣。大紅袍麻辣湯鍋以一個左右兩邊以龍頭作手柄裝飾的湯鍋送上，氣勢非凡，龍頭做工極為精細，更顯龍形的霸氣。店家貼心的為每人送上一碗魚骨清雞湯，作用是清清口中的雞煲的肥膩感，以及清去雞煲的濃厚味道，吃火鍋時就更添味道。海鮮大拼盤，當中有著多種海鮮，大蜆、青口、花枝片及生蠔等，當中生蠔最為吸引，珍珠白的，大大的，非常誘人。美國雪花牛小排及金牌手工丸同時送上，兩者也非常特別，以一個牛形的器皿送上牛小排，以一個花形的碟排放著。火鍋配料也是無限添加，當中有著多種，最特別是響鈴，是即叫即做，自家制作的。火鍋當中有日本鯛魚片、韓國生蠔、日本稻庭烏冬、有機魔芋絲及日本黑薯糕，這些都非常特別，非一般常見的火鍋配料。最後是宮廷美點，抹茶布甸配紅豆沙，抹茶味剛好，配紅豆沙吃，兩者甜味配合。水信玄餅，清淡帶花香，水晶晶，美得太想去破壞它。甜品後，最後送上的是清香的高山龍井，完美中更覺完美。…查看更多

天氣乍暖還寒，襯天氣還未回暖，當然要吃火鍋。淥鼎記雖然是一間無限時任食火鍋，但無論食物質素或服務都非常不錯，所以即使開業不久，都客似雲來。＊＊＊＊＊＊＊＊＊＊＊＊＊＊淥鼎記店面挺大，座位都不會太迫，坐得挺舒服。淥鼎記的御膳火鍋十二宮套餐，$335/位，如果有下載Openrice的優惠券，還低至$299/位，而且連星期五都可以用。套餐包括江南八小碟、魚刺身、任食麻辣雞煲、海鮮拼盤、牛小排、御飯、甜品、飲品任飲和任點火鍋料，其實即使沒有任點，套餐所包含的食物基本上都很難吃得完，所以真是非常抵食。醬料可在自助醬料區自取，雖然選擇不算多，但勝在不額外收醬料費，抵讚！雪櫃內有多款汽水、荳奶和涼茶可以自取，其中涼茶特別暢銷，建議早點拿取。蔬菜籃同樣可以在雪櫃內自取。涼茶有三款，其中這款竹蔗茅根就最受歡迎，甜度適中又能喝得到竹蔗的味道，最適合配火鍋。左邊是薏米枸杞，飲得到一粒粒的薏米，右邊則是菊花羅漢果，味道比較甜，適合嗜甜的朋友。江南八小碟未吃都已經先聲奪人，八款不同小吃，份量絕不欺場，其中我比較喜歡椒鹽豆腐和龍井河蝦，不過再好吃都千萬不要吃太多，因為還要留肚吃之後的食物。原條時令魚刺身放在一隻龍船上，當然要手機食先，旁邊還伴有三文魚籽帶子和甜蝦。想不到任食火鍋都有原條池魚，絕對是喜出望外，重點是池魚還非常新鮮。甜蝦都很大隻，有食指粗幼，非常鮮甜。麻辣雞煲份量不太多，但不夠還可以再添。雞煲我選了中辣，對於吃慣辣的我，這個辣度還可以，不會吃得太辛苦，麻味挺重的。雞件醃得夠味，不過略嫌不夠嫩滑。吃完雞煲，侍者會換過另一個放有湯底的鍋，湯底有四款可選，我們選了花膠鮮雞美人鍋。美人鍋內除了有鮮雞，還有大大塊花膠。未下火鍋料前，先試試湯底，可能煮得不夠時候，味道較為清淡。海鮮拼盤份量十足，內有海蝦、蟹、脆骨腩、魷魚、蠔和大蜆。海蝦蝦肉結實爽彈，質素比想像中好。脆骨腩肉質脆口，魚骨夠大條不怕哽骨。大蜆有睇頭得來也沒有沙。魷魚不會過韌。蠔很肥美。蟹蓋內有很多蟹膏，雖然蟹膏較硬，但這個價錢也收貨了。牛小排雪花紋非常美妙，每枱只限一碟，如要追加可另加$48。牛小排厚薄適中，帶點彈口，未吃都已經知是靚貨。響鈴比較薄身，所以放在湯內一會就吃得。金牌手工丸有蝦丸、墨魚丸、鯪魚丸和牛丸，平時出面食火鍋，手工丸比普通丸貴一倍，想不到淥鼎記的手工丸還可以任食，四種丸都很彈牙，只有手打才有這個口感，其中鯪魚丸做得尤為出色，鯪魚香味突出外，亦比坊間其他手他鯪魚丸更彈口。淥鼎記另有廿款火鍋料可以任點，因為已經有七成飽，所以只點了兩三款試試。左上是小籠包，因為要放在湯內，所以包皮比平時的點心小籠包厚一點，但都可以接受，包內裹有湯汁。黃色是咖哩包心丸，雖然不是手打丸，但咖哩味挺重的，幾特別。灰色的則是青芥末貢丸，帶點芾芥末味，都幾好食。因為實在太飽，所以最後的一品御飯只點了一份分吃，味道口感有點像海南雞的油飯，如果不是太飽，都可以吃多一點。上甜品前，侍者問我們要不要茶，想不到竟然拿來一整套茶具，雖然不是甚麼貴茶，但從這些小細節已經看到餐廳非常落本。甜品不是一枚雪米糍，而是有三款之多，包括水果、紅豆餅和水信玄餅，食完已經飽到反肚。總結，任食火鍋雖然不算特別便宜，但非常足料，緊記要在openrice下載優惠券。食物方面，其中原條魚刺身、牛小排和手工丸的水準拍得住出面非任食火鍋，另外任食火鍋料雖然不是甚麼貴價貨，但款式幾特別，明顯有花過心思。…查看更多

我地一行8人去左呢間新店，我地訂左檯，所以好快就坐定定得食野.先上前菜，江南八小碟前菜已經有8款選擇食完就上刺身，刺身不過不失.正常放題質素:)再來就係雞煲我地order左個個BB辣試下先.雞既份量都算多，雞件有肉，唔會太老同市面上既雞煲差唔多:)但係就任食所以食完就馬上叫多個再來就係美人鍋，我地先試左個湯底味道足夠，略微稱咸.同一時間就有海鮮拼盤，牛小排同手打丸海鮮拼盤：有魚，蝦，蜆，墨魚，蠔牛小排同市面上既都差唔多.我地8個人就有2碟值得一讚既係手打丸足料夠味手打丸又係任食咖呢間店鋪仲有其他火鍋料係任食，但我地太飽，下次一定試最後有甜品，西瓜，糯米糍，同水信玄餅，作為成既結尾.…查看更多

日忙夜忙，難得今晚可以與舊好友一聚，又是食火鍋的好日子。 剛好聽說觀塘有間新火鍋店叫"淥鼎記"，二話不說就上去會一會它。 "淥鼎記"的餐單比較簡單，只有無限時任食火鍋或6-10人的氣鍋宴，我們當然要嘗一嘗它的御膳火鍋十二宮。 頭盤是江南八小碟及日本直送原條時令魚刺身 江南八小碟就是八碟不同的開胃菜，有酸紅蘿白、 四喜烤麩、醬蘿白、麻辣蓮藕、炒蝦仁、椒鹽豆腐等，碟碟都不同味道。 今天的時令刺身是池魚，部長向我們介紹刺身都是由日本直送到港，食落口覺得池魚十分之新鮮，肉質爽滑彈牙。 然後到主菜(上半場)︰重慶麻辣鮮雞煲 鮮雞煲果然是鮮雞煲，雞肉非常嫩滑，加上麻辣刺激口腔，我們都一件接一件地食過不停。 雖然雞煲的分量不少，但因為麻辣和雞是絕配的，我們差不多把它全吃光。 飲品 所有飲品都是自助式的，除汽水以外，亦有用料十足的健康飲品，如竹蔗茅根、羅漢果等。 一邊食麻辣雞煲，另一邊又點可以少了竹蔗茅根，飲了一口凍凍的竹蔗茅根，立即熱氣全消。竹蔗茅根除飲之外，其中的馬蹄、甘筍甚至可以食。 主菜(下半場)︰四選一的御膳養身湯店(選了花膠鮮雞美人鍋) 花膠鮮雞美人鍋的湯是黃黃的，部長在我們面前放進兩大片花膠，按他的說明，湯都是師傅每一天早上就開始煮到現在的。 然後部長就著我們馬上飲頭啖湯，未入口已經聞到湯中濃濃的雞同花膠的香味，入口後材料的味道更濃郁，咸甜析中，我們每亦飲了足足兩大碗才開始煮其他火鍋配料。 海鮮大拼盤十分之新鮮，我們發現其中的瀨水蝦依然在動，其他的主要都是甲殼類同韓國生蠔，我們更發現生蠔是在任點任食的名單之中。淥完的海鮮都是嫩嫩滑滑的，有十足的鮮甜。 金牌手打丸分別有蝦丸、墨魚丸、鯪魚丸和牛丸，手打和機造的分別就是不同，手打的每一粒的口感都是實在而且彈牙，每一粒丸都充滿了本身材料的味道，十分之明顯突出。 美國雪花牛小排是位於胸腔左右兩側，富大理石紋脂肪，比普通的肥牛更有牛味同咬口。 一品御飯就是黃金色的雞油飯，比平時常食的海南雞的雞油飯更有雞味，可惜已經十分之飽，若不是我肯定可以食兩大碗。 飯後濃茶連同紫紗茶具，好在朋友懂得如何沖泡，又好玩又消滯；部長介紹茶是由台灣來的名茶，茶香、味道勻衡。 宮廷美點很別致，最特別是有水信玄餅，透明而且圓圓的像史莢姆一樣，中間更有一朵花。在網上一查，找到了它的食法︰第一口：原味吃會吃到淡淡花香味道第二口：沾黑糖醬吃第三口：黑糖醬跟黃豆粉一起吃三口不同的食法確實會試到不同的感覺，個人就最喜愛黑糖醬跟黃豆粉一起吃，甜甜的又有黃豆粉同花香。同場加影︰香蕉拔絲是其他客人(需要)早一天下單的，聽部長說這拔絲是要兩位廚師用四十分鐘造的，可惜我們今次無緣一試，只好留待下一次。 …查看更多

今日朋友聚會！就去食呢間試業中嘅雞煲火鍋放題睇睇menu 先我一坐底就諗住叫個雞煲，點知被店員stop 咗原來係要跟住個flow 食架由江南八小碟開始順時針咁食到宮廷美點！感覺都幾pro 平時食雞煲放題 都唔會care 點食法就食哂d雞就開始邊爐，今次有新嘗試！江南八小碟，賣相幾靚！感覺幾有氣勢，而且擺到好似自己真係食緊宮廷料理咁！由蝦仁順時針咁講啦1.蝦仁，食落味道同平時食蝦餃餡嘅味差唔多，呢個感覺多咗d芡汁！而有d炸過嘅葉，食落有少少紫菜味脆脆地，但又唔係紫菜。應該係用黎裝飾嘅2.木耳豆腐乾食落係滷水嘅味！個人都幾鐘意食木耳爽口！加分而且豆腐乾夠哂入味架3.黑蘿蔔切成菱形，食落個汁都係偏甜嘅滷水味！雖然賣相係黑色幾舊野，但個人幾欣賞嘅係佢入味，入口即溶！完全冇「楂」！抵讚4.（中間）紅蘿蔔🥕本身都唔係幾敢試因為驚有陣草青味！呢個又冇喎佢係用醋醃過，所以幾酸架！都可以當係開下胃咁啦！呢個要讚下排得幾靚！成朵花咁！5.雞腳食落又係滷水汁嘅味！個人對於雞腳冇咩特別喜好！呢碟還好啦！6.紅燒肉食落再一次係滷水汁味食落有1-2舊偏瘦，而且瘦嘅位肉質係偏硬！其他都算肥瘦均勻！要煮好紅燒肉真係好難，所以呢個味道都算係咁，但肉質可以再好好控制一下會更好7.炸脆豆腐食落都幾脆，唔厚粉！外皮夠味，入面豆腐都幾滑！內脆外軟突然發現原來得7小碟，小食！我自己估啦 應該係得7道小食！但中國人對七呢個數字都唔係太鐘意所以就改做江南8小碟！個人覺得冇咩野嘅！但最好就係加多碟符合翻個名啦！要讚嘅係份量算係幾多，因為無論2個人食定幾多個人都有咁多碟！咁岩今次我地2個人食，所以都幾多！另外個人覺得味道不錯，但有幾碟都係一樣嘅滷水味，覺得可以調教下唔同嘅味令佢唔會咁單一！到刺身啦！個人係幾欣賞佢排食物嘅賣相同佢d放野食嘅容器！好有中國風！刺身一共有3種 1.池魚當日時令魚係池魚，佢有2種食法第一種係平時咁樣魚生片點豉油加wasabi另一種就係放係紫菜上面夾住黎食！有一點扣咗少少分嘅係魚生片其中一片有魚鱗！而個人喜好呢！都係鐘意魚生片食法今次池魚個人覺得肉質係爽嘅，都算唔錯2.帶子都算幾鮮味架！個人覺得細粒咗d！不過有d三文魚籽搭翻夠！3.大蝦個人唔太識分係咩蝦，總之就係好大隻！差唔多有筷子咁長！而且蝦頭都有膏！算幾新鮮架到雞煲了！份量方面今次還好 因為任食 唔夠可以再叫！咁樣可以防止浪費食物！另外味道方面有得揀bb 辣，小辣,中辣同大辣！我地揀咗bb 辣!覺得都幾惹味，而且幾好嘅係 上枱後炒2炒就可以轉細火開始食！肉質幾好唔會老！邊爐部分，開始！我地叫咗花膠鮮雞美人鍋個鍋又係靚靚地咁☺️一黎到店員會先放花膠落去！然後會叫我地飲頭啖湯！一開始都有d驚見到勁多雞油，驚會太油膩！但飲落又唔會喎⋯⋯都幾鮮甜，之後店員會幫我地撇油（泡泡）海鮮拼盤！都幾正種類都幾多架而且幾新鮮，因為仲郁架佢地嚇親！d蝦幾好唔會「梅」肉！其他海鮮都唔錯！呢個小牛排！肥瘦均勻！睇圖都知好啦⋯⋯食落都幾有牛味！而且都入到d雞湯嘅味！我覺得有驚喜喎！而且唔洗特別點醬油都夠味手工丸一共有4款個人覺得都幾彈牙！蝦丸：推推推，有蝦味而且都算入味墨魚丸：都算入味豬肉丸 ：冇咩肉味，唔係幾似豬肉丸 鯪魚肉丸：個人本身唔太鐘意，總係覺得腥腥地！而且好大陣芫荽味其實仲可以任叫其他火鍋料架，果d唔多講！就係平時食開果d大路野都有之後仲有個雞油飯，食落唔會好油膩！而且味道都不錯👍🏻唔會係得個色！都算有d味加埋蟹子！口感升華咗少少！如果太飽可以唔要或者叫少飯架呢個幾特別嘅係有得比一包茶葉你泡茶！可以解膩！呢隻茶特別澀！而黑色個茶壺下面係用平時古野家打邊爐嘅火燒住.....個人覺得有d慢先滾d水最後係甜品！都幾特別嘅配搭又日式又西式甜品西瓜都幾甜！芝士蛋糕都做得唔錯個餅地算係實實地！而且味道唔會太甜！水信玄餅，覺得打卡一洗好bling bling!閃閃下好靚，但呢個水信玄餅冇咩味，應該本身係咁的！ 要靠外面d黑糖同黃豆粉先有味！所以要有少少技巧咁食！就係中間開少少位流d糖入去最後埋單每人285左右！覺得都唔錯！覺得呢個食物中規中矩！但服務真係一流！係一個唔錯嘅體驗！食高級版嘅雞煲放題！…查看更多

一大班朋友話要reunion, 有d 鍾意火鍋, 有d 鍾意食雞煲, 有d 又話要食刺身, 都幾傷腦筋好彩見到亞太中心8樓呢間淥鼎記, 就同朋友提議去食下有刺身有雞煲有火鍋有海鮮, 仲要座位寬敞, 坐得舒服自然多d 計可以傾傾到口乾任你飲, 其中最有新意既係佢有多款健康飲品, 拎左竹蔗矛根同夏枯草, 清清熱氣都好😂江南八小碟八小碟各有特式, 醃蘿蔔餐前食令你醒神開胃, 爽脆雲耳令你精神爽利, 扣肉幾件, 仲有d 剝好殼既蝦仁, 用黎送酒就一流👍日本直送時令魚刺身本身以為佢係以火鍋為主既餐廳, 刺身唔會有太大期望, 但竟然有時令既深海池魚😍原條切薄片比你, 而且擺碟都擺得好靚👍重慶麻辣鮮雞煲呢度既雞煲係任食架, 食完一兜唔夠可以再叫👍而且唔算太鹹, 雞都ok 嫩滑又入味😍花膠鮮雞美人鍋呢個鍋肯定係女性恩物, 大大舊花膠放入湯底度, 而且仲有成隻雞添, 煲滾後飲一碗頭啖湯, 又養顏又健康海鮮大拼盤有蠔有青口有蝦有蜆都幾豐富架, 如果有埋魚就更加好😂最好係白鱔或者脆肉鯇🤤美國雪花牛小排明睇人一睇d 脂肪分布就知佢非池中之物, 喺湯底燙幾下就食得, 非常鮮嫩肉香😍金牌手打丸每款2粒, 好事成雙嘛😂擺碟擺得好精美, 食落彈牙味濃食完仲會有個茶煲仔比你沖茶, 送甜品一流😋…查看更多

二月中旬星期二晚上，年後聚餐。天氣持續寒冷，最好的活動就是吃火鍋，今天晚上跟一群友人相約在這裡吃。友人預先訂好今晚的火鍋，我們吃的是無限時著名御膳火鍋十二宮，總共有十二道菜，店家會順時針陸續上桌，讓客人尤如享用宮廷御膳。先有江南八小碟，上桌已經派頭十足，從盤子到擺盤都看得出廚師的用心，八小碟全為當令食材，會因應時令作出變化。中間的紅蘿蔔從視覺到味蕾都是一種享受。小食後是日本生魚刺身，一魚兩食，先吃刺身，魚肉鮮嫩，廚師用精湛的刀工把肉起出，有層次地鋪盤，佐以大蝦跟鮮帆立貝，整盤刺身泛起一片彩光，閃閃發亮，魚肉片猶如冰塊一般存在。魚骨再放進以雞熬成的湯裡煮，魚味濃而不腥，更有淡淡雞鮮味散出，非常滋補。之後就是重慶麻辣鮮雞煲，雞肉香嫩，骨頭部分不多，而且不泛油，正確的雞煲是不會整鍋油的，這個雞煲真的有水準。雞煲食完當然就是火鍋時間，我們要了大紅袍麻辣湯鍋，配料先有海鮮拼盤，裡面有生蠔、青口、蜆等，全是生猛還在動，大蝦更從盤裡跳出來...最後一道宮廷美點為日式甜點，抹茶布甸配紅豆沙，甜度適中，抹茶味香濃，為完美配搭。圓形透明的是水信玄餅，因形狀像雨滴而得名，由日本著名的信玄餅演變而來，後來傳開為世人得知。眼看晶瑩剔透，由於星只有30分鐘的固態時間，所以入口即化，加入櫻花，清香而順滑，真的一試愛上。這裡讓我們過了一個非常夢幻的豪華宮廷御膳夜。…查看更多