渝川菜館

自從沾染上食辣野嘅癮之後，一直尋尋找找適合自己口味嘅餐廳，試過好多人推介嘅星級食肆，亦品嚐過過連鎖店嘅味道，水準始終比起國內有一大段距離。直至遇到渝川，我就再冇去過其他餐廳治食辣嘅毒癮啦👅去過嘅食家都知道佢係收一個人頭費免加一，再視乎組合嘅人數決定可以叫幾多個涼菜同埋熱菜。先講講佢嘅涼菜 - 最令人念念不忘嘅一定係佢嘅四川涼麵！一到看似平平無奇但夾雜着又香又辣嘅味道，簡直係每次去必點item之一～ 另外經常叫嘅就係口水雞啦，同涼麵嘅配搭恰到好處，未試過嘅朋友可以combo咁叫呀～至於熱菜方面，我就大大力推薦以下三款：1. 水煮魚- 能夠做到冇骨已經係最基本嘅要求，渝川特別之處係每一塊魚都可以做到平均咁嫰滑，亦唔會煮到好多其他餐廳咁變咗細細舊魚碎- 然後每一份水煮魚都有薯粉作配菜，將所有香味吸晒👅- 仲可以免費添加一次魚同埋薯粉嘅份量哦♥️2. 泉水雞- 從來冇食過咁滑嘅雞腿肉，香香麻麻，入邊仲有我最鍾意食嘅萵筍，每次都可以食晒所有配料🤪3. 酸菜魚- 叫呢個一開初係為咗可以中和返食咁多辣野嘅感覺，食完發覺佢絕對冇被水煮魚比下去- 每一份都有粉絲作配菜- 一樣可以免費添加一次魚同埋粉絲嘅份量…查看更多

今日同愛人一起去渝州吃晚飯，之前已經話要同佢一起去，終於今日去到了，食物水準保持得很好,相隔了5年依然出色，價錢也相宜，老實依現在香港的生活水平可以話超值係一個三五知己聚會或與愛人晚飯的好去處，尢其是冷麵超好味，味道剛好必吃之選，…查看更多

一向無辣不歡，但香港有四川原有風味的餐廳不多，渝川菜館是少數之一。一行十人叫了十多個菜式，有辣有唔辣，最愛四川涼麵，水煮魚，麻婆豆腐，蛋黃蝦（雖預訂）。不足處是餐廳通氣不足，令環境非常煙霧瀰漫，影響進食舒適度。⭐️四川涼麵 辣度和麵軟硬度十足，令人一食難忘，停唔到口。很少四川餐廳有這種質素，為必叫前菜⭐️口水雞有四川味，味道微辣，中上水準⭐️青椒皮蛋一上枱全清，不用多說⭐️辣青瓜好味但驚喜度一般⭐️麻婆豆腐必叫菜式之一！少有四川味道，辣道適中，大愛⭐️水煮魚魚滑肉鮮，辣味將味道帶出！大荳牙也很入味，朋友笑說要每天來吃⭐️蛋黃蝦好吃好吃！蛋黃和蝦味道夾得非常好！謹記預訂！⭐️酸菜牛柳店員推介，有驚喜！連平常不太好酸菜的我吃得連湯也清了⭐️辣子雞味道還可以，但嫌略咸，較重口味⭐️泡椒田雞較其他菜遜色，建議可叫其他菜式，除非是田雞控⭐️四季豆很香口，四季豆炒得出色，比別家鼎xx更好吃⭐️西芹炒鱔絲本身不太好西芹，但鱔好吃，還是四季豆較好吃總括而言，一定有下次⭐️⭐️⭐️…查看更多

位置比較隱蔽，在商住大廈一樓！內𥚃似一間細小酒家！環境舒服，落地玻璃感覺開揚！值得一讚，由於是逐位人頭計算，所有人少少都可以食到幾款川菜我們2人可以點2款涼菜 3款熱菜四川涼麵，虎椒皮蛋，兩款涼菜,夠辣，十分惹味水煮魚，啤酒鴨 都值得一試，雖然不夠涼菜惹味辣子雞就比較失色，炸得太燶，只食到麵粉味，食不到雞味， 可能不夠麻不夠辣，沒有川菜既感覺整體都算出色，通常一大班人食川菜比較多選擇先扺食，但些餐廳因為人頭費計，好啱兩三知己，人少少又想食多款川菜既人一定會再來…查看更多

To farewell my nice boss who loves spicy food so much, we decided to come here which serves many different spicy dishes.We got 13 people and it restricted us to order 6 cold dishes and 7 hot dishes. I do like steamed chicken in spicesmy colleague recommended the frog with chilly, because the meat tasted sweet!Another one like the beef in vermicelli with sour preserved vegetable.Overall, the taste is good but it can be better because the chilly seems to be added after finish cooking. We cannot taste many different spiciness among 13 different dishes. Given that they are charging us $268 per person, there are many improvements to be made. …查看更多

上星期心血來潮，好想食水煮魚，搵左間離公司唔遠的又見食評唔錯試下。依間要早訂位，平日都好full。格局像茶樓，但算安靜，適合慢慢食飯傾計，坐耐d都得。服務員態度唔錯，有求必應，唔會催人走，加茶水都算快。晚市人頭費計算，唔洗再加一，我地兩個人食，叫左三個熱菜兩個冷盤。水煮魚（抓文就知必食XD）份量適中，魚好滑，味道不錯，辣得好有層次，下層薯粉好入味。口水雞（冷盤）份量我覺得剛好，雖然看上來很少碟，但仲有其他菜，再加上兩人用，其實好夠。味道唔差，雞肉都算滑。椒鹽蝦，唔辣，但好可口，仲有蝦片配合，食飽飯，配茶或其他飲品黎食住傾計。苦瓜煎蛋，冇特別驚喜，純粹中和下唔想太熱氣，不過苦味去唔晒。冷麵，醬汁ok，辣辣地，第一碟就上依碟，幾開胃。以上份量兩個人絕對夠食，價錢都算合理。自己平時都會間中食辣，覺得整得食物水準不錯，煮法配合得很好，值得我會再來食。…查看更多

２０１２年５月１８日，星期五，又係時候出動搵食。今次去左想食好耐既川菜館。在香港，好難搵間好食既，因為不正宗，找不到大陸的味道。而這裡的內地師傅，正正給我找到了這味道。不多說，只說水煮魚。香港吃過的，不是魚肉鬆散，就是只辣無味。這店做的，辣而有麻勁，魚肉有趙口而入味。單是這兩點，足以令我番啅。這店有點自家私房形式在做，請不要求個華麗裝潢。我一向只要個乾乾淨淨就好了。…查看更多

之前同友人嚟過，覺得唔錯，所以成日都想帶肥面嚟試一試，終於等到今日喇！可能今日係星期一嘅關係，客人唔算多，所以無上次咁嘈、咁焗聲。記得上次嚟好似有花生做前菜，但係今次已經無咗，即係變相已經加咗價。我哋今次叫咗：香辣口水雞夫妻肺片沸騰水煮魚泡椒嫩牛肉辣子肥腸先嚟兩個涼菜，口水雞嘅味道都幾濃，而且雞本身好滑。整碟雞香得嚟帶點點辣，非常易入口。但係可惜嘅係所有嘅雞件都係細細嚿嘅，比人感覺好似將啲頭頭尾尾混埋一碟咁就算，份量頗小兼夾食得唔個引。相比口水雞，夫妻肺片就仲無咁辣，而且紅油好香，加上少少嘅芝麻、芹菜，令到成碟涼菜好吸引。輕輕嘅麻味，配上上乘嘅用料，口感一流，而且仲好入味，有食到停唔到口嘅感覺。伴菜嘅花生亦都好香口，好脆！主菜先嚟水煮魚，一放低時的確相當沸騰，賣相好好，感覺正宗。此店用上桂花魚，魚質的確嫩滑可口，帶出少少嘅麻辣味道，不算十分濃烈。嗜辣嘅朋友可能會略嫌味道不夠辣。個人認為，相較上次嘅嚟食水煮魚嘅味道，今次麻辣味的確減咗。此外，魚片嘅數量其實少嘅可憐，只有一堆大豆芽同茨粉墊高整兜魚，幸好，大豆芽加茨粉索咗啲味，食落都幾好味，同時又可以順便當填肚。再嚟就係泡椒嫩牛肉，呢個菜同口水雞一樣有同一通病，就係啲牛肉好似碎上咁，食落時真係一粒都不能少，因為份量實在太少……但係味道係好嘅，唔算好辣，牛肉都確係鮮嫩。埋尾食埋個辣子肥腸，其實係將啲大腸炸到乾咗咁，食落好香又唔會搞到成口油淋淋。肥面就一路都嫌呢個辣子肥腸一啲都唔辣，唔係幾入到味；但係我就覺得如果嗒真都會覺得有少少辣味入咗啲大腸度。最神奇嘅就係當食晒呢碟肥腸時，好似完全同你洗口咁，連口中之前嘅少少辣味都吸走埋！整體成餐晚飯嘅餸菜味道其實係唔錯嘅，不過比起上次，所有菜式嘅辣味好似減淡咗咁。而且到埋單時先知原來已經加價加到$180一位，即係加咗$12，但係份量就比之前少咗好多，有少少唔夠食嘅感覺。服務方面，絕對唔會係殷勤，總之有餸就拎比你，你要茶就會斟比你，但唔會係臉帶笑容嗰隻架喇！如果仲係收$168我就會覺得抵啲，但係宜家加咗價而份量又咁的骰，咁可能無咁快返轉頭喇！…查看更多

:本身上次已經想去食,但book唔到,所以趁有朋友生日,就再嘗試去book吓有無位~~~ 今次ok左,我地3個人去食!!麻辣肚絲 - 掂呀 口水雞 - 都ok酸辣茄子- 可以一試水煮魚- yummy 四川涼麵- 超水準 辣子蝦- 幾好牛柳絲- 好味總括來說 : 一定要去食,食完都會再幫襯,因為實在好美味,服務又好,環境都唔錯,價錢好合理囉!…查看更多