源記甜品小食

西環傳奇糖水店，幾年前冇做，而家喺天后重新開舖。 招牌嘅桑寄生蓮子蛋茶。 舊舖嘅招牌之作，清香嘅桑寄生茶，加上煲得非常之淋嘅蓮子。 而最重要的係隻蛋，桑寄生味完全入曬疍白同蛋黃入面。 試過其他糖水舖嘅桑寄生，完全唔係同一個層次。 而家新鋪重開，感覺稍稍未做返晒舊鋪水準，比以前略淡，但都有七、八成功力。新產品即桑寄生果凍，同樣係桑寄生，造成果凍熱天食幾清涼。燉蛋保留到舊舖嘅水準，蛋味香濃質地嫩滑。新產品嘅炸油糍，外皮嘅粉漿炸得好酥脆，而粉漿嘅質地本身好煙韌夠咬口，入面包住蘿蔔絲、蝦米等等各種配料。 口感豐富，好少地方食得到。蛋糕好香疍味，質地就較乾身。…查看更多

西環源記重開啦！選址天后更方便九龍人過嚟食呢間家傳四代老字號傳統炸油糍 $30 出面極少見，之前有間街邊小食店有賣，但執咗之後幾年都冇食過，呢度見得返😍 太大粒好似炸大魚蛋咁脆卜卜，但切開入面係一絲絲煙靭蘿蔔絲，完全唔粉，仲有鹹香蝦米自家香煎蘿蔔糕 $26 都不容小覷，煎到兩面金黃香脆，厚身但keep到結實質地唔粉唔泡，臘肉煎到走晒油勁香清香合桃露 $36 每天新鮮手工石磨生磨，甜而不膩滋陰養顏，幼滑而每一啖都充滿合桃香桑寄生果凍 $36 天然祛濕安眠嘅桑寄生茶都唔多地方賣，呢度仲要做果凍好特別！清甜嘅正正方方果凍浸喺桑寄生茶入面，做到西式甜品嘅口感，但保留中式涼茶功效😍炸一口雞蛋糕 $26 只用雞蛋同麵粉做嘅清蛋糕連蔡瀾都讚，將傳統融入新一代口味，做埋一口炸蛋糕，淋上黑糖同煉奶，食落好似西多士，但材料天然更健康🙏🏻混醬腸粉 $22 腸粉一般正常發揮，應該唔係自家製，但個醬又真係撈得唔錯😌 …查看更多