牛県

营业中

休息中

荃灣有間日式小店，以USDA Prime 認證濕式熟成方法處理牛排，「#牛県 」有不同部位及份量可選擇，就帶埋食肉獸朋友品嚐一下呢度石燒牛肉😜餐廳位置不多，晚上有不少捧場客，店員好貼心，下單後會提供黑色圍裙。🌟牛油果蟹肉沙律將牛油果、蟹肉、蟹籽及各款沙律菜配合沙律醬拌食，味道甜甜地，清爽醒胃。🌟五選三套餐+$32燒牛扒可以加配套餐選擇其中3樣：罐裝汽水、湯、沙律、薯條及白飯。🌟極上牛小排300g石燒後濃郁的牛肉香氣好吸引，靠石板熱力烤熟後，生熟程度自己控制👍🏻肉質也非常柔嫩，冇根易入口。唔落調味料亦夠曬入味！🌟牛縣燒肉海膽丼（燒肉）除左海膽份量多之外，仲滿滿魚籽，海膽入口唔腥而粒粒魚籽卜卜脆，幸福感滿瀉😍。🌟Sapporo Beer & Cola

荃灣「牛県」石燒牛🔥🐄 和串燒好好味，店員親切熱情，氛圍輕鬆。⭐️極上牛小排🐄牛肉油花分布均勻，肉質嫩滑，幾多肉汁，燒到熱辣辣好好味😋，有黑胡椒、岩鹽，可以按口味加落去調味。可以選擇紅酒和燒汁，都咁好食。⭐️橫膈膜腹肉（封門柳）🐄依種肉每隻牛就只有一條，肉質好嫰，幾香，每一口都能感受到濃郁的肉香❤️石燒牛搭配套餐加$32，就可以選擇湯🍲、沙律🥗、薯條🍟、飲品的其中三款，樣樣都係有質素。飯再加$12升級做大碗紫菜飯配日本溫泉蛋❤️。薯條好粗，炸得好食。⭐️串燒另外仲叫左牛舌👅及和牛串燒，調味很好，很惹味。

揀咗喺荃灣，CP值高嘅石燒牛牛肉食材全部係濕式熟成冰鮮處理，能減少烹飪時的水分流失，令肉汁保存得更好👍🏻牛橫隔膜腹肉🥩原來係牛橫隔膜中間部位，每隻牛只可切一塊，十分珍貴，牛味濃郁，牛肉愛好者必定喜歡💕極上牛小排🥩薄切的極上牛小排，放上熱辣辣的石板上，每邊燒幾秒，就可以品嘗！由於油脂分佈均勻，十分嫩滑又美味😋5選3套餐 🥣🍹🥗🍟🍚只需+$32，就可以於汽水/湯/沙律/薯條/飯中揀3️⃣款- 沙律：驚喜地有2隻蝦🍤，沙律菜同麻醬- +$12 升級飯大碗紫菜飯，仲配埋日本溫泉蛋🥚，撈完飯再搭配埋燒肉，滿足💯- 薯條🍟：有小朋友又點可以冇薯條，小朋友食到停唔到口🤣P.S. 因為石燒牛扒係邊過石板的熱力煮熟牛肉，所以當發現石板開始唔熱嘅時候，就要更換❗️

前幾日同朋友來呢度食左一餐回味無窮嘅石燒牛😋我地點左極上牛小排 200g 同橫隔膜腹肉 (即係封門柳) 200g，牛小排肉味好鮮濃、而封門柳非常嫰滑，我個人非常鍾意👍🏻 牛肉仲有跟自家製嘅紅酒牛肉汁及燒汁。如果加 $32 可以升級套餐配搭沙律 / 薯條 / 飯 / 湯 / 汽水 (五揀三)見佢餐牌上有好多串燒供應，就叫左白鱔串同鹽燒牛舌芯，牛舌芯好腍👍🏻我欣賞佢地有提供圍裙，適合論盡嘅我🤭 下次會再來試下其他牛嘅部位☺️

荃灣都開左幾多石燒牛🐮但”牛県”真係我飯堂🤤比較過都係呢間d牛水準穩定~性價比高👍🏻👍🏻部位選擇多又可以揀唔同重量~燒物都好正🤤員工服務都超好,會同你解釋唔同部位分別,又會定時幫你換新既石燒板~💜橫膈膜腹肉(封門柳)如果大家唔知揀乜既話,非常建議揀呢款,牛味濃肉質軟硬適中~💜極上牛小排呢款要燒得有技巧少少,肉質會較煙韌~💙另外只要加$32轉set,就可以響汽水/湯/沙律/薯條/飯入面揀3項💜鹽燒牛舌芯燒烤手勢恰到好處,唔會乾爭爭~

好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗約朋友響荃灣食飯，大家都想食石燒牛扒，好快就會諗起荃灣廣場附近個名一個字嗰間，諗諗吓，嗰度可能因為太多人識又多人等，次次都要趕住食，職員態度又唔好，唔係好想去～ 上網再搵吓，見到呢間都係響附近，評價唔錯又未試過，決定去試吓。佢嘅石燒牛扒有7款，200g 開波，套餐 +$32 可以響罐裝汽水、湯、沙律、薯條、飯入面揀3款，都幾抵食！我同朋友每人一杯飲品，湯、沙律、薯條、飯各一，就可以試晒啦～ 🍴橫隔膜腹肉（$198/200g）上菜係一大條牛扒，比較厚身，外面已經燒過，自己切開再響熱石上面輕輕再燒兩邊就食得，我自己比較鍾意食原始味道，就算有3款醬汁我都冇用，只係落岩鹽已經夠。肉有好靚嘅油花紋，咬落去好鬆軟有少少咬口，肉味非常香濃，帶有少少油花甘香味，掂！🍴極上牛小排（$228/200g)上菜都係已經燒咗表面，已切件，相對橫隔膜腹肉薄少少，中間有一條較粗嘅油花，呢款燒嘅時間再可以縮短，嫩滑多汁，牛味香濃，好味！雖然唔夠橫隔膜腹肉嘅味道咁濃，但係如果對於想食牛味香又不至於太濃嘅人嚟講，呢款係好選擇～🍴香煎鵝肝配迷你多士（$88）鵝肝有兩大片

荃灣多野食是常識吧！今日行行下，見到《牛県》餐廳有個好趣致嘅霓虹牛🐄招牌吸引到我眼球，再望下原來有石燒牛，就即刻try try啦～🥩極上牛小排 200g $228油脂四溢，牛味香濃，油花分佈均勻，拮落去超軟腍，口感細緻，一舊接一舊停唔到口！🥩腹心肉 200g $178外面燒得焦脆，咬落鬆軟幼嫩，油脂感重，又香口又juicy😃🍚火炙和牛三文魚籽飯 +$8勁抵食🫶和牛入口即溶，油脂感滿滿超喜歡🥹三文魚籽鮮味濃郁，拌上蛋黃撈飯勁出色，齒頰留香！仲要咁平，少癲🌼海膽刺身 $88色澤靚橙黃，光澤水潤，證明水份充足。味道仲超級鮮美，濃厚甘甜😍店員細心程度max! 會主動俾圍裙，仲留意到我哋需要換石板，值得一讚❣️