渝味曉宇重慶老火鍋 (如心廣場)

餐廳先送上免費冰糖雪耳糖水滋潤腸胃。然後可以依據自己喜好調醬料，麻油味香濃，加上少許麻辣湯入醬料中，確是一絕。點了駌鴦麻辣湯底，重慶麻辣湯底配豬骨湯，午市有免費湯底，好抵食﹗之前食過普通辣，發覺重慶麻辣湯底更香濃刺激。值得一讚之處餐廳容許客人可以點半份火鍋食材，可以讓人數少客人品嚐到不同配料。而且上枱時清楚寫明每份食材下鍋時間，夠晒貼心﹗桂花蚌半份$66:自己好鐘意食，上網一查先發現原來桂花蚌係海參內腔肌肉，口感極為爽口，鮮甜海水味。鮮黃喉半份$59:質地脆嫩，口感非常好，香味濃郁牛心椗半份$32:第一次食，原來係牛黃喉，心臟大動脈血管，同黃喉一樣爽口不過我都係偏愛鮮黃喉一點﹗鴨血半份$42:一開始就放係麻辣湯，一段時間後，夾上黎仲係香滑入味﹗凍豆腐半份$16:內裡蜂巢狀，索晒麻辣湯底，夠惹味﹗曉宇苕粉半份$29:滑身，煮熟後呈透明狀，煙韌有咬口﹗田園菜籃$42:放落豬骨湯好清爽~衝上雲霄百香果雞尾酒$38:需要攪拌開杯中百香果粒，帶有微微酒味，冰凍解辣一流~…查看更多

呢間老店係2012年榮登重慶商報嘅重慶火鍋50強殊榮，更被《舌尖上的中國2》獨家推薦👍🏼由3位香港人到重慶拜訪後創辦，連火鍋醬料都堅持用傳統蘸醬- 秘製香蒜麻油。宜家午市時段仲可享鍋底免費🆓💗冰糖紅棗銀耳糖水未上火鍋前先送一碗，作用係暖胃養生，食麻辣嘅時候就唔會咁傷，中途仲可以解辣，飲落清潤帶甜味好滑身😍💗雙拼鴛鴦鍋($38/位)🍄山珍菌湯鍋：由姬松茸、猴頭菇、秀珍菇、鮮冬菇等熬製而成，湯底清甜，菇菌食落爽口濃郁冇草青味🌶普通辣大紅鍋：按照總店做法，鍋底以上等青海牛油、郫縣豆瓣、貴州生薑、山東大蒜等香料炒製，再加上重慶朝天紅辣椒、茂汶大紅袍同金陽青花椒。悲傷小姐不嬲唔食得辣就揀咗少麻少辣，辛香味十足，但超夠麻，條脷完全痺哂💗美國安格斯優質肥牛($119/半份)肥牛紋路清晰，油脂分佈平均。切得厚薄適中，肉質軟嫩唔會癡牙同有根，有少少入口即溶嘅感覺，食落牛味極為飽滿🥓💗槄田毛肚($62/半份)即係黑牛栢葉，選用薄身而寬大嘅上好葉瓣部份，再加以冰鎮。灼15秒就食得，口感帶韌性嘅爽脆🐃💗紐西蘭精品羊肉卷($56/半份)色澤呈鮮紅非常新鮮，脂肪比例相對低較健康。肉質依然軟嫩，食落有羊肉香，但悲傷小姐嫌唔夠羶味🐑💗黑豚腩肉($42/半份)豚肉半肥瘦，脂肪充滿油香，食落爽彈，瘦肉部分亦肉味濃。但整體都幾肥膩🐷💗8頭鮮鮑魚($76/半份）鮑魚預先去殻𠝹花，只需要灼10秒就食得，唔係就會變韌。而且淥完都幾大隻冇縮水。食落軟滑有咬口，充滿海水味 ，超級新鮮🦪💗曉宇手打三寶丸($49/半份)分別有墨魚丸，咬落有爽口鮮甜嘅墨魚粒🦑；牛肉丸，帶微微嘅陳皮味，似彈牙版嘅山竹牛肉🐮；蝦丸，口感紮實之餘蝦味濃郁，食到一粒粒蝦肉🦐💗桂花蚌($66/半份)即係海參嘅腸臟，零膽固醇同脂肪，入口鮮甜爽口，完全唔腥，仲會爆汁添🐚💗蒿荀條($18/半份)切成粗條後口感更爽脆，充滿蔬菜嘅清甜，食完咁多肉後有助解膩🥒💗涷豆腐($16/半份)同平時食嘅嫩豆腐唔同，裡內係蜂巢形狀，空氣孔好密，所以吸湯力十足，同時豆味都好突出🍲…查看更多

自搬離荃灣後，每每回去都發現一堆新餐廳，朋友說如心突然開了一堆特色餐廳，其中一家是專吃麻辣火鍋的，幸好這幾天剛好下雨涼涼的，吃火鍋最好。可能是新開的關係，裡面的裝修是很摩登時尚，下單也是scan QR code 自助下單的。*湯底我們選了麻辣和山珍菌兩款，小辣來說對我和朋友都很ok ，但煮了一陣子我們便把一半辣椒撈起，免得愈煮愈辣。比起辣，造湯底的香味更重，不錯。*吃火鍋沒吃牛的話總是覺得差一點點，我們點了嫩牛和肥牛各半份，朋友喜歡嫩牛，牛味濃也沒有鬆肉粉的味道，我始終喜歡肥牛多一點，肥瘦適中，配麻辣湯底更開心。*海鮮只選了桂花蚌和墨魚滑，桂花蚌煮完後也不會太縮水，而且很鮮味。墨魚滑員工會主動幫我們弄，是非常的彈牙。*現炸豆皮也是蠻特別的，類似魚皮的食法，浸一下下就ok 了，很吸味，炸得很乾爽不油，有點吃豆卜外皮的感覺。*另外苕粉也是很推薦，彈牙但很爽彈，吸湯但不會很容易便煮得變糊，半份已經很夠吃了，很飽肚的。*…查看更多

太耐冇打邊爐，真係忍唔住，等疫情好返一段時間即刻揀番間正野黎試吓！朋友揀咗呢間，我傳啲相片啲肉嘅質感好好，所以這是。你都會有免費糖水，係好飲個喎，好滑，送嘅都算係好好!叫咗安格斯肥牛, 同埋黑豚腩肉, 肉嘅厚度適中，唔會好薄，油脂分布均勻，個樣靚到呢，質素非常好!叫咗鴛鴦麻辣鍋，辣到適中，原來呢一間去重慶數一數二嘅火鍋，所以個湯底都非常好味!發現原來有圍裙可以用，超貼心!!因為我今日着白色，之後仲要見其他朋友🤣鰻魚同鴨血，鰻魚即係白鱔，次次打邊爐必點，超好食！鴨血我朋友鍾意食，我麻麻地內臟/ 血😛桂花蚌同皇帝菜- 前者爽口，後者新鮮翠綠👍🏾最後仲有龍躉片，勁厚身，好味！總括係質素高，精緻嘅重慶火鍋，非常滿足！…查看更多

同2個朋友食晚飯入舖內會先度體溫 確保客人無發燒先比入☺️叫咗鴛鴦鍋 一邊係豬骨湯底一邊係加麻加辣嘅麻辣鍋😋個鍋一上到黎已經聞到好香😆覺得呢個貴妃蚌真係好好食有咬口又新鮮呢個係季節性海鮮嚟，好味😋蟶子呢到叫左半份每人2隻耗兒魚 煮落去個麻辣鍋度索晒啲汁又係好惹味另外朋友就擺咗兩塊落清湯佢話都唔錯蝦滑爽口彈牙手打三寶丸個牛肉我覺得一般，跟住另外一粒係蝦同埋墨丸無咩特別最咪試咗個冰粉真係超級解辣總括來講都係值得一試3個人埋單$900…查看更多

同朋友來到荃灣剛大裝修完的如心廣場，準備進駐好多食肆。見到呢間曾上過舌尖上的中國的名店渝味曉宇，於是和友人入來一探究竟。甫一坐下，便先送上一碗紅棗雪耳糖水，可以用作解辣。服務員提我們可以先點湯底，讓湯底可以先滾一陣，到時更入味，於是便好快點了大骨滋補鴛鴦鍋 + 普通辣麻辣鍋，大骨滋補湯底真係有條大骨、紅蘿蔔、粟米，麻辣鍋有不少辣椒麻籽粒。最鐘意呢間餐廳可以點半份食材，所以除了飲品，我們都點了半份，適合兩個人可以試多一些不同火鍋料。而且餐牌寫上要放在湯底多少分鐘，不用擔心會淥得過熟，影響口感。最愛桂花蚌:略略一灼就可以，入口鮮味，十分爽口~凍豆腐半份:豆腐中間成蜂巢狀，可以吸收湯汁~大刀牛肝半份:先撈上生蛋，質感滑身，不會韌，可以點乾碟辣椒粉。田園菜籃:新鮮爽口，好適合放下大骨滋補湯中。紐西蘭精品羊肉卷:輕輕一滾就熟，入口柔軟又不羶，不錯﹗衝上雲霄百香果雞尾酒$38:酒味不會很濃，可以用作解辣，百香果味道清新。鮮鵝腸:要小心不能淥得過耐，不然就會就會縮水。曉宇苕粉:比較難夾起，淥熟完後成透明狀，口感些微煙韌。重慶炸酥肉可以即食，但浸一兩秒湯底別有滋味。服務員會主動幫忙加湯底，十分貼心，而且食材新鮮，不愧是曾上過舌尖上的中國的火鍋店。…查看更多