楚撚記大排檔

营业中

休息中

今日同朋友一行四人山長水遠來荃灣試新潮大排檔，好耐都無食過大排檔，因為價錢實在有D貴🙃先睇睇個餐牌，款式都唔少招牌野都唔少，最後我地試左個「陳伯痛風餐」再散叫左個黃金椒粟米同墨魚餅，埋單$900有找😋價錢來講真係算得上抵食，碟頭夠大，絕對好過好多街市既大排檔多多聲！加上地方都乾淨，唯一搞唔掂就係個冷氣🙃真係熱到呢🙃豬肺湯相當醒神，真材實料，鍾意飲湯記得試！出名既豬油撈飯同炒蜆，豬油飯算唔錯，係細碗左少少🤏因為叫套餐係要額外加$8碗先食到🙃炒蜆偏甜，但還算新鮮，無沙黃金粟米還可以，但我自己口味上就鍾意乾身D既，所以略顯濕D其中椒鹽鮮魷就係相當不錯，散叫都可以試，份量同味道都唔錯👍

如果唔係幾日前訂位應該食唔食，點解咁講？因為前幾日就係walk in食唔到即刻訂位囉。先上咗個湯，呢個湯無得輸，完全為呢餐飯開咗個靚頭。湯料夠、豬肺香口、唔咸、唔油，夠濃郁。一定要叫！咕嚕肉都係要試，唔肥唔瘦，皮脆肉實，但旁邊嘅糖餅，後生可咬一口，年紀大要避避。炒蜆炒得香口，好食，香辣。可以叫，但人少就可以叫其他試。豬油撈飯，豬油、豉油加上蒸飯，我平時晚飯走飯都忍唔到食咗幾啖，又係必叫。蒸飯真係好味好多，煲飯無得比。豆腐係滑嘅，但七味粉同椒鹽味唔夠，有啲失色咗。粟米係真係要試，外香內甜，唔柴。今晚廚心情靚，咸蛋黃俾多咗，所以某啲部份咸咗啲。鮮魷係滑到口嚨，無牙都咬到，但今次入貨好似中等咗？一餐飯個半小時，人客太多，人手有啲不足。今次試唔哂，一定要再見。

最近疫情冇點出去食嘢，唯有po番舊相啦😔呢間大排檔要預先預約，環境好港式風情，乾淨企理有冷氣，小菜選擇都幾多，最後仲會送糖水😆🔸小炒皇（HK$92）想一次過食多啲唔同野，小炒王就可以滿足到😙韮菜、叉燒蝦乾、腰果、鮮蝦、銀魚仔炒埋好好味，配啤酒定飯都好match😎🔸椒鹽九肚魚（HK$82）次次大排檔必食九肚魚，魚肉嫩滑，無咩細骨，椒鹽味好突出🔸椒鹽鮮魷（HK$92）另外仲叫咗第二款椒鹽小炒，魷魚食落好爽口，不過個人覺得九肚魚好食啲🙌🏻🔸生滾滑雞粥 （HK$82/細）今日突然想食粥就試吓呢度嘅煲仔粥，揀咗細size但係最後送黎唔係用煲裝，雞肉好香滑，將啲特別係會送一細碗嘅油炸鬼，脆卜卜配粥一流😁

💛想食超耐 上星期終於book到位食啦🤩幾個月前都打過電話book 不過係完全book唔到🤦‍♀️土瓜灣店比較細 晚市要早一個月先book到荃灣今次我哋早2星期都book到！(星四夜晚)比較新式嘅大排檔✨ 裝修係懷舊風為主 好有香港特色 勁啱reminiscence🤣用餐時間1.5hr 因為booking幾full 所以夠鐘就要走人時間有少少趕/// 建議大家坐低快啲落order 上菜～20mins先齊-🦐【燕麥金沙蝦球】$98✨推薦✨好特別又好好食嘅菜式！蝦球大粒又彈牙 再配埋燕麥片&鹹蛋黃好好食！推薦推薦👍🏼 6人行有一半覺得呢個最正-🦑【椒鹽鮮魷】$92✨推薦✨魷魚大片有咬口 外層炸得好酥脆再搭埋炸嘅椒鹽香蒜 好香口好惹味😋-🥩【蜜椒薯仔牛柳粒】$98又一常叫嘅小炒😆紅椒 青椒 洋蔥 薯仔 牛柳粒 蜜糖黑椒味幾香～ -🍍【菠蘿拔絲咕嚕肉】$99酸酸甜甜嘅咕嚕肉好開胃 啖啖肉 冇骨食得好舒服不過部份肉質少少實🙈幾鍾意伴碟嘅焦糖脆脆😆-🍋【西檸煎軟雞】$88個人幾鍾意 個汁酸酸甜甜 雞炸得好香脆不過同行有一半麻麻哋😂🙈-🥘【沙嗲粉絲金菇牛肉煲】$88牛肉幾稔 沙嗲幾入味 唔錯～-🥢【星

昨老公話想試這間，就由旺角搭車黎食，6：45話未有位，要到7：30就有枱，於是就在這商場行下等，7：15返黎可以入去了，坐了7成枱，有些應該是訂枱，7：45就是爆場😃我地三個人，叫了椒鹽鮮魷，薯仔牛仔粒，小炒皇，椒鹽炸豆腐，兩個白飯，10min就上小炒皇，都算大碟，味道都不錯但唔夠熱😑，為何呢？叫自己做大排檔，大排檔小菜是講求鑊氣，即叫即做，竟然會唔夠熱？🙄鮮魷都好快到，但好細碟，約10件😣，又不算好好好熱的，最好食個薯仔牛粒，牛不是太un, 薯仔都好食，炸豆腐，幾辣，外脆內滑，細細粒，約20粒，入口似玉子豆腐，仲有兩個飯都是不夠熱的😪個女仔見我地食晒野，就間我地要什麼糖水？原來有糖水送，有蕃薯糖水，清保涼，熱或凍，我地揀了蕃薯，好食喎，薑味濃，幾好😅，埋單共370蚊

荃灣楊屋道街市遠近馳名，最近發現對面的金記冰室原來已結業，很快就改了土瓜灣的楚撚記進駐荃灣，記得多年前到過土瓜灣店，印象不錯，故此相約友人，四人飯聚一下。老友預早訂枱，知道由於新店人氣食店關係，明白需要等等，等了45分鐘安排入座，交枱時店員已多次說明進餐時間為兩小時，明白香港租金貴，四位，進餐兩小時應該冇問題。原裝修保留返上一手金記的影子。這裡自攜餐酒過來的話，要收開瓶費$150/支，所以一坐低，便點了招牌啤酒一試。楚撚桂圓手工啤$42~萬壽無疆通花碗花紋作為招牌酒標，配冰凍的戰鬥碗，味道帶有陣陣的桂花、杞子、圓肉香味，濃厚有特色，值得一試。小炒王$88~第一道菜上來小炒王，未見乾身，底部還感到濕濕哋，大家都覺得有進步的空間。椒鹽鮮魷$92~魷魚夠厚身，質感夠Juicy ，略嫌過分椒鹽，但也是啤酒的好撘檔，價錢扁貴。豆漿杞子鮮腐竹浸娃娃菜$72~由於多個小菜都較為濃烈味道，點這道菜，相當惹人討好。黑松露手打蓮藕墨魚餅$95~加入點點黑松露，即時將它變得矜貴，所以價錢也提升不少，但質感未算彈牙。菠蘿生炒骨$78~醬爆鴛鴦雞煲$99~鴛鴦雞即是田雞和雞，但田雞的比例太少，但點點麻辣味道惹味

訂咗5:30 準時黎到，已經好多人係門口排隊，可能係等外賣？ 如果冇訂位嘅，直頭冇晒位，要下次請早 😢  今次已經係第三次到訪，食物都係好滿意。 豉椒炒蜆 之前食過一次ok，但今次有沙，味道普通，微辣 蜜椒排骨 酸酸甜甜，幾開胃，肥瘦適中 椒鹽鮮魷 好香脆，上到黎仲熱辣辣，配啤酒一流 脆皮芝士焗原隻新鮮龍蝦 新張優惠 $168/隻，幾抵食 肉質食得出係新鮮而且幾厚肉下 外皮亦都好香脆，值得一試 秘製辣酒煮花螺 價錢係偏貴，份量亦唔多 螺肉入味但好細粒，用蘿蔔墊底 秘製汁食落似麻辣火鍋味 唔好睇小，都真係幾辣下蒜蓉炒時蔬（菜心） 落單嗰陣我仲講，食菜不如返屋企食點知最有驚喜係呢碟炒菜爽脆，鮮甜，夠蒜味，屋企炒唔到嘅味😂整體黎講，係幾抵食環境雖然嘈吵但係都算乾净企理裝修風格又係懷舊風，都幾特別但係提提大家，一定要book位同埋一定要check單！！可能新開張嘅關係，食咗3次但3次埋單時，張單都有錯單嘅部份，要留意~

有新嘢梗係要去踩場啦！朋友相約即去試！入到門口有D懷舊擺設好鬼正，行咗10級樓梯後見到個勁正懷舊*痰罐*嗰下令我好想即用嚟小解一下。。咁啱我又好鬼急嘛。。裝修設計都有懷舊大排檔feel，食物仲好有鑊氣真係好耐無食鑊氣嘢了兩個字形容"""掂呀"""