坤記煲仔小菜

實在太鍾意食港式嘅芝士焗龍蝦伊麵底，今日嚟到西營盤坤記，得兩條友食晚餐，唔想叫兩個煲仔飯咁寡，所以就叫咗其中一個佢地嘅特別介紹：芝士上湯中蝦(伊麵底)，順便試試個小菜廚嘅功力，另外叫一個白鱔排骨臘腸煲仔飯。一如所料，煲仔飯要等好耐，芝士蝦先上枱。嘩，芝士蝦都用煲仔上，熱辣辣，誠意十足。但放低一睇，瀨嘢😱，點解個芝士汁會稀如水呢？一問之下，原來佢哋做嘅係有芝士嘅上湯，而非芝士上湯汁。既來之則安之，當然照食可也。芝士上湯，雖然同我想像嘅質感好大落差，但味道竟然係好味嘅，芝士味夠，上湯亦ok。中蝦炸得夠透，可以連殼一起吃掉。伊麵唔會過淋，淥得啱啱好。成件事係中伏了，卻又幾好食😆。🐑白鱔排骨臘腸煲仔飯，所有嘅餸都唔錯，煲底飯焦亦好易起，而且幾靚仔，不過個飯略嫌都仲係濕咗少少，慢火煨多佢5分鐘可能好啲。🐑椒絲腐乳通菜，好味，冇投訴，完。#西營盤 #坤記 #脷安食道 #LeionFoodChannel…查看更多

📍西環 《坤記煲仔小菜》#西環人情味煲仔飯白鱔滑雞煲仔飯 $𝟏𝟏𝟓.白鱔好滑又彈牙，食得出鮮味，鼓汁同辣椒好都配白鱔，可以中和返肥膩感🤤雞件好滑同入味，而最重要既飯都煮得粒粒分明，自己因應喜好落返甜豉油撈飯好正，煲底仲會整到脆卜卜金黃既飯焦🍚椒鹽鮮魷 $𝟗𝟓.鮮魷上枱聞落好香，食落略嫌外皮炸得不夠脆，不過魷魚都夠新鮮，正常水準🦑椒絲腐乳通菜 $𝟔𝟓.食落有鑊氣，而且份量十足，一個煲仔飯，一碟菜，兩個人𝐒𝐡𝐚𝐫𝐞已經岩岩好😋藍妹啤酒 $𝟑𝟒/支.超級冰凍，支啤酒嚟到樽身仲有少少冰，大熱天時飲好爽！🤣🧊白鱔滑雞煲仔飯最後想讚一讚呢到服務，雖然姐姐同伙記望落個樣好惡咁，但個個都勁𝐧𝐢𝐜𝐞，無論係落單收碟都主動招呼，個個都有講有笑，今時今日有咁既服務態度真係嚇親🤣🤍味道：𝟗/𝟏𝟎性價比： 𝟖/𝟏𝟎…查看更多

因為知道這間出名，所以早一點來食，點知都要等半小時，來到緊係要食煲仔飯，點知都要等半小時 味道的確唔錯！而且有好香的飯焦味 見咁好鑊氣叫左碟椒鹽鮮魷，太耐無食，回味無窮…查看更多

慕名而來食佢的煲仔飯選了臘味滑雞飯 臘味好食 滑雞非常嫩滑但份量較少 臘腸潤腸各半條再加一嚿臘肉🤨豉油不會過甜 味道調得唔錯不過飯才是主角可惜飯焦不多 而且不是全煲底都有亦不能成塊飯焦起到出來 有點失望反而枝竹牛腩煲 比煲仔飯出色枝竹超入味 牛腩冧得來仍有一點咬口 煮得啱啱好 仲要有超大嚿bonus牛筋! 值得推介！椒絲腐乳通菜 正常但偏油是日沒有我最愛的九肚魚唯有退而求其次食椒鹽鮮魷 鮮魷好細粒算是做到爽而不韌 可惜炸粉略厚椒鹽味亦一般 唔夠惹味…查看更多