金色不如帰 (H Zentre)

营业中

休息中

尖沙咀成日去，但有一段時間冇行黎呢邊，呢個商場原來已經裝修好😳轉角位已經有一間勁吸引嘅米芝蓮拉麵➰極旨螃蟹套餐🍜 $198套餐包左拉麵同餃子，如果散叫拉麵$148，餃子 $88，套餐價錢相宜～仲要每日限定50份，當然把握機會試下😚➰螃蟹湯拉麵 🦀清雞湯加上秘製蟹湯，另加入蟹肉醬、蟹油，湯底濃厚，酸奶油加上檸檬，降低左蟹油嘅膩感。麵質爽滑有彈性，叉燒細嫩軟腍➰黃金蟹肉餃子🥟初頭以為黃金係蟹粉/咸蛋，原來係黃金比例蟹肉同豚肉1:1🤣帶少許鮮味，不錯👍🏻➰貝汁醬油拉麵🐚$128見到米芝蓮推介所以跟住食😙元貝汁味道好濃烈，帶蒜油香，拉麵滑溜掛湯，味道惹味，令人想一啖接一啖➰比目魚柚庵燒🐟 $118魚肉燒得好香，肉質細嫩，加上柚子嘅香氣同調味，反而中和左魚油嘅油脂感，連對魚一般般嘅我都食晒➰黑糖薑紅棗牛蒡茶🫚$35牛蒡味道偏濃，有粒粒紅棗係入面，甜而不膩，健康之選➰紫蘇雙檸洛神花茶🍋$38 以為會重洛神花，不過又唔係。味道酸酸甜甜，比較似洛神花汁嘅檸檬茶，味道清新特別

日本東京過江龍拉麵店，一直都好想試呢間，金色不如帰喺香港嘅舖頭，喺日本東京米芝蓮一星拉麵店，位於尖東H Zentre地鋪，一出地鐵站口就見到非常方便。▪️螃蟹湯拉麵▪️以自家製雞湯，再加上大量三星蟹蒸焗後，秘製而成嘅螃蟹湯底，再配以新鮮活紅蟹製成嘅蟹油，湯底味道超濃郁，蟹味濃郁，除咗招牌慢煮叉燒，仲配搭埋酸奶油、鮮蟹油、京蔥、火箭菜、蟹肉醬，配菜十分max,且豐富，真係拉麵連湯都可以食晒。▪️貝汁鹽味拉麵▪️湯底超鮮甜，都係呢度嘅皇牌拉麵，拉麵口感煙韌唔會煮得過分腍，濃郁嘅蜆肉鮮甜味與魚介味道覆蓋左成碗拉麵，再加上牛肝菌醬提鮮左成個貝鹽味湯底，好正啊✨▪️黃金蟹肉餃子▪️蟹肉同埋豚肉超夾，加上外面煎得香脆而咬開裏面仲好Juicy，多汁👍🏻▪️比目魚柚庵燒▪️比目魚柚庵燒以醬油，清酒，味醂等等嘅材料，去除魚嘅腥味，再加入柚子令到比目魚更加甜美清爽，燒得啱啱好，肉質嫩滑，多肉少骨，好容易食。▪️白桃焙茶 | 木村信州巨峰梳打汽水 ▪️白桃同焙茶味好夾，唔會太甜，係原材料嘅白桃汁味道，👍🏻 木村信州巨峰梳打汽水，巨峰味道出眾，加上梳打口感令到飲品更加Fresh。

連續3年攞到米芝蓮一星🌟最出名既就係貝汁鹽味拉麵同埋牡蠣拉麵🍜———————————————————————牡蠣拉麵 $128係季節限定既新品，10月尾最易食到肥美既牡蠣🦪湯底用上三重湯料，有蠔湯、豬骨清湯同魚清湯，所以鮮味好出。仲有8款豐富配料，有意大利番茜、法國紫洋蔥、火箭菜、京蔥、鮮蠔油、醬漬牡蠣、茗荷、蘿蔔苗貝汁鹽味拉麵 $128湯底用60斤大蜆熬製，加上白松露油同牛肝菌醬，香味俱全👍🏻低溫叉燒同三層肉肉質軟嫰。比目魚柚庵燒 $118比目魚外皮燒到香脆🐟魚肉嫰滑。涼拌黑松露紋甲墨魚 $70黑松露提升墨魚既鮮味，墨魚粒爽口彈牙🦑酸酸甜甜好開胃。木村梳打汽水（完熟白桃）🍑 $38紫蘇雙檸洛神花茶🧉 $38