源記甜品小食

营业中

休息中

西環傳奇糖水店，幾年前冇做，而家喺天后重新開舖。 招牌嘅桑寄生蓮子蛋茶。 舊舖嘅招牌之作，清香嘅桑寄生茶，加上煲得非常之淋嘅蓮子。 而最重要的係隻蛋，桑寄生味完全入曬疍白同蛋黃入面。 試過其他糖水舖嘅桑寄生，完全唔係同一個層次。 而家新鋪重開，感覺稍稍未做返晒舊鋪水準，比以前略淡，但都有七、八成功力。新產品即桑寄生果凍，同樣係桑寄生，造成果凍熱天食幾清涼。燉蛋保留到舊舖嘅水準，蛋味香濃質地嫩滑。新產品嘅炸油糍，外皮嘅粉漿炸得好酥脆，而粉漿嘅質地本身好煙韌夠咬口，入面包住蘿蔔絲、蝦米等等各種配料。 口感豐富，好少地方食得到。蛋糕好香疍味，質地就較乾身。